Amya'a kéláphássesso énxet'ák apchaqneykekxa Éfeso
1 “Etáxésses Dios apchásenneykha nak ma'a apchaqneykekxexa nak énxet Éfeso: ‘Keso ektémakxa appeywa aphágko nak siete yaw'a apmek apkelya'assamakxa, cham'a apweynchámeyncha'a nak neyseksa siete cháléwasso sawo ekyátekto ekmomnáwa: 2 Ekya'ásegkók ko'o ekyókxoho aqsok apkelane exchep; ekya'ásegkók han ma'a ektémakxa nak aptamheykha ekyentaxno, tén han ma'a ektémakxa nak apkelenxányam, tén han megkaleklo apwáxok xép ma'a énxet'ák ekmaso nak apkeltémakxa. Ekya'ásegkók nahan apkelanawo apkeltémakxa exchep ma'a énxet'ák apkeltemessásamap nak apkeláphásamap, háwe eyke naqso', apwet'ak han xép aptáha apkelmopwancha'a amya'a. 3 Apkelenxáneykmok eyke aqsa exchep, awanhek han aplegeykegkoho meyke ekleklágwayam, ko'o éñamakxa. 4 Yetneyk eyke ko'o xama aqsok sektaqnawássesso exchep: massék xép ekhawo seyásekhayo m'a ekwánxa axta sekxók seyásekhayo. 5 Kaxénwakxoho apwáxok, awanhek xép aptéyam, ey'ókxa makham Dios, elána makham ma'a apkeláneya axta sekxo' axta. Sa' agkok etnahak xa, ay'óták sa' makham yaqwayam ataqnawágwata', eymentagwaták sa' ma'a cháléwasso ekyetnama nak ma'a ekyetnamakxa nak, cham'a mey'aweykxo enxoho Dios. 6 Yetneyk eyke exchep xama aqsok ekleyawo nak ko'o ewáxok, cham'a aptaqnawássesa nak apkeltémakxa m'a ektáha nak apkelyetlo ektémakxa apkelxekmósso m'a Nicolaus, cham'a sektaqnawássessama nak han ko'óxa apkeltémakxa m'a. 7 ¡Kéxegke ekha nak kélheyk'ák, kóleyxho aptáhakxa apxeyenma Espíritu m'a kélaqneykekxexa nak! Énxet'ák ektáhakxa enxoho apkelmallanma, agkések sa' ko'o yaqwayam etawagkok ma'a yámet ekyexna ekyennaqtéssamo nak egnények énma nak ma'a Dios yókxexma ektaqmela apagkok.’
Amya'a kéláphássesso énxet'ák apchaqneykekxexa Esmirna
8 “Etáxésses nahan Dios apchásenneykha m'a apchaqneykekxexa nak énxet Esmirna: ‘Keso ektémakxa nak appeywa apteme nak eyeynókxa tén han ektemegwánxa nexa', cham'a apketsapma axta, tén apmeykekxo nak makham apyennaqte: 9 Ekya'ásegkók ko'o ektémakxa aplegeykegkoho exchep, tén han ektémakxa nak meyke aqsok apagkok, xámok eykhe exchep aqsok apagkok. Ekya'ásegkók han ektémakxa nak ekmaso apxeyenma exchep ma'a énxet'ák apkeltemessásamap nak judíos, háwe eyke, Satanás akke agkok xa apchaqneykekxexa nak. 10 Nágye' aqsa m'a yaqwánxa nak katnehek aplegeykegkoho, hakte kaxatmok sa' kélnápakha kéxegke kelyekhama' m'a sẽlpextétamakxa, yaqwayam sa' keypkónaxchek kéxegke m'a ektémakxa nak megkólya'ásseyam; kóllegagkohok sa' kéxegke ekweykmoho diez ekhem, elenxanmoho apyennaqtéssamo apteme mey'ásseyam. Nágyeyx ma'a peya enxoho emátog, agkések sa' xép sekmésso naqsa ekyennaqte apnények eñama apmallanma. 11 ¡Kéxegke ekha nak kélheyk'ák, kóleyxho aptáhakxa apxeyenma Espíritu m'a kélaqneykekxexa nak! Énxet'ák ektáhakxa enxoho apkelmallanma, mellegagkók sa' ma'a ektáhakxa nak ánet nétsapeykekxoho.’
Amya'a kéláphássesso énxet'ák apchaqneykekxexa Pérgamo
12 “Etáxésses nahan Dios apchásenneykha m'a apchaqneykekxexa nak énxet Pérgamo: ‘Keso aptáhakxa appeywa m'a ekyetna nak ánet nekha ekmahanta sókwenaqte apagkok: 13 Ekya'ásegkók ko'o apha exchep ma'a ektémakxa nak wesse' Satanás; apkelenxáneykmók eyke exchep apxeyenma sekwesey. Axta anhan elwátesseykmok apteme mehey'ásseyam ko'o, cham'a apmatñama axta Antipas, apteme axta meyenseyam aplegasso sekwesey, axta payhok apmatñamakxa m'a tegma apwányam ekhamakxa nak Satanás. 14 Yetneyk eyke han mók xama aqsok sektaqnawássesso exchep: cham'a megkólmámenyého nak kólyenyekxak kélnápakha m'a nélxekmowásamáxche eñama nak Balaam, cham'a apkeltennassama axta Balac apkeltémo elyáteyagkohok elanagkok melya'assáxma m'a énxet'ák Israel, tén han apkeltémo etawagkok nento kélmésso axta kéleykmássesso, tén han elanagkok ma'a ekmeyámáxchexa nak antéhek negmeykha mansexta. 15 Yetneyk han kélnápakha kéxegke memáheyo nak eyenyók nélxekmowásamáxche eñama nak Nicolaus énxet'ák apagkok. 16 Ey'ókxa makham Dios; sa' agkok etnahak xa, ay'óták sa' xép yaqwayam ataqnawágwata', sókwenaqte ekteyapmól'a ahátog sa' amha yaqwayam annapaxchek xa énxet'ák nak. 17 ¡Kéxegke ekha nak kélheyk'ák, kóleyxho aptáhakxa apxeyenma Espíritu m'a kélaqneykekxexa nak! Énxet'ák ektáha nak apkelmallanma agkések sa' yaqwayam etawagkok maná, kélpóssamo nak; agkések sa' han meteymog ekmope, cham'a ektáxésamaxko nak kaxwe kélwesey meyke ekya'áséyak, wánxa aqsa ey'asagkohok ma'a ektáhakxa enxoho apxawe.’
Amya'a kéláphássesso énxet'ák apchaqneykekxexa Tiatira
18 “Etáxésses nahan Dios apchásenneykha m'a apchaqneykekxexa nak énxet Tiatira: ‘Keso apxeyenma nak Dios Apketche s'e, cham'a ekho nak táxa eyáléwe apaqta'ák, keñe m'a apmagkok élyenma ekho sawo ekyexwase kélyenmasso. 19 Ekya'ásegkók ko'o ekyókxoho aqsok apkelane exchep; ekya'ásegkók ma'a ektémakxa nak apchásekhayo pók, tén han mey'ásseyam, tén han ma'a ektémakxa nak aptamheykha, tén han ektémakxa apkelenxáneykmoho, ekya'ásegkók han ekxáma aqsok apkelane kaxwo', kaxnawok ma'a sekxók axta. 20 Yetneyk eyke xama aqsok sektaqnawássesso exchep; cham'a apcha'awo nak ektáhakxa kelán'a ekwesey nak Jezabel, ekxénamaxchekxoho agko' nak ekteme Dios appeywa eklegasso, kelyexancháseykha eyke séláneykha m'a ektémakxa nak élxekmósso, kelánessegkek han ekmaso nentémakxa mansexta, keltémók nahan etawagkok ma'a nento kélmésso nak kéleykmássesso. 21 Ahóxek sekmésso yaqwayam kay'ókxak Dios xa kelán'a nak, yámenyeyk eyke kayaqmagkasek awáxok, tén han ektémakxa élane megkamasexta. 22-23 Cháxa keñamak sekmako nak ko'o agkések ekháxamáxche xa kelán'a nak, annáhakkasek sa' nahan étchek; allegássesagkohok sa' han ma'a apnaqtawáseykegkoho nak apnaqteyegka'a apkeláneykegko xa kelán'a nak, melwáteságko enxoho apkeláneyak ektémakxa nak xa kelán'a nak. Sa' kañék apkelya'ásegwayam énxet ekyókxoho apchaqneykekxexa sekya'áseykegkoho ko'o ekweykmoho m'a kañók agko' élchetámeykegkaxa nak apwáxok énxet, ayaqmagkásekxak sa' ekyókxoho ektémakxa nak aqsok kéllane kélxama kéxegke. 24 Kéxegke kélheykha nak Tiatira, megkólyetleykekxa nak xa nélxekmowásamáxche', megkaltámeyeykegko nak han ma'a apkeltamhomól'a chá'a nápakha énxet aqsok ekyexamaxche eñama Satanás, éltennássek ko'o mamako agkeyásekxak makham mók kéxegke m'a séltémókxa nak kóltéhek. 25 Kóltaqmelches sa' ma'a ekyetnakxa nak kéxegke, ekwokmoho sekwa'akto sa' ko'o. 26 Énxet'ák ektáhakxa enxoho apkelmallanma, apkelwagkassamo nak néxa apkeláneyak ma'a ektémakxa nak sekmámenyého, atnéssesek sa' ko'o ekha kélyaheykekxoho nepyeseksa apyókxoho pók aptémakxa nak énxet'ák, 27 ekhawo setnéssessamakxa axta han ko'óxa Táta, segkéssama yaqwayam keytek ekha sélyaheykekxoho; 28 kóllanha sa' apyókxoho pók aptémakxa énxet'ák yetlo meyke apmopyósa kóllano', nápakha'a apketkók sa' han kóltemessásekxa', aptémól'a ampáxqátek yátegwáxwa apkelánamap la'a yelpa'. Agkések sa' han kéxegke yaw'a apwányam apteyapmól'a axto'ók agko'. 29 ¡Kéxegke ekha nak kélheyk'ák, kóleyxho aptáhakxa apxeyenma Espíritu m'a kélaqneykekxexa nak!’
Ayapajasomalhca amyaa siete apcaneyquiclhilha Jesucristo apmolhama: Ayapajasomalhca amyaa tingma Efeso
1 ‘Aptomjac alhta seyanya coo: Italhosquis sat lhip yoyam elyipsitic soycam amyaa aptomja apquimja apmamyi Jesucristo apmolhama apnaycam tingma Efeso: “Eycaso appayvam aptomja apmaycam apmic actamilaclha siete apyova. Najan aptomja aptiyascam naysicsa siete alapongmateycaoc alyinmom: 2 Acyasamcoc coo aptemaclha lhip. Acyasamcoc najan actemaclha aptamjaycam lhip najan actemaclha apquilinlhanyacmo lhip. Acyasamcoc najan actemaclha coliclama apvalhoc lhip enlhit apquilmapsomcaa. Apquilyipconquic alhta lhip enlhitaoc apquiltimesomap apanco apóstoles. Aplingasquic alhta lhip apquiltemaclha apquilmopvancaa amyaa meltomja apóstoles. 3 Apquilinlhanacmec alhta lhip aplhanma sicvisay naysicsa aplingaycamco acyimtalhnama. Am alhta eyampac naysicsa aptamjaycam. 4 Am colcac evalhoc lhama asoc, ayinyemaclha incasilhtangvocmec apcasicjayo lhip. 5 Iyasingvoclhojo lhip aptemaclha siclho, quilhvo eyca aptomja aplhinganyam. Ilaniclha sat lhip apvalhoc. Iyiplovquis sat mocjam actemaclha alhta siclho apcasicjayo. Am sat ancoc elaniclhac apvalhoc lhip, ovotac sat apnaclha yoyam otvacsic lhip. Malha sictimquiscama alapongmateycaoc sat cotnejic. 6 Inlicavoc evalhoc moc asoc: Aptanovquic lhip apquiltemaclha apmolhama Nicolás. Actanovquic coo lha. 7 Apaycaoc innac quellhip, elaylhojo Espíritu apanco Dios apquiltimnascama aplhamoclhojo Jesucristo apmolhama: Apquilinlhanacmec sat ancoc apyiplovquiscama enlhit, elhcac sat acyanmongam. Omquesic sat aptom yamit acyilhna ayinyema yamit acyimnatescama ingnenyic. Inquinmec as yamit yoclhilhma paraíso apmaclha Dios” —alhta aptomjac seyanya otalhocsic.
Ayapajasomalhca amyaa tingma Esmirna
8 ‘Aptomjac alhta mocjam seyanya coo: Italhosquis sat lhip yoyam elyipsitic soycam amyaa aptomja apquimja apmamyi Jesucristo apmolhama apnaycam tingma Esmirna: Eycaso appayvam apvisay apquimja apmamyi najan apquimja alhayi, najan apvisay apquitsepma siclho najan aptomja aplhaticjangviyam mocjam: 9 Acyasamcoc coo actemaclha aplingaycamco acmasca lhip najan actemaclha mepqui apquilnatam. Eyca acyitna cotlaycaoc asoc altamila malha acma apquilnatam. Intovasalhquic mataa apvisay lhip nipyesicsa apquiltamjamacpo apanco judíos. Jave inyicje judíos apanco, apquiltomja eyca apcaneyquiclhilha yavey Satanás acmolhama. 10 Nongya nasa lhip apvita sat mayasquiscama apyimpejic. Elalhingsacpoc sat singilpilhtetomaclha napocja quellhip ayinyema yavey diablo yoyam coyipconic quellhip. Ellingamcoc sat quellhip acmasca acvaycmo diez acnim. Ilinlhanmojo sat lhip apyiplovquiscama acvocmo apquitsepma. Omquesic sat acyanmongam lhip. Elhcac sat acyimnatem apnenyic. 11 Apaycaoc innac quellhip, elaylhojo Espíritu apanco Dios apquiltimnascama aplhamoclhojo Jesucristo apmolhama: Apquilinlhanacmec sat ancoc apyiplovquiscama enlhit, melngamquejec sat ayasquiscama apyimpejic moc ningitsepma acvisay nintovasomalhquilha” —alhta aptomjac seyanya otalhocsic.
Ayapajasomalhca amyaa tingma Pérgamo
12 ‘Aptomjac alhta mocjam seyanya coo: Italhosquis sat lhip yoyam elyipsitic soycam amyaa aptomja apquimja apmamyi Jesucristo apmolhama apnaycam tingma Pérgamo: “Eycaso appayvam acyitna sovo acvinatem anit ajamtaoc: 13 Acyasamcoc coo apmaclha lhip acpayjo ayanamaclha yavey Satanás malha avisqui. Am eyinyavac mataa lhip coo sicvisay. Am alhta elvatescacmoc lhip mejeyasquiyam naysicsa apmatnam Antipas nipyesicsa quellhip. Aptamila alhta Antipas aptomja aplingascama sicvisay. Apmatnec alhta acpayjo acmaclha yavey Satanás. 14 Am colcac evalhoc lhama asoc ayitcoc: Apnam tingma Pérgamo napocja apnaymacoc apquiltomja apquilyiplovquiscama actemaclha ilhnic nat apquillhicmoscama Balaam. Profeta apmopvan amyaa ilhnic nat Balaam. Apcanayquic nic nat Balaam yoyam esilhnana Balac aplhamoclhojo enlhitaoc Israel. Apquilsilhnanacpec nic nat. Aptovcamquic nic nat apitic macmescama quilaycmasquiscama acyitsomalhca Dios. Apquilvajanamquic nic nat actemaclha apquilanatama. 15 Apnam najan nipyesicsa quellhip napocja enlhitaoc apquilvajaneycaoc actemaclha apquillhicmoscama apmolhama Nicolás.
16 Ilaniclha sat lhip apvalhoc. Am sat ancoc elaniclhac apvalhoc, quilhvoc sat ovotac apnaclha lhip. Olcoc sat sovo acvinatem ajatong yoyam olnapoc as enlhitaoc. 17 Apaycaoc innac quellhip, elaylhojo Espíritu apanco Dios apquiltimnascama aplhamoclhojo Jesucristo apmolhama: Apquilinlhanacmec sat ancoc apyiplovquiscama enlhit. Omquesic sat aptom maná ayinyema netin, actomja mongvitay mocjam. Omquesic sat mataymong acmopoy. Cotalhosalhcac sat alhnancoc apvisay enlhit nicja mataymong. Melyasamquejec sat poc enlhitaoc alhnancoc apvisay. Eyasamcojoc sat apvamlha aptomja aplhoy apvisay apanco” —alhta aptomjac seyanya otalhocsic.
Ayapajasomalhca amyaa tingma Tiatira
18 ‘Aptomjac alhta mocjam seyanya coo: Italhosquis sat lhip yoyam elyipsitic soycam amyaa aptomja apquimja apmamyi Jesucristo apmolhama apnaycam tingma Tiatira: “Eycaso appayvam Dios Apquitca, aptomja malha talha alayvom apataoc najan aptomja malha oro alyinmom apmancoc: 19 Acyasamcoc coo aptemaclha lhip: aptemaclha apcasicjayo najan aptemaclha meyasquiyam najan aptemaclha aptamjaycam najan aptemaclha apquilinlhanyam. Acyasamcoc coo acyangvocmo aptamjaycam lhip, am colhno siclhoc alhta. 20 Am colcac evalhoc lhama asoc: Am elvatescasac lhip actemaclha anco quilvana acvisay Jezabel. Actimem anco inyicje as quilvana profeta Dios aclingascama. Inquilyinimcasquic mataa yoyam elsilhnanacpoc selancam elvajanamcoc actemaclha apquilanatama. Najan yoyam eltovamcoc apitic macmescama quilaycmasquiscama acyitsomalhca Dios. 21 Olaylhic sat mocjam acvocmo acnim siclhenaclha yoyam colaniclhac avalhoc as quilvana. Am eyca coyacmoc colvaticsic actemaclha alanatama. 22 Quip ilanojo. Am sat ancoc ellaniclhac apquilvalhoc, am sat ancoc elvatsamcoc actemaclha apquilanatama, oyanmongsiclhac sat apquiltemaclha apancaoc. Otnesquisic sat acmasca ayimpejic as quilvana. Olascacsic sat apyimpeoc aplhamoclhojo enlhitaoc apquiltomja apquilpatjetaycaoc as quilvana. 23 Olnajapsic sat ayitquic as quilvana. Elyasingvomoc sat aplhamoclhojo Jesucristo apmolhama actemaclha sicmovan olyicpilcojo apquilvalhoc apancaoc. Oyanmongsiclhac sat apquiltemaclha moclhama quellhip. 24 Actomjac coo silanya apnaymacoc apnaycam tingma Tiatira: Am alhta elyiplovcasac quellhip actemaclha aclhenomalhca asoc acyilhomalhca ayinyema yavey Satanás. Am oltamjoc oyimtalhnesic apquilvalhoc quellhip. 25 Elinlhanmojo sat apquilyiplovquiscama quellhip asoc apquilyasingvoyam acvocmo acnim sicvoyctamlha sat. 26 Apquilinlhanacmec sat ancoc enlhit apyiplovquiscama sicmayjayoclha acvocmo actamongvomlha nelha, omquesic sat sicmovan yoyam etnejic apyimtalhnamo nipyesicsa enlhitaoc lhalhma anco. 27 Esovc sat apmic memong yayem vajic naysicsa apcanem enlhitaoc. Etpilcacpojoc sat enlhitaoc, malha valhva aptipilcomap sat cotnejic. Acno coo lha semquescama sicmovan coo Tata, 28 omquesic sat coo lha apyova apyiviy enlhit aptomja apyiplovquiscama. 29 Apaycaoc innac quellhip, elaylhojo Espíritu apanco Dios apquiltimnascama aplhamoclhojo Jesucristo apmolhama” —alhta aptomjac seyanya otalhocsic.
