LIBRO II
Salmo 42—72
Actemaclha siyayo Visqui ingac
1 Inquilipvocmec evalhoc sitamsama lhip o Dios.
Malha popyit ayajem acnim apquitamsama yingmin.
2 Avanjec aclhanma evalhoc Visqui ingac aptomja apyimnatescama ingnenyaoc.
¿Co sat acvam ovoclhac apnaclha Visqui ingac?
3 Avanjec mataa sicvinama, am omajayac otoc acnim anco najan alhtaa.
Ayinyema siclingay mataa amyaa:
—¿Jalhco apna Dios lhip apmasma? — apquiltomjac mataa seyanya.
4 Naysicsa mepqui sictamilquisquiyam evalhoc inyasingveclhoc evalhoc actemaclha nano.
Actemaclha ninlhingam ninlhamoclhojo sicnalayclha Dios tingma pac.
Actemaclha acyivey ningitsovascama najan actemaclha ningayo Visqui ingac.
Fiesta acvanyam alhta intomjac.
5 ¿So actema acmayovsa mataa evalhoc coo?
¿So actema aliclhanveycam mataa evalhoc?
Pac olinlhanmojoc sat, otnejic sat siyayo Dios aptomja Visqui ajac najan sevomquiscama tap.
6 Ayovsec mataa evalhoc coo, inyitnam ajatic lhip sictiyascam alhta vatsam Jordán,
sictiyascam inquilhe Hermón najan Mizar.
7 Inlingalhquic actemaclha alvata congnoc anco.
Ayilhtingyovam actiyapmaclha yingmin.
Epalingvoctac actiyapmaclha yingmin, lhip alhta apcapajascama.
8 Eyasicjavoc coo acnim anco Visqui ajac.
Acminaycmasquic coo mataa alhtaa.
Almalhnaquic coo mataa Visqui ingac aptomja apyimnatescama enquenyic.
9 Actomjac coo siyanya Visqui semasma:
—¿Soctomja selvoncacmo nac lhip?
¿Soctomja acyitnocjavo nac evalhoc?
¿Soctomja acyajapo nac evalhoc ayinyema cotnaja ingmoc? — alhta actomjac coo.
10 Malha acmasca evalhoc intomjac siclingaycamco selvennéycam cotnaja ingmoc.
Apquiltomjac mataa seyanya:
—¿Jalhco apna Dios lhip apmasma? — apquiltomjac mataa.
11 ¿So actema acmayovsa mataa evalhoc coo?
¿So actema aliclhangveycam mataa evalhoc?
Pac olinlhanmojoc sat, otnejic siyayo Dios, aptomja Visqui ajac najan sevomquiscama tap.
LIBRO 2
Dios nélhaxanma
1 Dios ahagkok,
temék ko'óxa
sétamso exchep ma'a
ektémól'a xenaq hem eyaqhe
étamsól'a wátsam.
2 Awanhek ko'o
étamso ewáxok Dios,
Dios memassegwayam nak.
¿Yaqsa sa' kexa ekhem
awakxak aphakxa Dios
yaqwayam alpeykesho'?
3 Yókxoho ekhem
ko'o sélekxagweykha
tén han yókxoho axta'a,
yókxoho ekhem kélteme
sélmaxneyeykha s'e:
“¿Háxko aphakxa Dios apagkok?”
4 Xénwákxók agkok chá'a
ko'o ewáxok xa aqsok nak,
mamágwakxeyk chá'a
kalekxagwaha ewáxok.
Kaxénwakxohok chá'a ewáxok
sélyetlama chá'a énxet'ák,
seknaqleykekxo axta chá'a Dios
tegma appagkanamap apagkok,
yetlo nélwehéseykha
élpayheykekxa egwáxok,
tén han negmésso
ekxeyenma egwáxok Dios.
¡Awanhek axta chá'a katnehek
élpayheykekxa egwáxok!
5 ¿Yaqsa katnehek ko'o
kayaqhapwomhok ewáxok?
¿Yaqsa katnehek ko'o
katneykha ewáxok?
Élhaxanmeyk eyke aqsa m'a Dios,
cham'a peya nak ko'o
alenxanmohok sélpeykessamo.
¡Cha'a apteme
ko'o Dios ahagkok ma'a,
tén han Sewagkasso teyp!
6 Awanhók agko' ko'o
ekyaqhapweykmoho ewáxok.
Cháxa keñamak ekxéna agko'
nak ko'o ewáxok xép,
cham'a yókxexma wátsam Jordán,
tén han egkexe élekhahéyak
nak Hermón, tén han Misar.
7 Anleghok ekpáwà
awáxok ekyennaqte
élpexyaweykenta yegmen
ényé m'a xapop
ekweyweykenta apagkok nak;
eyapmeyk ko'o m'a yegmen ényé
ekyennaqte apcháphasso nak xép.
8 Ekhem chá'a ko'o
heyásekhohok Wesse' egegkok,
keñe chá'a axta'a
malwátessemek sekmeneykmasso,
tén han sélmaxnagko m'a Dios
apteme nak sénnaqtésso.
9 Atnehek chá'a wának Dios,
apteme nak semasma:
“¿Yaqsa ektéma
megkaxeyenma nak
apwáxok ko'o?
¿Yaqsa katnehek ko'o
kayaqhapmakha ewáxok,
eñama setwáseykegkoho
m'a sélenmexma nak?”
10 Weykmok élmásse exchakkok,
eñama sexéneykha ekmaso
m'a sélenmexma nak,
yókxoho ekhem kélteme
sélmaxneyeykha s'e:
¿Háxko aphakxa Dios apagkok?
11 ¿Yaqsa katnehek ko'o
kayaqhapwomhok ewáxok?
¿Yaqsa katnehek ko'o
katneykha ewáxok?
Élhaxanmeyk eyke aqsa m'a Dios,
cham'a peya nak ko'o
alenxanmohok sélpeykessamo.
¡Cha'a apteme
ko'o Dios ahagkok ma'a,
tén han Sewagkasso teyp!
