LIBRO I
Salmo 1—41
Actemaclha ningilinyejemo
1 Apquilinyejemoc anco enlhit aptomja aptamilcasomacpo apanco.
Aptomja mevjaneycaoc apquiltemaclha enlhit apquilmapsomcaa.
Aptomja meyiplovquiscama apquiltemaclha enlhit melyascalhma.
Aptomja mepalhaviyam apnaymacoc apquilvennéycam nintemaclha actamila.
2 Apquilinyejemoc anco enlhit acmayjayo apvalhoc Dios appayvam.
Actomja aclhanma mataa apvalhoc Dios appayvam acnim anco najan alhtaa.
3 Apnoc as enlhit actemaclha yamit mayinayclha nicja yingmin.
Inyilhnec mataa acvocmo acyilhnamaclha.
Am copalacmoc mataa ava.
Jave alhtoc mataa apquillanay asoc enlhit aptamilcasomacpo apanco.
4 Moc actemaclha mataa enlhit mepqui aptamilcasomacpo apanco.
Apquiltomja malha quilayqui ayimpeoc ayimposcay alhcajayam.
5 Colapvanquejec mataa elpeyvescasiclha naysicsa macyicpilquemo.
Colapvanquejec mataa elpasmoc Dios apmolhama enlhit melyascalhma.
6 Apyasamcoc Visqui ingac apquiltemaclha enlhit apquilpeyvomo.
Comascoc sat apquiltemaclha apancaoc enlhit apquilmapsomcaa.
LIBRO 1
Ekmámnaqsoho ekpayheykekxa egwáxok
1 Apkeleñémo énxet
melyeheykekxa nak
apkeltémókxa etnehek ma'a
énxet'ák élmasagcha'a nak
apkeltémakxa,
tén han métleykekxa nak
apkeltémakxa m'a
énxet'ák melya'assáxma nak,
tén han mewháneykekxoho
nak ma'a énxet'ák
apwanyeykha nak chá'a Dios,
2 wánxa aqsa etnehek
apchásekhayo m'a
Wesse' egegkok nak
segánamakxa apagkok.
Kaxénmakha han chá'a
apwáxok axta'a,
tén han ekyókxoho ekhem.
3 Cháxa énxet nak,
aphawók ma'a yámet
kélcheneykekxal'a
neyáwa wátsam,
ekyexnamól'a kammok
ekhem agkok ekyexnamakxa,
cham'a megkalyamayél'a chá'a áwa'.
¡Tásek chá'a katnehek
ekteyapma m'a ekyókxoho
aqsok apkelanakxa enxoho!
4 Megkaxnawok ma'a
énxet'ák élmasagcha'a
nak apkeltémakxa,
hakte aphawók ma'a
pa'at apák élsó
nak éxchahayam.
5 Cháxa keñamak
peya nak káhapwaták
Dios sẽlyekpelchássessamo
m'a énxet'ák élmasagcha'a
nak apkeltémakxa,
mexmakha sa' nahan ma'a
yaqwánxa nak exmakha
énxet'ák apkelpéwomo.
6 Wesse' egegkok
aptaqmelchessesso ámay
apagkok ma'a énxet'ák
apkelpéwomo nak,
keñe m'a ámay apagkok nak
énxet'ák melya'assáxma,
kalya'aksek sa' ma'a
sẽlmassésseykemxa nak.
