Jacob aptajanyey apipma Esaú
1 Apquimpaclhec nic nat mocjam Jacob. Pilapcasquic nic nat apvita ángeles Dios apquilasinancama.
2 Apvitac nic nat Jacob. Intomjac nic nat apvalhoc: —Dios apquilasinancama as enlhitaoc— nic nat intomjac apvalhoc.
Eycaso ayinyema apquiltimem Jacob acvisay Mahanaim.
3 Apquilapajasquic nic nat Jacob apquilsovm amyaa yoclhilhma Seir, amyip acvisay Edom apnaclha apipma Esaú.
4 Aptomjac nic nat Jacob apquilanya apquilsovm amyaa: —Eltimnas sat javoc Esaú: Mepqui amyaa acmasom. Apquiltamjoc lhip apyalhing Jacob oltimnacsic actemaclha apquilhyam. Aptomjac lhac Jacob: Acnec coo mataa Labán tingma pac. Ayilhyacmec quilhvo nac jay. 5 Acnalantac sicnatoscama vayqui najan yamelyeyjaycoc najan nipquesic najan enlhit seltimesaycam najan quilvanaa seltimesaycam. Ayapajasquic lhac amyaa apnaclha lhip aptomja visqui ajac. Altamjoc lhip coytic actamilaycam apvalhoc — sat eltime elanic— nic nat aptomjac Jacob.
6 Apquiltimnasquic nic nat amyaa. Aptajavoc nic nat mocjam apquilsovm amyaa apnaclha Jacob. Apquiltomjac nic nat apquilanya: —Ningilvoclhec nincoo apnaclha lhip apipma Esaú. Aplhingacmec lhac yoyam elamyilham lhip. Apquitlhalhmaa 400 enlhitaoc— nic nat apquiltomjac.
7 Apcacac nic nat Jacob aplinga amyaa. Intamjam nic nat apvalhoc. Apquilhpancasquic nic nat enlhit apancaoc najan apnatoscama nipquesic najan vayqui najan voncayispoc. Apyitipcasquic nic nat nalhit apnatoscama. 8 Intomjac nic nat apvalhoc Jacob: Apvocjingvocmec sat ancoc Esaú napocja enlhitaoc ajancaoc, elinquitacpoc sat poc enlhitaoc apquilyascama moc amay— nic nat intomjac apvalhoc.
9 Inyiplovcoc nic nat apquilmalhnancama Jacob: —Dios, lhip Apvisqui pac Abraham najan Apvisqui pac tata coo Isaac. Lhip alhta seyanem otajiclha siyaoclha nipyesicsa enaymacoc. Apquiltamjoc lhip mataa jepasmoc. 10 Acvennalhquic coo napato lhip aptomja seyapeycam najan aptomja semasma alhta. Acmilanquic alhta as vatsam Jordán siclhingam alhta. Acsovquic alhta lhama yamit. Acnalantac quilhvo nac jay malha apcanit tingma. 11 Jemyov sat nayscisa sictajanyey javoc Esaú. Ayacac coo. Incacoc enquenyic coticyoc quilvanaa najan eyitquic. 12 Aptomjac alhta lhip seyanya coo yoyam jepasmoc mataa. Elhamasiclhac sat etovana mongmovan ongilyipsitic, malha lhopactic anic sat eltimjic— nic nat aptomjac apquilmalhnancama.
13 Aptiyanveclhec nic nat Jacob maa. Apquilhpancasquic nic nat apnatoscama yoyam elmecsic apipma Esaú: 14 Doscientos nic nat yataay apquilvana najan veinte apquilinava. Doscientos nipquesic apquilvana najan veinte apquilinava. 15 Treinta voncayispoc inalavaa. Cuarenta vayqui inquilvanaa najan diez inquilinava.
16 Apquilapajasquic nic nat apquilancam yoyam elpacjamcoc. Apnasoc nic nat moc nicja apquilpacjeycam. Aptomjac nic nat Jacob apquilanya: —Noelyipitcasiclha nasa moc apquilpacjeycaoc amamyi— nic nat aptomjac Jacob.
17 Aptomjac nic nat Jacob apcanya appacjeycaoc apmamyi: —Aptajanyac sat ancoc lhip javoc Esaú. Aptomjac sat ancoc apcanya: ¿Jalhco apvisay lhip apvisqui pac? ¿Jalhcojo apyasa lhip? ¿Soc apnatoscama appacjeycam lhip? — sat etnejic ingyanic. 18 Ingyatingmojo sat lhip: Jacob apcapajascama elhcac lhip mepqui acyanmongam apnatoscama. Lhac aptomjac Jacob: Moyimtalhnamo coo napato lhip aptomja visqui ajac. Aplhingacmec maa alhayi Jacob - sat itne— nic nat aptomjac Jacob.
19 Apnasoc nic nat moc appayvam aptomjaclha apcanya appacjeycaoc anit aplhingam. Najan apcanya appacjeycaoc natqui aplhingam najan acvaycmo ayimja alhayi aplhingam apnatoscama.
Aptomjac nic nat Jacob apquilanya: —Aptajanyac sat ancoc javoc Esaú, ilhnasojo sat moc appayvam. 20 Eltime sat elanic: —Meyimtalhnamo nac Jacob napato lhip aptomja visqui pac. Aplhingacmec lhac maa alhayi — sat eltime— nic nat aptomjac Jacob.
Inlhenquic nic nat apvalhoc Jacob: Copayjiclhac sat apvalhoc Esaú apvita sat sicnatoscama acvoyam amamyi. Sicvoyam alhayi sat coo apnaclha. Jemoc sat tacja coo— nic nat intomjac apvalhoc. 21 Amamyi aclhingam nic nat intomjac apnatoscama. Am nic nat ingyimjamcoc Jacob. Aptinquic nic nat mocjam aptiyanvamlha.
Lhama ángel appatjetma Jacob
22 Altaa ilhnic nat aplhaticja Jacob. Apnalaclhec nic nat anit apnatoscama najan quilvanaa altimesaycam najan 11 apquitquic. Apyeycajangvelhec nic nat vatsam acvisay Jaboc. 23 Apquilsaclhec nic nat aclhamoclhojo asoc apancaoc. 24 Aplhapcoc nic nat apnaclhac Jacob. Pilapcasquic nic nat appatjetvaa lhama enlhit. Apcactacpec nic nat inyicje Jacob. Am nic nat eyamyiclha as enlhit acvaycmo ayitsac'a. 25 Innoc nic nat apyimpejic Jacob as enlhit. Apticponquic nic nat as enlhit. Inyinyovquic nic nat acyitnamaclha avjapyoc Jacob naysicsa apticpomap.
26 Aptomjac nic nat as enlhit apcanya Jacob: —Jeyamyiclha coo, inquitsac'ayi— nic nat aptomjac.
Apcatingmavoc nic nat Jacob: —Ilhen siclho actamila appayvam. Natamin oyamyiclhac sat— nic nat aptomjac.
27 Aptomjac nic nat as enlhit apcanya: —¿Jalhco lhip apvisay?— nic nat aptomjac.
Apcatingmavoc nic nat Jacob: —Coo sicvisay Jacob— nic nat aptomjac.
28 Aptomjac nic nat as enlhit apcanya: —Inmasquec lhip apvisay Jacob. Israel intomjac lhip apvisay quilhvo. Ayinyemaclha apquilnapacpec lhac lhip Dios najan enlhitaoc. Apyimnatem nac lhip— nic nat aptomjac.
29 Aptomjac nic nat Jacob apcanya: —Jeltimnas siclho lhip apvisay— nic nat aptomjac.
Apcatingmavoc nic nat as enlhit: —¿Soctomja apquiltamjo eyasamcojo sicvisay?— nic nat aptomjac.
Yejemoc nic nat aplhena actamila appayvam as enlhit napato Jacob.
30 Apquiltimec nic nat Jacob acvisay as amyip Peniel. Intomjac nic nat apvalhoc: Acvitac coo Dios najato. Am lhac ongvitsepac coo— nic nat intomjac apvalhoc.
31 Intipquic nic nat acnim. Apquimpaclhec nic nat Jacob as amyip Peniel. Apyateyam nic nat Jacob. 32 Eycaso ayinyema metoycaoc mataa ajac ayvoc asoc acticyovam. Acvocmo metoycaoc acnim nac jay Israel aptovana niptamin. Ayinyemaclha inticpalhquic nic nat avjapyoc Jacob.
Jacob tén han Esaú apweteykekxa pók
1 Apxegákxeyk axta makham Jacob, apkelántekkek axta han apmonye' Dios apkelásenneykha. 2 Xama axta apkelwet'a Jacob xa énxet'ák nak, aptáhak axta s'e: “Dios sẽlpextétamo apagkok xa.” Apteméssessek axta han ekwesey Mahanaim xa yókxexma nak.
3 Apkelaphássek axta Jacob apseykekxa amya'a m'a Seír, cham'a yókxexma Edom, yaqwayam eltennássekxak Esaú peya ewaták aphakxa m'a apyáxeg. 4 Axta aptáhak apkeláneya s'e: “Kólteme sa' kólának eyapma Esaú s'e: ‘Apkeltamhók xeyk kóltennaksek Jacob aphama Labán apxagkok, ekwokmoho makham se'e kaxwo' nak, apxénchek han elyahakxoho', hakte apchásenneykha m'a, 5 apxénchek han ekha m'a weyke, yámelyeheykok, nepkések, tén han ma'a apkelásenneykha apkelennay'a, tén han kelwán'ák. Eyáphássessek ko'o Esaú xa amya'a nak, hakte émeñeyk kataqmalmakha apwáxok hélano'.”
6 Apkelwákxeyk axta makham ma'a apseykha nak amya'a, aptáhak axta apcháneya Jacob se'e:
—Nélwákxeyk xeyk negko'o aphakxa m'a apepma Esaú, apxegakmek han yaqwayam emok takha' exchep, yetlo cuatrocientos énxet'ák apkelxegexma.
7 Apkekawók apagko' axta Jacob apleg'a, yetnakha'awók axta apwáxok. Yetlókok axta han apkexpánchesso apqánet apkelyaqyeyáseyak énxet ektáha axta apkelxegexma'a, tén han ma'a nepkések, weyke, yányátnáxeg, 8 hakte axta entáhak élchetamso apwáxok se'e: “Apketamokmek sa' agkok Esaú xama apyaqyesso nak énxet'ák ahagkok, keñe sa' ma'a mók apyaqyesso nak, yenyahagkok elxeganmok.” 9 Keñe axta aptáha apkelmaxneya s'e: “Wesse' ahagkok, Dios apagkok nak ma'a áta' Abraham tén han ma'a táta Isaac, apkeltémo axta amyekxak makham ma'a seyókxa, apheykegkaxa nak énámakkok, apkeltémo axta kataqmelek sekweynchámeykha. 10 Megkapayhawok ko'o kataqmalmakha apwáxok hélano', megkapayhawok hépetchaha chá'a. Ekyeykheykekxeyk axta ko'o wátsam Jordán meyke sekseykha xama aqsok, wánxa aqsa sektasqapeykha, keñe kaxwók sekteméssesa ánet apkelyaqyeyáseyak énxet'ák ahagkok. 11 ¡Nágyoho yaqwánxa hetnéssesek ma'a eyapma Esaú! Tamháha ko'o ewáxok hektámegmak keñe elnápok ma'a kelán'ák, tén han sakcha'áletkók nak. 12 Apxeyenmeyk axta exchep hetaqmelchessesek sekweynchámeykha, tén han exámekxak ma'a étawán'ák netámen, ekweykenxal'a ekxámokma xapop ánek ma'a neyáwa wátsam ekwányam, magmowána nak ólyetsetek.”
13 Aptenchek axta han Jacob axta'a m'a, apkelyésáha axta han apnaqtósso yaqwayam elmések aqsa m'a apepma Esaú, 14 doscientos yát'ay apkelwán'ák, veinte axta m'a yát'ay apkelennay'awo, doscientos nepkések apkelwán'ák, tén han veinte m'a apkelennay'awo, 15 treinta yányátnáxeg yetlo m'a apketkók nak, cuarenta weyke, keñe diez weyke yágkelwán'ák, veinte yámelyeheykok kelwán'ák nak, tén han diez ma'a kelennay'awo nak. 16 Keñe axta apkelmésa chá'a apkeláneykha élánamáxkoho chá'a apnaqtósso apkexpánchesso, aptáhak axta apkeláneya s'e:
—Kólxeg sa' kélmonye'e, makhawók kélmók sa' eyke kóltéhek kélpakhéyak kélnaqtósso.
17 Tén axta aptáha apcháneya apmonye' apxega axta s'e:
—Aptahanya'ak sa' agkok ma'a eyapma Esaú, apkelmaxneyáha sa' agkok yaqsa wesse' apagkok, háxko apmahágkaxa, yaqsa eknaqtósso xa kélpakhégko nak, 18 etne sa' yátegmowágkok se'e: Xeyep apkelxawe naqsa s'e wesse' ahagkok Esaú, Jacob apkelaphássesso, aptáha nak xép apchásenneykha, apxegakmo nak nentámen.
19 Aptáhak axta han apkeláneya m'a axayók axta apkeláphasso, cham'a apyókxoho appakhéyak axta kélnaqtósso:
—Kélwet'ak sa' agkok Esaú, sa' kóltéhek han kólának ma'a, 20 kólteme sa' han kólának se'e: Apxegakmek nentámen negko'o m'a Jacob, aptáha nak xép apchásenneykha.
—Hakte axta entáhak élchetamso apwáxok Jacob se'e: “Amasséssesek sa' ko'o aplo séláphássesa m'a sélmésso naqsa nak, keñe sa' óthok ahagko'. Keñe sa' tásek katnehek sema takha'.” 21 Amonye' axta kelxegak ma'a aqsok apkeláphasso apkelmésso naqsa, aptenchek axta eyke axta'a m'a appakxanma nak.
Jacob apkelnápomap Dios apchásenneykha
22 Apxatakha'ak axta Jacob xa axta'a nak, apnaqlókek axta m'a ánet apnaqteyegka'a nak tén han ma'a ánet apkelásenneykha kelwán'ák nak, yetlo m'a once apketchek, apkelyeykhásekxeyk axta m'a wátsam Jaboc, éttakhexa nak, 23 yetlo m'a ekyókxoho aqsok ekyetnakxa nak. 24 Apxakko' axta aphákxak Jacob ma'a, apwa'ak axta han aphakxa xama énxet, apkelnápeykpek axta ekwokmoho élsaka, 25 xama axta mexnawo Jacob ma'a énxet nak, aptekpagkassek axta awhak apyók, leyáxkok axta han awhak apyók ma'a Jacob neyseksa apkelnápomap. 26 Keñe axta énxet aptáha s'e:
—Heyenyekxa', kelsake'.
—Mayenyekxék eyke m'a mexéna enxoho hepasmok, —axta aptáhak Jacob apchátegmowágko.
27 —¿Háxko apwesey exchep? —axta aptáhak ma'a énxet nak.
—Jacob ko'o sekwesey —axta aptáhak apchátegmowágko m'a.
28 Keñe axta énxet aptáha apcháneya s'e:
—Kamaskok sa' kaxwók xép apteme apwesey Jacob. Israel sa' kaxwók xép etnehek apwesey, hakte apkelnápeykpek Dios, tén han ma'a énxet'ák, apyeykhássekmók han apyennaqte.
29 —Héltennés kaxwók xép apwesey —axta aptáhak apkelmaxneyáncha'a Jacob.
Aptáhak axta énxet apchátegmowágkokxo s'e:
—¿Yaqsa ektáha sélmaxneyáncha'a nak sekwesey?
Yetlókok axta han apxeyenma kataqmelek apha m'a. 30 Penuel axta aptemessásak ekwesey Jacob xa yókxexma nak, hakte axta aptáhak se'e: “Ekwet'ak ko'o Dios ahaqta'ák ahagko', makke watsapak.”
31 Tekkek axta ekhem apxega Jacob apkeñama m'a Penuel; apyaqteyágkek axta eyke apxega eñama ekleyamaxche awhak apyók. 32 Cháxa keñamak meteykegko nak énxet'ák Israel aqsok áhak eywok, ekwokmoho makham se'e kaxwo' nak, hakte kéltekpagkassegkek axta Jacob xa ekpayhókxa nak.
