Apcanama Dios
1 Quellhip acnim ataoc (acnim ayajem). Noc, ongilyoclhojo acyitnamaclha yingmin. Quellhip mepqui solyayem, ellhingma, elma aptoycaoc mepqui acyanmongam yoyam eltovamcoc. Noc elma sat uva ayingmenic najan leche mepqui acyanmongam.
2 ¿Soctomja apquilha solyayem acyanmongam asoc cotnaja nintom? ¿Najan acyanmongam apquiltamjaycam elmoc asoc cotnaja nintom? Quip elaylhojo sicpayvam. Elvitac sat quellhip asoc actamila yoyam eltovamcoc. Colpayjiclhac sat apquilvalhoc, malha ningvitay asoc acmilay.
3 Appaycaoc innac quellhip. Jelyota, elaylhojo sicpayvam yoyam coytic acyimnatem apnenyaoc. Ongillanac sat asoc monquinatquiscama sicmayjayoclha cotmongvoycamlha nelha. Opalhaquiscaclhac sat quellhip David apmolhama niptamin.
4 Actimescasquic alhta David yoyam etnejic aplingascama sicvisay nipyesicsa enlhitaoc. Yoyam etnejic apvisqui najan apyimtalhnamo nipyesicsa enlhitaoc lhalhma anco.
5 Elevam sat enlhitaoc quellhip melvitayaclha. Elvac sat metnaja apnaymacoc melvitaya mocjam quellhip. Eycaso ayinyema coo sicvisay Dios sictomja sicyimtalhnamo nipyesicsa enlhitaoc Israel. Innec alaco quellhip ayinyema coo sicvisay Dios — alhta aptomjac.
6 Aptomjac alhta profeta apquilanya: —Eltingya sat Dios quilhvo nac jay naysicsa apma. Elevam sat quilhvo nac jay naysicsa apma ningato.
7 Elvatsaoc sat apquiltemaclha apancaoc quellhip apquilmapsomcaa. Elvatsaoc sat allheneycam apquilvalhoc almasomcaa. Elyanmonquis sat apquilvalhoc, ingyasicjiclhojoc sat Dios. Collhen sat apquilvalhoc Dios Visqui ingac. Quilhvoc sat emascocsic melyascalhma — alhta aptomjac profeta.
8 Eycaso sicpayvam Dios: —Moc actemaclha aclheneycam evalhoc coo, am colhno aclheneycam apquilvalhoc quellhip. Moc actemaclha sicyiplovquiscama evalhoc, am colhno apquilyiplovquiscama quellhip.
9 Netin anco sicmaclha coo, coning eyca apquileyvomaclha quellhip. Netin anco actomja aclheneycam evalhoc, coning eyca allheneycam apquilvalhoc quellhip.
10 Netin ayinyema yingmin najan yingmin alyayem. Covanquejec cotajojoc mataa netin. Inyescasquic mataa lhopactic. Intipcasquic mataa ninganma. Inquictincasquic mataa yoyam ongvita acyilhna. Apvitac mataa acyilhna aptomja apquinayclha, aptovquic mataa.
11 Acno actemaclha sicpayvam. Jave alhtoc actajingvoyam sicpayvam. Intimescasquic mataa yoyam colhic acyiplovsa sicmayjayoclha yoyam colhic alyajaclho sicpayvam siyapajascama.
12 Elyacsic sat maa quellhip acyiplomo acpayjayclha apquilvalhoc. Elvotac sat mocjam acyiplomo actamilaycam apquilvalhoc. Cotnejic sat malha alitsovascama inquilhe alvinatem najan acvayveyquinta lhopactic. Malha alitsovascama sat cotnejic yamtaa.
13 Mongvityejec sat yamit acma amaoc. Cotnamoc sat yamit acvinatem ciprés. Mongvityejec sat yammeyac, cotnamoc sat yamit arrayán. Cotnejic sat asoc monquinatquiscama, comasquingvomejec sat cotmongvoycamlha nelha.
Wesse' egegkok apkeltennasso nélwagkásamáxche teyp apyókxoho énxet
1 “Kólchexyem kélyókxoho
hem élnapma nak,
kólyahagwata yegmen;
meyke nak selyaqye kélagkok
kólchexyem,
kóltegyágwata hótáhap apaktek
meyke ekyánmaga,
tén sa' kóltawagkok;
kóltegyágwata vino
meyke kélyánmagkasso ketse' enxoho
tén han weyke nagkeygmenek.
2 ¿Yaqsa ektéma
kélyánmagkassama nak chá'a
selyaqye m'a
megkatnaha nak chá'a kélto?
¿Yaqsa ektéma
kélméssama nak chá'a kélxawe
ekyánmaga kéltamheykha m'a aqsok
mehegyaqkánegkesso nak chá'a?
Kóltaqmelchesho kélháxenmo sekpeywa
keñe sa' kóltawagkok ma'a nento
éltaqmalma nak,
kóltawagkok sa' ma'a aqsok élmátsa nak.
3 Hélyo'óta ko'o,
kóleyxwatámho sekpeywa,
kóleyxho sektáhakxa
keñe sa' megkóletsepek chá'a.
Alának sa' ko'o ekhémo mók
sélpaqhetchásamáxkoho kéxegke
meyke néxa,
yaqwayam sa' alának ma'a
séltennassama axta alának ma'a David
eñama seyásekhayo.
4 Ekteméssessegkek axta ko'o
apkemha apmonye' tén han
apkelxekmowáséyak chá'a énxet'ák ma'a,
yaqwayam enxoho kañék chá'a
ekwetamaxche m'a sekmowána.
5 Elwónmakha sa' xép ma'a
énxet'ák melya'ásegko nak;
enaqtémegmak sa' elya'áwak xép ma'a
énxet'ák melweteya nak,
hakte ekteméssessegkek ko'o exchep
ekha kéláyo
ko'o sektáha nak Wesse' apagkok,
Dios Aptaqmalma nak ma'a Israel.
6 “Kólchetam Wesse' egegkok
kélewagkexa nak makham kólwetekxa',
kólwónmakha apha nak makham keto'.
7 Tásek eyenyekxak
apkeltémakxa nak chá'a m'a énxet'ák
élmasagcha'a nak apkeltémakxa,
tásek elwátésagkok
ektémakxa nak chá'a élchetámeykha
apkelwáxok ma'a énxet'ák
ekyentaxno nak chá'a apkeltémakxa;
kólyo'ókxa Wesse' egegkok,
kélyósekak sa' elanok kéxegke m'a;
kólyo'ókxa m'a Dios egagkok,
apmopmenyého nak chá'a hempasmok
yaqwayam hegásekhekxoho'.
8-9 Hakte megkaxnawok ko'o
ektémakxa nak élchetamso ewáxok ma'a
ektémakxa nak kéxegke
élchetamso kélwáxok,
megkaxnawok nahan sélane aqsok ma'a
ektémakxa nak kéxegke
kéllánéyak aqsok
—axta aptáhak Wesse' egegkok.
Cham'a ektémakxa nak ekyetno néten
kóneg ma'a xapop,
cháxa ektémakxa ko'o xa
élchetamso ewáxok xa
tén han aqsok sélane,
kóneg egyetnók ma'a
ektémakxa nak kéxegke
élchetamso kélwáxok
tén han ma'a aqsok kéllánéyak nak.”
10 “Cham'a ektémakxal'a ekmámeye
kaweywenták eñama m'a néten
tén han yeyám appok
megkaltaqhók makham ma'a
éleñamakxa nak,
kayássesek aqsa m'a xapop,
kataqmelchesek nahan,
kaltektekkesek nahan ma'a aqsok,
katekkesek nahan aqsok aktek
yaqwayam kólchenekxa',
tén han ma'a nento yaqwayam antók,
11 cháxa ektémakxa nahan
ko'óxa sekpeywa xa
mehey'ótek aqsa makham
meyke ektekkesso xama aqsok,
kalának sekxók ma'a
sekmámenyého nak ko'o,
katnehek nahan ma'a
séltamhókxa enxoho ko'o katnehek.
12 “Kólántépok sa' kéxegke
yetlo ekpayheykekxa kélwáxok ma'a,
kólmeyekxak sa' makham kélókxa
yetlo meyke ektáhakxa kélwáxok.
Kelwet'ak sa' agkok ma'a
meteymog élekhahéyak nak
tén han ma'a egkexe nak,
megkaleysagkók sa' kalmeneykmaksek
kalpayhekxak awáxok,
kaltekpagmakha sa' amék
ekyókxoho m'a yenta'a élyawe
élaqnéyak nak yókxexma.
13 Yámet pinos sa' katyapok
keñe sa' megkatyepek ma'a
yámet ekha nak am'ák,
yámet élmope exnók arrayán sa' katyapok
keñe sa' yátape' metyepe';
sa' katnéssesek eyeymáxkoho
apwesey Wesse' egegkok xa;
katnehek sa' xama aqsok
magkenatchesso meyke néxa,
megkólmowána kólmasséssók.”
