¡Wesse' egegkok apteme Wesse' Apwányam!
1 ¡Kalpayhekxa kélwáxok
kélyókxoho kélheykha
nak keso náxop!
¡Kalpayhekxa kélwáxok
kélheykha nak ekyókxoho
egkexe étkók!
¡Wesse' egegkok apteme
Wesse' Apwányam!
2 Wakhayak ma'a
yaphope ekyentaxno;
appekkenmeyk
apkelánekxésso
ektaqmalma apheykha
énxet'ák ma'a
aptémakxa nak
wesse' apwányam,
tén han ekpéwomo agko';
3 xegamchek táxa
eyáléwe m'a apmonye',
kalwatnek chá'a m'a
apkelenmexma
apheykha nak nepyáwa'.
4 Kaltátchesek chá'a
nélwanmeygkaxa m'a
élyenma apagkok nak;
¡kalpexyennók chá'a
xapop ekwet'a enxoho!
5 Máxa pápa' chá'a
katnehek kalpayhekxak
nápaqtók Wesse' egegkok
ma'a meteymog
élwenaqte nak,
nápaqtók ma'a
apagkok nak
ekyókxoho keso náxop.
6 Kaxének chá'a néten
ma'a aptémakxa ekpéwomo;
apyókxoho énxet'ák chá'a
elwetak apcheymákpoho.
7 Apkelmegqágwákxók
ma'a apkelpeykessamo nak
chá'a kéleykmássesso,
eyaqheykencha'a nak
chá'a apkelwáxok ma'a.
¡Kelháxahágkek apmonye'
m'a ekyókxoho aqsok
ekha nak élmowancha'a!
8 Oh Wesse',
kelpayhekxeyk agko'
apkelwáxok ma'a
apheykha nak Sión,
tén han ma'a tegma
apkelyawe nak Judá,
eñama m'a apkeltémókxa
nak chá'a etnahagkok;
9 hakte xép Wesse',
meyke nak ekhémo,
apteme néten ma'a
ekyókxoho aqsok
nak keso náxop,
tén han apteme
néten agko' neyseksa
m'a ekyókxoho aqsok
ekha nak élmowancha'a.
10 Yásekhohok
Wesse' egegkok
ma'a aptaqnagko
nak aqsok ekmaso;
emyók han chá'a m'a
melyenseyam nak
chá'a apkelyetleykha;
megyohok chá'a emok
ma'a élmasagcha'a
nak apkeltémakxa.
11 Kalsássesek chá'a
élseyéxma m'a énxet
ektaqmalma nak aptémakxa;
keñe chá'a ekpayheykekxa
egwáxok ma'a énxet'ák
meyke nak apkeltémakxa.
12 ¡Kalpayhekxa kélwáxok
eñama Wesse' egegkok,
kéxegke éltaqmalma
nak kéltémakxa,
kólpeykesho m'a apwesey
ekpagkanamaxche nak!
Dios Visqui ingac
1 Dios apvisay Visqui ingac.
Colpayjiclha apquilvalhoc quellhip as nalhpop.
Colpayjiclha apquilvalhoc quellhip apnaycam acyayem lhop.
2 Invitalhquic yipjopay alpasyam nipyava Visqui ingac.
Payjoc apvisqui aptajanem acyitna actemaclha acpeyvomo.
3 Malha aclhingam amamyi intomjac talha, cotvacsic cotnaja ingmoc.
Apquilmetquic mataa cotnaja ingmoc apquilvocjay.
4 Avanjec mataa alyinmayam najan tacja, alapongmatem as nalhpop.
Impilhyinimquic mataa as nalhpop acvitalhco tacja (tacja ayajem).
5 Malha pápac appayjayclha altomjayclho mataymong alvinatem.
Napato Visqui ingac, aptomja avtip acyovoclhojo as nalhpop.
6 Inlingalhquic maa netin aptemaclha appeyvomo Visqui ingac.
Invitalhquic gloria aptemaclha apyimtalhnamo nipyesicsa enlhitaoc.
7 Elmancangvomoc sat apquiltomja apquilpayescamo quilaycmasquiscama.
Apquiltomja apquilayo quilaycmasquiscama.
Acyovoclhojo quilaycmasquiscama altomja (dioses) alayo Dios Apyimtalhnamo.
8 Visqui ingac.
Payjeclhec apquilvalhoc co Sión najan co Judá, apquilvita inlhojo lhip aptemaclha apyicpilquemo (appeyvescasquiclha).
9 Lhip nac Apvisqui apyimtalhnamo nipyesicsa apyovoclhojo as nalhpop.
Najan apyimtalhnamo apanco, am colhno quilaycmasquiscama (dioses).
10 Visqui ingac aptomja apquilasicjayo, apvita inlhojo apquiltanoncama actemaclha acmasom.
Apquiltamilcasquic mataa, apvita inlhojo apquiltemaclha apquilpeyvomo.
Elvomsic sat tap, apvita inlhojo apquilmomap nipyesicsa apquilmapsomcaa.
11 Apquilvitac mataa ayitsasquiscama olhma enlhit apquiltamila.
Payjeclhec mataa apquilvalhoc enlhitaoc apquilyajayquiclho.
12 Colpayjiclha apquilvalhoc quellhip apquilpeyvomo napato Visqui ingac.
Eltime sat apquilayo apvisay apanco Visqui ingac apyimtalhnamo.
