Segánamakxa ekxeyenma nak énxet kélásenneykha naqsa
(Dt 15.12-18)1 “Keso segánamakxa yaqwayam sa' elmésagkok énxet'ák se'e:
2 “Apmeyk sa' agkok xama apchásenneykha naqsa hebreo énxet, etnéssesha sa' ekweykmoho seis apyeyam, keñe sa' ektáha enxoho siete apyeyam etyapok, meyke apyánmagkasso m'a ekyánmaga apteyapma, 3 Apxakkók sa' agkok apwe m'a, apxakkók sa' nahan etaqhoho'; yetneyk sa' agkok nahan aptáwa' m'a, yetlo aptáwa' sa' nahan etaqhoho'; 4 apméssek sa' agkok nahan xama kelán'a yaqwayam etnehek aptáwa' m'a ektáha nak wesse' apagkok, keñe sa' apwetasa enxoho étchek apkelennay'a essenhan kelwán'ák, etnehek sa' apagkok kelán'a yetlo étchek ma'a ektáha nak wesse' apagkok, tén sa' ma'a kélásenneykha naqsa nak etaqhohok apxakko'. 5 Sa' agkok elyahákxak apchánémap elwataksek apteme kélásenneykha naqsa m'a énxet nak, eñama apchásekhayo m'a aptáwa', apketchek, tén han ma'a ektáha nak wesse' apagkok, 6 eyentemekxak sa' aphakxa Dios ma'a ektáha nak wesse' apagkok, épetchessekxak sa' átog essenhan nekhaw'ék nak, eyagqaxqatchesek apeykok hópenyámet ekmahamta naw'a, tén sa' etnehek apchásenneykha meyke néxa.
7 “Yetneyk agkok xama énxet apyamasma apketche kelwána yaqwayam katnehek kélásenneykha naqsa, megkólyenyekxék sa', megkatnehek sa' ma'a ektémól'a m'a kélásenneykha naqsa apkelennay'a nak. 8 Agkok kalchak apwáxok etnehek aptáwa' wesse' agkok ma'a kelán'a étkok nak, kéméxcheyk yohok aqsa exkekxak ekyaqmageykekxa ekyánmaga m'a kelán'a étkok nak; mopwanchek nahan egkeyásekxak ekha ekyánmaga xama enxoho m'a énxet apkeñama nak mók apkelókxa, etaqnók eykhe katnehek. 9 Apméssek agkok nahan apketche yaqwayam etnehek aptáwa' xa kelán'a étkok nak, kéméxcheyk etnéssesek ma'a apteméssessamakxal'a chá'a m'a apketche kelwána. 10 Apmákxeyk agkok nahan mók kelán'a m'a, megkéméxchek etnessásekxak kóneg ma'a émha amonye' aptáwa' nak, megkéméxchek nahan etnéssesek ketsék apmésso m'a ekto, tén han ma'a apáwa, mopwanchek nahan elwataksek appathetéyak. 11 Agkok egkeyásak xama enxoho xa ántánxo aqsok nak, katyapok sa' xa kelán'a nak, meyke ekyánmagkasso xama enxoho m'a ekyánmaga ekteyapma.
Segánamakxa ekxeyenma nak negaqhe egmók tén han negyensasso
12 “Énxet ektáhakxa enxoho apyensasso pók tén han apchaqhe, yánékpok sa' ematñekxa'. 13 Keñe sa' ma'a megkatnaha enxoho apmáheyo apagko' yaqhek pók, ektáha enxoho Dios apkeltémo yetsapok, ko'o sa' altennaksek yaqsa yókxexma apwanchek emhagkok éxánegwók. 14 Keñe sa' ma'a aptaqnagko nak chá'a pók, apchaqha enxoho meyke apchésseykekxa, éxánegwók sa' eykhe m'a nekha nak aqsok ekwatnamáxchexa ahagkok, ektamakpok sa', keñe sa' yánékpok ematñekxa'.
15 “Énxet ektáhakxa enxoho apyensasso apyáp essenhan ma'a egken, yánékpok sa' ematñekxa'.
16 “Énxet ektáhakxa enxoho apxegánegkesso xama énxet, essenhan apyenyeykekxo enxoho ekha ekyánmaga, essenhan appósso enxoho aqsa m'a aphakxa nak, yánékpok sa' ematñekxa'.
17 “Énxet ektáhakxa enxoho apyemneykha apyáp, essenhan ma'a egken, yánékpok sa' ematñekxa'.
18 “Yetneyk agkok nahan apkelnápomap énxet, apyensássek agkok pók xama énxet apyenha enxoho meteymog, essenhan aptekpaga enxoho apmek, tén étek aqsa apyetnamakxa néten ma'a pók eñássesagkoho', megyaqhek eyke, 19 tén sa' ma'a ektáha nak apyensasso pók exénakpok megkatnaha apteme m'a apkempákxo enxoho néten ma'a ektáha enxoho apyense, tén han apkepwagko enxoho etyapok ma'a ámay yetlo ekpasmo m'a xama yámet aptasqapeykha, eyánmagkassesek sa' eyke chá'a kéllánesso m'a apkelyense nak, tén han ma'a ekhem metnaheykha nak chá'a.
20 “Yetneyk agkok nahan xama énxet aptekpageykha yámet ma'a apchásenneykha naqsa apkenna nak essenhan ma'a kelwána nak, keñe apchaqha enxoho, kéméxcheyk kóllegássesagkoho'. 21 Agkok yetsapak ma'a, apmallana enxoho xama ekhem essenhan mók ekhem, megkóllegássesagkók sa', hakte apagkok apagko' ma'a apchásenneykha nak.
22 “Apkeltekpagákpek agkok nahan apqánet énxet, keñe aptekpogwokmoho enxoho xama kelán'a lóso', yaqhássesek nahan étche awáxok neyseksa megkawayam ekhem agkok yaqweykenxa katnehek naqláwa, méko eyke katnehek apteméssesakxa m'a émpehek nak, tén sa' ma'a ektáha nak apteme xa, eyánmagkasek sa' ma'a ekwánxa enxoho apkelmaxnagko yaqwayam elekkesek selyaqye apagkok ektáha enxoho atáwa' m'a kelán'a nak, aptáhakxa enxoho apkelpeywa m'a énxet'ák segyekpelchémo. 23 Ketsekkek sa' agkok ma'a kelán'a nak, kólának sa' nahan ematñekxak ma'a. 24 Aplekkessek sa' agkok nahan aqtek, kóllekkesek sa' nahan apaqtek, apkelekkexchessek sa' agkok nahan am'ák, kólekkexchesek sa' nahan apma'ák, apyaqténchessek sa' agkok nahan aktog, kólyaqténchesek sa' nahan apaktog, apyaqténchessek sa' agkok nahan amnek, kólyaqténchesek sa' nahan apmenek, 25 apwatneyk sa' agkok nahan ma'a, kólwatnek sa' nahan ma'a, apyensássek sa' agkok nahan ma'a, kólyensaksek sa' nahan ma'a, aptekpagáha sa' agkok nahan ma'a, kóltekpogmakha sa' nahan ma'a. 26 Aptekpagkassek sa' agkok apaqtek xama apchásenneykha apkenna essenhan kelwána xama énxet, apyáwek sa' agkok aptemessásak, kéméxcheyk eyenyekxa aqsa ekyaqmageykekxa m'a apaqtek nak. 27 Apkentássessek agkok nahan xama apma'ák, kéméxcheyk nahan egkések yaqwayam etyapok ekyaqmageykekxa m'a apma'ák nak.
Segánamakxa ekxeyenma nak ekyetna enxoho ekpelakkasso hentemégwomhok exma
28 “Kelyetxaqkak agkok weyke yágkelwána xama énxet essenhan xama kelán'a enxoho, tén ma'a eyaqha enxoho, kólyetnak sa' meteymog kamatñekxak ma'a weyke yágkelwána nak, megkatawaxchék sa' nahan ma'a ápetek nak, megkóllegássesagkók sa' nahan ma'a ótep nak. 29 Ektémakxa agko' sa' agkok chá'a élyetxaqwayam aqsa chá'a ekwet'akxa enxoho m'a weyke nak, keñe sa' eyaqha enxoho xama énxet, kólyetnak sa' meteymog kamatñekxa', hakte ey'asagkohok eykhe katnehek ma'a ótep nak, melyahakxeyk eyke chá'a yáneykpok yaqxegkásekxak kañe'. 30 Sa' agkok kóltamhók ematñekxa', kélmaxneya enxoho aqsa eyánmagkasek, kéméxcheyk eyánmagkasek ma'a ekwánxa enxoho ekhawo kayaqmegekxak ma'a apyókxa nak. 31 Kelyetxaqkak sa' agkok nahan xama wokma'ák essenhan kelán'a étkok, sa' kólmaha nahan xa ekhawo nak xa segánamakxa nak. 32 Kelyetxaqkak agkok nahan weyke yágkelwána m'a xama kélásenneykha naqsa apkenna' essenhan ma'a kelwána nak, kólyetnak sa' meteymog kamatñekxak xa weyke yágkelwána nak, tén sa' ma'a ektáha nak apchásenneykha xa énxet nak, tén han ma'a kelán'a nak, kólmések sa' ekyánmaga ekweykmoho treinta sawók selyaqye.
33 “Apyenyókek agkok aqsa apmeta máxek xama énxet meyke aphaxtegkesso, apmetma enxoho máxek keñe megyáphek átog, keñe ekteyekmo enxoho xama wey essenhan yámelyeheykok ma'a kañe' nak, 34 sa' eyaqmagkásekxak mók aqsok aptósso pók étsapma m'a ektáha nak apmeta xa máxek nak, emekxak sa' eyke m'a kéltósso étsapma nak.
35 “Kelyetxaqkak agkok nahan mók wey aptósso m'a pók énxet, keñe eyaqha enxoho mók, aptósso m'a pók énxet, kólyenyók sa' ekha ekyánmaga m'a wey megkatsapma nak tén sa' eyápetchesek pók ma'a selyaqye tén han ma'a wey étsapma ápetek nak. 36 Kélya'ásegkok sa' agkok ektémakxa agko' élyetxaqwayam aqsa chá'a ekwet'akxa enxoho m'a wey nak, tén han melyaheykekxa chá'a yáneykpok yaqxegkásekxak kañe' m'a ótep nak, kéméxcheyk egkeyásekxak mók wey ektáha nak ótep ekyaqmageykekxa m'a aptósso étsapma nak, keñe m'a wey étsapma nak, etnekxak apagkok.
Singanamaclha apquillhenacpo apquilmomap
(Dt 15.12-18)1 Eycaso siyanamaclha, yoyam elyiplovcasojo apnaymacoc — nic nat aptomjac Dios Apyimtalhnamo.
2 Apquiltingyac sat ancoc quellhip metnaja aptemolhama malha apmomap acma acyanmongam. Etnajam sat mataa 6 años malha apmomap. Vocmec sat ancoc 7 años, comascoc sat aptimem apmomap, etyisam sat apanco. 3 Apvaac nat ancoc mepqui aptava, eyamyiclhac sat mepqui aptava. Acma aptava ilhnic nat apmomap, eyantemiclha sat aptava. 4 Apvitac sat ancoc macmescama quilvana, ayinyema apvisqui (patrón) apmescama. Intiyacmec nat ancoc ayitquic, copvanquejec eyantemiclha aptava najan ayitquic. Cotnejic sat altimesaycam mocjam apvisqui (patrón). 5 Aptomjac sat ancoc ingyanic: Aptasi nac visqui ajac. Moyinyovejec coo sicmomalhca. Oyipitcojoc sat sicmolhama siyasicjayo — sat etnejic. 6 Colhic sat acyantamaclha napato Dios Apyimtalhnamo. Etnimsacpoc sat coning tingma apatong, nicja yamit poste. Colhic sat acyancalhcata apaycoc lajac. Acvisay asoc monquinatquiscama aptimesaycam cotmongvoycamlha nelha.
7 Apyinyovquic sat ancoc apquitca quilvana ayitcoc acma acyanmongam. Copvanquejec sat mataa coyamyiclha quilvana. 8 Am sat ancoc colcac apvalhoc apvisqui (patrón) etnejic aptava quilvana ayitcoc. Coyinyovalhquejec sat maa. Memejec sat poc apvisqui metnaja aptemolhama. Apvitac sat ancoc acyanmongam ayinyema inyap, colhic sat acyamyeclho quilvana ayitcoc. 9 Apquilyimjapcasquic sat ancoc apquitca etnejic aptapa as quilvana ayitcoc. Colhojoc sat apvisqui (patrón) apquitca. 10 Aptimec sat ancoc aptava as quilvana ayitcoc apvisqui. Acyiplomo apmayclha mocjam moc quilvana, malha anit apnatamcaa. Covenalhquejec sat aptava amamyi. Coytic sat actom, najan apava, najan acyitnamolhama atava. 11 Innec sat ancoc acvená aptava amamyi, cotajiclhac sat mepqui apyamasma acyanmongam inyap.
Actemaclha apquilinmelhaycam
12 Incaymalhquic ematong enlhit aptomjac apcajem poc. 13 Am alhta ancoc conyemac aplom enlhit, apvita apmatnam, malha ayinyema Dios Apyimtalhnamo. Apvanquic ingyinyejic as enlhit. Emyovacpoc sat napato Dios Apyimtalhnamo. 14 Incaymalhquic ematong enlhit aptomja apcajem poc naysicsa aplom. Copvanquejec emyovacpoc napato Dios Apyimtalhnamo.
15 Incaymalhquic ematong enlhit, aptomja apcajem apyap najan inquin (apyimsascama). 16 Incaymalhquic ematong enlhit, aptomja appatjitma poc, yoyam eyinyoc acyanmongam solyayem. Innoc moc: yicpintama apyamasma acyanmongam, najan natamin apyamasma acyanmongam solyayem. 17 Incaymalhquic ematong enlhit, aptomja aplom apquinmelhaycam apyap najan inquin.
Actemaclha ningyimsascama poc
18 Apquilnapacpec sat ancoc apcanit, apyimsascama poc ayinyema mataymong (yamit) najan apyimsascama apmic (acyayem). 19 Mematnejec sat apsilhnanomap apanco, apvita inlhojo aptamalviyam poc. Incaymalhquic eyinyoc acyanmongam (panatem) mactamilquisquiyam. Najan acyanmongam comopvan aptamjaycam.
20 Apmatnec sat ancoc enlhit apmomap najan quilvana acmomalhca. Ayinyema apyimsascama yamit. Apquitsepquic sat ancoc, colhic sat acyanmongseclho aptemaclha apanco (apsilhnanomap apanco). 21 Am sat ancoc ingyitsepac, apvoyam tap anit acnim. Colhejec sat acyanmongseclho aptemaclha apanco. Malha aptoscama aptomjac.
22 Apquilnapacpec sat ancoc apcanit, apyimsascama quilvana inlovso. Yiplovcoc actiyam ayitca alhnancoc, apcanyacpec eyinyoc acyanmongam apyimsascama quilvana, acno apcanama atava. Najan acno apcanama enlhit apquilyicpilquemo. 23 Apyimsasquic sat ancoc quilvana yoyam cotsapoc, colhic sat acyanmongseclho aptemaclha apanco. 24 Apyimsasquic sat ancoc atic quilvana, colhojoc sat acyanmongayclha. Apyimsasquic sat ancoc amaoc quilvana, colhojoc sat acyanmongayclha. Apyimsasquic sat ancoc amic, najan amnic colhojoc sat acyanmongayclha. 25 Invitalhquic sat ancoc acmeta ayimpejic, colhojoc sat acyanmongayclha. Invitalhquic sat ancoc actiyapma ema, colhojoc sat acyanmongayclha. Invitalhquic sat ancoc apquilyicpilhquitma, colhojoc sat acyanmongayclha.
26 Apyimsasquic sat ancoc apcatic apmomap najan quilvana acmomalha. Colhic sat ayapajasa (etajiclha), ayinyema aptovascama apvisqui (patrón). 27 Apyimsasquic sat ancoc apmaoc apmomap najan quilvana acmomalhca. Colhic sat ayapajasa (etajiclha), ayinyema aptovascama apvisqui (patrón).
Actemaclha ninlingaycamco acyimtalhnama
28 Inlovquic sat ancoc vayqui (buey) actamjaycam, acyiplha inquipetic enlhit. Acyimsasa inlhojo quilvana, yoyam cotsapoc. Incaymalhquic comatong vayqui. Mongvanquejec ontoc apitic. Mepqui apsilhnanomap (avtip) aptomja aptoscama. 29 Apyasamcoc sat ancoc enlhit actemaclha aclom vayqui. Najan apquillhanma apnaymacoc actemaclha aclom, yoyam etjetic aptoscama. Apmatnec sat ancoc enlhit, inlhojo laa quilvana, vayqui aclom actovascama. Comatong sat vayqui. Ematong sat najan aptomja aptoscama. 30 Apvanquic mematneje avtip. Incaymalhquic eyinyoc acyivey acyanmongam, acvamlha apcanyomap eyinyoc. Emyovacpoc sat as avtip. 31 Colhojoc sat actemaclha amyaa apmatnam apquitcoc inlhojo laa quilvana ayitcoc. 32 Inlovquic sat ancoc vayqui ayajem enlhit apmomap, inlhojo laa quilvana acmomalhca. Incaymalhquic comatong vayqui. Aptomja aptoscama vayqui eyinyoc sat acyanmongam 30 monedas de plata.
33 Yitnec sat ancoc malhic mepqui ayapma atong. Apmetmec sat ancoc. Intolhnac sat ancoc vayqui, cotyamoc congne malhic, najan maa yamelyeyjaycoc. 34 Inquitsepquic sat ancoc, incaymalhquic eyinyoc acyanmongam vayqui, najan maa acyanmongam yamelyeyjaycoc.
35 Inquilnapalhquic sat ancoc anit vayqui. Cotsapoc sat lhama. Colhic sat ayilhpansa nalhit vayqui. Coyinyovalhcac sat vayqui alhnancoc, colhic sat ayilhpansa nalhit acyanmongam. Apcanit enlhit elhcac sat nalhit acyanmongam najan moc nalhit vayqui acmatnam. 36 Apyasamcoc sat ancoc enlhit actemaclha aclom vayqui mepqui actetamalhca. Incaymalhquic emquecsic aptoscama vayqui acyanmongam acmatnam. Apvanquic emyoc vayqui ápac.
