Elías kélya'áseykekxa néten
1 Xama axta ekweykmo ekhem yaqweykenxa éntemekxak Wesse' egegkok ma'a Elías, cham'a ekya'áseykekxo axta néten samaxche', yókxexma Guilgal axta apkeleñamak apkelántepa m'a Elías tén han Eliseo. 2 Axta aptemék Elías apkenagkama Eliseo s'e:
—Exnekxa sa' xép se'e, Betel ko'o apkeltamhók amhagkok Wesse' egegkok.
Apchátegmoweykegkek axta Eliseo:
—Naqso' ko'o ektemessásak sekpeywa yetlo sekxeyenma apwesey Wesse' egegkok, tén han xeyep, mayenyewek sa' apxakko'.
Keñe axta apkelxegama apkelmaheykegko m'a Betel. 3 Wánxa agkok ma'a Dios appeywa apkellegasso apheykencha'a axta m'a Betel, apkelya'áyekmek axta m'a Eliseo keñe aptéma apkenagkama s'e:
—¿Ya ey'ásegkok apmáheyo émentemekxak kaxwók Wesse' egegkok ma'a apkelxekmósso nak?
—Ekya'ásegko', kólwanma aqsa kéxegke, axta aptemék apchátegmoweykegko Eliseo.
4 Tén axta Elías aptéma apkenagkama Eliseo s'e:
—Exnekxa sa' xép se'e, Jericó ko'o apkeltamhók amhagkok Wesse' egegkok.
Apchátegmoweykegkek axta Eliseo:
—Naqso' ko'o ektemessásak sekpeywa yetlo sekxeyenma apwesey Wesse' egegkok tén han xép, mayenyewek sa' apxakko'.
Keñe axta apkelxegama ekweykekxoho m'a Jericó. 5 Wánxa agkok ma'a Dios appeywa apkellegasso apheykencha'a axta m'a Jericó, apkelya'áyekmek axta m'a Eliseo keñe aptéma apkenagkama s'e:
—¿Ya ey'ásegkok apmáheyo émentemekxak kaxwo' Wesse' egegkok ma'a apkelxekmósso nak?
—Ekya'ásegko', kólwanma aqsa kéxegke, axta aptemék apchátegmoweykegko Eliseo.
6 Tén axta aptéma apkenagkama m'a Elías:
—Exnekxa sa' xép se'e, Jordán ko'o apkeltamhók amhagkok Wesse' egegkok.
Apchátegmoweykegkek axta Eliseo:
—Naqso' ko'o ektemessásak sekpeywa yetlo sekxeyenma apwesey Wesse' egegkok tén han xép, mayenyewek sa' apxakko'.
Keñe axta apkelxegama xa apqánet nak. 7 Wánxa agkok, cincuenta Dios appeywa apkellegasso axta eyke han apchaqnágweyk yámmakhawók apmonye'e m'a; tén axta Elías keñe han Eliseo apchaqnágweykmo m'a nekha nak wátsam Jordán. 8 Tén axta apleklama apchaqlamap ma'a Elías, apkelyaqsáseykekxeyk axta keñe aptekpagma yegmen, tén axta ekmayheykekxo neyseksa m'a yegmen nak, apkelyekheykekxeyk axta wátsam xa apqánet nak, máxa axta ekyamayél'a exma'. 9 Natámen apkelyeykhe axta m'a, keñe Elías aptéma apkenagkama m'a Eliseo:
—Héltennés yaqsa aqsok apkeltamho alanaksek amonye' yaqwayam ayenyekxak xép.
Apchátegmoweykegkek axta Eliseo:
—Émenyeyk ko'o heyánchesseshok segkésso ektémakxa nak ekha apmopwána yaqwayam atnehek sekyaqmagkasso.
10 —Háwe aqsok éxyawe xa sélmaxneya nak —axta aptemék Elías—. Wánxa agkok, apwetágkok sa' agkok xép sélyenyókasa sektamheykha sekxegexma, exkak sa' xa aqsok nak. Sa' agkok étégkok, megkólmések sa' xa aqsok sélmaxneyágkaxa nak.
11 Neyseksa apkelxega axta tén han apkelpaqhetchásamákpoho, ekpelakkassama ekwe xama yátnáxeg apyenyawasso ekho táxa eyáléwe, máxa axta han táxa eyáléwe m'a yátnáxeg, kexpánchessegkek axta, keñe Elías ekmoma samaxche ekya'áseykekxo néten. 12 Xama axta apweteya Eliseo m'a, keñe apkelpáxameykencha'a: “¡Táta ahagkok, táta ahagkok, xép axta apteme xama sẽlpextétamo apyennaqte apkelmasma m'a énxet'ák Israel!”
Keñe axta ekmassama apwete m'a Elías.
Eliseo apyaqmagkasso Elías
Tén axta apmoma Eliseo m'a aptaxno keñe apyepteykekxo nepyeseksa. 13 Keñe apmeykekxo m'a Elías axta apchaqlamap aptéyam, tén axta apmeyeykekxo m'a Jordán apkenegweykekxo neyáwa'. 14 Yetlómok axta aptekpaga yegmen ma'a apchaqlamap nak, keñe apkelpáxameykencha'a: “¿Háxko apmahágkaxa Wesse' egegkok, Dios apagkok nak Elías?”
Xama axta aptekpagama yegmen keñe ekmayheykekxo, tén axta aptámeyeykekxo makham wátsam ma'a Eliseo. 15 Xama axta apkelweteya m'a Dios appeywa apkellegasso apheykha axta m'a Jericó, ektáha axta apchaqneykha apmonye'. Aptáhak axta s'e: “¡Eliseo kaxwók apxawákxak ma'a Elías axta apmopwána!”
Apkelya'áyekmek axta keñe apkelháxaheykegko apmonye', 16 axta aptemék apkenagkama s'e:
—Cincuenta negyókxoho negko'o nélyennaqte xép apkeláneykha. Yoho sa' ólxog agketmok ma'a apkelxekmósso nak xép, Dios espíritu apagkok kexa ya'ásekxak néten, essenhan yensakmok ma'a néten egkexe nak, essenhan ma'a ekyapwátegweykenxa nak xapop.
Aptáhak axta apchátegmoweykegko s'e:
—Ma', nágkólaphés aqsa xama énxet.
17 Apkelenxanakmek axta eyke m'a énxet'ák nak, ekwokmoho apcha'awo eláphaksek ma'a cincuenta énxet'ák nak, ántánxo ekhem axta apketamso m'a, axta eyke éteyeykekxak ma'a Elías. 18 Keñe axta apkeltaqhémo makham ma'a Jericó, apheykekxexa axta Eliseo, keñe aptéma apkelánagkama s'e:
—Éltennássek xeyk agkok maltamho kólxog.
Eliseo aptaqmelcháseykekxa yegmen ma'a Jericó
19 Aptáhak axta énxet'ák apheykha nak tegma apwányam apcháneya m'a Eliseo:
—Tásek apyetnamakxa s'e tegma apwányam nak, yegmen aqsa asagko', keñe han ma'a xapop nak, megkatyepek chá'a aqsok kélcheneykekxa.
20 —Hélsantagkas sa' xama kélyekwe yegmen axnagko', kólxátem sa' yásek —axta aptemék apchátegmoweykegko Eliseo.
Kélsákxéssegkek axta kélyekwe yegmen. 21 Keñe Eliseo apmaheykegko m'a ekteyapmakxa nak yegmen appalchesseykmo yásek ma'a, axta aptemék se'e:
—Aptáhak Wesse' egegkok se'e: ‘Ektaqmelchásekxeyk ko'o kaxwók se'e yegmen nak, kamaskok sa' kaxwók élnapa énxet, kamaskok sa' nahan élnapa m'a aqsok kélcheneykekxa.’
22 Yetlómok axta ektaqmeleykekxa m'a yegmen, ekwokmoho makham se'e kaxwo' nak, eñama m'a Eliseo axta appeywa.
23 Apxegeykekxeyk axta makham Eliseo apmeyeykekxo m'a Betel. Neyseksa apxega ámay axta apkeltahanyeyo wokma'ák apkeleñama m'a tegma apwányam nak, yetlómok axta han apya'ásseyam. Axta aptemék apkelyennaqtéssamo apkelpeywa s'e: “¡Exñoho, meyke áwa' apqátek! ¡Exñoho, meyke áwa' apqátek!”
24 Appeynchamakpók axta neptámen Eliseo apkelányo m'a wokma'ák nak, keñe apkeltémo kaltemégwomhok exma yetlo apxeyenma apwesey Wesse' egegkok. Yetlómok axta élánteyapma ánet aqsok nawha'ák éllo m'a naxma nak, keñe ektemessáseykegko nápakha'a apketkók ma'a cuarenta y dos wokma'ák nak. 25 Keñe axta apmeyeykekxo Eliseo m'a egkexe nak Carmelo, axta apkeñamak apmeyeykekxo m'a Samaria.
Apmiyaclha netin Elías
1 Apquiltamjoc nic nat Dios emyasiclhac netin profeta Elías nipyesicsa piyam apyimnatem. Nalhit acnim nic nat intomjac. Apyamyeclhec nic nat tingma Gilgal profeta Elías najan Eliseo.
2 Aptomjac nic nat profeta Elías apcanya Eliseo: —Ilha sat lhip aso. Apquiltamjoc Dios yoyam omyaclhac coo tingma Betel — nic nat aptomjac.
Apcatingmavoc nic nat Eliseo: —Aplingac Dios sicpayvam, inlingac najan lhip apvalhoc. Moyinyovejec sat mataa lhip — nic nat aptomjac. Apquillhinquic nic nat, tingma Betel nic nat apquilyasac.
3 Apquilamyilhamquic nic nat profetas apquitcoc apquilinyema tingma Betel. Apquiltomjac nic nat apquilanya Eliseo: —¿Apyasamco ya lhquip yoyam emyaclhac netin profeta Elías, aptomja lhip visqui pac? — nic nat apquiltomjac.
Apcatingmavoc nic nat Eliseo: —Eje, acyasamcoc coo. Elvanma, noellhen nasa — nic nat aptomjac.
4 Aptomjac nic nat Elías apcanya Eliseo: —Lhip, ilha sat mocjam aso. Apquiltamjoc Dios yoyam omyaclhac tingma Jericó — nic nat aptomjac.
Apcatingmavoc nic nat Eliseo: —Aplingac Dios sicpayvam, inlingac najan lhip apvalhoc. Moyinyovejec sat mataa lhip — nic nat aptomjac.
Apquillhinquic nic nat, tingma Jericó nic nat apquilyasac.
5 Apquilamyilhamquic nic nat profetas apquitcoc apquilinyema tingma Jericó. Apquiltomjac nic nat apquilanya Eliseo: —¿Apyasamco ya lhquip yoyam emyasacpoc netin profeta Elías, aptomja lhip visqui pac? — nic nat apquiltomjac.
Apcatingmavoc nic nat Eliseo: —Eje, acyasamcoc coo. Elvanma, noellhen nasa — nic nat aptomjac.
6 Aptomjac nic nat mocjam Elías apcanya Eliseo: —Altamjoc coo yoyam elhic sat lhip aso. Apquiltamjoc Dios yoyam omyaclhac coo vatsam Jordán — nic nat aptomjac.
Apcatingmavoc nic nat Eliseo: —Aplingac Dios sicpayvam, inlingac najan lhip apvalhoc. Moyinyovejec sat mataa lhip — nic nat aptomjac.
Apquillhinquic nic nat apcanit. 7 Apnec nic nat nicja vatsam profeta Elías najan Eliseo. Apquilamyilhamquic nic nat cincuenta profetas apquitcoc. Apcanvocmec nic nat apquilyajavo.
8 Apmec nic nat manto apcalomap profeta Elías. Apatjapaclhec nic nat apcalomap. Apticponquic nic nat yingmin vatsam. Inyaptalhquic nic nat yingmin. Apquilmilanquic nic nat mepqui lha yingmin.
9 Apquilvocmec nic nat moc nicja vatsam. Aptomjac nic nat profeta Elías apcanya Eliseo: —¿Soc asoc apquiltamjoc lhip yoyam ollana? Jeltimnas yicpintama sicmiyayclha netin — nic nat aptomjac.
Apcatingmavoc nic nat Eliseo: —Altamjoc coytic acyivey anco acyascamco evalhoc, am colhno acyascamco apvalhoc lhip — nic nat aptomjac.
10 Aptomjac nic nat profeta Elías apcanya: —Asoc acyivey anco aplhanma lhip. Apvitamcoc sat ancoc sicmiyayclha netin, elhcac sat asoc acyivey. Am sat ancoc jetamco, melhquejec sat asoc acyivey — nic nat aptomjac.
11 Apquillhinquic nic nat, apquilpametamcaa naysicsa apquillhingam. Pilapcasquic nic nat apquilvita naysicsa talha nolhing apyinyovascama carro. Apyinyovquic nic nat aplhalhma profeta Elías. Apmiyaclhec nic nat netin nipyesicsa piyam apyimnatem.
12 Apvitac nic nat Eliseo, apquevam nic nat: —¡Visqui ajac, Elías! ¡Visqui ajac, Elías! ¡Eycaso carro pac Israel najan nolhing apcapaoc! — nic nat aptomjac.
Inmasquec nic nat apvitangveclho. Yejemoc nic nat apyapta aptalhnama, niplhit nic nat apyaptac. 13 Apmec nic nat Eliseo manto apyamasma Elías. Aptajavoc nic nat mocjam. Apvoclhec nic nat vatsam Jordán.
14 Apliquic nic nat manto apyamasma Elías. Apticponquic nic nat yingmin vatsam. Aptomjac nic nat appametamcaa: —¿Jalhco apyasa Dios Visqui pac Elías? — nic nat aptomjac.
Apticponquic nic nat siclho. Yejemoc nic nat acyaptalhco yingmin vatsam. Apquilmilanquic nic nat profeta Eliseo.
15 Apquilvitac nic nat profetas apquitcoc apquilinyema tingma Jericó. Apcanam nic nat tap vatsam. Apquilpametam nic nat: —Aplhocac lhac Eliseo acyascamco apvalhoc ayinyema profeta Elías — nic nat apquiltomjac.
Apquilamyilhamquic nic nat. Apquililpolintac nic nat apquinmamcaclha profeta Eliseo.
16 Apquiltomjac nic nat apquilanya: —Apnam ningyesicsa cincuenta apquilyimnatem. Ilapajas sat elquitmoc lhip apvisqui pac. Apyantamaclhec lhac espíritu apanco Dios. Apyinyovquic lhaja netin inquilhe, inlhojo eyca laa congne alvata — nic nat apquiltomjac.
Apcatingmavoc nic nat profeta Eliseo: —Noelapajas nasa — nic nat aptomjac.
17 Apquilinlhanacmec nic nat apquilpamejitquiscama. Inliclacmec nic nat profeta actemaclha apquilpamejitquiscama.
Aptomjac nic nat apquilanya: —Tasi, elapajas sat maa — nic nat aptomjac.
Yejemoc nic nat apquilapajasa cincuenta enlhit. Apquilquitamquic nic nat natqui acnim. Am nic nat elvitac. 18 Apquilvoctac nic nat apnaclha profeta Eliseo tingma Jericó.
Aptomjac nic nat profeta apquilanya: —Altimnasquic lha inyicje yoyam melyacsic — nic nat aptomjac.
19 Apnam nic nat maa enlhitaoc aptomja tingma apancaoc. Apquiltomjac nic nat apquilanya profeta: —Quip ilanojo. Actamilaclha ningma as tingma. Am eyca cotamila yingmin. Yitnec mataa alitsepaycaoc ayitcoc — nic nat apquiltomjac.
20 Aptomjac nic nat profeta apquilanya enlhit: —Jelsantimquis asoc payjem acyiplomo yasic — nic nat aptomjac.
Apquilsantimcasquic nic nat. 21 Apmiyaclhec nic nat profeta acyitnamaclha yingmin tap tingma. Apquilhaquic nic nat yasic congne yingmin.
Aptomjac nic nat apcanya: —Eycaso aplhanma Dios: Actamilquiscacmec coo as yingmin. Comascoc sat alitsepaycaoc ayitcoc, comascoc sat ningmasquem — intomjac appayvam Dios — nic nat aptomjac profeta.
22 Intamilaclhec nic nat yingmin acvocmo as ningvamlha nac jay. Ayinyema ilhnic nat appayvam profeta Eliseo.
23 Apmiyaclhec nic nat profeta tingma Betel. Apquilamyilhamquic nic nat quilyimnanic apquilinyema tingma. Apquilasmasquic nic nat apquilpalhamamcaa: —¡Ilhing jilip, Cava Napat! ¡Ilhing jilip, Mepqui Ava Napaat! — nic nat apquiltomjac.
24 Appaycacpo ilhnic nat niptamin profeta. Apvitac nic nat actemaclha apquilasmescama. Apyamnam nic nat naysicsa aplhanma apvisay Dios. Yejemoc nic nat alantepa nalhma anit oso asoc navjac aclom. Inquilyaptec nic nat apquilyovoclhojo. Apquilitsepquic nic nat cuarenta y dos quilyimnanic. 25 Apmiyaclhec nic nat profeta Eliseo inquilhe Carmelo najan yoclhilhma Samaria.
