Ekyetnamakxa ekpéwomo nentémakxa
1 Etyapok sa' xama wesse' apwányam
yaqwayam etneykha
yetlo ekpéwomo aptémakxa
tén han ma'a kelwesse'e
apkeláneykha nak chá'a apkelókxa
yaqwayam sa' eltemeykha chá'a
apkelókxa
yetlo ekpéwomo apkeltémakxa.
2 Máxa sa' etnehek chá'a xama m'a
negyexánegkesseykekxexal'a
éxchahayam,
segmasmal'a kawak ma'a
éxchahayam ekyennaqte agko',
máxa sa' etnahagkok ma'a
ektémól'a yegmen atamnek
ényél'a m'a neyseksa
ekyamáyekxa nak xapop,
máxa sa' etnahagkok ma'a
ektémól'a meteymog ekyawe agko'
pessesse agkok émha m'a
meykexa nak énxet.
3 Megkalyampeyk sa' chá'a
apaqta'ák apkeláneykha,
yeyxhok sa' nahan chá'a
meyke aptawásseyo m'a
ektáhakxa enxoho apkellege;
4 melanagkehek sa' nahan chá'a aqsok
yetlo melya'áseyak ektémakxa,
yetlo ektaqmalma élchetámeykha
apkelwáxok sa' aqsa chá'a
elanagkok apkeltamheykha,
elxének sa' nahan chá'a aqsok
ekpéwomo agko'.
5 Meltéhek sa' nahan chá'a énxet'ák
ektaqmalma aptémakxa m'a énxet
ekmaso nak aptémakxa,
metnéssesek sa'
nahan chá'a énxet'ák
ekha kéláyo m'a énxet
apmopwána nak elyexanchesha pók.
6 Hakte asagkek chá'a katnehek
appeywa m'a énxet
ekmaso nak aptémakxa,
keñe m'a apwáxok nak
kalchetmok chá'a ekmaso agko'
yaqwánxa etnehek;
ektamok chá'a yaqwánxa etnehek
elának aqsok ekmaso agko',
apmopwána amya'a
nahan chá'a etnehek
yenmexmakha m'a Wesse' egegkok;
yáphaksek aqsa nahan
chá'a etaqhekxak
meyke apmésso apto m'a
meyk áto nak,
megyagkek nahan yegmen ma'a
hem áto' nak.
7 Keñe m'a énxet
apmopwána nak elyexanchesha pók
yásenneykxak chá'a m'a
ektémakxa nak apmopwána
apteme apmopwána amya'a,
elánekxak chá'a yaqwánxa etnehek
elának ma'a aqsok
ekmaso agko' nak;
apmopwána amya'a chá'a etnehek
etwássesha apheykha m'a énxet'ák
meyke nak aqsok apagkok
tén han ma'a ekha nak chá'a
eyeyméxchexa aqsok
ma'a apxanák
apkeltémo nak chá'a
kóltaqmelchessásekxak apheykha.
8 Keñe m'a énxet
ektaqmalma nak aptémakxa
tásek chá'a katnehek
élchetámeykha apwáxok
aqsok apmáheyo elána',
meyensemek nahan chá'a aqsok
apmáheyo elána'.
Kelán'ák meyke nak élyetnakhassamo awáxok xama aqsok
9 Kelán'ák, meyke nak
élyetnakhassamo
kélwáxok aqsok,
kóleyxho sa' sekmako nak ko'o
altennaksek kéxegke.
Kelán'ák, ektaqmalma nak kélheykha,
kóleyxho sa' sekpeywa.
10 Tásek kélheykha kéxegke s'e
kaxwo nak,
sa' eyke m'a
aptáha sa' xama apyeyam
kólpexyennók sa' kélaye,
hakte kasawhaxchek sa'
eknakxamáxche ekyexna m'a
aqsok kélcheneykekxa,
megkólnakxekxók sa'
chá'a kaxwók ma'a
anmen yámet ekyexna.
11 Kéxegke, kélweynchámeykha nak
meyke élyetnakhayo kélwáxok,
kólyegwe';
kéxegke, ektaqmalma nak kélheykha
kólpexyennem,
kólhaxyawasák xa kélántaxno nak,
kólántaxnekxa m'a apáwa
sẽlwáxaqxamól'a
magkenatchesso éllapwámeygko.
12 Kólxekmós kéllegágkoho
éllapwámeyak ma'a yókxexma
ekmátsexa nak agweynchamha
tén han ma'a
anmen yámet kélcheneykekxa
éltaqmalma nak.
13 Katyapok sa' yámet
ekha nak am'ák
tén han ekmompánaqma m'a
seyókxa,
cham'a apyókxoho tegma nak ma'a
tegma apwányam
élpayheykekxexa nak chá'a
apkelwáxok ma'a énxet,
ekyetnamakxa nak chá'a
m'a apkelátseykha.
14 Etaqmopagkok sa' ma'a
tegma apyawe aptaqmalma nak;
meyke xama aqsok
sa' katnekxak ma'a
tegma apwányam,
apheykegkaxa nak
apxámokma énxet;
kataqmopagkohok agko' sa' ma'a
kélhaxtegkesso
ekyennaqte nak nepyáwa;
kalkohok sa' awáxok kallawha
yámelyeheykok nawha'ák ma'a,
katawagkok sa' nahan pa'at
kélnaqtósso m'a.
15 Hegáhapwaták sa' eyke
makham negko'o apmopwána m'a
Wesse' egegkok,
apmopwána nak elának aqsok,
keñe sa' katnekxak namyep ma'a
yókxexma ekyamáyekxa nak exma,
kayeykhágwomhok agko' sa' nahan
ektaqmalma m'a namyep.
16 Keytek sa' ekpéwomo nentémakxa
ekyókxoho m'a kañe' apchókxa
tén han ma'a
ektaqmalma nentémakxa.
17 Katekkesek sa'
meyke ektáhakxa egwáxok
tén han ektaqmalma negha
tén han meyke
ektamheykha egwáxok
meyke néxa m'a
ektaqmalma nak nentémakxa.
18 Exmakha sa' énxet'ák
ahagkok ma'a
meykexa nak
ektemegweykmohóxma,
kañe' ektaqmelakxa nak negha,
ekyetnamakxa nak meyke
ektemegweykmohóxma negha,
19 kóláxñásekxohok sa' eykhe m'a
naxma nak,
kóltegkesek sa' eykhe nahan ma'a
tegma apwányam nak.
20 Kalpayhekxak sa' eyke kéxegke
kélwáxok neyseksa kélheykha,
awanhek sa' katnehek yegmen
ekyásseséyak ma'a
aqsok kélcheneykekxa,
kaxek sa' nahan ekxámokma pa'at
yaqwayam katawagkok ma'a
yámelyeheykok kélnaqtósso
tén han ma'a weyke.
Apquilviscaa apquilpeyvomo
1 Ongvitac sat apvisqui rey appeyvomo apanco. Najan yatapquilviscaa apquilpeyvomo.
2 Etnejic sat singmasma apvisqui, malha ningyilhanmeycam piyam apquilhcajacmo. Malha ningyilhanmeycam nipyesicsa yatepiyam. Jingilmecsic sat yingmin ayinyem yingmin atamnic. Malha pisquisca nicja mataymong acvinatem yoclhilhma actamopeycaoc.
3 Colmayjiclhac sat apataoc enlhit mepqui apataoc. Ellingac sat mocjam enlhit mepqui apjaycaoc.
4 Enlhit mepqui actamila apquilvalhoc, colhniclhac sat actamilaycam apquilvalhoc. Mepqui actamila apquilpayvam elyatam sat altamila apquilpayvam.
5 Meltimjic sat mayayo, aptomja inlhojo acyeyjamelhma. Meltimjic sat apquilyimtalhnamo, aptomja inlhojo apmapsom.
6 Somcoc mataa appayvam acyeyjamelhma, aclhanma apvalhoc nintemaclha acmasom. Apmopvan amyaa napato Dios. Apmiyovquic mataa aptom, apvita inlhojo mayic ataoc. Apmiyovquic mataa apyam, apvita inlhojo acnim alnapma.
7 Aptemaclha apyinimquiscama enlhit apmapsom. Apmopvan amyaa apmapsom napato apyicpilquemo, yoyam ellingamcojo enlhit mepqui asoc. Colhejec acpeyvescasquiclha aptemaclha. 8 Moc aptemaclha enlhit aptamila. Apyiplovcasquic mataa aclhanma apvalhoc actamila — nic nat aptomjac profeta.
Quilvanaa tingma Jerusalén
9 Quellhiya mepqui aclheneycam avalhaoc, colaylhojo sicpayvam. Najan quellhiya quilvanaa ayitcoc.
10 Naso mepqui aclheneycam avalhaoc quellhiya. Colpilhyinamcoc sat avalhaoc, acvocmo inlhojo lhama año tap. Cotalhquejec sat mocjam ayimjaclha acyilhna, paj najan yamit acyilhna.
11 Colpilhyinim avalhaoc quellhiya alvisay mepqui aclheneycam avalhaoc. Coljalhyovas apava alantalhnama, colalalhcojo apava actemaclha acmayovsa avalhaoc.
12 Collhicmos sat actemaclha acyivey acmayovsa avalhaoc. Collhen sat amyipayc altamila najan uva avjac altamila.
13 Coyit acmayovsa avalhaoc, alvita inlhojo amaoc najan panatem amyipayc, alvita inlhojo mepqui acpayjayclha avalhaoc natingma.
14 Mepqui apvisqui tingma pac apquiltimesaycam, mepqui enlhit tingma apvanyam, apquiltamopamquic alhta. Mepqui enlhit apquilyilhanmomaclha, apquiltamopamquic alhta. Coleyoc sat yamelyeyjaycoc navjac. Coltingyac sat actom paat ninatoscama — nic nat aptomjac profeta.
Apquillanayclha Dios
15 Evac sat ningyesicsa Dios espíritu apanco. Yoclhilhma actamopeycaoc cotniclhac sat amyip ningilcaycaoc. Coltamiliclhac sat ningilcaycaoc, ongvita cotlaycaoc acyilhna.
16 Actemaclha acpeyvomo cotnejic singanamaclha lhalhma anco as yoclhilhma.
17 Actemaclha acpeyvomo cotnesquisic mataa actamilaycam ingvalhoc najan mepqui ningyasquiyam.
18 Elhnam sat enlhit ajancaoc mepqui ayay apquilvalhoc, najan amyip, najan tingma apquilyivey, najan apvisqui tingma pac.
19 Cotvasalhcac sat nalhma ayinyema yingmin alyayem. Etvasacpoc sat tingma apancaoc cotnaja ingmoc.
20 Coytic sat actamilaycam apquilvalhoc quellhip. elquiniclhac sat actic, apquilvita inlhojo acmamayaclha. Coleyoc sat lhalhma anco apnatoscama yamelyeyjaycoc najan vayqui — nic nat aptomjac profeta.
