Gracias Visqui ingac
1 Inlhenquic evalhoc lhip Visqui ingac.
Otnejic gracias lhip.
Omnaycmacsic sat siyayo lhip napatavo apquilviscaa (apquilyitsomacpo dioses).
2 Olanojoc sat payjoc tingma apponquinomap, otnejic siyayo lhip.
Otnejic sat gracias lhip ayinyema lhip aptemaclha seyasicjayo, nasoc anco.
Acmamnave anco lhip appayvam najan lhip apvisay, am colhno moc asoc.
3 Apjalhnoc lhip silmalhnancama, siyevoycam alhta lhip.
Eyimnatasquic alhta coo najan apyimnatescama evalhoc coo.
4 Gracias lhip eltimjic sat apyovoclhojo apquilviscaa as nalhpop.
Apquillinga inlhojo lhip appayvam mepqui apyeycajascaoc.
5 Eltimjic sat apquilayo Visqui ingac naysicsa apquilminaycmascama.
Gloria apyimtalhnamo apanco Visqui ingac.
6 Apnec maa netin Visqui ingac.
Ingilano inyicje actemaclha ingvalhoc.
Ingilyicpilcoc nincoo, acyitna inlhojo ayajamalhco ingvalhoc.
7 Aclingamcoc sat ancoc acyimtalhnama coo, jemyoc sat lhip.
Jeyimnaticsojoc sat coo.
Apmopvan innac lhip jevomsic tap napatavo cotnaja ingmoc.
8 Epenacsojoc sat Visqui ingac, yoyam omyovalhcac coo.
Visqui ingac.
Lhip aptomja singasicjayo cotmongvoycamlha nelha.
Isavojo sat lhip aptamjaycam singiltimesquiscama.
Nélmaxnagko negmésso ekxeyenma egwáxok Wesse' egegkok
1 Wesse',
agkések sa' ko'o
exchep ekxeyenma
ewáxok ekweykmoho
kañók agko';
anneykmássesek sa'
negmeneykmasso
naqta'awók ma'a
aqsok kéláyókxa ekha
nak élmowancha'a.
2 Altekxók sa'
ko'o etapnák
apayhohok ma'a tegma
appagkanamap apagkok
aptaqmalma nak,
yaqwayam agkések
ekxeyenma ewáxok
eñama segásekhayo,
tén han apteme
apmámnaqsoho,
hakte apteméssessegkek
xép apwesey tén han
appeywa néten agko'
ma'a ekyókxoho aqsok.
3 Ekwóneyha axta,
eyátegmowágkek axta,
egkeyásekxeyk axta
makham mók sekyennaqte.
4 Apyókxoho
apkelwesse'e
apkelwányam sa'
elpeykeshok xép
apheykha nak keso náxop,
apkelleg'a enxoho
aqsok apmáheyo
elának xép.
5 Elpeykeshok sa'
Wesse' egegkok
eñama m'a aqsok
apkelane nak,
hakte awanhek agko'
ma'a apcheymákpoho
nak Wesse' egegkok.
6 Netnók eykhe aphakxa
m'a Wesse' egegkok,
étak eyke chá'a m'a
énxet megkeymáxkoho
nak apwáxok,
makhawók chá'a
ékpelkohok ma'a
apcheymákpoho nak.
7 Ekwet'ak agkok chá'a
ko'o ekmaso sekha,
megyohok chá'a watsapok;
apmopwána chá'a emha,
keñe hewagkasek chá'a teyp
setaqnawaya enxoho
m'a sélenmexma.
8 ¡Elának sa'
Wesse' egegkok
ekxeyenmakxa axta
apwáxok hetnéssesek!
Wesse',
megkamassegwomek
xép segásekhayo;
¡ná eyensem aqsa
mepenchesso m'a
aqsok apkelane axta!
