Apkelánémakpexa nak etnahagkok apkelámha amonye'e kélaqneykekxexa
1 Peyk ko'o kaxwók agkések sekpeywa m'a apkelámha apmonye'e nak kélaqneykekxexa kéxegke, ko'o sekteme nak han sémha emonye' sekhawo xa énxet'ák nak, sekweteykegkoho nak han ma'a ektémakxa axta aplegeykegkoho Cristo, tén han ekmáheyo nak ko'óxa hewatámhok ma'a Cristo apcheymákpoho, cham'a peya nak kaxekmósaxche'. 2 Kóllanha chá'a Dios apnaqtósso nepkések, kélánémaxche axta kóllanha; kóllanha chá'a kélmáheyo kélagko' kóllanha, apmopmenyého nak chá'a kóltéhek ma'a Dios, háwe m'a kélyáteyeykegkohol'a, háwe nahan eñama kélmámenyého m'a selyaqye, wánxa m'a kélmáheyo kélagko' nak. 3 Nágkólyennaqtésaxkoho aqsa chá'a kéxegke nepyeseksa m'a énxet'ák kélánémaxche enxoho chá'a kóllanha, kóllenxánem aqsa chá'a kólának elwetak ektaqmalma kéltémakxa ekpayhawo nak elyetlakxa'. 4 Yaqwayam sa' kólxawak kéxegke kélatchesso kélpátek ekha nak eyeymáxkoho, cham'a nétchesso empátek megkamaso nak élyenma, senxekmowáseykpoho sa' ma'a apteme nak apkemha apmonye' apagko' Keláneykha Nepkések.
5 Kéxegke nahan kélketkók nak, kólteme chá'a kélyaheykekxoho m'a apkelwányam kélagkok nak. Negyókxoho chá'a kéméxcheyk antéhek nélyaheykekxoho egmók, yetlo megkeymáxkoho egwáxok, hakte:
“Elenmexhok chá'a Dios ma'a
apkeleymákpoho nak,
epasmohok eyke chá'a
yetlo apkelásekhayo m'a
meleymákpoho nak.”
6 Kólteme chá'a megkaleymáxkoho kélwáxok nápaqtók Dios, apmopwána nak hegmeyók, yaqwayam sa' etnéssesek ekha kéláyo kéxegke, ekwokmo sa' ekhem yaqwánxa etnéssesek. 7 Kólmés chá'a Dios yaqwayam elánésekxak ma'a ekyókxoho ektémakxa nak ekyentaxnamo kélwáxok, hakte keytnakhaksohok chá'a apwáxok kéxegke m'a.
8 Kólteme chá'a ekha kélya'áseykegkoho, kólleyxmakha nahan chá'a, hakte máxa aqsok nawhak eklo ekyexwéweykha táhak ektegyeyncha'a ekyógkexma m'a kelyekhama', élenmexma nak kéxegke. 9 Nágkólho kaqtaksek, kólyennaqtés kélteme megkólya'ásseyam, hakte kélya'ásegkok kéxegke ekyókxoho yókxexma nak keso náxop, ekhémo apkellegeykegkoho kélyáxeg'a ekhawo ektémakxa nak xa aqsok nak. 10 Dios sa' eyke etnéssesek kéxegke kélpéwomo, megkólyenseyam kélteme megkólya'ásseyam, kélyennaqte tén han meyke eyaqtasso, cham'a natámen sa' kéllegeykegkoho yaqwatakxoho. Cháxa Dios sẽlwóneykencha'a axta xa, eñama ekyawe segásekhayo, apkeltémo hegwakxohok negko'óxa m'a ektémakxa nak apcheymákpoho megkamassegwayam eñama negyepetcheykekxa m'a Jesucristo. 11 Sa' etnehek chá'a ekha apmopwána megkatnégwayam néxa m'a. Katnahagkok sa'.
Néxa ekxeyenma apwáxok Pedro
12 Silvano ko'o eyásenneykxak sektáxéssesa ekyaqwate s'e sekpeywa nak, cham'a eyáxeg ekxeyenma nak ko'o ewáxok apteme meyenseyam aptamheykha, yaqwayam enxoho alwasqakkásekxoho', tén han katnehek ekmámnaqsoho magkenatchesso apkelásekhayo Dios ma'a kélxawéyak axta ektaqmalma kélteméssessamakxa'. ¡Nágkólyensem aqsa xa ektémakxa nak Dios segásekhayo!
13 Apcháphássessek nahan kéxegke ekxeyenma apkelwáxok ma'a énxet'ák melya'ásseyam nak Cristo apheykha m'a Babilonia, apteme axta Dios apkelyéseykha ekhawo ektémakxa nak han kéxegkáxa, apcháphássessek nahan ekxeyenma apwáxok kéxegke m'a hatte Marcos. 14 Kólpeykesaxche yetlo kélásekhayo nentémól'a anlának egmók nentémo xamo' nak magya'ásseyam.
Keytek sa' chá'a meyke ektáhakxa kélwáxok kélyókxoho kéxegke kélteme nak Cristo énxet'ák apagkok.
Actamila appayvam Pedro apquiltimnascama Jesucristo apmolhama
1 Yitnec coo sicpayvam actamila yoyam oltimnacsic apquilimja apmamyi Jesucristo apmolhama. Ayinyemaclha coo najan sictimem siyimja emamyi. Sictomja najan sicvitaycamco aplingaycamco acmasca Cristo. Olhojoc sat lhama ayitsayoclhilhma Cristo apvactamo sat, sicno apquilimja apmamyi. 2 Eltamilquis sat quellhip Jesucristo apmolhama, malha quilancam nipquesic apquiltamilquiscama apnatoscama. Nocollhen nasa apquilvalhoc apquiltomja apquilanyomap yoyam eltamilsic. Eyca colcojo sat mataa apquilvalhoc yoyam eltamilsic naysicsa coyimtalhnamo ingvalhoc actemaclha apyisponcama Dios. Nocollhen nasa apquilvalhoc acyanmongam apquiltamjaycam yoyam ellhovac. Eltamilquis sat Jesucristo apmolhama acyiplomo apquilasicjayo najan acpayjayclha apquilvalhoc. 3 Noeltime nasa malha apquilviscaa apquiltomja apquilapajascama mataa. Elvitasquis sat apquiltemaclha quellhip yoyam elvajanamcoc Jesucristo apmolhama. 4 Apvoctac sat ancoc apquimja apmamyi apyimtalhnamo, ellhovamcoc sat quellhip acyiviy acyanmongam, am colhno catquin ava yoyam copalamoc.
5 Actomjac coo silanya quellhip quilyimnanic: Elilyejiclhojo sat mataa ingilyipmaa apquilvanyam. Actomjac coo silanya quellhip elyalhinga: Noelyimtalhnesacpojo apanco nipyesicsa. Elpasim sat mataa poc, malha apquilancam. Eycaso actomja actalhesomalhca:
Apquilyasquic mataa olhma Dios yoyam eyimtalhnesacpojo apanco enlhit.
Dios eyca epasmoc sat mataa enlhit aptomja meyimtalhnesomap apanco
—nic nat intomjac vaycajac.
6 Elangvoclha sat quellhip napato Dios apyimtalhnamo yoyam epasmoc sat acvocmo sat acnim. 7 Nocollhen nasa apquilvalhoc asoc yoyam cotnejic, ayinyemaclha Dios apquiltamjoc mataa elmeyvoc quellhip.
8 Eltamilsojo apquilvalhoc quellhip. Elantiyapmojo sat mataa. Ayinyemaclha innec cotnaja ingmoc acvisay diablo yavey. Actomja malha asoc navjac aclom. Intingyam mataa yoyam cajic. 9 Elyimnates quellhip actemaclha melyasquiyam malha apquilmaycam yoyam melacyejec sat quellhip. Apquilyasamcoc quellhip actemaclha apquillingaycamco acmasca ingilyalhinga apnaycam lhalhma anco, acno quellhip. 10 Apquillingamcoc sat ancoc acmasca quellhip acyavataclhojo. Dios sat elpenacsojo quellhip najan elyimnaticsojoc sat quellhip najan epasmoc yoyam elinlhanmojoc quellhip. Ayinyemaclha Dios aptomja singmescama cotlaycaoc singaycaoc. Apquiltamjoc yoyam ongnam sat lhama Jesucristo aptomja apyimtalhnamo cotmongvoycamlha nelha. 11 Yitnec apmopvan Dios najan apyimtalhnamo cotmongvoycamlha nelha. Amén.
Actomjaclha nelha appayvam Pedro.
12 Ingyalhing Silvano aptalhescama as vaycajac actemaclha coo sicpayvam. Ingyalhing appeyvomo aptomja Silvano. Ayapajascasquic quellhip actalhesomalhca acyavatem. Altamjoc ongvapajasquisic quellhip aso sicpayvam actamila yoyam elyasamcojo actomja nasoc anco Dios apcaycaoc apquillhoy quellhip. 13 Inquillhenquic apquilvalhoc quellhip Jesucristo apmolhama tingma Babilonia. Apquiltomja Dios apquilyacyescama, apquilno quellhip. Inlhenquic najan apvalhoc ingyalhing Marcos, aptomja malha sictamongvoyam. 14 Elpayvesap sat acyiplomo acpayjayclha apquilvalhoc ayinyema ningilasicjamalhco ningyesicsa.
Eltamilsojo apquilvalhoc quellhip apquiltomja apquilpasmeyquiclha Jesucristo. Amén.
