1 Xama axta apwet'a Balaam ekleyawo apwáxok Wesse' egegkok elmaxnéssesek yaqwayam kataqmelek apheykha m'a énxet'ák Israel, massék axta apmeyncha'a apmopwána yaqwayam ey'asagkohok ma'a Dios appeywa, aptáhakxa axta m'a sekxók axta, appayhékxók axta aqsa apkenmexákxoho m'a yókxexma meykexa nak énxet. 2 Xama axta apwet'a Balaam énxet'ák Israel aptéma apkelpakxenéyak apagko' chá'a m'a ektáhakxa nak chá'a énxet'ák apagkok, aptaxneyk axta apwáxok Dios espíritu apagkok. 3 Tén axta Balaam aplegasa s'e amya'a nak:
“Ko'o sekpeywa s'e sekwesey nak Balaam,
Beor apketche nak,
sekweteyo nak yáxña'akxoho aqsok,
4 yetnáha agkok ahaqtek
kayágwomhok sekwete yáxña'akxoho aqsok,
añak chá'a amya'a,
hélxekmóshok nahan chá'a aqsok
eñama nak Dios ekha apyennaqte.
5 ¡Jacob, apkeltásek apagko' xép apkelpakxanma!
¡Israel, tásók agko' nak la'a kélpakxeneykegkaxa!
6 Máxa m'a áxa éléweykekxal'a,
ektémól'a kélcheneykekxexa pánaqte exnók
neyáwa wátsam,
máxa m'a ektémól'a kentem
apkeneykekxal'a Wesse' egegkok,
¡ektémól'a yámet cedro élámha nak
neyáwa yegmen!
7 Awanhek sa' katnehek yegmen
ma'a Israel
yaqwayam énagkok énxet'ák,
tén han yaqwayam
elexpaqhagkok ma'a
aqsok apkeneykekxa.
Néten sa' etnehek ma'a
wesse' apwányam apagkok,
mexók sa' ma'a Agag;
kasawhekxohok sa' apteme
wesse' apwányam.
8 Máxa weyke kennawók kepet'ák
apteméssessók ma'a Dios
apkelántekkesso axta m'a Egipto.
Esáwak sa' énxet'ák Israel ma'a
apkelenmexma nak,
elekkexchesek sa' apexchakkok,
elmallahanchessamhok sa' elyátak yágke.
9 Aphágkek agkok ellókasek apkelyampe,
máxa etnahagkok ma'a ektémól'a méwa:
méko nahan kamáwhok kanaqxétekhasagkok.
¡Apkeleñémo sa' chá'a kóltéméssesek ma'a
ektáha nak chá'a ektaqmalma apxeyenma,
sagkek sa' chá'a katnehek apxénamap ma'a
apkeltémo nak chá'a katnégwomhok exma ekmaso!”
Balaam aplegasso amya'a
10 Aptaqnókók apagko' axta Balac ma'a Balaam apleg'a xa, apkeltekpagáha axta apmék aptáha apcháneya s'e:
—Eyáneyáha axta ko'o exchep yaqwayam yának kaltemégwomhok exma ekmaso s'e sélenmexma nak, ántánxo aqsa táhak apkelmaxnéssesso aqsok éltaqmela. 11 ¡Etaqhoho sa' aqsa makham ma'a apxagkok! Éltennássek axta ko'o exchep almések ekxámokma agko' aqsok éltaqmela, makke eltamhók ma'a Wesse' egegkok.
12 Aptáhak axta Balaam apchátegmowágko s'e:
—Éltennássek xeyk ko'o exchep ma'a apkelásenneykha, 13 hélmések sa' eykhe ekyókxoho sawo élyátekto élmomnáwa, tén han ma'a sawo élmope élmomnáwa ekhágko nak apxagkok, mowanchek eyke ko'o malyahakxék appeywa m'a Wesse' egegkok, mowanchek nahan ko'o alának ahagkok ahagko' ma'a aqsok ektaqmela nak essenhan ma'a aqsok ekmaso nak, wánxa eyke aqsa ewanchek axének ma'a apkeltémo nak axének ma'a Wesse' egegkok. 14 Ataqhohok sa' ko'o makham ma'a seyókxa, amonye' sektaqheykekxa eyke peyk altennaksek xép yaqwánxa etnéssesek énxet'ák apagkok ma'a énxet'ák Israel, keso egmonye' nak.
15 Keñe axta Balaam aplegasa s'e amya'a nak:
“Ko'o sekpeywa s'e sekwesey nak Balaam,
Beor apketche nak,
sekweteyo nak yáxña'akxoho aqsok,
16 yetnáha agkok ahaqtek
kayágwomhok sekwete yáxña'akxoho aqsok,
sekya'áseykegkoho nak ma'a
apya'áseykegkoho nak
Meyke nak Ekhémo,
añak chá'a amya'a,
hélxekmóshok nahan chá'a aqsok
eñama nak Dios ekha apyennaqte.
17 Ekwet'ak ko'o yaqwánxa
katnehek egmonye',
ekwet'ak ko'o makhawók agko' aqsok:
yaw'a m'a aptepa nak aphakxa Jacob
xama wesse' apwányam ma'a
aptepa nak Israel.
Eyaqhakkasek sa' apqátek ma'a Moab,
eltepelchássesek sa' apqatkok ma'a
apyókxoho nak Set
aptawán'ák neptámen.
18 Emok sa' ma'a Edom,
apagkok sa' etnehek ma'a
yókxexma Seír,
apagkok nak ma'a apkelenmexma.
Kayágwomhok sa' aqsa
apyennaqte m'a Israel.
19 Sa' yenyeyk apteyapma xama apmallane m'a
Jacob énxet'ák apagkok.
Emasséssók sa' apyókxoho m'a
apkeleymomap nak tegma apwányam.”
20 Keñe axta natámen Balaam apwet'a Amalec, yetlókok axta nahan aplegasso s'e amya'a nak:
“Énxet'ák Amalec,
apteme apmonye'e apkelyennaqte,
kólmasséssók sa' eyke
apyókxoho.”
21-22 Apkelwet'ak axta nahan ma'a quenitas, yetlókok axta han aplegasso s'e amya'a nak:
“Kéxegke Caín aptawán'ák neptámen:
yetneyk eykhe
kélyexánegweykekxexa
ekyennaqte,
kélnegkeneykegkek eykhe
kélxanák ma'a
neyseksa meteymog,
kamasséssók sa' eyke táxa xa
kélxanák nak,
apkelma sa' ma'a
énxet'ák Asiria.”
23 Keñe axta aplegasa han se'e amya'a nak:
“¿Yaqsa sa' megkatsepek,
apkelana sa' Dios xa aqsok nak?
24 Kalxegmak sa' yántakpayhe
éleñama Chipre yetlo kempakhakma yapmeyk,
yetsagkasek sa' ma'a Asiria,
tén han ma'a Éber,
hakte kólmasséssók sa' nahan ma'a Éber.”
25 Aptaqháwók axta makham apxagkok Balaam natámen apteme appeywa xa. Aptaqháwók axta nahan ma'a Balac.
1 Apvitac nic nat Balaam apyisponcama Dios, ayinyema aplhanma appayvam altamila. Am nic nat etingyac mocjam Dios, eyasamcojo yavamlha etnejic. Apquilanoc nic nat payjoc yoclhilhma actamopeycaoc. 2 Apvitac nic nat Balaam apnaycam apquilmolhama Israel. Pilapcasquic nic nat aptalhna apvalhoc espíritu apanco Dios. 3 Yiplovcoc nic nat apquiltimnascama Balaam appayvam altamila:
Amyaa ayinyema Dios, sicvisay Balaam, Beor apquitca. Sicvisay sicvitaycamco asoc.
4 Invitac sicvanmoncama Dios Apyimtalhnamo apanco. Amyaa ayinyema Dios aclingay sicvanmoncama. Mepqui sicpayvam ajanco.
5 Jacob apquilmolhama sicvita coo. ¡Sas! apquiltamila carpa apancaoc quellhip. ¡Sas anco! Altamila aplhanaoc quellhip apquilmolhama Israel.
6 Apquilyitsomacpo tingma alimja alha nicja acpeyvomo. Malha ninganma ayitcoc nicja vatsam. Malha yamit alvinatem apquinayclha Dios. Malha cedro yamit alvinatem nicja acyitnamaclha yingmin.
7 Mepqui apquilsovjomo mataa yingmin enlhitaoc Israel. Yitnec apyinaycaoc. Yitnec mataa yingmin ayictinquiscama ninganma. Apmeyjec apanco apvisqui maa, am elhno apvisay Agag. Apquilyimnatem apanco as enlhitaoc.
8 Apyinyovcasquic nic nat Dios yoclhilhma Egipto. Apquiltimescasquic nic nat apquilyimnatem enlhitaoc, malha inquipetaoc vayqui navjac. Elnapoc sat cotnaja ingmoc, malha asoc navjac actom ayintascama alhquipcoc. Elyimsasic sat yanca.
9 Apquilyitsomacpo yamacmeyva naysicsa apquillovquiscama apquilyampay. Mongvanquejec mataa onlhaticjacsic. Ningilinyejemo nincoo ningiltomja ningilayo quellhip. Ningmasom nincoo, ningiltomja inlhojo nintimesquiscama apquilmapsomcaa quellhip — nic nat aptomjac Balaam. ,
Balaam appayvam napato Balac
10 Aplovquic nic nat Balac aplinga appayvam ayinyema Balaam. Apyayesquic nic nat apmeoc, aptomjac apcanya: —Apcanyacpec lhip elinmelham cotnaja ingmoc, elhenic appayvam almasomcaa. Lhip eyca aplhanma appayvam altamila, 3 veces. 11 ¡Itajiclha sat lhip, ingyinyi! Altamjo inyicje olmecsic lhip acyivey acyanmongam. Apmiyovqui eyca Dios.
12 Apcatingmavoc nic nat Balaam: —Naso, altimnasquic alhta sicpayvam apquilasinancama lhip: 13 Aclhocac sat ancoc acyovoclhojo asoc alyinmom tingma pac oro najan plata. Movanquejec eyeycajacsic Dios appayvam, seyanama oltimnacsic. Movanquejec oltimnacsic sicpayvam acmasom, paj najan sicpayvam ajanco actamila. 14 Tasi inyicje. Otajiclhac sat mocjam. Lhama sicpayvam olhenic mocjam, yavamlha cotnejic nipyesicsa quellhip. Conyemac sat enlhitaoc Israel.
15 Apquiltimnasquic nic nat Balaam actomja nasoc anco, yoyam covac sat:
Amyaa ayinyema Dios, sicvisay Balaam, Beor apquitca. Sicvisay sicvitaycamco asoc.
16 Invitac sicvanmoncama Dios Apyimtalhnamo apanco. Actemaclha amyaa ayinyema Dios aclingay sicvanmoncama. Dios apna netin alhta seyascasingvoyam. Mepqui sicpayvam ajanco.
17 Invitac sicvanmoncama, evac sat lhama, mevoy mocjam. Apyitsomacpo apyová nipyesicsa apquilmolhama Jacob. Apvisay apvisqui apjalhnancoc. Elnapoc sat enlhitaoc co Moab. Elnapoc sat aptovana Set.
18 Elmiclhac sat apanco yoclhilhma Edom, najan Seir cotnaja ingmoc. Apquilmopvan innac enlhitaoc Israel.
19 Apvisqui apyimnatem apanco nipyesicsa Jacob apquilmolhama. Enatovacsic sat apnaycam tingma apvanyam — nic nat aptomjac Balaam.
20 Apvitac nic nat Balaam apquilmolhama Amalec, metnaja Israel apnaymacoc. Apquiltimnasquic nic nat appayvam Balaam:
Siclhoc nic nat apquilyimnatem apquilmolhama Amalec. Eticyoc sat apyovoclhojo — nic nat aptomjac Balaam.
21-22 Apvitac nic nat Balaam apquilmolhama quenitas, metnaja israelitas. Apquiltimnasquic nic nat appayvam Balaam:
Quellhip aptovana niptamin Caín: Apquilyilhanmeycam quellhip netin mataymong alvinatem. Colmetic sat aplhanaoc, ayinyema talha. Elvac sat co Asiria, yoyam elnapacpoc quellhip. Elmacpoc sat quellhip — nic nat aptomjac Balaam.
23 Apquiltimnasquic nic nat appayvam Balaam:
¡Quellhip layi! Eycaso ayinyema Dios. ¿Soc sat evomsacpoc tap?
24 Netin barco elvac sat cotnaja ingmoc apquilinyema Chipre. Elnapacpoc sat, eticyoc sat co Asiria najan co Heber. Eticyoc sat co Heber — nic nat aptomjac Balaam.
25 Appenasquic nic nat appayvam Balaam. Aptajaclhec nic nat tingma pac. Najan maa apvisqui Balac. Aptajaclhec nic nat mocjam.
