Cháléwasso ekyawe tén han olivos
1 Apwa'akteyk axta makham ma'a Dios apchásenneykha sepaqhetchesa axta ko'o. Exátekhássa'akteyk axta, axta aptáhak ma'a ektémól'a kólxátekhaksek xama énxet apteyenma. Axta aptáhak sélmaxneyeyncha'a s'e: 2 “¿Yaqsa apwet'a?” Tén axta ko'o sektáha seyátegmowágkokxo s'e: “Ekwet'ak ko'o xama cháléwasso ekyawe sawo ekyátekto ekmomnáwa, yetlo xama kélyátamakxa égmenek ekyetno m'a néten. Siete cháléwasso étkók nahan ekhéyak ma'a netno nak, siete nahan kélyetmeykegkaxa nak chá'a m'a égmen'ák. 3 Keñe m'a ekpayhókxa nak ekyetnakxa m'a cháléwasso ekyawe, élaqna ánet olivo yámet; xama m'a ekpayho nak élya'assamakxa, xama nahan ma'a ekpayho nak násagqalwa.”
4 Élmaxneyáha axta ko'o m'a Dios apchásenneykha ektáha axta sepaqhetchesso. Axta ektáhak se'e: “Wesse' ahagkok, ¿yaqsa aqsok xa ektéma nak?” 5 Aptáhak axta Dios apchásenneykha seyátegmowágkokxo s'e: “¿Ya ey'ásegkok xép ekyetchesamaxkoho xa aqsok nak?” Tén axta sektáha seyáneya s'e: Wesse' ahagkok, may'ásegkok ko'o xa aqsok nak.
6 Tén axta aptáha seyáneya s'e: “Keso Wesse' egegkok appeywa apcháphássesso m'a Zorobabel: ‘Nágyásenneykxa sẽlpextétamo, tén han apyennaqte, eyke m'a Espíritu ahagkok nak, axta aptáhak Wesse' egegkok ekha nak apyennaqte. 7 ¿Yaqsa exche' egkexe ekyawe? ¡Katnekxak sa' xe' xapop meyke élekhahéyak nápaqtók ma'a Zorobabel! Sa' elkok meteymog émha amonye' nak ma'a, neyseksa apteme apkelyennaqtéssamo apkelpeywa énxet'ák se'e: ¡Táse' nak la'a meteymog! ¡Tásók agko' nak la'a!’”
8 Tén axta segkésa makham mók appeywa m'a Wesse' egegkok: 9 “Apnegkenchásegkek apowhók ekyennaqtéssamakxa Zorobabel se'e exagkok nak. Sa' etnehek han appenchesso apkelane m'a.” Keñe sa' kólya'ásegwók kéxegke aptáha seyáphasso ko'o m'a Wesse' egegkok ekha nak apyennaqte. 10 “Kalpayhekxak sa' kaxwók apkelwáxok apkelwet'a enxoho appenchesa aptamheykha Zorobabel ma'a metnéssesso axta naqsók ma'a sekxók axta eyeynókxa apkelane aptamheykha.”
Tén axta aptáha makham Dios apchásenneykha s'e: “Cháxa siete cháléwasso étkók nak ekteme Wesse' egegkok apaqta'ák, eksawheykekxoho nak apkelányo s'e ekyókxoho nak keso náxop.”
11 Tén axta ko'o sektáha sélmaxneyeyncha'a s'e: “¿Yaqsa eyke ekyetchesamaxkoho xa ánet olivo yámet nak, émha nak chá'a xama nekha xa cháléwasso ekyawe nak?” 12 Axta ektáhak nahan sélmaxneyeyncha'a s'e: “¿Yaqsa eyke ekyetchesamaxkoho nahan xa ánet olivo yámet axchakkok élaqnéyak nak nekha m'a élápogwatmakxa nak chá'a, élánamáxche nak sawo ekyátekto ekmomnáwa élmeyeykekxexa nak chá'a égmen'ák kalápogwatchesek ma'a cháléwasso?” 13 Aptáhak axta Dios apchásenneykha seyátegmowágkokxo s'e: “¿Ya ey'ásegkok xép élyetchesamaxkoho xa?” “Ma', Wesse' ahagkok, may'ásegkok —axta ektáhak seyáneya.” 14 Tén axta aptáha makham seyátegmowágkokxo s'e: “Cháxa apteme apqánet énxet apkelpagkanamap yaqwayam etnehek apkeltamheykha m'a aphakxa nak Wesse' egegkok apsawheykekxoho nak ekyókxoho keso náxop.”
Amyaa alapongmateycaoc najan yamit olivo
1 Apvoctac alhta mocjam ángel siyinmaycamó lhama alhta, aptomja selhaticjascama, malha naysicsa sictiyanma intomjac. Aptomjac alhta seyanya: 2 ¿Apvita ya lhquip? — alhta aptomjac. Ayatingmavoc alhta: Acvitac coo alapongmateyquiclha allanomalhca oro alyinmom, acyitna alhancoc ayingmenic avalhoc. Yitnec maa siete alapongmateycaoc ayitsicsaoc, najan maa siete tubos ayingmenic atamnic. 3 Inquinmec maa olivo yamit lhama nicja derecha, najan moc nicja izquierda.
4 Actomjac coo siyanya: Visqui, ¿so acvisay qui? — alhta actomjac coo. 5 Apcatingmavoc alhta ángel: ¿Paj ya eyasamcoc lhip? — alhta aptomjac. Ayatingmavoc coo: Visqui, paj oyasamcoc — alhta actomjac coo.
6 Aptomjac alhta mocjam ángel: Eycaso amyaa ayinyema Dios Visqui ingac, eyasamcojo Zorobabel: Jave ayinyema singilpilhtetemo, jave ayinyema apquilyimnatem, eyca ayinyema Espíritu ajanco, aptomjac alhta Dios Visqui apyimtalhnamo. 7 ¡Malha inquilhe acvinatem intomjac singinmelhaycam! Comascoc sat ayimjaclha cotniclhac sat malha amyip napato Zorobabel. Elcoc sat mataymong tajescamaclha tingma apvajac. Elpalhamam sat enlhitaoc: ¡Sas maa! ¡Sas, actamila anco! — sat eltimjic.
8 Eltimnasquic alhta Visqui ingac moc amyaa: 9 Apquillanac alhta tingma apvojac Zorobabel, esavojoc sat apquillanay tingma apponquinomap — alhta aptomjac. Elyasingvomoc sat quellhip seyapajascama Dios Visqui ingac. 10 Apquilyascacmec alhta napocja, apquilvita siclhoc alhta apquiltamjaycam ayitcoc. Elpasingvotac sat naysicsa apquilitsovascama, elpenacsojo apquilpasmeyquiclha Zorobabel.
Aptomjac alhta mocjam ángel: Siete alapongmateycaoc alyitsomalhca apataoc Dios Visqui ingac, apvita nintemaclha ningileyvam as nalhpop — alhta aptomjac.
11 Actomjac alhta siyanya: ¿So actema yi anit yamit olivos, lhama nicja najan moc nicja? 12 Mocjam silmalhnaycam: ¿So actema yi olivo yamit actingaoc nicja tubos ayingmenic atamnic? — alhta actomjac coo. 13 Apcatingmavoc alhta ángel: ¿Paj ya eyasamcoc lhip? — alhta aptomjac. Paj coo oyasamcoc — alhta actomjac coo.
14 Apcatingmavoc alhta: Apquilvisay apcanit enlhit mayayo, apponquinquiscama (apquilyacyescama) Dios Visqui ingac, eltimjic apquiltimesaycam as nalhpop — alhta aptomjac — nic nat aptomjac profeta.
