Énxet'ák élmasagcha'a apkeltémakxa
1 Xama axta apxámeykekxo énxet keso náxop, apkelwet'ak axta apketchek kelwán'ák, 2 apwet'ak axta Dios apketchek éltaqmela xa kelán'a nak. Yetlókok axta han apkelyéseykha chá'a xama neyseksa m'a ekyókxoho nak, apmeyk axta han chá'a m'a apkepmenyéxa enxoho chá'a. 3 Keñe axta Wesse' egegkok aptáha s'e: “Magwohok sa' kaxwók kawegqohok apha énxet, hakte megkatnehek chá'a megyetsapma m'a. Ciento veinte apyeyam sa' aqsa chá'a néxa apha.”
4 Apkelánteyepmeyk axta énxet apkelwenaqte keso náxop, cham'a apkelyepetcheya axta Dios apketchek ma'a apketchek nak énxet'ák, yaqwayam enxoho elwetaksek étchek ma'a, tén han natámen axta xa. Cháxa énxet'ák apkelyennaqte apkelxénamap axta chá'a ekyókxoho yókxexma m'a nano' axta.
5 Apwet'ak axta Wesse' egegkok ekyawa agko' ekmaso apkeltémakxa énxet'ák keso náxop, élxéneykencha'a aqsa apkelwáxok wánxa elanagkok ma'a aqsok ekmaso nak. 6 Chaqhak axta apwáxok apkeláneya énxet, yetlo élapwayam apwáxok axta 7 aptáhak se'e: “Amasseksek sa' ko'o énxet keso náxop, ektáha axta sélane, tén han ma'a ekyókxoho aqsok nawha'ák megkalmeymentakcha'a nak, tén han ma'a élpexyaweykegkoho nak náxop, tén han ma'a náta. ¡Chaqhak ewáxok ko'o séláneya!”
8 Taqmeleykha axta eyke apwáxok Wesse' egegkok apkelányo m'a Noé.
Noé yántakpayhe ekyawe apagkok
9 Keso ektémakxa axta ekxénamaxche apha Noé s'e: énxet ekpéwomo aptémakxa axta Noé, elyahakxohok axta chá'a m'a Dios, wánxa axta aqsa han apxakko' chá'a apkeláneya ektémakxa apmopmenyého Dios, nepyeseksa m'a énxet'ák aphamakxa axta. 10 Apqántánxo axta apketchek ma'a Noé, cham'a Sem, Cam, tén han Jafet.
11 Apwet'ak axta Dios ekyágwokmoho agko' ekmaso nentémakxa keso náxop, tén han magésso agyennaqtésha egyempehek. 12 Apyókxoho énxet'ák axta apnaqtawásamákpok. Xama axta apwet'a Dios ekyágwokmoho ekmaso nentémakxa keso náxop, 13 aptáhak axta apcháneya Noé s'e: “Peyk ko'o amasséssók apyókxoho énxet, cha'a keñamak ekxámokma nak negyennaqteyáseykha egyempehek keso náxop, amasséssók sa' ko'o xa, tén han ma'a ekyókxoho yókxexma nak keso náxop.” 14 Elána sa' xama yántakpayhe ekyawe, yántéseksek ekha nak agye', elanák sa' han awáxok ma'a kañe' nak, eláhapmakha sa' han meteymog égmenek ma'a ekyókxoho élyagqáxeykha nak yántakpayhe, kañe' awáxok tén han yókxexma, yaqwayam megkatxehek yegmen. 15 Elána sa' yántakpayhe s'e ekwánxa nak ekwenaqte: ciento treinta y cinco metros sa' etnehek ekwegqakxa, keñe sa' veinte y dos metros náxet mók ma'a ekpayhakxa nak, keñe sa' trece metros náxet mók ma'a ekmahéyak nak néten. 16 Ántánxo awáxok sa' elána', xama átog étkok náxet metros yaqwayam kammok ma'a eyapma nak átog, yetlo xama átog ma'a nekha nak. 17 Wáphaksek sa' ko'o ekmámeye ekyawe agko' keso náxop, yaqwayam sa' kápok yegmen xapop, kamasséssók sa' ekyókxoho aqsok ekha nak élennama ekyókxoho yókxexma keso náxop, kaletsapok sa' ekyókxoho aqsok ekhéyak nak néten xapop. 18 Alának sa' eyke ko'o ekhémo mók sélpaqhetchásamáxkoho exchep, elántexek sa' apketchek ma'a yántakpayhe, tén han aptáwa', tén han aptánegken'ák nak, tén han xép. 19 Exatmok sa' han kañe' yántakpayhe m'a ekyókxoho aqsok nawha'ák élleykha nak keso náxop, xama kennawók sa' chá'a, tén han xama kelwána, yaqwayam sa' kalwomok teyp, ekhawo nak xép. 20 Kalántexek sa' chá'a exchep xamók yántakpayhe ánet aqsok nawha'ák, cham'a ekyókxoho ektémakxa nak chá'a, cham'a náta, tén han ma'a aqsok nawha'ák megkalmeymentakcha'a nak, tén han ma'a élpexyaweykegkoho nak xapop, yaqwayam sa' kalweynchamha chá'a makham. 21 Yánchásekxa sa' nahan mók ektémakxa nento, eltaqmelches sa' nahan, yaqwayam sa' xép kaxek apto, tén han ma'a aqsok nawha'ák nak.
22 Apkelanak axta Noé m'a ekyókxoho apkeltamhókxa axta etnehek Dios.
Apquiltemaclha almasomcaa enlhitaoc
1 Aplhameclhec nic nat enlhitaoc as nalhpop. Apquilvitac nic nat apquitquic quilvanaa. 2 Apquilvitac Dios apquitquic altomja altamila quilvanaa mepqui anatamcaa. Apquilyacyesquic nic nat quilvanaa. Inquilyimjapquic nic nat.
3 Aptomjac nic nat Dios Apyimtalhnamo: —Am oltamjoc coo eltiyasam enlhitaoc cotmongvoycamlha nelha. Ayinyemaclha apyovoclhojo innac enlhitaoc. Apvancaac eltiyasam acvamlha 120 años— nic nat aptomjac.
4 Apquilvitacpec nic nat siclho enlhit apquilvinatem apanco as nalhpop. Ayinyemaclha inquilyimjapamquic nic nat Dios apquitquic quilvanaa enlhit apquitquic. Apquiltamongvocmec nic nat apquitquic. Natamin apquilvitacpec nic nat mocjam enlhit apquilvinatem apanco. Apquilyimnatem apanco ihlnic nat siclho, am nic nat elhnoc poc enlhitaoc.
5 Apvitac nic nat Dios Apyimtalhnamo apquiltemaclha apquilmapsomcaa enlhitaoc lhalhma anco. Inquilquitamquic nic nat mataa apquilvalhoc asoc almasomcaa. 6 Am nic nat colcac apvalhoc Dios Apyimtalhnamo aptemaclha apquillanay nic nat siclho enlhit. Inyitnocjavoc nic nat apvalhoc.
7 Aptomjac nic nat Dios Apyimtalhnamo: —Pac sat osavojo otvacsic aplhamoclhojo enlhitaoc silanay coo. Otvacsic sat aclhamoclhojo ninnatoscama najan asoc alpilhyevaycam nalhpop najan aclhamoclhojo nata. Am colcac evalhoc silanay siclhoc anco aclhamoclhojo asoc— nic nat aptomjac.
8 Inlicavoc nic nat apvalhoc Dios Apyimtalhnamo aptemaclha Noé.
Yamit aysicsic actiyascam nayingmin
9 Eycaso amyaa aptemaclha ilhnic nat Noé. Appeyvomo ilhnic nat Noé. Am nic nat esilhnanacpoc napato Dios Apyimtalhnamo. Am nic nat elhnoc apquictingaycamco lhama. Apyiplovcasquic nic nat Noé apmayjayoclha Dios Apyimtalhnamo. 10 Apnatqui ilhnic nat apquitquic Noé: lhama apvisay Sem, apyalhing apvisay Cam, poc apyalhing apvisay Jafet.
11 Apquilmapsomcaa ilhnic nat enlhitaoc lhalhma anco. Avanjec nic nat melyascalhma napato Dios Apyimtalhnamo. 12 Apvitac nic nat Dios Apyimtalhnamo apquiltemaclha almasomcaa enlhitaoc lhalhma anco. Lhama ilhnic nat apvita Dios Apyimtalhnamo apquiltemaclha apancaoc enlhitaoc.
13 Aptomjac nic nat Dios Apyimtalhnamo apcanya Noé: —Pac sat osavojo otvacsic enlhitaoc lhalhma anco. Apquilsilhnanomap apanco najato ayinyema apquiltemaclha apancaoc. Pac sat osavojo otvacsic enlhitaoc najan acyovoclhojo as nalhpop. 14 Ilaná sat lhip memong nicjaa yamit aysicsic actiyascam nayingmin. Ilaná sat aclhamoclhojo avalhoc congne. Ilapaoc sat yamit anyi aclhamoclhojo alyancalhcaoc. Ilapaoc sat ayimpejic najan avalhoc barca yamit aysicsic yoyam cotlhejec yingmin. 15 Ilyipsitaoc sat acvamlha yoyam elanac barca yamit aysicsic: Ilyipsit sat acvamlha acvinatem 135 metros. Ilyipsit sat acvamlha acyivey 22 metros y medio. Ilyipsit sat acvamlha acvinatem netin 13 metros y medio. 16 Ilana sat natqui avalhoc netin. Ilana sat lhama atong ayitcoc actomjaclha nelha netin natqui avalhoc. Ilana sat lhama atong acyivey nicja barca yamit aysicsic. 17 Pac ongvapajacsic sat acmamay acvanyam as nalhpop. Cosavojoc sat ayapma as nalhpop. Pac sat osavojoc otvacsic enlhitaoc najan aclhamoclhojo asoc aleyvam lhalhma anco. Colitsapoc sat aclhamoclhojo aleyvam as nalhpop. 18 Pac otnesquisic asoc monquinatquiscama sicmayjayoclha ajanco apnaclha lhip. Elantilhic sat barca yamit aysicsic lhip apquitquic najan apnatamcaa. Etlhic sat lhip najan aptava. 19 Ilantalhnes sat lhip acvamlha anit moclhama actemaclha asoc aleyvam as nalhpop yoyam colvomoc tap. Lhama sat mataa inquinavo najan lhama inquilvana. 20 Moclhama actemaclha asoc aleyvam as nalhpop colantilhic sat barca yamit aysicsic: moclhama actemaclha nata, moclhama actemaclha ninatoscama, moclhama actemaclha asoc alpilhyevaycam nalhpop. Colvomoc sat tap moclhama actemaclha. 21 Ingyansiclha sat lhip aclhamoclhojo actemaclha nintom najan actoycaoc asoc alyanca avalhoc barca yamit aysicsic— nic nat aptomjac Dios.
22 Apquilyajaclhoc nic nat Noé actemaclha appayvam apcanama Dios.
