Actemaclha apquillhicmoscama acmovan amyaa
1 Altamjoc elyasingvoclhojo mocjam quellhip. Apnam nic nat mataa nipyesicsa enlhitaoc Israel profetas apquilmopvancaa amyaa. Najan nipyesicsa quellhip lha, elvitac sat apquillhicmoscama apquilmopvancaa amyaa. Elyilhacpojoc sat ellhicmocsic amyaa singillhinganimquiscama. “Metnaja singvomquiscama tap Visqui ingac” —sat eltimjic mataa ellhicmocsic. Cotlapsic sat elnatovasacpoc as enlhitaoc. 2 Elvajanamcoc sat aplhamoclhojo ingilyalhinga actemaclha meltamilcasomacpo apanco. Eltimjic sat apquilyasquiyam amay acpeyvomo acvisay tasic amyaa nipyesicsa enlhitaoc lhalhma anco. Elanic sat acmovan amyaa. 3 Eyca as enlhitaoc eltingyamcoc sat mataa quellhip solyayem apancaoc ayinyema apquilmopvancaa amyaa. Inlhenalhquic nano yoyam elyicpilcacpoc enlhitaoc apquiltema nac lha. Nasoc anco, covac sat acnim yoyam elnatovasacpoc.
4 Yitnec nic nat melyascalhma napocja ángeles. Am nic nat elmascosac Dios Ingyapam. Eyca apquilapajasquic nic nat yatesaclhilhma alyascamaclha ingjangaoc. Apquilpilhquetacpec nic nat cadenas. Innec altamilsa maa acvocmo acnim yoyam elyicpilcacpoc. 5 Yitnec nic nat najan melyascalhma enlhit lhalhma anco. Am nic nat elmascosac Dios Ingyapam. Apcapajasquic nic nat yingmin acvanyam. Apsovjomacpoc nic nat apquilitsepma enlhitaoc apquilmapsomcaa. Apvocmec nic nat tap apvamlha Noé, aptomja apquiltimnascama actemaclha acpeyvomo. Apquilvocmec nic nat najan tap siete apmolhama. 6 Apsovjomacpoc nic nat najan apquilitsepma enlhitaoc tingma Sodoma najan Gomorra. Metquic nic nat tingma, acvamlha tajap nic nat intomjac. Eycaso actomja singillhicmoscama acyanmongayclha enlhitaoc apquilmapsomcaa yoyam covac sat. 7 Apvocmec nic nat tap enlhit apvisay Lot aptomja appeyvomo. Yimtilhec nic nat mataa apvalhoc Lot apvita apquiltemaclha apquilmapsomcaa. 8 Apmolhama ilhnic nat Lot as enlhitaoc. Aplingamcoc nic nat mataa acmasca nipyesicsa aclhamoclhojo acnim. 9 Apvanquic Visqui ingac elvomsic tap naysicsa acyipconma apquiltomja apquiltamilcasomacpo apanco. Apvanquic ingyanic colhic altamilsa enlhitaoc apquilmapsomcaa yoyam elyanmongsiclha apquiltemaclha acvocmo sat acnim yoyam elyicpilcojo.
10 Eyanmongsiclhac sat Dios apquilyiplovquiscama ayitsepma apnenyaoc. Najan apquiltomja apquilvinéycam poc apquiltomja apquilyimtalhnamo. Ayinyemaclha apquiltomja apquilyimtalhnesomacpo apanco najan apquiltamongvayclholhma apquilpayvam. Am najan elacac asoc alyimtalhnamo netin yoyam elvinam. 11 Am nic nat elvinam ángeles apquilpeyvomo napato Visqui ingac ellhenic asoc alyimtalhnamo netin. Apmeleyjec nic nat ángeles najan apquilmopvan.
12 Mepqui apquilyascamco as enlhitaoc, malha asoc navjac. Inquileyvec mataa asoc navjac yoyam colmalhca najan yoyam coticyoc mataa. Apquiltamongvayclholhma apquilpayvam apquillhanma asoc melyascacmo as enlhitaoc. Elnatovasacpoc sat as enlhitaoc acyanmongayclha apquiltemaclha apancaoc. 13 Ellingamcoc sat acmasca as enlhitaoc, acno apquilasquiscama apyimpeoc poc. Apquilitsovasoc mataa acnim anco naysicsa acyiviy aptoycaoc najan acyiviy apyinaycaoc. Apquilpasmec mataa as enlhitaoc actomalhquilha nintom nipyesicsa quellhip. Apquiltomja apquilmanquiscama quellhip, malha alpaysimquiscama intomjac asoc altamila. Apquilyispaquic mataa apquilyinimquiscama apnaymacoc.
14 Inquitsepquic mataa apnenyaoc apnaymacoc apquilano quilvanaa. Am coliclacmoc apquiltamongvaycmolhma. Apquilsilhnanaquic mataa poc yoyam elvajaniclhojo. Apquililtamjoc mataa ellhamasiclha solyayem apancaoc. 15 Apquillhinganacmec as enlhitaoc. Apquilyinyovquic amay acpeyvomo. Apquilvajanamquic mataa aptemaclha ilhnic nat profeta apmopvan amyaa apvisay Balaam. Beor apquitca ilhnic nat Balaam. Aplhamaseclhec mataa solyayem acyanmongam aptemaclha, malha apyojolhma. 16 Apvitac nic nat acyanmongayclha aptemaclha acmasom: Inpametam nic nat yamelyeyjaycoc apquinamtem, malha enlhit appayvam. Incasquic nic nat apquinamtem actemaclha meyascalhma.
17 Eyca as enlhitaoc apquilmapsomcaa apquiltomja malha yamilquit mepqui yingmin. Apquiltomja malha yipjopay alsom lhcajayam. Eltamopongvomoc sat acyimtalhnaclha yatesaclhilhma. 18 Alhtoc mataa apquilyimtalhnesac apquilpayvam. Apquilvajanamquic mataa alitsepma apnenyaoc najan actemaclha apquiltamongvaycmolhma. Apquilsilhnanaquic mataa yoyam elvajaniclhojo quilhvo apquilyanmonquiscama apquilvalhoc. 19 Apquillhenquic mataa elvomoc tap apquiltomja apquilvajaneyquiclho. Am eyca elvocmoc tap as enlhitaoc naysicsa apquiltemaclha almasomcaa. Apquiltomja malha apquilancam apquilanyomap elilyejiclhojo apvisqui apancaoc. 20 Apquilyanmoncasquic sat ancoc apquilvalhoc, cotnejic sat malha apquilyicpilcangviyam Jesucristo Visqui ingac aptomja singvomquiscama tap. Malha apquilinquitma sat cotnejic apquiltemaclha enlhit lhalhma anco. Apquilvajaneclhoc sat ancoc apquiltamongvaycmolhma natamin apquilyanmonquiscama apquilvalhoc, coyeycajangvoclhojoc sat apquiltemaclha nano. 21 Intasic alhta inyicje melyicpilcangvomoc amay acpeyvomo as enlhitaoc. Somco eyca apquilyicpilcangviyam siclho amay acpeyvomo, natamin eyca yoyam elvatsamcoc mocjam apcanamaclha Dios. 22 Invocmec nelha aclhanmaclha actomja nasoc anco: “Cotaviclhac sat mocjam acyiclhama simjing”. Najan moc: “Appaysomaclhec mocjam yatepomap natamin apyapascama yingmin” —nic nat intomjac aclhanmaclha.
Énxet'ák apkelxekmósso nak megkamámnaqsoho
1 Yetneyk axta anhan Dios appeywa apkellegasso apkelmopwána amya'a nepyeseksa m'a énxet'ák Israel. Sa' katnehek nahan kélnepyeseksa kéxegke xa, etyapok sa' apkelxekmósso apnámakkok megkamámnaqsoho nak. Elyexakpohok sa' elxekmósek ma'a ektémakxa nak élchetamso apkelwáxok sẽtsagkassamo nak, mexének sa' ma'a Wesse' apagkok, apteme axta apkelwagkasso teyp. Cháxa peya nak kañék ekmanyehe kélmassésseyam xa énxet'ák nak. 2 Apxámok sa' nahan etnehek apwehéneykekxoho m'a ekmeyámáxchexa nak antéhek negmeykha mansexta, sa' kañék nahan ekxénamaxche ekmaso m'a ámay ekmámnaqsoho nak, eñama xa énxet'ák nak. 3 Enaqtawasagkohok sa' nahan kéxegke elxekmósek ma'a nélxekmowásamáxche megkamámnaqsoho, eñama apkelmopmenyého m'a selyaqye; nano' eyke kélleyxchesso yaqwayam kóllegássesagkohok xa énxet'ák nak, nano' han kélyetsátéyak apkeltémakxa.
4 Apkellegassáseykegkók axta Dios ma'a apkelásenneykha apkeláneykegko axta melya'assáxma, apkexakhamchek axta m'a megkaspóneykxa nak táxa, apkelhésseykmek axta m'a ekyaqtéssamakxa nak exma yetlo apkelpextete, apkeleyxchessama m'a ekhem nélyekpelchamáxchexa sa'. 5 Apkellegassáseykegkók axta anhan Dios ma'a énxet'ák apheykencha'a axta nano' keso náxop, apchahayak axta mámeye ekyawe m'a énxet'ák élmasagcha'a axta apkeltémakxa, Noé axta aqsa apxakko' apwagkassama teyp, apkeltenneykencha'a axta chá'a apxeyenma m'a nentémakxa ekpéwomo, tén axta nahan ma'a pók siete énxet'ák axta. 6 Apmassésseykmek axta nahan Dios ma'a tegma apwányam Sodoma tén han ma'a Gomorra, apwatneykekxeyk axta ekweykmoho aptamheykekxo táhap yaqwayam enxoho nahan yeyk yaqwánxa kólteméssesek ma'a énxet'ák élmasagcha'a nak apkeltémakxa. 7 Apwagkassegkek axta eyke teyp ma'a Lot, apteme axta énxet appéwomo, ekyentaxnéssessama axta chá'a apwáxok apweteya ekmaso apkeltémakxa m'a énxet'ák élmasagcha'a nak apkeltémakxa.
8 Cháxa énxet appéwomo aphama axta nepyeseksa xa énxet'ák nak, legeykegkók axta chá'a apwáxok eñama apwete yókxoho ekhem apkeltémakxa ekmaso, tén han aplege chá'a. 9 Ey'asagkohok chá'a apteméssesakxa Wesse' egegkok elmallahanchesek ekyepkónma m'a ektáha nak chá'a apkelpagkanchásamap, ey'asagkohok nahan chá'a yaqwánxa etnéssesek elyetnakhaksek yaqwayam ellegássesagkohok ma'a élmasagcha'a nak apkeltémakxa, eleyxchesek ma'a ekhem nélyekpelchamáxchexa sa'. 10 Sa' eyke ekyágwánxa agkok ellegássesagkohok Dios ma'a énxet'ák apkellenxáneykmoho nak apkeláneyak apkeltémakxa ekmanyása, cham'a melyaheykekxa nak. Kalyéha'ak nahan apkelwáxok xa, melyexnegwomek nahan, megyekyek nahan elxénmakha ekmaso m'a ekha nak élmowancha'a éleymáxkoho nak; 11 keñe m'a Dios apkelásenneykha ekyetna nak eykhe ekyawe apmopwancha'a tén han kélyaheykekxoho, mexénhek eyke chá'a ekmaso nápaqtók Dios eltamhok elsexnenak xa.
12 Máxa aqsok nawha'ák xa énxet'ák nak: melya'ásegkok aqsok, elanagkok aqsa chá'a m'a apmakókxa enxoho elanagkok, apkelánteyepmeyk aqsa chá'a yaqwayam elmakpok tén han yaqwayam etekyók. Elxénmakha chá'a ekmaso m'a aqsok melya'áseykegkaxa nak; kaxhok sa' eyke apkeletsapma m'a ektémakxal'a kaletsapok aqsok nawha'ák, 13 kaxhok sa' nahan kéllegassáseykegkoho m'a ektémakxa nak apkellegássáseykegkoho apnámakkok. Yának chá'a kalpayhekxak apkelwáxok elanagkok ekhakxoho ekhem ma'a apkeltémakxa nak megkalmopsexta'a. Hegmegqaksohok chá'a negko'o negwet'a enxoho kólpasmok aptéyak kéxegke xa énxet'ák nak. Atsek chá'a elanagkok ma'a apkeltémakxa ekmaso sẽlyexancháseykha nak.
14 Megkatnehek chá'a megkatsapma apnények apwet'a enxoho kelán'a; megkalleklámeykegkok apkelánéyak melya'assáxma. Ñohok nahan chá'a ellekwomhok ma'a énxet'ák élyelqamáxkoho nak apteme melya'ásseyam; apwancha'ak nahan yepmenyéhok ma'a selyaqye; énxet'ák appagkanchesso yaqwayam ellegássesagkohok Dios xa. 15 Apkelweynchámeykha aqsa apkelxegányam, hakte apkelyenseykmek apkelyetlo m'a ámay ekpéwomo nak. Apkelyetleykekxeyk ma'a aptémakxa axta Balaam, Bosor axta apketche, apkeltémo axta étak selyaqye apkeláneya aptémakxa ekmaso, 16 kéltéma axta kélméssama kélpeywa eñama mey'assáxma: xama yámelyeheykok meyke ekpeywa paqhetchásak, ektémól'a hempaqhetchesek énxet, axta kahayók elenxanmohok apyeykesamakpohoxma m'a Dios appeywa aplegasso.
17 Máxa yámelchet meyke yegmenla'a xa énxet'ák apkelxekmósso nak apnámakkok, máxa m'a yaphope eksól'a éxchahayam; kélpagkanchessegkek nahan yaqwayam kólhéssók meyke néxa m'a ekyaqtéssamakxa agko' nak exma. 18 Kaleyxkohok chá'a apkelpeywa elxének ma'a amya'a élyawe, tén han mékoho nak, ellekwomhok nahan chá'a yetlo apkeláneyak apkeltémakxa ekmanyása tén han negyespagkamakxa nak anlának ma'a énxet'ák kaxwe nak ekmáheyo eykhe elmallánek nepyeseksa m'a megyaqhémo nak apkeltémakxa. 19 Eltennaksek chá'a kélmowána kóllának ma'a kélmakókxa enxoho kóllána', akke nahan aptamhéyak megkalmopwána elwátésagkok apkeltémakxa ekmaso xa; hakte apyókxoho énxet chá'a kamok apwáxok ma'a aqsok ekmomakxa enxoho apwáxok. 20 Hakte cham'a apkelya'áseykegkoho nak Wesse' egegkok Jesucristo Sẽlwagkassamo nak teyp, tén han énxet'ák apkelwátéséyak axta apkeláneyak nentémakxa ekmanyása ekyetnama nak keso náxop, apcha'awók sa' agkok kamekxak makham xa aqsok nak, kayágwomhok agko' sa' apkeláneykegkokxa apkeltémakxa ekmaso, megkaxók sa' ma'a sekxo' axta. 21 Tásek axta eykhe melya'asagkek ámay ekpéwomo xa énxet'ák nak, kaxnók elyensók apkeltémókxa nak antéhek Dios ekteme nak ekpagkanamaxche apxawáya axta xa énxet'ák nak, natámen apkelya'ásegwayam enxoho. 22 Naqsók eyke ektéma xa énxet'ák nak, cham'a ektémakxa nak amya'a: “Tawékxeyk ekyekxo semheg”, tén han ektéma nak amya'a s'e: “Appexyawáha makham neyseksa yelpa' m'a yátapomap kaxwe kélyaqpássesso yegmen.”
