Jerusalén kélmenxenchesso apkelenmexma
1 Keso appeywa axta Wesse' egegkok se'e, apxéna m'a Israel. Aptáhak Wesse' egegkok se'e, appeykesso nak ma'a néten, appekkenma nak awhak ma'a xapop, apmésso nak apyennaqte m'a énxet: 2 “Ekteméssessek ko'o xama egheykok vino kélyeta m'a Jerusalén yaqwayam sa' kalnáhakkasek ma'a apyókxoho pók aptémakxa énxet'ák apheykha nak chá'a m'a neyáwa. Kélwakhegwokmek sa' agkok ma'a Jerusalén, kólchetamagkok sa' nahan ma'a pók tegma apkelyawe nak ma'a Judá.
3 “Atnessásekxak sa' ko'o meteymog ekyentaxno agko' Jerusalén xa ekhem nak, megyexyawaksek sa' chá'a m'a pók aptémakxa nak énxet'ák. Kapexyekhak sa' chá'a m'a apmáheyo nak chá'a éxnések néten. Épetchekxak sa' pók apyókxoho pók aptémakxa énxet'ák yenmexek ma'a Jerusalén, 4 alyegwakkasek sa' eyke ko'o apyókxoho m'a yátnáxeg, keñe sa' alyeykesek exma m'a apheykha nak chá'a apkap'ák. Alanha sa' ko'o m'a Judá aptawán'ák neptámen nak, meyke apaqta'ák sa' atnéssesagkok apyókxoho yátnáxeg, apkelchánte nak chá'a m'a pók aptémakxa énxet'ák. 5 Apkelwet'ak sa' agkok apkelámha apmonye'e nak Judá xa, sa' katnehek chá'a apkelwáxok se'e: ‘Wesse' egegkok ekha nak apyennaqte, cham'a Dios apagkok nak ma'a apheykha nak Jerusalén, cha'a apkelmésso chá'a apkelyennaqte m'a.’
6 “Máxa átex éláléweykhal'a neyseksa yántapák sa' ko'o atnéssesek apkelámha apmonye' nak Judá xa ekhem nak, ektémól'a táxa eyáléweykhal'a nepyeseksa hótáhap apexchakkok kélyaqtónma kéltéteykekxal'a nepxet. Kalwatnek sa' ma'a ekyókxoho apheykegkaxa nak chá'a pók aptémakxa énxet'ák ma'a neyáwa, keñe sa' ma'a énxet'ák apheykha nak Jerusalén elhekxak sa' aqsa makham ma'a tegma apwányam apagkok nak. 7 Sa' eyke sekxók ko'o alwagkasek teyp apmonye'e m'a Judá apnámakkok nak, ko'o sektáha nak Wesse', yaqwayam sa' megkayágkehek apkelxénamap ektaqmela David aptawán'ák neptámen tén han énxet'ák apheykha nak Jerusalén nepyeseksa m'a nápakha nak Judá aptawán'ák neptámen. 8 Almeyók sa' ko'o m'a apheykha nak Jerusalén, ko'o sektáha nak Wesse'. Apkelyennaqte sa' nahan etnahagkokxak ma'a apkelyelqamákpoho nak, ektéma axta m'a wesse' apwányam David, keñe sa' ma'a David aptawán'ák neptámen nak etnahagkokxak ma'a aptémakxa nak Dios, aptémakxa nak ma'a Wesse' egegkok apchásenneykha, apxegamól'a chá'a apmonye'e.
9 “Amasséssók sa' chá'a ko'o pók aptémakxa énxet'ák xa ekhem nak, ektáhakxa enxoho chá'a apketámeyam ma'a Jerusalén. 10 Ayánchesseshok sa' ko'o sekmésso apmopyóseka elanok apnámakkok tén han apkelmaxneyéyak ma'a David aptawán'ák neptámen nak tén han ma'a énxet'ák apheykha nak Jerusalén. Keñe sa' elanok chá'a m'a ektáha nak chá'a apkelyetxaqxo, tén sa' kallapwomagkok, ellekxagwaha sa' elano'. Máxa sa' etnéssesek ma'a aptémól'a yetsapok kélketche aptemél'a wánxa xama apagko' essenhan ma'a kélketche átnaha apketkok la'a. 11 Kallapwomaxchek sa' ekwányam agko' ma'a Jerusalén, kaxhok sa' ma'a ekweykenxal'a éllapwámomáxche kéllánesso aqsok kéláyókxa Hadad-rimón ma'a meykexa nak élekhahéyak xapop ma'a Meguido. 12 Kallapwomaxchek sa' ekyókxoho s'e kañe' apchókxa nak, apkelánéyak apagko' sa' chá'a etnahagkok éllapwámeyak énxet xama tegma yetlo m'a apnámakkok apagko' nak: cham'a David aptawán'ák neptámen nak, tén han ma'a apnaqteyegka'a nak; tén han ma'a Natán aptawán'ák neptámen nak tén han ma'a apnaqteyegka'a nak; 13 tén han ma'a Leví aptawán'ák neptámen nak yetlo m'a apnaqteyegka'a nak; tén han ma'a Simí aptawán'ák neptámen nak yetlo m'a apnaqteyegka'a nak; 14 tén han ma'a apyókxoho pók énxet'ák nak apnámakkok apagko' nak chá'a xama tegma, yetlo m'a apnaqteyegka'a nak.
Apquiltemaclha co Jerusalén
1 Eycaso appayvam ayinyema Dios Visqui ingac apquillhenacpo enlhitaoc Israel. Aptomjac nic nat Dios apquillanay netin najan nalhpop, aptomja singmescama ingvalhoc ningilvisay enlhit. Aptomjac nic nat maa: 2 Etniclhac sat tingma Jerusalén acyitnamaclha uva ayingmenic. Uva ayingmenic colnapoc sat apquiltomja apquilimpocjay tingma. Elimpocjacpoc sat mocjam poc tingma apquilvanyam co Judá. 3 Etniclhac sat tingma Jerusalén mataymong acyimtalhnama. Ingyascoc sat (cascoc sat) enlhit yoyam eyiptelingvasiclha. Elpasmiclhac sat apyovoclhojo enlhitaoc elinmelham tingma Jerusalén. 4 Otnesquisic yoyam elinyajamcoc apquilquinamtem nolhing ayinyema apquillay. Otnesquisic sat ayanem (acyeyjamelhma) nolhing apcapaoc. Eltimjic sat mepqui apataoc apyovoclhojo nolhing, melvityejec sat amay. Olmeyvoc sat enlhitaoc Judá, yoyam mellingamquejec sat acmasom. 5 Cotlapsic sat apquilvita apquilviscaa co Judá, elpamejitsic sat: Dios Visqui ingac aptomja apmasma co Jerusalén, aptomja apyimnatescama enlhitaoc — sat eltimjic. 6 Opasmoc sat apquilviscaa co Judá, eltimjic sat malha talha naysicsa alhpongja, najan malha talha mayicjescama papiyov. Enatovasacpoc sat cotnaja ingmoc nipyava co Judá. Elmiyovacpoc sat apnaycam tingma Jerusalén.
7 Coo sicvisay Visqui sicyimtalhnamo, olvomsic sat tap apquilmolhama Judá. Colapvanquejec elyimtalhnesacpoc apanco David aptovana niptamin najan enlhitaoc tingma Jerusalén. Melvennacpejec sat co Judá. 8 Olmeyvoc sat coo sicvisay Visqui enaymacoc Jerusalén. Enlhit melyimnatem as tingma ellhojoc apquilyimnatem, apno ilhnic nat apvisqui David. Aptovana niptamin David ellhojoc sat Dios, ellhojoc sat ángel Dios apcasinancama, aptomja apnalayclha enlhit. 9 Onatovacsic sat cotnaja ingmoc apquilimpocjay tingma Jerusalén.
10 Otnesquisic sat, yoyam colhic apquilvalhoc actemaclha ningasicjayo najan ningilmalhnancama nipyesicsa David aptovana najan apnaycam tingma Jerusalén. Cotnejic acmayovsa apquilvalhoc apquilvita inlhojo apquitsepma apquitca aptiyam apmamyi. Elyapcalhic sat maa apquitsepma apquitca apvamlha pac lhama. 11 Cotnejic sat acmayovsa apquilvalhoc acvanyam, colhojoc sat acmayovsa apquilvalhoc ayitsepma (quilaycmasquiscama) Hadad-rimón amyip acvanyam Meguido. 12 Moclhama familia apquilmolhama cotalhcac sat acmayovsa apquilvalhoc: David aptovana niptamin najan apnatamcaa cotnaja alpalhquemalhca. Natán aptovana niptamin najan apnatamcaa cotnaja alpalhquemalhca. 13 Leví aptovana niptamin najan apnatamcaa cotnaja alpalhquemalhca. Semei aptovana niptamin najan apnatamcaa cotnaja alpalhquemalhca. 14 Najan maa moclhama familias apquilmolhama najan quilvanaa cotnaja alpalhquemalhca — alhta aptomjac — nic nat aptomjac profeta.
