Aptoycaoc cuatro mil enlhitaoc
(Mt 15.32-39)1 Apquicjajamquic alhta enlhit apnaclha Jesús. Am alhta aptoycaoc ma. Apquilevam alhta apquiltamsoycaoc, apquilpamejitsa:
2 —Ayovsec silano as enlhitaoc. Natqui acnim inyicje intomjac selyiploycam mepqui aptoycaoc. 3 Alapajasquic sat ancoc eltajiclha tingma apancaoc mepqui aptoycaoc, elmasquingvoclhac sat nalhit amay. Tepec apquilinyemaclha napocja enlhit —alhta aptomjac.
4 Apquilatingmavoc alhta apquiltamsoycaoc:
—¿Jalhco sat ongvitasquemec aptoycaoc? Paj tingma as yoclhilhma actamopeycaoc.
5 Yejemoc alhta apquilmalhna Jesús:
—¿Jalhcopvam quilpasmongam apyitna quellhip? —alhta aptomjac.
Apquilatingmavoc alhta apquiltamsoycaoc:
—Siete quilpasmongam.
6 Apquilanayquic alhta elhnam enlhit nalhpop. Yejemoc alhta apquilma siete quilpasmongam, aclhena apvalhoc. Apquilyapitsamquic alhta quilpasmongam. Apquilmesamquic alhta apquiltamsoycaoc, apquilanama elmilascoc nipyesicsa enlhitaoc. 7 Yitnec alhta najan anitoc quilasma ayitcoc. Apquilmalhnescasquic alhta najan apquilanama elmilascoc nipyesicsa enlhitaoc. 8 Apquiltovcamquic alhta aplhamoclhojo. Apquilyipcanacmoc alhta aptoycaoc. Apquilansaclhec alhta quilpasmongam napocjaa apquilaymomap. Apquillanamcoc alhta siete quillhatam aynapa. 9 Apvocmec alhta cuatro mil enlhitaoc aptoycaoc. Yejemoc alhta apquilapajasa enlhitaoc. 10 Aptalhningvoclhec alhta barco. Apquiltamsoycaoc alhta apquillhalhmaa. Apmiyaclhec alhta nicja yoclhilhma acvisay Dalmanuta.
Fariseos apquililtamjoc asoc monquinatquiscama
(Mt 16.1-4Lc 12.54-56)11 Natamin alhta apquilvaa fariseos. Apquilpamejitcasquic alhta Jesús. Apquililtamjoc asoc monquinatquiscama ayinyema netin. Apquililtamjoc alhta elyipconic Jesús. 12 Inquilvonquipquic alhta apnenyic Jesús:
—¿Soctomja apquililtamjo nac as enlhitaoc elvita asoc monquinatquiscama? Actomjac coo siyanya quellhip: Naso, cotnalhquejec sat asoc monquinatquiscama napatavo as enlhitaoc —alhta aptomjac.
13 Apquilhaclhec alhta enlhitaoc aptalhningvoclho mocjam barco. Apmiyaclhec alhta moc nicja acyayengviyam.
Aplhanma Jesús apquiltemaclha fariseos
(Mt 16.5-12)14 Inquilvoncacmec alhta elsovc quilpasmongam. Lhama apanco alhta apyitna quilpasmongam barco. 15 Aptomjac alhta Jesús:
—Elavojo anco quellhip quilpasmongam apquimpascaoc fariseos najan Herodes.
16 Apquilpamejitsacpec alhta apquiltamsoycaoc:
—Paj nac quilpasmongam ninsoycam —alhta apquiltomjac.
17 Lhama alhta aplinga Jesús aptomja apquilanya:
—¿Soctomja allhena nac apquilvalhoc mepqui quilpasmongam? ¿Am ya elyasamcoc mocjam? ¿Apquilquinatcasqui ya mocjam? ¿Colleyja ya mocjam apquilvalhoc quellhip? —alhta aptomjac. 18 Apataoc innac quellhip, ¿soctomja melvita nac? Apaycaoc innac quellhip, ¿soctomja mellinga nac? ¿Ya incolyitnac apatic quellhip? 19 Lhama sicmilasca cinco quilpasmongam. Aptovcamquic alhta cinco mil enlhitaoc. Apquilansaclhec alhta quilpasmongam napocjaa apquilaymomap. ¿Jalhco alhtacvam quillhatam aynapa? —alhta aptomjac.
—Doce —alhta apquiltomjac apquiltamsoycaoc.
20 —Lhama alhta sicmilasca siete quilpasmongam. Aptovcamquic alhta cuatro mil enlhitaoc. Apquilansaclhec alhta quilpasmongam napocjaa apquilaymomap. ¿Jalhco alhtacvam quillhatam aynapa? —alhta aptomjac.
—Siete —alhta apquiltomjac apquiltamsoycaoc.
21 —¿Am ya elyasamcoc mocjam quellhip? —alhta aptomjac Jesús.
Jesús aptamilquisquiyam mepqui apataoc
22 Apquilvoclhec alhta tingma Betsaida. Yejemoc alhta apquilyantamacmo apnaclha lhama mepqui apataoc. Apcanyacpec alhta Jesús, yoyam epatningvomjo. 23 Yejemoc alhta apma apmic, apyantama alhta tap tingma. Apquiltilhnamquic alhta apyamanong enlhit apataoc. Lhama alhta appatningvocmo apquilmalhna:
—¿Am ya alyapteclho quitsic? —alhta aptomjac.
24 Apquilyajam enlhit:
—Acvita inyicje enlhitaoc apquiltiyasamcaa nac maa. Malha yamtaa intomjac silano —alhta aptomjac.
25 Yejemoc alhta appatningvocmo mocjam apataoc. Natamin appanamayclho apataoc apquilyajamcaa alhta. Inquiltamilaclhec alhta apataoc. Inquilsaclho alhta ilhma apquilyajamcaa as enlhit. 26 Apcapajasquic alhta Jesús etajiclha tingma pac.
—Nopeyvojo nasa nipyesicsa tingma —alhta aptomjac Jesús.
Lhip nac Cristo
(Mt 16.13-20Lc 9.18-21)27 Apmiyaclhec alhta Jesús najan apquiltamsoycaoc natingmaa Cesarea de Filipo. Nalhit amay alhta apquilmalhna apquiltamsoycaoc:
—¿Jalhco lhcac apquiltomja enlhitaoc sellhena coo? —alhta aptomjac.
28 Apquilatingmavoc alhta apquiltamsoycaoc:
—Juan, yapasquiscama yingmin inyap apcanyacpoc. Poc eyca apquiltomja Elías. Poc eyca apquiltomja profeta Dios aplingascama —alhta apquiltomjac.
29 Apquilmalhna alhta apquiltamsoycaoc:
—¿Jalhco lhcac apquiltomja sellhena quellhip lha? —alhta aptomjac.
Apcatingmavoc alhta Pedro:
—Lhip nac Cristo —alhta aptomjac.
30 Apmiyovquic alhta Jesús ellhenic apvisay nipyesicsa enlhitaoc.
Jesús aplhanma amamyi, yoyam ematong
(Mt 16.21-28Lc 9.22-27)31 Natamin apquiltimnasa alhta apquiltamsoycaoc yavamlha sat cotnejic. Olngamcojoc sat acmasca sicvisay Sictiyam Sictomja Enlhit. Otanovalhcac sat nipyesicsa apquilyimtalhnamo najan nipyesicsa apquilimja apmamyi sacerdote najan apquilyascamco apquiltemaclha. Omatong sat coo. Natqui acnim sat cotnejic olhaticjangvomoc sat mocjam —alhta aptomjac. 32 Appeyvasoc alhta appayvam Jesús. Yejemoc alhta apyantama Pedro aplhapco Jesús. Apyimnatasquic alhta appayvam. 33 Appaycacpec alhta Jesús apquilano apquiltamsoycaoc. Apcasqui inyicje Pedro aptomja apcanya:
—Conyi Satanás. Am colhenac apvalhoc lhip Dios apanco asoc. Acvamlha aclhena apvalhoc enlhit apanco asoc —alhta aptomjac Jesús.
34 Apquilevam alhta apnaymacoc najan apquiltamsoycaoc, apquilpamejitsa:
—Apquiltamjoc sat ancoc jeyiplovjo enlhit, incaymalhquic yoyam mongmiyovalhcoyc inganco. Ongilpatmiclha sat inganco asoc timyescama ningyiploycam mataa. 35 Ningiltamjoc sat ancoc ongilmiyovsalhcojo inganco, ongillhinganmoc sat. Ningyinyovquic sat ancoc ningmayjayoclha ayinyema Jesús najan ayinyema tasic amyaa, ongmiyovalhcac sat. 36 Alhto inyicje ningmam ningmetsovjam asoc lhalhma anco acyanmongam ingvalhoc ingancoc. 37 ¿Soc sat coyanmong nincoo ongmiclhac ingvalhoc ingac? 38 Apmancaquic sat ancoc enlhit jelhenic coo najan sicpayvam nipyesicsa as enlhitaoc apquilvatseycaoc apquilyiplom Dios Ingyapam najan enlhit apquilmapsomcaa, omancac sat coo lha sicvisay Sictiyam Sictomja Enlhit, olhenic apvisay as enlhit sicvactamo sat. Ovotac sat naysicsa gloria apcapongmatem apanco Tata najan apquillhalhmaa sat ángeles Dios apquilasinancama apquilponquinomap —alhta aptomjac Jesús.
Jesús apkelmeyáseyak aptéyak énxet apxámokma
(Mt 15.32-39)1 Xama ekhem axta apchaqneykekxak makham énxet apxámokma, méko axta han ma'a aptéyak, apkelwóneykha axta apkeltáméséyak ma'a Jesús. Axta aptemék apkelanagkama s'e:
2 —Apyósekak ko'o sélano s'e énxet'ák nak, hakte ántánxo ekhem entáhak apheykha s'e sekhakxa nak, méko han ma'a aptéyak. 3 Éláphássek agkok aqsa ko'o apxanák yetlo metéyak aptéyak, kaláhapwakxak náxet ámay, hakte tayépek chá'a apkeleñamakxa nápakha'.
4 Axta aptemék apkelátegmoweykegkokxo apkeltáméséyak se'e:
—¿Háxko katnehek ólagkok aptéyak, yókxexma ektéma nak se'e, meykexa nak xama énxet apha?
5 Tén axta Jesús aptéma apkelmaxneyeykencha'a s'e:
—¿Háxko apwánxa pan apyetna kéxegke?
—Siete —axta aptemék apkelátegmoweykegkokxo.
6 Tén axta apkeltémo exmakha náxop ma'a énxet'ák, apkelmomchek axta m'a siete pan nak, apméssegkek axta ekxeyenma apwáxok Dios, apkelyeptégkek axta, tén axta apkelmeyáseykegko m'a apkeltáméséyak, yaqwayam enxoho emlaskok ma'a nepyeseksa énxet'ák, aptamheykegkek axta nahan xa ektáha nak. 7 Yetnegkek axta han ántawók kelasma étkók; apméssegkek axta han ekxeyenma apwáxok Dios Jesús xa kelasma étkók nak, apkeltémók axta han kamlassaxche'. 8 Apyókxoho axta nahan apteykegkok ekweykmoho apkelyaqkáneykmo, apkelmeykekxeyk axta han nápakha'a apketkók apkeleymomap apxatmeykekxo siete hówenaq apxagkok. 9 Ketók axta nahan cuatro mil apyókxoho m'a ektáha axta aptéyak. Tén axta apkeláphassama m'a Jesús, 10 apchánteykekxeyk axta yántakpayhe yetlo apkeltáméséyak tén axta apkelmeyeykekxo m'a yókxexma Dalmanuta.
Fariseos apkeltémo elwetak aqsok sempelakkasso agweta'
(Mt 16.1-4Lc 12.54-56)11 Apkelwayak axta fariseos aphakxa Jesús, yetlómok axta nahan élyenneykha apkelpeywa apkeláneya. Apkeltémók axta nahan elanaksek aqsok sempelakkasso nak agweta' apmáheyo épkónek, cham'a ekxekmósso enxoho aptáha naqsók eñama apcháphasso m'a Dios. 12 Aptekkessamók axta apkennama Jesús aptéma s'e:
—¿Yaqsa ektáha apkeltamho nak elwetak aqsok sempelakkasso agwetak se'e énxet'ák nak? Naqsók ko'o sekxéna peya megkólxekmósek xama aqsok magkenatchesso agwetak xa énxet'ák nak.
13 Tén axta apkexakhama aqsa apkenátweykekxo makham yántakpayhe apmeyeykekxo m'a neyp wátsam ekpayhegwayam.
Fariseos kempáseyak apagkok
(Mt 16.5-12)14 Kelwagqámeykegkek axta nahan melsama aqsok yaqwayam etawagkok, xama apagko' pan axta aqsa nahan apyetnak ma'a kañe' yántakpayhe. 15 Axta aptemék apkelanagkama Jesús apchéssama s'e:
—Kóllano, kóláwho sa' fariseos kempáseyak apagkok, tén han ma'a Herodes.
16 Apkeltennáseykha axta nahan chá'a pók Jesús apkeltáméséyak apkelxeyenma méko pan.
17 Apyekpelchegkek axta nahan Jesús aptémakxa apkelpeywa, tén axta aptéma apkelanagkama s'e:
—¿Yaqsa ektáha kélxéna nak méko pan? ¿Yagkólya'ásegweykmok makham? ¿Yagkólyekpelchágweykmok makham? ¿Chápomáxcheya makham ma'a kélya'áseykegkaxa nak aqsok? 18 Yetneyk eykhe kéxegke kélaqta'ák, keñe megkólweteya, yetneyk eykhe nahan kélheyk'ák, keñe megkóllegaya. ¿Yagkaxeyenmak kélwáxok? 19 ¿Háxko axta ekwánxa élláneykegkoho hówenaq apxagkok nápakha'a apketkók kélmeykekxa kéxegke, cham'a sekmelásektama axta ko'o cinco pan nepyeseksa m'a cinco mil énxet'ák?
Axta aptemék apkelátegmoweykegkokxo s'e:
—Doce axta.
20 —Keñe sekmelásektama axta siete pan nepyeseksa m'a cuatro mil énxet'ák, ¿háxko axta ekwánxa hówenaq apxagkok élláneykegkoho m'a kélmeykekxa axta kéxegke?
Axta aptemék apkelátegmoweykegkokxo s'e:
—Siete axta.
21 Tén axta aptéma apkelanagkama s'e:
—¿Yagkólya'ásegkok makham?
Jesús apwetáseykekxa exma xama énxet meyke apaqta'ák ma'a Betsaida
22 Tén axta apkelweykmo m'a Betsaida, kélyentegkessegkek axta han Jesús xama énxet meyke apaqta'ák, kéltémók axta nahan epaknegwomho'. 23 Apmomchek axta apmek Jesús ma'a énxet meyke apaqta'ák nak, tén axta aptekkessama yókxexma apya'assama teyp tegma apwányam. Apyamánog axta aptemék apkeltexnassáseykegko m'a apaqta'ák, apnegkenmeyk axta apmék takhapxet, tén axta apkelmaxneyeykencha'a apwet'ak kexaha xama aqsok. 24 Apkelyaheykha axta m'a énxet meyke apaqta'ák, tén axta aptéma s'e:
—Ekwet'ak ko'o énxet'ák. Máxa eyke aptamhágkok sélanawo m'a yenta'a élxegál'a.
25 Apkelyaqhakkáseykekxeyk axta makham apaqta'ák ma'a Jesús, aptaqmelchessamók axta nahan apkelyaheykencha'a m'a énxet nak, tén axta éltaqmeleykekxo apaqta'ák. Tásek axta kaxwók apkelányo ekyókxoho aqsok. 26 Tén axta apcháphassama apxagkok ma'a Jesús, axta aptemék apkenagkama s'e:
—Ná emyekxa aqsa kaxwók ma'a nátegma.
Pedro apxeyenma Jesús apteme Mesías
(Mt 16.13-20Lc 9.18-21)27 Keñe axta natámen xa, apmeyeykekxeyk axta Jesús yetlo apkeltáméséyak ma'a nátegma, yókxexma Cesarea nak Filipo. Náxet ámay axta han aptemék Jesús apkelmaxneyeykencha'a apkeltáméséyak se'e:
—¿Háxko aptémakxa chá'a ko'o sexeyenma m'a énxet'ák?
28 Axta aptemék apkelátegmoweykegko s'e:
—Nápakha énxet chá'a apxeyenmak xép apteme Juan el Bautista, nápakha nahan chá'a apkelxeyenmak apteme Elías, nápakha nahan chá'a apkelxeyenmak xeyep apteme xama m'a Dios appeywa apkellegasso.
29 —Kéxegke nahan, ¿háxko kéltémakxa chá'a sélxeyenma ko'o? —axta aptemék apkelmaxneyeykencha'a.
Axta aptemék Pedro apchátegmoweykegko s'e:
—Xép apteme Mesías.
30 Apkeltémók axta eyke Jesús meltennaksek xama énxet enxoho m'a apkeltáméséyak.
Jesús apxeyenma yetsapok
(Mt 16.21-28Lc 9.22-27)31 Apcheynamók axta apkeltennáseykha apkeltáméséyak Jesús ekmáheyo eñegkohok apagko' ma'a aptáha nak Apketche énxet, tén han peya etaqnók ma'a apkelámha apmonye'e nak, tén han ma'a apkelámha apmonye'e nak apkelmaxnéssesso Dios énxet'ák apagkok, tén han ma'a apkelxekmósso nak apnámakkok ektémakxa segánamakxa. Apkeltennáseykha axta apmáheyo yaqhek xa énxet'ák nak, keñe ekwokmo enxoho ántánxo ekhem exátekhágwók makham. 32 Appékessessamók axta apkeltennasso xa. Tén axta Pedro apyetnakhassama apmoma apxakko' apya'assama xama nekha, appaqhetchessegkek axta meltamho chá'a etnehek appeywa xa ektáha nak. 33 Appeynchamakpok axta eyke Jesús apkenmexeykekxoho m'a apchaqneykegkaxa axta pók apkeltáméséyak, tén axta aptéma appaqhetchessama Pedro s'e:
—¡Káwho xa Satanás! Meteyk xép aqsok ektémakxa nak apwete m'a Dios, wánxa m'a ektémakxa nak apwete énxet.
34 Tén axta Jesús apkelwóneykencha'a apkeltáméséyak tén han ma'a énxet'ák. Axta aptemék apkelanagkama s'e:
—Kélmakók agkok kóltéhek kélxama kéxegke séltáméseyak, kólwátésák ma'a kélmáheyókxa kélagko' nak chá'a kóltéhek, kólpátem aqsok ektegyésso kélagkok, keñe sa' hélyetlógma. 35 Hakte kéxegke ektáhakxa enxoho kélmasma m'a ektémakxa nak kélyennaqte, kólmassegwók sa'; keñe sa' kéxegke ektáhakxa enxoho kéletsapma eñama ko'o, tén han eñama kélmà takha' m'a amya'a ektaqmela, megkóletsepek sa'. 36 ¿Kapasmoya énxet apwete nak ekyókxoho aqsok keso náxop apketsapa enxoho? 37 Essenhan ¿Háxko ekwánxa apwanchek eyánmagkasek énxet ma'a apyennaqte nak? 38 Hakte apmegqakkek agkok ko'o sélano kélxama kéxegke, tén han apmegqasa enxoho sekpeywa nápaqta'awók se'e énxet'ák apkelyenseyam nak apkelyetlo Dios, tén han melya'assáxma, emegqeyk sa' han elanok ma'a apteme nak Apketche énxet, cham'a apwa'akto sa' yetlo apcheymákpoho m'a Apyáp, tén han yetlo m'a apkelásenneykha apkelpagkanamap nak.
