Acvitay apvanmoncama etvasacpoc tingma Jerusalén
1 Natamin aclingac alhta Visqui ingac appayvam acyimnatem, asquejec alhta ejaycaoc. Aptomjac alhta Visqui ingac: ¡Apquililhyacmec silasinancama, yoyam elyanmongsiclhac sat apquiltemaclha apancaoc co Jerusalén! ¡Yitnec apquilmaycam sovo acvinatem! — alhta aptomjac.
2 Apquilantalhningvoctac payjoc atong acyivey as enlhit, nicja nilhqueyja, apquilsoycam sovo acvinatem cinco enlhit. Lhama nipyesicsa maa, apma apava apcalomap apmopoy, aptomja apmaycam asoc, yoyam etalhocsic. Apcanvocmec alhta payjoc altar de bronce apquilvatnamaclha. 3 Inyinyovquic siclho gloria mayayoclha apanco Dios as apquilasinancama acma aplhimpancoc, colhniclhac sat payjoc atong acyivey tingma apponquinomap. Apcanyacpec siclho apcasinancama apmaycam asoc yoyam etalhocsic, apma apava apmopoy. 4 Aptomjac Visqui ingac apcanya: Isavojo sat enlhitaoc apnaycam Jerusalén. Ilcajas sat asoc monquinatquiscama payjaclha napaat moclhama mejelyamasma coo, acyitna inlhojo acmayovsa apquilvalhoc apquilvita apquiltemaclha acmasom apnaymacoc, yoyam elmiyovacpoc sat — alhta aptomjac.
5-6 Aptomjac alhta apquilanya poc enlhit apquilasinancama: ¡Elyiplaclha sat maa! Elsavojo sat apquilnapma apyovoclhojo tingma, congne as tingma apponquinomap, najan apyovoclhojo apquilvanyam, najan apquilyimnanic, najan quilvana ayitcavoc, najan sicaa, najan quilvanaa ¡Noelnajap nasa apquilvita inlhojo asoc monquinatquiscama payjaclha napataa! — alhta aptomjac. Apquilnapquic alhta siclho apquilvanyam apnaycam payjoc tingma aponquinomap.
7 Aptomjac alhta apquilanya: Elicjes sat apjapaoc congne tingma apponquinomap, payjoc atrios. Colhic sat acvená aptemaclha tingma apponquinomap — alhta aptomjac.
Apquilmiyaclhec alhta yoyam elnapoc enlhitaoc natingma. 8 Apticyovquic alhta apyovoclhojo congne tingma apponquinomap, acnec alhta elhapco. Acjalhec alhta acticlhicvocmo nalhpop payjaclha najat, sicyimnatesa sicpayvam naysicsa sicvinama: Visqui ingac, ¿naso ya esavojoc lhip israelitas co Jerusalén, eticyoc sat mepqui apcaymomap lhama? — alhta actomjac coo.
9 Apcatingmavoc alhta Visqui ingac: Avanjec apquilsilhnanomap apanco israelitas najan co Judá. Somcoc anco apquiltemaclha apancaoc, apquilanem motay coo, apquilanem sicyamasma coo enlhitaoc. 10 Mongvasicjiclhejec sat mocjam. Oyanmongsiclhac sat apquiltemaclha apancaoc — alhta aptomjac.
11 Apvoctac alhta mocjam apcasinancama apmaycam asoc yoyam etalhocsic, aptomja apcanya: Acpenasquic coo siyanyomalhca otnejic — alhta aptomjac.
Jerusalén kéllegassáseykegkoho
1 Keñe axta natámen sekleg'a xama kélpeywa ekyennaqte agko', axta entáhak sekleg'a kélpáxameykha ketók eheykok se'e: “¡Apkelwa'ak apmáheyo nak ellegássesagkohok énxet'ák ma'a tegma apwányam, yetlo apkelseykha m'a apkelmeykha ekmassesseykmohol'a chá'a aqsok!”
2 Tén axta natámen sekwet'a seis énxet apkelántaxna m'a átog ekyetno nak néten, ekpayho nak nexcheyha, yetlo apkelmeykha m'a yámet apkeltekpagéyak nak chá'a apkelenmexma. Apxegakmek axta nahan nepyeseksa xama énxet apkeláxñeyo apagko' aptaxno apkexyawe, nepxet axta nahan apkexanmak ma'a apxata nak chá'a aptáxésso. Apkelántaxneyk axta m'a, apchaqnágwokmek axta m'a ekpayhókxa axta ekyetnamakxa m'a ekwatnamáxchexa aqsok élánamáxche nak sawo ekyexwase élyenma. 3 Meyákxeyk axta nahan néten Israel Dios apagkok apcheymákpoho, ekyetnama axta chá'a apyetseksa'ák ma'a kéleykmássesso Dios apkelásenneykha ekha apxempenák, yetnákxeyk axta m'a apátog nak tegma appagkanamap. Apwóneyha axta Wesse' egegkok ma'a énxet apkeláxñeyo axta aptaxno apkexyawe, apkexanma axta nepxet ma'a apxata nak chá'a aptáxésso, 4 aptáhak axta apcháneya s'e: “Eweynchamha sa' kañe' tegma apwányam Jerusalén, elqahássesák sa' chá'a élpayhakxa nápaqta'a m'a énxet éllapwámeyak nak chá'a tén han eyaqhe nak chá'a apkelwáxok ma'a aqsok ekmaso agko' nak élánamáxche m'a kañe'.”
5-6 Tén axta sekleg'a nahan aptáha apkeláneya m'a nápakha énxet'ák nak: “Kólxeg kéxegkáxa neptámen, kólweynchamha m'a kañe' tegma apwányam, sa' kóleynhok apmonye' m'a tegma appagkanamap ahagkok nak, kólnáhap sa' meyke apkelmopyósa kóllanok xama enxoho m'a apkelwányamo nak, wokma'ák, kelán'a étkók, sakcha'áletkók tén han ma'a kelán'ák nak. Eyke nágkóllano m'a ekha nak kélqahasso.” Apcheynawók axta nahan sekxók apkelnapa m'a apkelwányamo nak, apheykha axta m'a apmonye' nak tegma appagkanamap.
7 Tén axta aptáha apkeláneya s'e: “Kólmohok ma'a tegma appagkanamap nak, kóltawasha sa'; kólsawheyásekxoho sa' kélhapák ma'a nepyáwa nak.”
Apkelántekkek axta m'a, apcheynawók axta apkelnapma énxet'ák ma'a tegma apwányam. 8 Ekhákxeyk axta ko'o exakko', neyseksa apkelnapma énxet'ák ma'a. Éltekxekkek axta etapnák sekháxaha ekwokmoho sektekxeya ekpayhakxa nahát xapop, axta ektáhak sekpaqmeta ekyennaqte agko' neyseksa ekyentaxno agko' élapwayam ewáxok se'e: “Wesse' ahagkok, ¿peya eyenyenták aplo neyseksa Jerusalén ekwokmoho apsawhawo m'a apkeleymomap nak apqántawo' apkelheykekxa m'a kañe' Israel?”
9 Aptáhak axta seyátegmowágkokxo Wesse' egegkok se'e: “Awanhók agko' apkeltémakxa melya'assáxma m'a énxet'ák Israel tén han ma'a énxet'ák Judá. Xámok agko' aqsok ekmaso m'a apchókxa; xámok agko' megkapéwomo nak nentémakxa m'a kañe' tegma apwányam. Apkenagkamchek ko'o ayamasmak ma'a apkelókxa; apkenagkamchek nahan mateyk ma'a aqsok apkelánéyak. 10 Megkalepyósek sa' ko'o alanok xama enxoho m'a, ayaqmagkásekxak sa' ko'o mók ma'a apkeltémakxa nak.”
11 Aptaqháwók axta makham ma'a énxet apkeláxñeyo axta aptaxno apkexyawe, apkexanma axta nepxet ma'a apxata nak chá'a aptáxésso. Aptáhak axta s'e: “Élanak ko'o m'a apkeltémo axta alána'.”
