Actemaclha ningayo Dios
1 Innec ayaco Visqui ingac.
Actimec coo siyayo ayinyema evalhoc coo.
2 Actimec coo siyayo Visqui aclhamoclhojo acnim.
Omnaycmacsic sat actemaclha siyayo Dios acvocmo acnim siyitsepma.
3 Noeltime nasa apquilyilhanmeycam enlhit apquilyimtalhnamo.
Apquiltomja enlhit apanco comopvan jingilvomsic tap.
4 Colantalhniclhac sat apquilinamam, eltimiclhac sat lhopactic.
Comasquingvomoc sat actemaclha allhanma apquilvalhoc yoyam ellanac asoc.
5 Ningilinyejemoc anco nincoo ningiltomja simpasmom Dios, Visqui pac Jacob.
Ningiltomja ningyilhanmeycam Dios Visqui ingac.
6 Aptomja apquillanay netin najan nalhpop najan yingmin acvanyam,
najan aclhamoclhojo asoc acnaycaoc maa.
Aptomja meyeycajascama aplhenaclha.
7 Aptomja appeyvescasquiclha amyaa naysicsa apquillingaycamco acyimtalhnama.
Aptomja apquilmescama aptoycaoc mayic'ataoc.
Visqui ingac aptomja apquilyamyayclha apquilmomap.
8 Aptomja apnesayclha apataoc enlhit mepqui apataoc.
Aptomja aptamilquisquiyam enlhit apsilhnanomap apanco.
Aptomja apquilasicjayo enlhit apquilpeyvomo.
9 Aptomja aptamilquiscama cotnaja nintemolhama.
Aptomja appasmom apquilyeyjeycam najan lhintampaa.
Aptomja apquinmelhaycam apquiltemaclha apquilmapsomcaa.
10 Quellhip tingma Sión.
Visqui ingac aptomja apcanem cotmongvoycamlha nelha.
Dios aptomja Visqui ingac cotningvoyam nelha.
Innec ayaco Visqui ingac.
Nélpeykessamo Dios
1 ¡Aleluya!
Alpeykeshok sa'
ko'o Wesse' egegkok,
ekweykmoho kañók
agko' ewáxok.
2 Alpeykeshok sa' chá'a
ko'o Wesse' egegkok
sekyennákxa nak makham;
anneykmássesek sa'
ko'o negmeneykmasso
Dios ahagkok,
sekhakxa nak makham.
3 Nágkólawho chá'a
énxet ekyawe nak kéláyo,
cham'a énxet
apkeletsapmo nak chá'a,
megkamopwána nak
hegwagkasek teyp,
4 hakte apkeletsekkek
agkok ma'a xapop
chá'a etnahagkokxa',
cháxa néxa han chá'a
katnehek ma'a aqsok
apmáheyo elanagkok.
5 Apkeleñémo énxet
appasmo nak chá'a m'a
Jacob nak Dios apagkok,
apkelhaxanma nak chá'a
Wesse' Dios apagkok,
6 apkelane nak néten,
xapop, wátsam ekwányam,
tén han ekyókxoho
aqsok ekhéyak nak kañe'.
Mepeynchámekxeyk
appeywa m'a.
7 Elánekxések
chá'a apheykha m'a
kélnaqtawáseykegkoho nak,
elagkok nahan chá'a aptéyak
ma'a meyk át'ák nak.
Elántekkesek
chá'a Wesse' egegkok
ma'a apkelmomap nak;
8 elwetásekxak chá'a
exma Wesse' egegkok
ma'a meyke nak apaqta'ák;
elheyásekxak chá'a
néten Wesse' egegkok
ma'a appalleyam nak;
elásekhohok chá'a
Wesse' egegkok
ma'a énxet'ák meyke
nak apkeltémakxa;
9 eltaqmelcheshok chá'a
Wesse' egegkok ma'a
énxet'ák apkeleñama
nak mók nekha,
epasmok chá'a m'a
élyeyheykha nak,
tén han xentampe'e nak,
yetsagkasseshok eyke
chá'a ámay apagkok
ma'a élmasagcha'a
nak apkeltémakxa.
10 Oh Sión,
etnehek sa' chá'a
wesse' apwányam
meyke néxa m'a
Wesse' egegkok,
etnehek sa' chá'a
wesse' apwányam
megkatnégwayam
néxa m'a Dios agkok.
¡Aleluya!
