Apquiltemaclha apancaoc co Jerusalén
1 Amyaa payjoc alvata acvisay Acvitay Ningvanmoncama: Quellhip co Jerusalén. ¿So actomja yi apquilquinamta nac netin tingma? — alhta intomjac.
2 Apquiltemaclha apquilitsovascama najan apquilnayvom natingma. Am eticyavac apnaymacoc naysicsa apquilimpocjay cotnaja ingmoc.
3 Apquilinyajamquic alhta apquilviscaa singilpilhtetemo nipyesicsa quellhip, apquilmacpec alhta apyovoclhojo. Apquilinyajamquic alhta enlhit apquilyimnatem, apquilmacpec alhta maa.
4 Actomjac alhta siyanya: Jelyinyov sat coo, oyapcalhic sat coo. Nojetamilquisquim evalhoc coo, ayinyema apquillingaycamco acyimtalhnama enlhit ajancaoc.
5 Dios Visqui apyimtalhnamo ayinyema actiyam ingilvalhoc, najan ningilay, najan singiltovascama, payjoc alvata acvisay Acvitay Ningvanmoncama. Innec actovasa mataymong tingma apjalhtam. Inlingalhquic apquilpalhamaycam acvaycmo netin inquilhe.
6 Apquilpenasquic yanca apancaoc cotnaja ingmoc elamitas, apquilquinamtec netin carros apancaoc najan nolhing apcapaoc. Apquilmec co Kir apquilmaycam apquilajapsomap.
7 Cotlaycaoc carros apancaoc payjoc alvata altamila. Apquilnapacpec nolhing apcapaoc payjoc tingma apatong acyivey.
8 Melmiyovacpejec sat apyovoclhojo co Judá, mepqui apquilyimnatem — alhta actomjac coo.
Apquiltingyac alhta quellhip apquilmaycam payjoc Tingma Nalhma. 9 Inquilmayjac mataymong apjalhtam Tingma David, inyangvocmec yingmin payjoc acyitnamaclha yingmin tap tingma. 10 Apquilyacyesquic alhta quellhip tingma apjapaoc natingma Jerusalén, yoyam colhic allanesquisa mataymong apjalhtam tingma. 11 Naysicsa anit apjalhtam mataymong, quellhip apquillanay alhta yamyamilquit, conyemac yingmin acyitnamaclha yingmin nano. Am alhta colhenac apquilvalhoc quellhip ayinyemayaclha as asoc, am ellhenac quellhip apvisay appenescama nano as asoc.
12 Apnec alhta as acnim Visqui apyimtalhnamo. Apquiltamjoc alhta Dios elyapcalhic najan eliclhangvomoc quellhip, elsavojoc sat apva apyitsicsaoc, najan elantalhniclha yamquintim ajac actemaclha acmayovsa apquilvalhoc.
13 Apquiltemaclha quellhip quilhvo nac jay apquilitsovascama naysicsa fiesta, apquilajac quellhip apnatoscama, aptoycaoc maa najan apyinaycaoc uva ayingmenic. Yitnec quellhip apquilpayvam: Ontovamcoc najan ongyinamcoc, onticyoc sat secaseclha — apquiltomjac mataa quellhip.
14 Aclingac alhta Visqui apyimtalhnamo appayvam, aptomja seyanya coo: Mongvasicjiclhejec sat mocjam as enlhitaoc naysicsa apquileyvam — alhta aptomjac Visqui ingac apyimtalhnamo — nic nat aptomjac profeta.
Aptemaclha yatapvisqui Sebna
15 Aptomjac alhta seyanya Visqui ingac apyimtalhnamo: Ityaningvomjo sat yatapvisqui Sebna, mayordomo apvisqui tingma pac, itne sat ingyanic:
16 ¿Co laa ayinyema aptomjaclha lhip? Lhip apquillanay tacjalhop payjoc netin inquilhe, najan apquillanay mataymong avalhoc.
17 Emacpoc sat lhip, Visqui ingac apmam, eyinyovacpoc sat mocjay, epatjetacpoc sat lhip, cascoc sat.
18 Etvasacpoc sat malha pelota, eyantamacpoc sat lhip mocjay. Ingyitsapoc sat lhip maa (ematong), comascoc sat apquilnapomap carros. Etniclhac sat lhip enlhit apmanquescama apvisqui pac.
19 Comascoc sat lhip etnejic mayordomo napato apvisqui pac — alhta aptomjac.
20 Ongvanic sat as acnim lhama selancam Eliaquim, Hilcías apquitca.
21 Etalhniclhac sat selancam lhip aptalhnama sicmescama coo, etjetic sat selancam lhip apyapmam, etnejic sat apyimtalhnamo selancam apno lhip, sicmescama coo. Etnejic sat apquilyap nipyesicsa co Jerusalén najan apyovoclhojo co Judá.
22 Elhcac sat llave tingma apatong David tingma pac. Paj lhama enlhit comopvan elcoc atong apcapayclha selancam, paj lhama enlhit comopvan ingyapiclha atong apliclama selancam.
23 Etniclhac sat netin apvisqui aptajanem apyimtalhnamo najan mayayo napatavo apquilmolhama najan napato apyap. Etnejic sat apyimnatem, acno clavo acticpamalhca yamit.
24 Elpalhavomoc sat apnaclha selancam apyovoclhojo apquilmolhama najan aptovana. Cotnejic sat malha clavo alyilhnama asoc payjem, najan ingjaycoc, najan jarros yingmin alhanaoc.
25 Cotnejic sat as acnim, contic sat clavo acticpamalhca, cotyamoc sat maa. Colintic sat aclhamoclhojo asoc, colpalhic sat maa, alyilhnama as clavo — alhta aptomjac Visqui ingac apyimtalhnamo — nic nat aptomjac profeta.
Jerusalén ekxénamaxche' yaqwánxa kólteméssesek
1 Xapop ekyapwate ekwesey nak
sẽlxekmóssamakxa aqsok
ekxénamaxche
yaqwánxa kólteméssesek:
¿Yaqsa ektáha kélchánta nak
kélyókxoho néten tegma?
2 Tegma apwányam
eksawheykekxoho nak
kañe' ekyennamáxma
tén han kélwehéseykha,
ekyepetche nak ma'a
ekneywomáxche',
háwe sókwenaqte élnapma m'a
apkeletsapma nak apheykha kañe',
háwe nahan aptekyawa m'a
neyseksa kempakhakma;
3 apkenyahágkek axta apyókxoho m'a
kelwesse'e apagkok nak,
xama axta apkelyexánegkesa m'a
apmáheyo nak elyátagkok yágke,
apkelmákpek axta.
Makhawók axta apkelmahágkok
apkenyahágko m'a énxet'ák apagkok
apkelyennaqte nak,
apkelmákpek axta
eyke nahan ma'a.
4 Cháxa keñamak
sektáha nak sekpeywa s'e:
Hélyenyow exakko',
peyk ko'o alekxagwaha;
nágkóllenxánem aqsa
hélpeykessásekxak ewáxok
eñama ekmaso ektáhakxa m'a
énxet'ák ahagkok.
5 Hakte appekkenchek axta Wesse'
ekha nak apyennaqte
yaqwayam kawak xama ekhem
negyegwakto
tén han sẽlmassésseyam
tén han magya'áseyak
nentáhakxa m'a
xóp ekyapwate
ekwesey nak
sẽlxekmóssamakxa aqsok.
Apkelyaqnegkásegkek
ma'a meteymog
kélhaxta nak nepyáwa tegma;
wokmók élpayheykha kélatña'ák ma'a
néten meteymog élekhahéyak nak.
6 Apkelánegkokxeyk yágke
apagkok ma'a énxet'ák Elam,
apkelchántákxeyk ma'a
yátnáxeg apkelyenyawasso apagkok
tén han ma'a yátnáxeg;
apkelmágkokxeyk
apkeláhakkásamap ma'a
énxet'ák Quir.
7 Sawhékxók yátnáxeg
apkelyenyawasso m'a
ekyókxoho nak xóp
élyapwate apagkok
éltaqmalma agko' nak,
keñe yátnáxeg apkelchánte
apketámegko m'a apátog nak
tegma apwányam.
8 Méko entáhak ma'a
ekmasma nak chá'a Judá.
Kélwet'ak kéxegke kélxátamakxa nak chá'a kélmeykha kélanchesso kempakhakma xa ekhem nak, cham'a apwesey nak Tegma Naxma, 9 kélwet'ak ekxámokma meteymog élmayhe m'a kañe' nak David Tegma Apwányam apagkok, kélyetmeyk nahan yegmen ma'a kélyátamakxa nak chá'a yegmen ekyetno nak kóneg; 10 kéllanawók tegma aphéyak nak ma'a Jerusalén, kélpalchessek nahan nápakha yaqwayam enxoho kólyennaqteyásekxak ma'a meteymog kélhaxta nak nepyáwa' tegma. 11 Kéllanak nahan chá'a xama kélyátamakxa yegmen neyseksa m'a ánet meteymog kélhaxta nak nepyáwa tegma yaqwayam enxoho kólyetmekxak ma'a yegmen eñama nak ma'a nanók kélyátamakxa yegmen. Makke kóláyók kéxegke ektáha axta apkelane ekyókxoho xa, ektáha axta apkelane m'a nanók agko' axta.
12 Apkeláneyáha axta kéxegke
Wesse' ekha nak apyennaqte
apkeltamho kóllekxagwaha
xa ekhem nak
tén han kallapwomagkok,
tén han kólmópésagkohok kélyese
kólántaxnekxak ma'a apáwa
sẽlwáxaqxamól'a
magkenatchesso éllapwáméyak.
13 Xénchek axta eyke aqsa
kélwáxok kéxegke kólneywagkok
tén han kalpayhekxak kélwáxok,
kólnápok ma'a weyke
tén han nepkések,
kóltawagkok ma'a ápetek,
kólyenagkok nahan ma'a vino.
“Antawagkok, agyenagkok,
hakte saka sa' óletsapok” —axta kéltáhak.
14 Tén axta sexekmowásekpoho
ko'o m'a Wesse'
ekha nak apyennaqte.
Aptáhak axta seyáneya s'e:
“Malásekhekxók sa' ko'o xa
megkólya'assáxma nak;
kóletsapok sa' kéxegke
eñama xa kéltémakxa nak.”
Wesse' egegkok
ekha nak apyennaqte appeywa xa.
Kélyaqmagkasso pók aptamheykha nak chá'a kañe' tegma apyawe aptaqmalma
15 Aptáhak ko'o seyáneya Wesse' ekha nak apyennaqte s'e: “Ey'ókxa sa' Sebná, apkemha apmonye' nak ma'a tegma apyawe aptaqmalma, etne sa' yának se'e:
16 “¿Yaqsa apkelánéya exchep se'e?
¿Yaqsa ekmésso
yaqwayam yának kalanaxchek
xama takhaxpop se'e?
¿Yaqsa éltémo
yának kóllánegwók xama
sẽlátawanyamakxa m'a
néten nak?
¿Yaqsa éltémo
yának kólmétawók meteymog ma'a
néllókassamakxa nak chá'a
nélyampe?
17 Eyensók sa' xép
makhawók agko' ma'a
Wesse' egegkok,
apteméssessamól'a m'a énxet
ekyennaqte nak apyempehek.
Énnaqtések sa' apyempehek emok,
18 máxa aqsok ekyaqye
sa' etnéssesek
éttelegwasagkok,
eyensók sa' ma'a
ekyawakxa nak exma xapop.
Sa' yetsapwók ma'a.
Sa' kaxnagwók yátnáxeg
apkelyenyawasso apagkok
eyaqheykencha'a nak chá'a
apwáxok ma'a,
emegqaksek sa' xép ma'a
wesse' apagkok tén han ma'a
ekheykha nak apxagkok.
19 Alwátessesek sa' ko'o exchep
aptamheykha
atekkesek sa' ma'a
ektémakxa nak aptamheykha.
20 “Awónmakha sa' ko'o
séláneykha xa ekhem nak,
cham'a Eliaquim,
Hilquías apketche nak;
21 ataxneyásekxak sa'
ma'a aptaxno
apwenaqte nak xép,
athetchesek sa' nahan nepxet ma'a
aptétamap apmeykha nak
chá'a exchep,
keñe sa' agkések ma'a
ektémakxa nak xép aptamheykha
apteme ekha kélyeheykekxoho.
Máxa apyáp sa' etnehek ma'a
apyókxoho énxet'ák
apheykha nak Jerusalén
tén han ma'a Judá.
22 Kéláyo sa' atnéssesek,
agkések sa' ketchessam'átog
David apxagkok nak;
Méko sa' kápekxak chá'a
apmeykesa enxoho chá'a m'a,
méko sa' nahan
kameykásekxak chá'a m'a
apchápeykxo enxoho chá'a.
23 Máxa taháno ekyawe
eyeymáxkoho
apagkok sa' etnehek ma'a
ekheykha nak apyáp apxagkok.
Awasqakkasek sa' ko'o m'a
aphamakxa nak.
Máxa sa' atnéssesek ma'a
ektémól'a láwa
kélyaqxaqxól'a ekyennaqte.
24 Sa' kólmakhésha chá'a
ekyókxoho aqsok élmomnáwa
ekyetnakxa nak chá'a m'a
apyáp apnámakkok,
tén han ma'a apyókxoho
aptawán'ák neptámen nak,
tén han ma'a ekyókxoho
mók ektémakxa nak chá'a
aqsok étkók kélmeykegkaxa,
cham'a egheykok nak
ekweykekxoho m'a yátegwáxwa.
25 “Kayawheykha sa' láwa
kélyaqxaqxamakxa axta ekyennaqte
agko' xa ekhem nak;
kóllók sa', keñe sa' katyamok,
keñe sa' ma'a ekyókxoho aqsok
kélmakheyáseykha axta m'a,
kalpaqxek sa'.’”
Wesse' egegkok
ekha nak apyennaqte,
apxeyenma xa.
