Énmexmók ko'o aphakxa exchep
1 Wesse',
ekwóneyha ko'o exchep,
¡epekhaksoho exegma'!
¡yeyxho chá'a sekpeywa
sekwóneyncha'a enxoho!
2 Yána kaxhok
ko'o sélmaxnagko
aphakxa m'a
aqsok ekmátsa
nak ekpaqneyam
éten agkok,
yána kaxhok
aqsok kélmésso
naqsa nak chá'a
taxnám ma'a
sélya'asso nak
chá'a néten emék,
3 Wesse',
hepekkenches
ko'o xama apmasma nak
chá'a apaqmétek ekmaso;
hélánesagkoho chá'a
sekpeywa peya
enxoho chá'a apaqmétek.
4 Nágyoho ko'o
kaxének ewáxok
alának aqsok ekmaso;
nágyoho alyetlawha m'a
apkeláneykegkoho nak
chá'a apkeltémakxa ekmaso,
essenhan apasmok
apkeláneyak ektámáxche
ekyawe m'a
élmasagcha'a nak
apkeltémakxa.
5 Hepasmok chá'a
ko'o señassásegkoho
enxoho m'a énxet
meyke nak aptémakxa,
máxa sokmátsa
ekmátsal'a ekpaqneyam
chá'a katnehek
ma'a sepaqhetchesa
enxoho ekyennaqte.
Mataqnókkehek
chá'a ko'o xa
sepékessáseyak nak;
alenxanmagkohok sa'
aqsa sélmaxnagko,
neyseksa setekpageykha.
6 Kólchexeynták sa'
néten meteymog ma'a
apkelámha amonye'e
apagkok nak ma'a
élmasagcha'a apkeltémakxa,
elya'ásegwók sa'
ektáha naqso' ma'a
sektáhakxa sekpeywa.
7 Kólexpánchesha sa'
apexchakkok ma'a
ekpayho nak takhaxpop,
ektémól'a kólpeynchok
xapop namyep.
8 Wesse',
énmexmók ko'o
aphakxa exchep.
Ekye'eykekteyk ko'o
exchep séltémo hemyók:
ná heyenyow aqsa.
9 Nágyoho
hemok kelhanma
sélpekkenchessama
nak emonye';
cham'a apkelhanma
nak énxet'ák
élmasagcha'a apkeltémakxa.
10 Kalmekxohok sa'
agkok apkelhanma
m'a élmasagcha'a
nak apkeltémakxa,
keñe sa' ko'o axog aqsa
meyke setnahakxa.
Apquiltemaclha cotnaja ingmoc
1 Visqui ajac.
Jepasingvota quilhvo nac jay.
Ingyeylhojo silmalhnancama.
2 Cotnejic sat silmalhnancama, malha macmescama lhip.
Cotnejic sat sicmiyasquiclha netin emeoc.
Malha macmescama lhip actalhnam.
3 Visqui ajac.
Ingyapiclha sat lhip ejatong.
Cotyepejec sat sicpayvam meyisponcama lhip.
4 Nongyane nasa colquitmoc evalhoc actemaclha acmasom.
Motnejec sat sicmasom.
Nongyane nasa opasmiclha enlhit apquilmapsomcaa.
Mopasmejec sat aptoycaoc fiesta apancaoc.
5 Aptasi nac enlhit appeyvomo seltamescama coo.
Malha asoc masis intomjac appayvam seyascama coo.
Motanovejec mataa seltamescama.
Olmalhnesquisic sat mataa siclinga inlhojo seyascama coo.
6 Eltimesacpoc sat apquilviscaa apnaycam netin mataymong.
Elyicpilcangvomoc sat sicpayvam altomja altamila siclhanma siclho.
7 Invitalhquic (apjápaoc) appilhquipcoc ayilhpansomalhca nicja tacjalhop.
Malha alhpejic ningilcacjem lhopactic ningvita atamnic.
8 Visqui, Visqui ajac.
Alanoc mataa lhip, yoyam jepasmoc.
Nojeyinyov nasa coo.
9 Jemyov coo, sicvita inlhojo quiljanma, yoyam jelmoc naysicsa siclhingam.
Jemyov coo, sicvita inlhojo quiljanma, yoyam jelmoc apquilmapsomcaa.
10 Ingyane sat elmacpoc apanco, ayinyema almam quiljanma apancaoc.
Coo eyca otyisam ajanco (mepqui sicmomalhca).
