Edom kéltemessáseykekxa mékoho
1 Amya'a apxawe axta Abdías eñama Wesse' egegkok apxekmósso.
Nenlegayak
negko'o amya'a eñama
Wesse' egegkok;
xama énxet apseykha amya'a
axta apweynchámeykha m'a
apkelókxa nak yaqwayam
etnehek elának se'e:
“¡Kólchempekxa néten!
¡Ólxog ómpakhak Edom!”
Aptáhak Dios Wesse' egegkok apcháneya Edom se'e:
2 “Ketchetsék apagko'
sa' atnessásekxak
nepyeseksa m'a
ekyókxoho apkelókxa',
mékoho apagko'
sa' atnessásekxa'.
3 Apcheymákpoho keñamak
megyaqhémo aptémakxa.
Aphegkek xép
ma'a neyseksa
nak meteymog áxwa,
cham'a netnók
agko' nak egkexe,
cháxa keñamak
apkenagkama nak
xép méko kategkesek.
4 Netnók sa' eykhe
emhagkok ektémól'a
náta ekyawe,
epekkenwók sa' eykhe
apxagkok ma'a
nepyeseksa nak yaw'a,
sa' eyke yeñék
ayenyenták xép
ma'a néten nak.”
Aptáhak Wesse' egegkok se'e:
5 “Apkelwa'ak agkok
axta'a apxagkok ma'a
apkelmenyexma nak
elmenyexchesek
aqsok apagkok,
mesawhók elmok
ekyókxoho;
apkelwa'ak agkok
han apxagkok ma'a
apnakxeykegkoho
nak chá'a anmen
yámet ekyexna,
eleymok chá'a
mók xama ekyexna.
Keñe m'a
apkelenmexma nak xép,
apmasséssekmók apagko'.
6 ¡Esaú,
kélsawheyásawok
aqsok apagkok!
¡Ekyókxoho agko'
kélmenyexchásak xép
aqsok élmomnáwa apagkok!
7 Apkelyexancháseyha
exchep ma'a apyókxoho
ektáha nak appasmeykekxa';
aptekkessegkek ma'a
xapop apagkok nak.
Weykmok apkenmexeykekxa
m'a apkelxegexma apagko' nak,
appekkenchessegkek
kelhanma m'a apkelxegexma'a
aptómo axta chá'a apto xamo'.
¡Meyke apkelya'áseyak
aqsok ma'a énxet'ák Edom!”
8 Aptáhak Wesse' egegkok se'e:
“Wokmek sa' agkok
ekhem yaqwánxa
añássesagkohok
ko'o m'a Edom,
amasséssessók sa' apyókxoho m'a
apkelya'áseykegkoho nak aqsok,
amasséssesek sa' ekha
apkelmopwancha'a m'a
énxet'ák apheykha nak
egkexe élekhahéyak Esaú.
9 Elpexyennók
sa' apkelaye m'a
kempakhakma
yapmeyk nak Temán,
megyeymakpehek sa'
xama enxoho énxet ma'a
egkexe élekhahéyak
nak ma'a Esaú.
Edom apsexnánémap
10 “Emegqáwhok apagko' sa',
kólmasséssók sa' nahan
megkatnégwayam néxa,
eñama aptawáseykegkoho
m'a apyáxeg Jacob
tén han apchaqhe.
11 Apyetnakha'ak
axta aqsa exchep
apkelmenyexágko axta
aqsok tegma apwányam ma'a
apkelenmexma nak Jerusalén,
tén han apkelekkexa axta
atña'ák ma'a sẽlpextétamo.
Xama axta apmelassékpo
aqsok apkelméyak
tén han apkelsákxo,
apheyásekpok axta
exchep ma'a.
12 Axta eykhe kapayhawok
xép kapayhekxak apwáxok
apwet'a ektáhakxa ekmaso
apha m'a apyáxeg,
axta eykhe kapayhawok
xép kapayhekxak apwáxok
apwet'a ektáhakxa
kélmasséssekmo m'a Judá,
axta eykhe kapayhawok
xép yesmaksek
apwet'a apkellegágkoho
ekyentaxno agko'.
13 Axta eykhe kapayhawok
etaxnegwakxak tegma apwányam
ma'a aplegágkoho axta ekmaso,
axta eykhe kapayhawok
kapayhekxak apwáxok
apwet'a ektáhakxa ekmaso apha,
cham'a eyesagko
axta kélteméssesakxa',
axta eykhe kapayhawok
elmenyexchesek aqsok apagkok
ma'a eyáhapwa'a axta
aqsok ekmaso.
14 Axta eykhe kapayhawok
etnegwók ma'a
énnayhamakxa nak ámay,
yaqwayam elnápok ma'a
apkenyehéyak nak
chá'a apkelxegányam,
axta eykhe kapayhawok
elmok ma'a apkelxegányam,
cham'a apwet'a axta
apkellegeykegkoho
ekyentaxno agko',
elmések ma'a apkelenmexma.
15 Sa' kólteméssesek
xépxa ekhawo apteméssesakxa
nak ma'a apnámakkok:
¡exkak sa' ma'a ekpayhawo
nak kólteméssesek!
Israel kélxátekháseykekxa makham
“Chágketwokmek kaxwók
Wesse' egegkok ekhem apagkok
yaqwánxa sa' elyekpelkohok
apyókxoho énxet'ák.
16 Askohok agko'
axta kélya kéxegke
sekyeta axta egheykok
kélyeneykegko axta
m'a egkexe ahagkok
ekpagkanamaxche nak,
sa' kaxhok han ekmáske
sekyeta egheykok
peya sa' énagkok
énxet'ák ekwokmoho
apyamásegko,
emassegwók sa'
apyókxoho.
17 Ekpagkanamaxche
sa' eyke katnehek ma'a
egkexe ahagkok nak Sión,
cham'a yaqwánxa sa'
elyexánegwók nápakha énxet'ák.
Emekxak sa' makham
xapop apagkok ma'a
Jacob aptawán'ák neptámen;
18 máxa táxa sa'
etnehek ma'a Jacob
aptawán'ák neptámen,
tén sa' José
aptawán'ák neptámen
máxa táxa eyáléwe etnahagkok,
keñe sa' Esaú
aptawán'ák neptámen
etnehek máxa pa'at apák,
peya sa' kasawhohok
kalwatnek xa táxa nak.
¡Melwagkasakpek sa' teyp
xama enxoho m'a Esaú
énxet'ák apagkok!
Ko'o sekxeyenma xa,
sektáha nak Wesse'.”
19-20 Emok sa' israelitas apheykencha'a nak Négueb ma'a yókxexma egkexe élekhahéyak nak Esaú, keñe sa' ma'a apheykencha'a nak ekpayhegweykenxa xapop emok ma'a filisteos nak xapop apagkok. Elmok sa' han ma'a xapop nak Efraín, tén han ma'a Samaria, keñe sa' ma'a Benjamín énxet'ák apagkok emok ma'a yókxexma nak Galaad. Cháxa israelitas apxámokma kélnaqleykekxa axta megkatnahakxa apkelókxa, emok sa' cananeos xapop apagkok, ekweykmoho m'a Sarepta, tén han ma'a kélántekkesso axta Jerusalén, apheykencha'a nak Sefarad, emok sa' ma'a tegma apkelyawe nak Négueb. 21 Elmeyekxak sa' egkexe Sión natámen apkelmallane kempakhakma yaqwayam elxének yaqwánxa kólteméssesek ma'a apheykha nak egkexe élekhahéyak Esaú, Wesse' egegkok sa' eyke etnehek wesse' apwányam apagkok.
Apquillhenamap co Edom
1 Eycaso aplingascama Dios appayvam Abdías, profeta ilhnic nat ayinyema Dios.
Inlingalhquic alhta amyaa ayinyema Dios Visqui ingac. Apsoycam amyaa Dios apcasinancama aptomja alhta apquilanya: ¡Noc, nimpasmeyquiclha! ¡Ongilimpocjac sat co Edom! — alhta aptomjac.
Aptomjac alhta Dios Visqui ingac apquilanya co Edom:
2 Elaymacpoc sat quellhip apcanito, elvennacpoc sat quellhip apyovoclhojo.
3 Apquilyinimsacpec apanco quellhip, ayinyema ayajamalhco apquilvalhoc. Yitnec quellhip apquilyilhanmomaclha avalhoc mataymong najan netin mataymong alvinatem. Apquilanem quellhip melmacpejec sat mataa, apquilvaa inlhojo apquilimpocjay.
4 Apquilmiyaclhec sat ancoc quellhip nitnoc anco, payjoc apquilyitnamaclha apyová, malha apquilimpay mama nitnoc anco, ellanac maa aplhanaoc, otimsic (opalacsic) sat coning — alhta aptomjac Dios Visqui ingac.
5 Aptomjac alhta mocjam Dios Visqui ingac apquilanya:
Apquilvaac sat ancoc apquilminyilhma alhtaa, elmacpoc sat quellhip, elaymacpoc sat napocja. Elminyilhic sat uva acyilhna, melsovejec sat, colaymalhcac sat anit. Enatovasacpoc sat quellhip apyovoclhojo.
6 ¡Quellhip layi co Esaú! ¡Insovjoc alminyilhamalhca apquilnatam nipyesicsa quellhip!
7 Apquilyinimsacpec alhta quellhip ayinyema apnaymacoc. Apnalacpec alhta quellhip cotnajaclha apquilaoclha. Apquilinmelham mataa quellhip apnaymacoc. Apninquinquic mataa trampas apnaymacoc, yoyam elmacpoc quellhip. ¡Mepqui acyascamco apquilvalhoc quellhip co Edom! — alhta aptomjac Dios Visqui ingac.
8 Aptomjac alhta mocjam Dios Visqui ingac:
Onatovacsic sat apquilyascamco apquiltemaclha co Edom. Comascoc sat acyascamco apquilvalhoc co Esaú apquileyvam inquilhe alvinatem.
9 Elpilhyinamam sat acma apquilmaycam co Temán najan co Esaú apquileyvam inquilhe alvinatem, mengyaymacpejec sat lhama — alhta aptomjac Dios Visqui ingac.
Apquilsilhnanomap apanco co Edom
10 Aptomjac alhta Dios Visqui ingac:
Ellingamcojoc sat quellhip apquilmancactama, enatovasacpoc sat maa, ayinyema alhta apnatovascama najan apquilnapma apquilyalhinga quellhip, Jacob aptovana.
11 Apquilvitac alhta quellhip cotnaja ingmoc apnatovascama tingma, apquilpatmaoclha apquilnatam, apnatovascama tingma apatnaoc singilpilhtetemo tingma Jerusalén. ¡Apquilpasmeclhec alhta quellhip! ¡Malha apnaymacoc apquiltomjac alhta quellhip!
12 Noelitsovacsojo nasa, apquilvita inlhojo apquilyalhinga apquillingaycamco acyimtalhnama. Noelitsovacsojo nasa, apquilvita inlhojo apquilmolhama Judá apnatovasomap. Noelvennam nasa, apquilvita inlhojo ayay apquilvalhoc.
13 Colapvanquejec quellhip elantilhic tingma apvanyam naysicsa apquillingaycamco acyimtalhnama. Noelitsovacsojo nasa quellhip, apquilvita inlhojo apquillingaycamco. Noelpatmaoclha nasa quellhip apquilnatam as tingma, apquilvita inlhojo acmayovsa apquilvalhoc.
14 Colapvanquejec quellhip eltingya apquilyilhanmomaclha, yoyam elnapoc enlhit apquilinyem. Noelpasmiclha nasa apquiltomja apquilminlhinaycam.
15 Colhic sat acyanmongseclho apquiltemaclha apancaoc, ellingamcojoc sat quellhip. Colhojoc sat apquillingaycamco quellhip, apquiltimesquiscama siclho quellhip apquilyalhinga — alhta aptomjac.
Apquilvomquiscama tap
Camquitvaac acnim apanco Dios Visqui ingac, elvita enlhitaoc lhalhma anco.
16 Apquilyinamquic alhta inyicje ingjaycoc acmasca quellhip netin inquilhe acponquinomalhca. Colhojoc sat apyinaycaoc enlhitaoc lhalhma anco. Elvonquepeclhac sat, melvitacpejec sat mataa.
17 Inquilhe Sión cotnejic sat acponquinomalhca, elvomsacpoc sat tap apquilaymomap apquilinyem. Ellhovamcoc sat yoclhilhma Jacob aptovana niptamin.
18 Najan Jacob najan José aptovana niptamin ellhojoc sat talha. Esaú aptovana niptamin ellhojoc sat papiyov, acsovjomo talha. ¡Mevomsacpejec sat tap enlhit Esaú aptovana niptamin! Eycaso sicpayvam sicvisay Dios Visqui apancaoc — alhta aptomjac.
19-20 Israelitas apquileyvam Néguev eltimjic sat apancaoc yoclhilhma inquilhe alvinatem apquileyvomaclha Esaú aptovana niptamin. Israelitas apquileyvam amyip acvanyam, eltimjic sat apancaoc apquileyvomaclha filisteos. Eltimjic sat apancaoc yoclhilhma Efraín najan yoclhilhma Samaria. Benjamín aptovana niptamin eltimjic sat apancaoc yoclhilhma Galaad. Israelitas apquinyajaycaoc eltimjic sat apancaoc apquileyvomaclha cananeos, acvaycmo tingma Sarepta. Enlhit apquilmomap co Jerusalén apnaycam Sefarad, eltimjic sat apancaoc tingma apquilvanyam yoclhilhma Néguev. 21 Elvoclhac sat inquilhe Sión enlhit apquilyimnatem apanco, eltimjic sat apquilviscaa apquileyvomaclha Esaú aptovana niptamin. Apvisqui apyimtalhnamo etnejic sat maa Dios Visqui ingac — nic nat aptomjac profeta Dios aplingascama.
