Apmascoscama mongilyascalhma
1 Apquilinyejemoc anco enlhit apcasicjayclho mocjam Visqui ingac, aptomja apmascoscama mongyascalhma.
2 Apquilinyejemoc anco enlhit mepqui apsilhnanomap apanco, ayinyema Visqui ingac apyinyovquiscama.
Aptomja colhanma apvalhoc actemaclha apyinimquiscama.
3 Am alhta inyicje oltamjoc olhenic sictemaclha ajanco.
Inyiplovcoc alhta acmasca eyimpejic.
Inpametam alhta evalhoc, malha alpalhamaycam intomjac.
4 Aclingamcoc alhta acyimtalhnama acnim anco najan alhtaa.
Malha semaycaoc apmic alhta intomjac.
Sicyamay alhta coo, malha acnim seyajem alhta intomjac.
5 Aclhenquic alhta sictemaclha moyascalhma.
Am alhta omyavac sicsilhnanomalhca ajanco.
Inlhenquic alhta evalhoc:
—Pac olhenic napato Dios actemaclha sicsilhnanomalhca ajanco — alhta intomjac evalhoc.
Yejemoc alhta apmascosa lhip sictemaclha moyascalhma coo.
6 Incaymalhquic ongilmalhnam mataa nalhit acnim ningiltomja lhip singilyacyescama.
Mongilacyejec sat ninlingaycamco acyimtalhnama, actomja malha ningvayveycaoc yingmin acyeniyam.
7 Lhip aptomja setamilquiscama naysicsa ayay evalhoc.
Actimec coo siyayo lhip naysicsa acpayjayclha evalhoc ayinyema sevomquiscama tap.
8 Intomjac alhta Dios appayvam:
—Pac oyascasingvomoc lhip actemaclha amay yoyam eyiplovcasojoc lhip.
Olanojoc sat mataa lhip naysicsa sicyascasingvoyam— alhta aptomjac Visqui.
9 Noellhojo nasa aptemaclha nolhing najan actemaclha yeyjaycoc coltamay.
Innec mataa altamesa ningatquiscama atong najan nintetem tama.
Jingilyiplaclhac sat.
10 Avanjec mataa aplingaycamco acyimtalhnama enlhit meyascalhma.
Colhic sat mataa ayasicjavo aptomja apcayo Dios.
11 Quellhip apquiltomja apquilpeyvomo:
—Colpayjiclha apquilvalhoc, elitsovacsojo.
Eltime sat apquilayo Visqui ingac naysicsa actamilaycam apquilvalhoc.
Dios néltennáseykekxoho aqsok magaqhémo
1 Apkeleñémo énxet
megkólyaqmagkáseykekxa
nak apsexnánémap,
tén han mey'assáxma.
2 Apkeleñémo énxet
meyke nak ekxéneykha
apwáxok ekmaso,
mexéncháseykekxoho
nak Wesse' egegkok
xama enxoho m'a
aqsok megyaqhémo.
3 Kaxtemék axta
maltennáseykekxoho
Dios may'assáxma,
kataqmelchesagkohok
axta aqsa eymhowak,
eñama sélekxagweykha
yókxoho ekhem,
4 hakte yókxoho ekhem
xép señassáseykegkoho
tén han yókxoho axta'a.
Máxa pánaqte exnók
mayáhat ekyamassól'a
entemék sekyókxa
ekyelqamáxko.
5 Éltennássek axta eyke
ko'o exchep may'assáxma
meyke seyáyam xama enxoho,
tén han sektémakxa ekmaso;
xénchek axta ko'o ewáxok
altennaksek may'assáxma,
keñe axta exchep, Wesse',
meyaqmagkásekxo.
6 Cháxa keñamak
peya nak chá'a
ewónmakha exchep
ekwa'a enxoho chá'a
ekmaso apheykha m'a
melyenyaweykha nak
chá'a exchep,
katyapok sa' eykhe
m'a yegmen
ekmattawóneg nak,
megkammók sa' eyke
m'a apheykegkaxa nak.
7 Xép apteme
sekyexanmomakxa,
heyeksek chá'a m'a
aqsok ekmaso,
kalmeneykmasaxchek
chá'a neyáwa sekhakxa',
eñama sewagkasso teyp.
8 Aptáhak Wesse' egegkok se'e:
“Éláneykha chá'a
ko'o exchep.
Alxekmósek sa',
apaqhetchesha sa',
axekmósek sa' ámay
eyeyméxko nak étlók.
9 Ná etne aqsa
ektémakxal'a élyeheykok,
tén han yátnáxeg,
megkay'áseyak la'a,
negatchessesso átog aqsa
egwanchek agmagkok ma'a,
tén han ma'a
nétchessessól'a apqátek,
mépetchegwomók han
xép méko enxoho xa.”
10 Xámok sa' katnehek
apkellegeykegkoho m'a
élmasagcha'a nak
apkeltémakxa,
kápok sa' eyke
Wesse' egegkok
apchásekhayo m'a aptáha
nak chá'a mey'ásseyam.
11 Kalpayhekxa kélwáxok
eñama Wesse' egegkok,
kéxegke éltaqmalma
nak kéltémakxa,
tén han ma'a meyke
nak kéltémakxa,
¡kalpayhekxa kélwáxok,
kólwónchesha kólátsaha!
