Nenxawe naqsa nélmowancha'a eñama Espíritu Santo
1 Élyáxeg, émenyeyk ko'o kólya'asagkohok kéxegke negmowána segmésso nak ma'a Espíritu.
2 Kélya'ásegkók kéxegke megkóltémakxa axta makham megkólya'ásseyam Cristo, kélhayo élmoma kélwáxok ma'a kéleykmássesso meyke élpeywa nak. 3 Émenyeyk ko'o kaxwók kólya'asagkohok kéxegke méko kawának katnehek ekpeywa s'e: “¡Katnégwomhoxma ekmaso Jesús!”, cham'a appaqmeta enxoho chá'a eñama apmésso m'a Dios Espíritu apagkok. Méko nahan kawának katnehek ekpeywa s'e: “¡Jesús apteme Wesse'!”, mepaqmeta enxoho eñama apmésso m'a Espíritu Santo apmopwána.
4 Xámok ektémakxa nenxawe naqsa negmowána ekyetnama nepyeseksa m'a Dios énxet'ák apagkok, Espíritu apagko' eyke nahan chá'a apteme apkelmésso. 5 Yetneyk nahan chá'a mók ektémakxa nentamheykha eñama nak Wesse' egegkok, Wesse' egegkok apagko' eyke chá'a apteme apkeltémo kalanaxchek ma'a ekyókxoho nak. 6 Yetneyk nahan chá'a nenxawe mók ektémakxa negmowána anlának nentamheykha, Dios apagko' eyke apteme chá'a segkegwánessesso yetlo apmopwána. 7 Henxekmóshok chá'a negko'o enxama Dios ektémakxa aptamheykha Espíritu, yaqwayam enxoho kapasmok ma'a apyókxoho ẽlyáxeg'a. 8 Egkések nahan chá'a Dios enxama yaqwayam epaqmétek yetlo apya'áseykegkoho eñama apchásenneykekxa m'a Espíritu; keñe nahan chá'a pók énxet'ák elmésagkok chá'a yaqwayam elpaqmétek yetlo ekyawe apkelya'áseyak eñama nahan apchásenneykekxa nahan xa Espíritu nak. 9 Enxama nahan chá'a elxawagkok aptamhéyak mey'ásseyam eñama xa Espíritu nak, pók énxet'ák nahan chá'a elxawagkok apkelmopwancha'a eltaqmelchessók ma'a élháxamáxche. 10 Neghekha nahan chá'a apkelxaweykegkok apkelmopwancha'a yaqwayam elanagkok aqsok sempelakkasso nak agweta', keñe nahan chá'a neghekha apkelxaweykegko apmopwancha'a ellegaksek amya'a eñama nak Dios. Neghekha nahan chá'a apkelmeyáseykegkok Dios apmopwancha'a ékpelkohok ma'a éleñama nak espíritu apmopwána amya'a, keñe nahan ma'a éleñama nak Espíritu apmámnaqsoho; keñe nahan neghekha chá'a apkelxaweykegko apmopwancha'a elpaqmétek ma'a mók ektémakxa nak nempeywa; neghekha nahan chá'a apkelxaweykegkok apkelmopwancha'a exénekxohok ektémakxa élpaqmétamáxche xa amya'a. 11 Espíritu eyke chá'a apkelane ekyókxoho xa aqsok nak eñama m'a apmopwána nak, cham'a Espíritu apteme nak wánxa xama, apméssama nak chá'a xama énxet ma'a apmakókxa enxoho chá'a egkések.
12 Xámok eykhe ektémakxa nak ekhéyak apyókxa énxet, xama eyke m'a apyókxa. Cháxa ektémakxa nahan ma'a Cristo 13 Hawók nahan sentémakxa nak negko'o negyókxoho xa, cham'a judíos nak tén han ma'a metnaha nak judíos, nélmomaxche nak sẽlteméssesso kélásenneykha, tén han ma'a manteme nak kélásenneykha, ẽlyaqpassáseykegkek axta yegmen yaqwayam antemekxak xama eñama xa Espíritu apteme nak wánxa xama; negyókxoho axta nahan egméssók yaqwayam exek egwáxok xa Espíritu nak.
14 Megkalánamáxchek xama nekha ektémakxa nak negyókxa, xámok ektémakxa élánamáxche'. 15 Temék agkok ekpeywa kélmenek se'e: “Háwe ko'o séñama kélyókxa, hakte háwe ko'o kélmek”, megkamassegwomek eyke ekteme eñama kélyókxa ektáha enxoho ekpeywa xa ektáha nak. 16 Temék agkok ekpeywa kélheykok se'e: “Háwe ko'o séñama kélyókxa, hakte háwe ko'o kélaqtek”, megkamassegwomek eyke ekteme eñama kélyókxa ektáha enxoho ekpeywa xa ektáha nak. 17 Temék agkok kélaqtek ekyókxoho negyókxa, mogwanchek anlega'. Temék agkok nahan ekyókxoho negyókxa kélheykok, mogwanchek antekhánek. 18 Appekkenmeyk axta eyke chá'a Dios ekyókxoho ekhéyak nak negyókxa, cham'a ektaqmelakxa enxoho chá'a apkelano yaqweykenxa epekkenek. 19 Kaxtemék axta ekteme ekyókxoho xama ekyetno nak negyókxa, méko axta katnehek negyókxa. 20 Naqso', xámók eykhe m'a ekhéyak nak negyókxa, xama eyke aqsa m'a negyókxa.
21 Yawanchek katnehek kának egaqtek egmek se'e: “Mómenyeyk ko'o exche'”; yawanchek nahan katnehek kának empátek egmagkok se'e: “Mómenyeyk ko'o kéxegke”. 22 Akke ekyágwánxa agkok kélmámenyého ekhéyak nak negyókxa m'a eyánémaxko nak katneyk élyelqamáxkoho; 23 keñe m'a ekhéyak nak negyókxa ekmasextoho nak negásekhayo, cháxa nentaqmelchessamól'a agaqlaksohok xa. Keñe m'a ekhéyak nak negyókxa ekxeyenmól'a egwáxok manxekmósho', cháxa móltémól'a chá'a kataxkohok xa, 24 manteméssesek eyke m'a ekhéyak nak negyókxa neghayól'a chá'a kataxkoho'. Apkeláneyak axta Dios ektémakxa nak ekhéyak negyókxa, yaqwayam kaxkak ekyawe kéláyo m'a ekhéyak nak negyókxa ekmasextoho nak negásekhayo, 25 yaqwayam enxoho megkaxpánchesaxcheyk ma'a ekhéyak nak negyókxa, kapasmok aqsa chá'a mók ma'a ekhéyak nak negyókxa. 26 Legágkók agkok chá'a xama m'a ekyetno nak negyókxa, kasawhaxkohok nahan kallegagkohok ma'a ekyókxoho nak; taqmeláha agkok nahan chá'a ekxénamaxche xama m'a ekyetno nak negyókxa, kasawhaxkohok nahan kalpayhekxak awáxok xamo' ma'a ekyókxoho nak.
27 Kéxegke kélteme Cristo apyókxa, kélyókxoho kéxegke kélteme kéleñama xa Cristo apyókxa nak yetlo m'a ektémakxa nak chá'a kéltamheykha. 28 Apmonye'e axta nahan apkeltémók etnahagkok Dios nepyeseksa énxet'ák apagkok ma'a énxet'ák apkelápháseykha nak; keñe aptétéyak ma'a énxet'ák apkellegasso nak Dios appeywa; keñe axta aptétéyak ma'a apkelxekmósso nak apnámakkok; keñe axta aptétéyak ma'a énxet'ák apkeláneykegkoho nak aqsok sempelakkasso nak agweta', tén axta m'a énxet'ák apmopwancha'a nak eltaqmelchessók élháxamáxche', essenhan ma'a énxet'ák appasmo nak apnámakkok, essenhan ma'a apnaqleykha nak chá'a apkelyáxeg'a, essenhan ma'a apkelpaqmeyesmo nak chá'a mók ektémakxa apkelpeywa. 29 Háwe apyókxoho apteme kélápháseykha, háwe nahan apyókxoho apteme apkellegasso Dios appeywa. Háwe nahan apyókxoho apkelxekmósso nak apnámakkok, háwe nahan apyókxoho apkeláneyak nak chá'a aqsok sempelakkasso nak agweta', 30 háwe nahan apyókxoho ekha apkelmopwancha'a eltaqmelchessók élháxamáxche. Háwe nahan apyókxoho apkelpaqmeyesma m'a mók apkelpeywa nak, háwe nahan apyókxoho apmopwancha'a epékessásekxak ektémakxa xa amya'a nak. 31 Kéméxcheyk kéxegke kólámenyéhok kaxek xa negmowána éltaqmela agko' nak.
Nélásekhamaxkoho
Alxekmósek sa' ko'o kéxegke m'a ámay ektaqmalma agko' nak megkaxnawo nak ma'a mók nak.
Actemaclha singaycaoc ayinyema Espíritu Santo
1 Quellhip elyalhinga. Altamjoc coo yoyam elyasamcojo quellhip actemaclha singaycaoc ayinyema Espíritu Santo. 2 Apquilyasamcoc mocjam quellhip apquiltemaclha alhta mepqui lha apquilyanmonquiscama apquilvalhoc. Apquilyasquic alhta mataa quellhip acnaycamcolha quilaycmasquiscama mepqui acpayvam acyitsomalhca Dios, malha macnalayclha alhta quellhip. 3 Altamjoc coo yoyam elyasamcojo quellhip actemaclha ninlhanma ayinyema Espíritu Santo. Aptomjac sat ancoc enlhit: “Apmapsom nac Jesús”, eyca as appayvam cotnaja ayinyema Espíritu apanco Dios. Aptomjac sat ancoc enlhit: “Jesús aptomja Visqui ingac”, eyca as appayvam ayinyema Espíritu Santo.
4 Ingvanquic ongillhovac moclhama actemaclha singaycaoc ayinyema Espíritu apanco Dios. Apvamlha eyca lhama Espíritu apanco Dios aptomja singmescama. 5 Yitnec nincoo moclhama actemaclha nintamjaycam. Apvamlha eyca lhama Visqui ingac yoyam ongilanam. 6 Yitnec nincoo moclhama actemaclha ningmovan yoyam ongillanac asoc. Apvamlha eyca lhama Dios aptomja singmescama ningmovan yoyam ongiltimesam actemaclha singanama. 7 Ningillhocac sat ancoc ningmovan ayinyema Espíritu apanco Dios, incaymalhquic ongillanac mataa actamila yoyam colmoc apquilvalhoc aplhamoclhojo enlhitaoc. 8 Apvanquic mataa poc elhicmocsic actemaclha apyascamco ayinyema Espíritu apanco Dios. Poc mataa apmopvan apanco yoyam elhicmocsic Dios appayvam acyilhomalhca ayinyema Espíritu apanco Dios. 9 Aplhocac mataa actemaclha meyasquiyam ayinyema Espíritu apanco Dios. Poc mataa apmopvan etamilquiscomoc acmasca apyimpeoc ayinyema Espíritu apanco Dios. 10 Poc mataa apmopvan aptamjaycam sinpilapquiscama ayinyema Espíritu apanco Dios. Poc mataa apmopvan elngacsic amyaa ayinyema Dios. Poc mataa apmopvan eyicpilcojo mepqui apquinatquiscama actemaclha Espíritu apanco Dios najan actemaclha ayinyema somquic quilyicjamo. Poc mataa apmopvan epeyvescasiclha moc actemaclha appayvam. 11 Eycaso aclhamoclhojo ningmovan ayinyema apvamlha lhama Espíritu apanco Dios. Ingilmasquic Espíritu apanco Dios moclhama nincoo actemaclha apquiltamjoclha jingilmesic.
Ninlhamoclhojo ningiltomja malha lhama ningyovoclhojo
12 Cristo apyitsomacpo actemaclha ningyovoclhojo acyitna aclhamoclhojo actemaclha alyiptetaclha. Aclhamoclhojo alyiptetaclha actomja lhama ningyovoclhojo. 13 Apquilvamlha apquiltomja macyapascaseycaoc yingmin: judíos najan metnaja judíos najan apquiltomja apquilancam apquilmomap najan poc metnaja apquilmomap. Eycaso aplhamoclhojo apquilpasmeyquiclha apquiltomja malha lhama ningyovoclhojo ayinyema apvamlha lhama Espíritu apanco Dios. Ningillhocac nincoo Espíritu apanco Dios, malha singmescama ningyam.
14 Jave acvamlha lhama alyiptetaclha acyitna ningyovoclhojo. Aclhamoclhojo alyiptetaclha actomja ningyovoclhojo. 15 Intomjac sat ancoc ingminic: “Jave coo lhip apmic. Evanquic coo mepqui apyovoclhojo lhip” —sat cotnejic. ¿Avanqui ya ingminic mepqui ningyovoclhojo? Paj. 16 Intomjac sat ancoc ingjaycoc: “Jave coo lhip apatic. Evanquic coo mepqui apyovoclhojo lhip” —sat cotnejic. ¿Avanqui ya ingjaycoc mepqui ningyovoclhojo? Paj. 17 Intomjac sat ancoc acvamlha ingatic ningyovoclhojo, mepqui moc. ¿Jalhco sat ontimjic onlingac amyaa? Intomjac sat ancoc acvamlha ingjaycoc ningyovoclhojo, mepqui moc. ¿Jalhco sat ontimjic onticjanic? 18 Dios nic nat apquillanay enlhit apyovoclhojo acyitna aclhamoclhojo alyiptetaclha. 19 Innaclhoc sat ancoc moc alyiptetaclha, ¿jalhco sat coytic ningyovoclhojo? 20 Aclhamoclhojo alyiptetaclha actomja lhama ningyovoclhojo.
21 Intomjac sat ancoc ingatic: “Evanquic coo mepqui lhip apmic” —sat cotnejic. Intomjac sat ancoc inpatic: “Evanquic coo mepqui lhip apmancoc” —sat cotnejic. Paj, covanquejec mataa mepqui moc. 22 Mongvanquejec ongvinam lhama alyiptetaclha. Incaymalhquic nincoo mataa naysicsa nintamjaycam yoyam colhic alyiptetaclha acvinamalhca, am colhno moc alyiptetaclha. 23 Apquiltemaclha mataa enlhit yoyam eltamilsic actomja acvinomalhca. Apquilajapcasquic mataa asoc actomja acmanquiscama. 24 Am elajapcasac mataa asoc cotnaja acmanquiscama, ayinyemaclha coymalhqueje yoyam elajapsic. Apquillanac nic nat Dios enlhit apyovoclhojo actemaclha alyiptetaclha yoyam cotnejic actamila anco alyiptetaclha actomja ningvinéycam. 25 Apquiltamjoc Dios yoyam comyoc mataa moc alyiptetaclha. 26 Asquejec sat ancoc lhama alyiptetaclha, coyitnocjojoc sat apvalhoc enlhit apyovoclhojo. Inlingamcoc sat ancoc actamila alyiptetaclha, copayjiclhac sat apvalhoc enlhit apyovoclhojo.
27 Quellhip aplhamoclhojo apquiltomja malha Cristo apyovoclhojo. Moclhama quellhip apquiltomja malha alyiptetaclha ayinyema apyovoclhojo Cristo. 28 Apquilyacyesquic alhta Dios napocja Jesucristo apmolhama yoyam etnimsic apmamyi. Apquilmamyi alhta apóstoles Dios apquilapajascama, natamin najan apquillingascama amyaa ayinyema Dios, natamin najan apquiltomja apquillhicmoscama. Apquilmasquic poc apquilmopvan apquiltamjaycam sinpilapquiscama, najan poc apquilmopvan eltamilquiscomoc acmasca apyimpeoc, najan poc apquilanyomap eltamilsic apcaneyquiclhilha, najan poc eltimjic apquilimja apmamyi, najan poc apquilmopvan moc actemaclha appayvam yoyam elpamejitsic Dios. 29 ¿Aplhamoclhojo ya apquiltomja apóstoles? ¿Aplhamoclhojo ya apquiltomja apquillingascama amyaa ayinyema Dios? ¿Aplhamoclhojo ya apquiltomja apquillhicmoscama? ¿Aplhamoclhojo ya apquilmopvan apquiltamjaycam sinpilapquiscama? 30 ¿Aplhamoclhojo ya apquilmopvan eltamilquiscomoc acmasca apyimpeoc? ¿Aplhamoclhojo ya apquilmopvan moc actemaclha appayvam yoyam elpamejitsic Dios? ¿Aplhamoclhojo ya apquilmopvan elpeyvescasiclha moc actemaclha appayvam? Ayanayquic coo, paj. 31 Elvascap sat quellhip yoyam ellhovac apquilmopvan actamila anco ayinyema Dios, am colhno moc. Pac olhicmocsic quilhvo actamila anco amay, am colhno moc.
