Kelán'a ekmanyehe kategkesek énxet
1 Hatte,
elyahakxoho chá'a
ektémakxa nak ko'o
sekya'áseykegkoho aqsok;
etaqmelchesho apháxenmo
ektémakxa nak ko'o
sekmowána aqsok.
2 Keñe sa' ey'ásegwók
apteme apmopwána
apkeláneykegkoho aptémakxa,
epaqmétek sa' nahan
yetlo ekha ektémakxa
apya'áseykegkoho aqsok.
3 Hakte atsek
chá'a katnehek
ekpeywa henlának
ma'a kelán'a
megkatnaha nak entáwa',
yeykhásseykmók
pexmok égmenek
ektaqmalmal'a m'a
ektémakxa nak
sempetseseykha;
4 askehek eyke katnehek
ekyaqmageykekxa',
kayeykhássamhok ma'a
aqsok égmenek ekmáskel'a,
askehek katnehek
senlegassáseykegkoho,
kayeykhássamhok ma'a
ektémakxal'a hempexyekhak
sawo ánet ahamtek.
5 Negyetlákxeyk agkok,
cham'a nétsapma m'a;
hakte payhémók ámay
agkok ma'a takhaxpop.
6 Hakte megkeytlók
ámay ekyennaqtamakxa
egnények xa kelán'a nak,
megkay'ásegkok ekmasagko
m'a ektémakxa nak
ekweynchámeykha.
7 Hatte,
yeyxho sekpeywa,
ná étnakhés chá'a
sélxekmowáseyak.
8 Ná épetchegwom
ma'a kelán'a
megkatnaha nak aptáwa';
ná etnegwom ma'a
átog axagkok nak,
9 yaqwayam enxoho
megkamassegwomek
ma'a ektémakxa nak
apteme ekha kéláyo,
keñe han megyaqhehek
aptáhakxoho apketkok
ma'a atáwa' nak ma'a
kelán'a nak,
10 yaqwayam enxoho
metókasek aqsok
apagkok ekyetnakxa
nak xép ma'a pók
énxet'ák megkatnaha
apkeleñémeyo xamo',
tén han esawhaksek
selyaqye apagkok.
11 Keñe sa' natámen
kaqhek apwáxok
apwet'a enxoho
ektaqmelchásegkoho
ekmassa apyennaqte,
apyamhowa enxoho.
12 Sa' etnehek se'e:
“¡Yaqsa axta ex'a ektéma
malyaheykekxo chá'a
sélpaqhetcháseykha!
¡Yaqsa axta ex'a ektéma
mamoma takha' m'a
ektémakxa axta
chá'a sélésso aqsok!
13 ¡Magwaháxenmók
apkelpeywa m'a
apmáheyo axta
chá'a hélxekmósek,
magwaháxenmók han
ma'a ektáha axta
chá'a sélxekmowáseyak,
14 xegkessamók
amegqasaxkohok ahagko',
nápaqta'awók ma'a
apyókxoho énxet'ák nak!”
15 Etnésses wánxa
appathetéyak chá'a
m'a aptáwa' nak,
etnésses wánxa
apchásekhayo m'a.
16 Megkataqmelchessesek
xép apha apwetássekmo
enxoho chá'a étche
m'a mók kelán'a.
17 Yektegkes aqsa chá'a
apketchek apancha'awo nak
yaqwayam sa' kapasmok,
¡háwe yaqwayam
kapasmok ma'a pók énxet!
18 ¡Kapayhekxa apwáxok
xamo' xa aptáwa' nak,
cham'a kelán'a apmoma
axta aptéma aptáwa' m'a
aptémakxa axta wokma'ák,
19 cham'a kelán'a
ektaqmalma nak ekyókxa'!
¡Megkatnehek sa'
chá'a megkásekhayo!
¡Kamok sa' chá'a
apwáxok ekteméssesakxa'!
20 Hatte,
¡Ná kalának
apwáxok pók aptáwa'!
¡Ná epathetwom
ma'a kelán'a
megkatnaha nak aptáwa'!
21 Apkeláneykha chá'a
Wesse' egegkok
ektémakxa aqsok
apkelane m'a énxet;
meyenyókasek apaqtek
ma'a apmahágkaxa enxoho.
22 Kamekxohok agko'
chá'a aqsok ekmaso
apkelane m'a énxet
ekmaso nak aptémakxa';
máxa táma katnehek
kalpextétek ma'a
mey'assáxma apkelane
apagkok apagko' nak.
23 Meláneykegkoho
aptémakxa sa'
keyntamok ma'a
nétsapmakxa nak;
aptémakxa ekyeyháxma sa'
kañék etwasakpohok apagko'.
Actemaclha anco quilvana
1 Lhip sictamongvoyam: Ingyeylhojo sicpayvam sicyascamco coo, iyiplovcasojo sat mataa.
2 Comoc sat lhip apvalhoc actemaclha ningyascamco, apmopvan eyascasingvomoc mataa poc.
3 Lhip sictamongvoyam: Innec maa quilvana cotnaja intava aclhamasomalhca, acmasis mataa acpayvam malha altilhnamalhca acpayvam.
4 Cotniclhac sat moc actemaclha, asquejec acpayvam malha asiscoc, malha singajem sovo acvinatem.
5 Ongitsapoc ningyiplaclho inlhojo as quilvana, ongatoynalhcac sat malhic.
6 Paj colhenac mataa acyimnatem ingneyic as quilvana. Am colhenac mataa avalhoc yoyam colhnanmoc aclhingam,
7 Lhip sictamongvoyam, ingyeylhojo sicpayvam, iyiplovcasojo sictemaclha siltamescama.
8 Notingya nasa quilvana cotnaja aptava, notingya nasa tingma ac as quilvana.
9 Elnatamacpoc sat lhip asoc apanco najan solyayem, aptimesaycam alhta lhip aclhamoclhojo años aplhoy acyanmongam. Elnatamoc sat enlhit apyimnatem, apvisay quilvana atava.
10 Elsavojoc sat lhip asoc apanco metnaja apnaymacoc, aplhoy alhta lhip acyanmongam aptimesaycam alhta.
11 Elngamcojoc sat lhip mepqui asoc, elngamcojoc sat mayic ayajem yoyam emasquingvomoc.
12 Epametam sat lhip: ¡Sictemaclha alhta mepqui silyajayquiclho! ¡Sictanoncama alhta actemaclha seltamescama tata coo!
13 Am alhta ongvajalhnoc seltamescama maestro, najan appayvam aptomja sevanimquiscama — sat etnejic lhip.
14 Inquitlhincasquic olngamcojoc sevenneycam apyovoclhojo enaymacoc apcaneyquiclhilha — alhta intomjac apvalhoc.
15 Iyin sat lhip yingmin pac, apyajayam yamilquit apanco.
16 Imyov sat lhip yingmin pac, coyanquinalhquejec sat amay apvalhoc tingma.
17 Lhip apanco yamilquit, lhip yingmin pac, jave poc apanco yamilquit. Nongyane nasa elyajangvomoc metnaja nintemolhama.
18 Actamila anco (acyitnamaclha) actiyapmaclha yingmin, actomja lhip apanco. Copayjiclha lhip apvalhoc, acma inlhojo aptava.
19 Acyitsomalhca popyit aptamila. Aclhalhma mataa lhip, actomja ayasicjayo, actomja acyipitcayo lhip.
20 ¿Lhip sictamongvoyam, naso ya lhquip apquilaneyo moc quilvana? ¿Naso ya lhquip eyipitcojoc quilvana cotnaja aptava?
21 Apyasamcoc Dios Visqui ingac actemaclha aclhanma ingvalhoc nincoo. Apyasamcoc mataa nintemaclha inganco.
22 Elsilhnanacpoc apanco apquilmapsomcaa ayinyema apquiltemaclha apancaoc. Malha yamtama acmam sat cotnejic meyascalhma enlhit.
23 Emasquingvomoc sat naysicsa aptemaclha apanco. Etvasacpoc sat ayinyema aptemaclha acyeyjamelhma.
