Dios appeywa ekteme ekha ekmowána
1 Kóltemésses
apcheymákpoho
Wesse' egegkok,
apteme nak apkelásenneyha
kélheykha néten:
kóltemésses eyeymáxkoho
m'a apmopwána nak,
tén han ma'a apcheymákpoho
nak Wesse' egegkok,
2 kóltemésses eyeymáxkoho
apwesey Wesse' egegkok,
kólpeykesho Wesse' egegkok ma'a
kañe' nak tegma appagkanamap
apagkok aptaqmalma.
3 Kextegyókek appeywa
Wesse' egegkok ma'a
néten nak wátsam ekwányam;
apkextegyawássek ma'a
Dios apcheymákpoho:
¡apheyk Wesse' egegkok ma'a
néten nak wátsam ekwányam!
4 Kayhek éxtegyawà
appeywa Wesse' egegkok,
legáxkók ekyókxoho yókxexma;
5 kelwáxchetchek
Wesse' egegkok
appeywa m'a
yámet cedros.
¡Apkelekkexchek
Wesse' egegkok ma'a cedros
élámha nak ma'a Líbano!
6 ¡Apkelpexyennegkessek
ma'a egkexe Líbano,
tén han ma'a Sirión;
máxa weyke kelennay'a
tén han weyke étkók
élnextegeykhal'a néten
aptemessásak
apkelnextegkáseyncha'a néten!
7 Kelnextegkessek
táxa eyáléwe m'a
Wesse' egegkok appeywa;
8 yawheyáseyha xapop
meykexa nak énxet ma'a
Wesse' egegkok appeywa;
¡apyawheyáseyha xapop
Wesse' egegkok ma'a
yókxexma meykexa nak
énxet ma'a Cadés!
9 Kelyawheyáseyha
yámet encinas ma'a
Wesse' egegkok appeywa,
meyke yenta'a élyawe
temessásak ma'a naxma.
Apyókxoho énxet'ák aptáhak
meleyságkoho apkelpaqmeta m'a
tegma appagkanamap apagkok nak:
¡Apcheymákpoho Dios!
10 Wesse' egegkok
apteme wesse' agkok
ma'a ekmámeye;
¡Wesse' egegkok apteme
wesse' apwányam
memassegwayam!
11 Wesse' egegkok
apkelyennaqtésso
énxet'ák apagkok,
Wesse' egegkok apmésso
ektaqmalma apheykha m'a
énxet'ák apagkok nak.
Appayvam apanco Dios
1 Eltime sat apquilayo Visqui ingac quellhip apnaycam netin.
Eltime sat apquilayo apmopvan apanco najan gloria apanco Visqui ingac.
2 Eltime sat apquilayo apvisay apanco.
Elpayicsojo Visqui ingac aptamila.
3 Cayjec appayvam apanco Dios Visqui ingac tacjalhit yingmin acvanyam.
Cayjec appayvam apanco Dios Visqui ingac ayilhtingyavoyam.
Visqui apyimtalhnamo tacjalhit yingmin acvanyam.
4 Acmovan innac appayvam apanco Dios.
Malha ayilhtingyavoyam appayvam apanco.
5 Innec alintasa alimja yamit cedro, ayinyema appayvam apanco.
Innec alintasa yamtaa nalhma Líbano, ayinyema appayvam apanco.
6 Aptimescasquic malha acyovjeycam nalhpop payjoc Líbano najan Sión.
Acyovjeycam nalhpop actomja malha acnilhtingaycaoc vayqui ayitcoc najan asoc navjac.
7 Malha talha alayvom actimesquiscama appayvam apanco Dios.
8 Acyovjeycam lhop (nalhpop) actimesquiscama appayvam yoclhilhma actamopeycaoc.
Acyovjeycam lhop (nalhpop) actimesquiscama appayvam yochilhma Cades.
9 Innec alintasa alimja nimpena, ayinyema appayvam apanco.
Mepqui alimja yamit nalhma aptimescasac Dios.
Innec ayaco apvisay apanco tingma apponquinomap.
10 Dios Visqui ingac aptomja apyimtalhnamo tacjalhit yingmin acvanyam (mamay).
Dios Visqui ingac aptomja apyimtalhnamo cotmongvoycamlha nelha.
11 Dios Visqui ingac aptomja apyimnatescama apyimpeoc apnaymacoc.
Dios Visqui ingac ayinyema actamilaycam apquilvalhoc apnaymacoc.
