Apquilmaycam najan apquilnatanma santuario
(Ex 35.30Ex 36.1)1 Aptomjac nic nat Visqui ingac apcanya Moisés: 2 —Quip ilanojo, apnec nipyesicsa apquilmolhama tribu Judá lhama enlhit silyacyescama coo, apvisay Bezaleel, Uri apquitca, najan Hur aptavin. 3 Espíritu de Dios apnac apvalhoc, najan acyascamco apvalhoc, najan acyicpilquemo apvalhoc najan apvascapma as enlhit. 4 Apvanquic ellana aptamjaycam actamila najan quilaycmasquiscama altamila apmaycam oro, najan plata, najan bronce. 5 Apvanquic ellana mataymong alyinmom, najan quilaycmasquiscama yamit, najan moc aptamjaycam apquilnatanma. 6 Ongvanic sat epasmoc Aholiab, Ahisamac apquitca apquinyema apquilmolhama tribu Dan. Oyangviscomjoc sat apquilyascamco as enlhit apquilmopvan, yoyam ellanac aclhamoclhojo asoc siyanama alhta: 7 carpa aplhancoc apponquinomap, najan yamit aysicsic acyitnamaclha Dios appayvam najan maa ayapma atong, najan acyovoclhojo apquilmaycam, 8 najan mesa acyiplomo apquilmaycam, najan candelabro de oro alapongmateyquiclha acyiplomo apquilmaycam, najan altar malvatnama asoc acmasis, 9 najan altar malvatnama talha macmescama Dios holocaustos acyiplomo apquilmaycam, najan yingmin alhancoc acyiplomo avjac, 10 najan apava apquilantalhnama sacerdote Aarón najan apquitquic apquiltimesaycam sacerdotes congne carpa apponquinomap. 11 Najan ayingmenic acmasis ningatsisquiscama asoc, najan asoc acmasis colhic alvatna talha netin altar. Ellanac sat as enlhit apquilmopvan, acno siyanama alhta siclho, yoyam ellana — nic nat aptomjac.
Acnim ninnayclhilha
(Ex 35.1-3)12 Aptomjac nic nat Visqui ingac apcanya Moisés: 13 —Iltimnas sat lhip israelitas coo sicpayvam: Apquilanyacpec eltamilquisic acnim ninnayclhilha. Cotnejic sat asoc monquinatquiscama nipyesicsa quellhip najan coo cotmongvoycamlha nelha. Elyasamcojoc sat mataa, coo sicvisay Visqui Dios silyacyescama quellhip. 14 Acnim ninnayclhilha cotnejic sat acponquinomalhca nipyesicsa quellhip, yoyam elyiplovcasojo. Am sat ancoc etamilcasac enlhit as acnim ninnayclha, ematong sat. Enlhit aptamjaycam as acnim, etvasacpoc sat nipyesicsa apnaymacoc. 15 Apvanquic mataa etnajam enlhit seis acnim, acnim acponquinomalhca nac séptimo acnim, acvisay acnim ninnayclhilha napato Dios. Aptamjam sat ancoc as acnim enlhit, ematong sat nipyesicsa apnaymacoc. 16 Incaymalhquic israelitas elyiplovcasojo singanamaclha ongiltamilquisic as acnim ninnayclhilha. Acvisay actemaclha ningmiyovmalhca cotmongvoycamlha nelha. 17 Acvisay asoc monquinatquiscama nipyesicsa enlhitaoc najan coo cotmongvoycamlha nelha — nic nat aptomjac Dios.
Dios Visqui ingac apquillanay nic nat netin najan nalhpop acvaycmo seis acnim. Aplovcasquic nic nat apyampay acvaycmo séptimo acnim.
Quilaycmasquiscama vayqui inquinavo
(Dt 9.6-29)18 Appenasquic nic nat Dios appamejitquiscama Moisés netin inquilhe acvinatem. Aplhocac nic nat Moisés anit mataymong nicja actalhesamalhca. Dios Visqui ingac nic nat aptalhescama singanamaclha appayvam.
Wesse' egegkok apkelyéseykha Besalel tén han Oholiab
(Ex 35.30Ex 36.1)1 Appaqhetchessek axta Wesse' egegkok Moisés. Aptáhak axta apcháneya s'e:
2 “Élyésáha ko'o nepyeseksa Judá énxet'ák apagkok ma'a Besalel, apketche nak ma'a Urí, aptáwen nak ma'a Hur, 3 eklánessásawók nahan ko'o apwáxok ma'a sekmowána, tén han ma'a apya'áseyák nak, tén han ma'a apya'áseykegkoho nak, tén han ma'a apyekpelchémo nak tén han ma'a apmopwána nak elának ma'a aqsok, 4 yaqwayam enxoho elának ma'a aqsok kéleykmássesso tén han ma'a nentamheykha nak nenlane m'a sawo ekyátekto ekmomnáwa, sawo ekmope ekmomnáwa tén han ma'a sawo ekyexwase, 5 tén han yaqwayam eltekpog elyepetchesek ma'a meteymog éltaqmalma nak, tén han yaqwayam eltekpog ma'a yántéseksek tén han elának ma'a mók ektémakxa nak chá'a aptamheykha apmopwána eleykmássesha. 6 Ekteméssessek nahan ko'o appasmeykha aptamheykha m'a Oholiab, apketche nak ma'a Ahisamac, apkeñama nak nepyeseksa m'a Dan énxet'ák apagkok. Ekméssek nahan ko'o néten apkelya'áseyak ma'a énxet apmopwancha'a nak chá'a aqsok, yaqwayam sa' elanagkok ekyókxoho m'a séltamhókxa enxoho chá'a ko'o elanagkok: 7 cham'a kélpakxanma apchaqneykekxexa nak chá'a énxet'ák, tén han ma'a yántéseksek ekhémo mók nélpaqhetchásamáxkoho, tén han ma'a átog ekyetno nak néten ma'a yántéseksek, tén han ma'a ekyókxoho aqsok kélmeykegkaxa nak chá'a m'a kañe' kélpakxanma. 8 Tén han ma'a mésa, yetlo m'a aqsok élmeykegkaxa nak chá'a, tén han ma'a cháléwasso ekyawe sawo ekyátekto agko' nak, yetlo nahan ma'a aqsok élmeykegkaxa nak chá'a, tén han ma'a ekwatnamáxchexa nak chá'a aqsok ekmátsa agko' la'a ekpaqneyam éten agkok, 9 tén han ma'a ekwatnamáxchexa nak chá'a aqsok kéltósso, yetlo nahan ma'a aqsok élmeykegkaxa nak chá'a, tén han ma'a sokpayhe ekwányam yetlo m'a awhak ekpayhe ekyennaqtéssamakxa nak, 10 tén han ma'a apáwa kélótma, apkelántaxno apkeltaqmalma nak ma'a apkelmaxnéssesso énxet'ák ahagkok Aarón tén han ma'a apkelántaxno nak ma'a apketchek apkenchesso chá'a m'a apkeltamheyncha'a enxoho elmaxnéssesek ma'a énxet'ák ahagkok, 11 tén han ma'a pexmok égmenek kélexpaqhayól'a kólteméssesek appagkanamap énxet tén han ma'a aqsok ekmátsa nak ekpaqneyam éten agkok yaqwayam nak kólmaha m'a kañe' kélpakxanma appagkanamap. Elanagkok sa' ekyókxoho m'a, séltamhókxa axta ko'o etnehek xeyep.”
Néllókassamakxa nélyampe
(Ex 35.1-3)12 Appaqhetchessek axta Wesse' egegkok Moisés. Aptáhak axta apcháneya s'e:
13 “Elpaqhetches sa' xeyep apagko' ma'a israelitas; etne sa' elának se'e: ‘Kólteme chá'a kéláyo ekhem ahagkok sábado, hakte cháxa ekteme aqsok magkenatchesso kélnepyeseksa kéxegke xa tén han ko'o xa megkatnégwayam néxa, yaqwayam enxoho kólya'asagkohok ko'o, sektáha nak Wesse', sélyéseykencha'a kéxegke. 14 Ekhem ekpagkanamaxche kélagkok sa' kóltéhek kéxegke m'a sábado, kólteme sa' chá'a kéláyo. Énxet ektáhakxa enxoho megyáyo xa ekhem nak, ematñekxak sa'. Keñe nahan énxet aptamheykha enxoho xa ekhem nak, kóltekkesek sa' nepyeseksa m'a aphawóxama. 15 Apwanchek sa' eyke etneykha chá'a énxet ekweykmoho seis ekhem, keñe sa' ma'a ekhem siete, katnehek sa' ekhem néllókassamakxa nélyampe sélpagkanchessamakxa ko'o, sektáha nak Wesse' kélagkok. Apyókxoho énxet ektáhakxa enxoho aptamheykha ekhem sábado, ematñekxak sa'.’ 16 Apcháyo sa' chá'a etnehek israelitas ma'a élánamáxchexa nak chá'a néllókasso nélyampe ekhem sábado, ektémól'a m'a ekhémo mók nélpaqhetchasamáxkoho meyke néxa yókxoho apyeyam chá'a. 17 Katnehek sa' xama aqsok magkenatchesso ekpekkenamaxche nepyeseksa israelitas tén han ko'o xa.”
Hakte seis ekhem axta weykmok ko'o sélane m'a néten tén han keso náxop, ko'o sektáha nak Wesse' kélagkok, keñe ekhem siete sélwátéssama sektamheykha, séllókassama sekyampe.
Weyke kennawók étkok kéleykmássesso sawo ekyátekto ekmomnáwa
(Dt 9.6-29)18 Xama axta apsawha appaqhetchesso Wesse' egegkok Moisés ma'a néten egkexe nak Sinaí, apkelméssek axta ánet meteymog élpayhe apnaqtáxésso apagko' axta segánamakxa m'a Dios.
