Apquilinmelhaycam apquilmolhama Efraín
1 Apcaneclhec nic nat apquilmolhama Efraín. Apquilmilanquic nic nat vatsam Jordán, apquilmiyaclho tingma Zafón.
Apquiltomjac nic nat apquilanya Jefté: —Apquilimpocjac alhta quellhip nipyesicsa amonitas, mepqui singiltimnascama, yoyam ongilpasmiclha. ¿So actomja yi? Quilhvoc sat ongilvitic talha lhip tingma pac, emyetic sat lhip — nic nat apquiltomjac.
2 Apcatingmavoc nic nat Jefté: —Yitnec alhta singinmelhaycam amonitas. Ayapajasquic alhta amyaa, colhic altimnasa quellhip, yoyam jingilpasingvota. Am alhta elvoctac quellhip. 3 Aljalhnec alhta inyicje, am eyca jepasingvoctac quellhip. Am alhta omyovalhcoyc ajanco najan enaymacoc. Ningilimpocjac alhta amonitas. Dios Visqui ingac ayinyema alhta sicyimnatem. ¿So actomja yi apquilvactamo selinmelhamcaa quilhvo? — nic nat aptomjac.
4 Apcansaclhec nic nat Jefté apyovoclhojo tingma Galaad. Apquilimpocjac nic nat nipyesicsa apquilmolhama, apquilnapquic nic nat maa. Apquillhenacpec nic nat mataa co Galaad apquileyvam nicja yoclhilhma Efraín najan nicja yoclhilhma Manasés, apquiltomja apquilvatseycaoc. 5 Naysicsa apquilimpocjay co Galaad apquilmam mamay netin vatsam Jordán. Apvitacpec nic nat mataa enlhit apquilhyam, aptomja apcanyacpo: Naso ya lhquip apquilmolhama Efraín — nic nat apquiltomjac. —Paj — nic nat aptomjac apcatingmavo. 6 Itne sat lhip Shibolet— nic nat apquiltomjac. Aptomjac nic nat apvajanamco enlhit: Sibolet — nic nat aptomjac. Am nic nat copvanac evjanamcoc acpeyvomo. Quilhvoc nic nat apmacpo. Apmatnec nic nat maa nicja vatsam. Apticyovquic nic nat actema nac jay malha cuarenta y dos mil apquilmolhama Efraín.
7 Apvisqui nic nat maa Jefté nipyesicsa israelitas acvaycmo seis años. Apquitsepmec nic nat Jefté. Apcatoynacpec nic nat tingma pac Galaad.
Tres enlhit mayayo
8 Niptamin nic nat Jefté aptimesacpo nipyesicsa israelitas enlhit mayayo apvisay Ibzán, tingma pac Belén. 9 Apnam nic nat treinta apquitquic apquilinava najan treinta apquitquic quilvanaa. Apquilyimjapcasquic nic nat apquitquic metnaja apquiltemolhama. Aptimec nic nat apvisqui nipyesicsa Israel acvaycmo siete años. 10 Apquitsepmec nic nat Ibzán, apcatoynacpec nic nat tingma pac Belén.
11 Niptamin nic nat maa aptimesacpo nipyesicsa israelitas enlhit mayayo apvisay Elón, apquilmolhama ilhnic nat Zabulón. Aptimec nic nat apvisqui acvaycmo diez años. 12 Apquitsepmec nic nat Elón. Apcatoynacpec nic nat tingma pac Ajalón apquileyvomaclha apquilmolhama.
13 Niptamin nic nat maa aptimesacpo nipyesicsa israelitas enlhit mayayo apvisay Abdón, Hilel apquitca, tingma pac Piratón. Aptimec nic nat apvisqui nipyesicsa israelitas 14 acvaycmo ocho años. Apnam nic nat cuarenta apquitquic najan treinta aptovana. Inyancac nic nat aptoscama yamelyeyjaycoc moclhama apquilmolhama. 15 Apquitsepmec nic nat Abdón. Apcatoynacpec nic nat tingma Piratón, apquileyvomaclha apquilmolhama Efraín, payjoc inquilhe alvinatem alvisay Amalec.
Jefté tén han Efraín énxet'ák apagkok
1 Apchaqnákxeyk axta Efraín énxet'ák apagkok, keñe apkeltámeyákxo m'a Jordán apkelmahágko yókxexma nak Safón, tén axta ektáha amya'a apcháneyákpo Jefté s'e:
—¿Yaqsa axta ektáha mehẽltennássekxo apketámegko amonitas yaqwayam enxoho agyetlók? ¡Agwatneyásekxak sa' kaxwo' xép apxagkok, yetlo apha exchep ma'a kañe'!
2 Apchátegmowágkek axta Jefté:
—Nélenmexáxchekxeyk axta negko'o m'a amonitas, ko'o tén han ma'a énxet'ák ahagkok, éláneyeykha axta eykhe ko'o kéxegke, keñe mehelpásegweykto. 3 Xama axta sekwet'a kéxegke mehelya'aweykto yaqwayam hélpásegwata', keñe magweygwákxo sekmahágko eyesagkexa', étámegkek axta m'a amonitas, emallahanchessek axta han Wesse' egegkok. ¿Yaqsa ektáha kélxegakmo nak yaqwayam hélnapaxchek ko'o?
4 Tén axta Jefté apchánchesákxo apyókxoho énxet'ák Galaad, apkelnápekpek axta m'a Efraín énxet'ák apagkok, apmenxenchek axta han. Elxénmakha axta chá'a Efraín énxet'ák apagkok apheykha nak Galaad, apkelánteyapma m'a Efraín, cham'a apheykencha'a axta m'a teyp nak Efraín halep nak Manasés. 5 Apkelyementamomchek axta énxet'ák Galaad, Efraín ma'a apkelmalláneykekxexa axta chá'a Jordán, apwákxeyk axta agkok chá'a xama Efraín énxet'ák apagkok yenyehek ma'a, keñe elmaxneyha chá'a yaqwayam eyeykha', kólmaxneyha axta chá'a, axta katnehek chá'a amya'a yánékpok se'e: háweya exchep Efraín énxet'ák apagkok, keñe aptáha enxoho chá'a háwe', 6 kólának axta chá'a etnehek epaqmétek se'e: “Shibolet”. Aptemék axta agkok chá'a “Sibolet”, hakte mopwanchek etnehek exének xa ektáha nak, emakpok axta chá'a, keñe emátog, cham'a nekha nak chá'a apkelyeykheykekxexa énxet'ák ma'a Jordán. Cháxa ekhem nak aptekyawakxa axta cuarenta y dos mil Efraín énxet'ák apagkok.
7 Seis apyeyam axta apteme apkemha apmonye' apagkok israelitas ma'a Jefté. Xama axta apketsapma, kélátawanyegkek axta m'a Galaad, apchókxa axta.
Pók apqántánxo apkelámha apmonye'e Israel
8 Ibsán axta aptemék apkemha apmonye' apagkok israelitas neptámen ma'a Jefté, apkeñama axta m'a Belén, 9 treinta axta apyókxoho apketchek apkelennay'a, treinta han ma'a kelwán'ák, ekyókxoho axta apkelyamhakkáseykegkok apkelméssama m'a énxet'ák apkeleñama nak mók nekha. Siete apyeyam axta apteme apkemha apmonye' apagkok Israel ma'a Ibsán, 10 keñe axta apketsapma, kélátawanyegkek axta m'a Belén.
11 Elón axta han aptemék apkemha apmonye' apagkok israelitas neptámen ma'a, apkeñama nak nepyeseksa Zabulón énxet'ák apagkok, ekweykmoho diez apyeyam, 12 keñe axta apketsapma, kélátawanyegkek axta m'a Aialón, xapop apagkok axta m'a énxet'ák apagkok.
13 Keñe axta han neptámen ma'a aptéma han apkemha apmonye' apagkok israelitas ma'a Abdón, Hilel axta apketche, apkeñama nak ma'a Piratón, 14 ekweykmoho ocho apyeyam. Cuarenta axta apyókxoho apketchek ma'a Abdón, keñe treinta aptawán'ák, xama xama axta chá'a apkelchánte m'a yámelyeheykok. 15 Keñe axta apketsapma, kélátawanyegkek axta m'a Piratón, ekyetnama axta m'a Efraín énxet'ák xapop apagkok, egkexe élekhahéyak nak Amalec.
