1 “Kéxegke kélteme apketchek ma'a Dios Wesse' kélagkok. Nágkólpexyekhasha aqsa kélyókxa, nágkólmopaksoho aqsa kélyese ekpayhakxa kélnát apketsapa enxoho kélxama. 2 Hakte kéxegke kélteme énxet'ák apkelpagkanma m'a Dios Wesse' kélagkok; axta apkelyéseykha nepyeseksa apyókxoho énxet'ák nak keso náxop yaqwayam kóltéhek énxet'ák apagkok apagko'.
Aqsok nawha'ák nentamakxa nak tén han mantamakxa nak
(Lv 11.1-47)3 “Nágkóltow chá'a xama enxoho m'a aqsok ekmanyása mantamakxa nak.
4 “Keso aqsok kélnaqtósso kélmowána nak chá'a kéxegke kóltók se'e: weyke kelennay'a, nepkések apketkók tén han yát'ay apketkók, 5 xenaq, yátapopyet, laneyp, popyet apkelleykha nak naxma, tén han ma'a pók aptémakxa nak chá'a m'a yátapopyet apkelyawe nak. 6 Kélwanchek kóltók ekyókxoho aqsok nawha'ák ektaqhésseykmoho nak chá'a ayespok ekto, énnayha nak chá'a neyseksa aphék, ánet nak chá'a aphék, 7 eyke megkeyméxchek kóltók se'e aqsok kélnaqtósso nak, éltaqhésseyam ayespok ektéyak eykhe nahan ma'a tén han énnayha neyseksa aphék:
“Yányátnáxeg, tómhag tén han ma'a sógkog; kéméxcheyk kólteméssesek chá'a aqsok nawha'ák élmanyása xa, kaltaqhéssamhok eykhe nahan chá'a ayespa'ák ektéyak xa, méko eyke m'a énnayhakxa nak chá'a neyseksa aphék.
8 “Tén han ma'a yátapomap, naqso' eykhe énnayha neyseksa apophék ma'a, háwe eyke m'a aptaqhésseykmoho nak chá'a apyespok apto. Kéméxcheyk chá'a kólteméssesek aqsok ekmanyása xa. Nágkóltow chá'a aphápetek xa aqsok nak, nágkólpaknegwomho nahan chá'a m'a aphápak nak.
9 “Keñe m'a aqsok élleykha nak neygmen kélwanchek kóltók ma'a ekha nak amék étkók tén han ma'a émpe'ék, 10 eyke nágkóltow ma'a meyke nak amék étkók tén han ma'a émpe'ék; kéméxcheyk kólteméssesek chá'a aqsok élmanyása xa.
11 “Kélwanchek chá'a kóltók ekyókxoho náta nentamakxa nak chá'a, 12 yetneyk eyke nahan chá'a mók xam'a m'a megkólmowána nak chá'a kóltók, ekhawo nak ma'a: méwá, máma apwenaqte, yátének, 13 akpog apmenek, tén han ma'a ekyókxoho mók ektémakxa nak chá'a m'a náta meyke ahekhek, 14 tén han ma'a mók ektémakxa nak chá'a kágqag, 15 xápen, tén han sawe, tótow, tén han ma'a mók ektémakxa nak chá'a cháwok 16 tén han sepekhék, yányáho, yátametekteg, 17 apho metekteg, tén han máma tén han ma'a yáménáteg, 18 seyána', saqpa'ay, tén han ma'a mépop.
19 “Ekyókxoho askok ekha nak chá'a axempenák, élmanyása sa' chá'a kólteméssesek. Megkóltewek sa'. 20 Sa' eyke m'a náta élxénamaxkoho nak chá'a nentamakxa', kélwanchek sa' kóltók.
21 “Nágkóltow chá'a xama enxoho m'a aqsok nawhak étsapma naqsa nak chá'a, hakte kéxegke kélteme énxet'ák apkelpagkanma m'a Dios Wesse' kélagkok; sa' eyke kélwanchek chá'a kólmések ma'a énxet apkeñama nak mók apkelókxa apha nak chá'a kañe' tegma apkelyawe kélagkok kéxegke; sa' eyke apwanchek etwok ma'a. Kélwanchek nahan kólmések ekha ekyánmaga m'a énxet apkeñama nak mók apkelókxa apwe enxoho yaqwatakxoho m'a kélheykegkaxa.
“Nágkólhanchásekxa chá'a yát'ay apketkok egken neme apyegmenek apagkok.
Segánamakxa ekxeyenma nak nempekkenma chá'a aqsok egagkok ekwayam nak chá'a diez ekyókxoho
22 “Kólyetnakhaksek sa' chá'a kéxegke ekyókxoho aqsok aktek ekyexna kélcheneykekxa kélnakxo ekwayam nak chá'a diez ekyókxoho, yókxoho apyeyam meyke kélyeykhasso. 23 Kóltawagkok sa' chá'a kéxegke nápaqtók Dios Wesse' kélagkok cham'a yókxexma apkelyéságkaxa sa' yaqwánxa katnehek ekyetnamakxa apwesey, cháxa ekwayam nak chá'a diez ma'a hótáhap apaktek kélagkok tén han ma'a vino tén han ma'a pexmok égmenek nak, tén han ekpalleyam amonye'e nak chá'a étkók ma'a weyke kélnaqtósso tén han ma'a nepkések, yaqwayam sa' kaltámeyagkok chá'a kéláyo m'a Wesse' egegkok. 24 Apméssek sa' agkok ektaqmalma kélheykha m'a Wesse' egegkok, tayépek sa' agkok chá'a kélheykegkaxa kéxegke yaqwayam kólsakxak aqsok kélagkok ekwayam nak chá'a diez ekyókxoho m'a apkelyéságkaxa sa' ekyetnamakxa apwesey m'a Wesse' egegkok, 25 kólchexeykxak sa' chá'a ekha ekyánmaga m'a aqsok kélagkok nak, keñe sa' ma'a selyaqye nak ekyánmaga aqsok kélchexakha, kólsakxak chá'a m'a apkelyéságkaxa sa' ma'a Wesse' egegkok. 26 Sa' nahan chá'a kólmaha kóltegyek ekxénakxa enxoho chá'a kélwáxok kóltegyágwók aqsok xa selyaqye nak: cham'a wey, nepkések, vino essenhan ma'a mók ektémakxa nak chá'a anmen kéltahakkasso; cham'a kélámenyéxa enxoho chá'a kéxegke, sa' kóltawagkok nahan nápaqtók Dios Wesse' kélagkok ma'a, kóllanagkok sa' kélessawássessamo yetlo m'a kélnámakkok.
27 “Eyke kólpásem sa' chá'a m'a levitas, apheykha nak chá'a kélheykegkaxa kéxegke, hakte melxaweykegkok xapop apagkok apagko' ma'a, ektéma nak kéxegke ekha xapop kélagkok.
28 “Apyókxoho apqántánxo apyeyam sa' chá'a kéxegke kólyetnakhaksek ekwayam nak chá'a diez aqsok kélcheneykekxa kélnakxo xama apyeyam, tén han kólxatmok chá'a m'a tegma apwányam kélagkok, 29 yaqwayam sa' etawagkok ekwokmoho apkelyaqkanakmo apkelwa'akto enxoho m'a levitas, melxaweykegko nak xapop apagkok apagko', essenhan ma'a énxet'ák apkeleñama nak mók apkelókxa apheykha nak chá'a kélnepyeseksa kéxegke, essenhan ma'a élyeheykha nak tén han ma'a xentampe'e nak. Keñe sa' Dios Wesse' kélagkok egkések chá'a ektaqmalma ekteyapma m'a ekyókxoho aqsok kéllanakxa enxoho chá'a.
1 Quellhip apquilvisay Dios apquitquic. Noelyimsas nasa apyimpeoc, noeltingyasquis apquilyisem apquitsepa inlhojo apmolhama. 2 Apquilyacyesquic alhta Dios eltimjic quellhip apquilponquinomap nipyesicsa enlhitaoc lhalhma anco, eltimjic apquitquic apancaoc Dios.
Ninatoscama singascama ontoc
(Lv 11.1-47)3 Noeltovaoc nasa apnatoscama singascama ontoc, eltanovacpoc sat napato Dios.
4 Moclhama apnatoscama yoyam eltovamcoc quellhip: vayqui inquinavo, najan nipquesic, najan yataay, 5 ciervo yatepopyit, gacela popyit, gamo popyit, najan lanayp nipvajac, najan nipquesic nipvajac. 6 Apvancaac quellhip eltovamcoc acyovoclhojo acma anit apeoc rumiante acnasipayclha actom. 7 Colapvanquejec eltovamcoc quellhip acma anit apopeoc: acvisay camello voncayispoc, najan tomajang, najan tejón, mepqui anit apopeoc, apvisay rumiante apnasipayclha aptom. 8 Noeltovaoc nasa yatepomap, acma anit apopeoc, mepqui eyca rumiante apnasipayclha aptom. Aptanovmap yatepomap napato Dios, noeltovaoc nasa, noelmongvomjo nasa apjapac.
9 Eltovaoc sat asoc aleyvam congne yingmin acma ayimpeoc, inquipetaoc najan escamas. 10 Noeltovaoc nasa asoc mepqui inquipetaoc aletas najan escamas, altomja altanovmalhca napato Dios.
11 Eltovaoc sat mataa acyovoclhojo nata cotnaja actanovmalhca napato Dios. 12 Noeltovaoc nasa: apvisay mama apyivey, najan yaptec, águila marina, 13 najan milano, najan moclhama halcones, 14 najan moclhama mama apquitcoc, 15 najan lhapin, najan sovaya, najan gaviota, najan gavilanes, 16 najan búho, najan ibis, najan cisne, 17 najan pelícano, najan buitre mama, najan cormorán, 18 najan siyana, najan abubilla, najan mepop.
19 Noeltovaoc nasa ascoc acma alhimpancoc, mongvanqueje ontoc aptanoncama Dios. 20 Eltovaoc sat nata mepqui aptanoncama Dios.
21 Noeltovaoc nasa aptoscama apac najan asoc apac actomja ayitsepma. Quellhip apquilvisay Dios apquilyacyescama, apquilponquinomap napato Dios. Eltovamcoc sat aptoscama ayitsepma metnaja israelitas nipyesicsa quellhip, tasic najan elyinyoc acyanmongam apquilmam ayitsepma.
Noelyipitquis nasa yataay apquitcoc congne vaynca acmelhanma leche apyapmoc.
Diezmo, acyitna inlhojo diez asoc
22 Moclhama año apquilvita inlhojo quellhip acyilhna, elmesaoc sat lhama kilo (acyilhna) macmescama Dios, acyitna inlhojo diez kilo (acyilhna). 23 Cotnejic sat décima parte trigo apactic, najan uva ayingmenic, najan aceite, najan apnatoscama apvitay apmamyi vayqui ayitcoc najan nipquesic apquitcoc. Ingyaniclha sat quellhip, yoyam eltovamcoc sat napato Dios payjoc carpa apponquinomap, elyasingvomoc sat quellhip actemaclha apquilayo najan apquilyajayquiclho Dios. 24 Naso, mocjay tingma pac poc enlhit, paj copvanac epatmentac diezmo acyilhna. Paj copvanac enalantac diezmo apnatoscama payjoc tingma apponquinomap. 25 Apvanquic as enlhit etlhaoc acyilhna, etlhaoc apnatoscama acyanmongam solyayem, esantimquisic sat carpa apponquinomap. 26 Elmoc sat payjoc carpa apponquinomap: apnatoscama vayqui najan nipquesic acyanmongam solyayem, elmoc sat uva ayingmenic najan moc ningyam. Eltovamcoc sat quellhip apquilpasmeyquiclha familias apquilmolhama actemaclha fiesta napato Dios Apyimtalhnamo.
27 Noncolvonquim nasa quellhip elanic levitas, yoyam eltasomoc. Apnam inyicje tingma apquilvanyam, paj eyca coyitnac amyip apancaoc, am elhno quellhip.
28 Vocmec sat ancoc tercer año, elansiclha sat décima parte acyilhna, colhic sat acninquina tingma apvanyam. 29 Elvotac sat levitas mepqui lha amyip, eltingyac sat acyilhna. Elvotac sat metnaja israelitas, elvotac sat apquilyeyjeycam najan lhintampaa, yoyam ellhovamcoc acyilhna. Epasmoc sat quellhip Dios apvita inlhojo apquilyiplovquiscama quellhip — nic nat aptomjac Moisés.
