Keltásók agko' xép aqsok apkelane
1 Kólmeneykmásses Dios,
kélyókxoho kélheykha nak keso náxop
yetlo ekpayheykekxa kélwáxok;
2 kólmeneykmásses
negmeneykmasso m'a
apwesey eyeymáxkoho nak;
kólmeneykmásses
negmeneykmasso
ektaqmalma eñama
apteme apwányam apagko'.
3 Kólteme kólának Dios se'e:
“Keltásók agko'
xép aqsok apkelane.
Apmopwána ekyawe
keñamak xép
apkelpexyennama
apmonye' m'a
apkelenmexma nak;
4 apyókxoho énxet'ák
apkelpeykásawók xép
apheykha nak keso náxop,
apkelmeneykmássessek
han ma'a negmeneykmasso
apkelxéna apwesey.”
5 Kólchexyem,
kólteyánegwatámho
Dios apkelane aqsok,
aqsok sempelakkasso
apkelánesso axta m'a énxet'ák:
6 xapop ekyamaye axta
aptemessáseykekxak ma'a
wátsam ekyawe nak,
keñe axta m'a ẽlyapmeyk
nano' axta negko'o
apkelyeykheykekxo náxop
ma'a wátsam nak;
¡axta nenlánegweykmok
nélsawássessamo ekyókxoho
senteméssessamakxa axta Dios ma'a!
7 Apmopwána keñamak aptéma
wesse' apwányam meyke néxa;
meyenyókáseykha apaqtek
apkeláneykencha'a m'a apkelókxa nak,
yaqwayam enxoho melenmexekxék ma'a
énxet'ák apkelenmexeykekxoho nak chá'a.
8 Énxet'ák,
¡kaltaqmalmakha kélpeywa
kólxének Dios egagkok!
¡kóllegaksoho m'a
negmeneykmasso
nélpeykessamo nak!
9 Hakte cha'a keñamak
nélweynchámeykencha'a
negko'o makham ma'a;
megyahayók hẽlpelápagkasek.
10 Dios egagkok,
apkelányok negko'o
exchep nentémakxa
yaqwayam ékpelkoho',
¡ẽláxñáseykekxe',
máxa enteméssessók
ma'a kéltémól'a sawo
ekmope kólaxñásekxa'!
11 Egáhakkasseykteyk yám'én;
empátegkessegkek
aqsok ekyentaxno agko'.
12 Apchahayók han
sẽlteyammeykencha'a
m'a sẽlenmexma nak;
nélmalláneykekxeyk chá'a
negko'o m'a yegmen,
tén han táxa,
ẽlwagkassa'ak eyke
yaqwánxa óllókasek nélyampe.
13 Atxek sa' ko'o
tegma appagkanamap apagkok,
tén sa' almések aqsok sélwatno;
keñe sa' alának ma'a aqsok
séltennasso axta alána',
14 cham'a
séltennassama axta alána',
sekweteya axta ekmaso sekha.
15 Almések sa' ko'o
exchep aqsok sélwatnésso
kélnaqtósso seknaqmelasso nak;
almések sa' ma'a weyke kelennay'a,
tén han yát'ay apkelennay'a nak,
tén han ma'a nepkések
apkelennay'a sélnapma nak.
16 Kólchexyem kélyókxoho,
¡kélaye nak chá'a Dios!
¡Kóleyxho sa',
peya nak altennasha
setnéssessamakxa ko'o m'a!
17 Ekpaqmeyesmeyk
axta ko'o sekwóneykencha'a,
ekmeneykmássessegkek
axta sélpeykessamo.
18 Asagkek axta agkok ko'o
élchetamso ewáxok,
meheyéxók axta m'a
Wesse' egegkok;
19 ¡ehaxnawók axta eyke,
apmeyk axta han takha'
sélmaxnagko!
20 ¡Apcheymákpoho sa'
chá'a kólteméssesek Dios,
apmoma axta takha' sélmaxnagko,
sexekmóssama axta seyásekhayo!
Singilpasmom Dios
1 Elminaycmas sat quellhip.
Eltime apquilayo Dios Visqui ingac.
Quellhip enlhitaoc apyovoclhojo as nalhpop.
2 Elminaycmas sat quellhip.
Colhic sat ayaco apvisay apanco.
Eltime sat apquilayo naysicsa apquilminaycmascama.
3 Eltime sat quellhip elanic Dios Visqui ingac:
—Aptamjaycam simpilapquiscama ayinyema lhip apmopvan apanco.
Eljalhic sat apyovoclhojo cotnaja ingmoc napato lhip.
4 Colhic sat ayaco lhip ayinyema enlhitaoc lhalhma anco.
Colhic sat ayaco lhip naysicsa apquilminaycmascama.
5 Elmiyama jilip.
Elanojo aptomjaclha Dios Visqui ingac.
Elanojo aptamjaycam simpilapquiscama nipyesicsa enlhitaoc.
6 Intomjaclhec nic nat lhopactic acyitnamaclha yingmin acvanyam.
Apquiljalhtipilhquitquic nic nat ningilyeyjamcaa mepqui lha yingmin.
Pac ongilitsovacsojoc sat napato Dios Visqui ingac. ,
7 Apmopvan innac Dios Visqui ingac cotningvoyam nelha.
Apquilanoc mataa actemaclha apquileyvam apyovoclhojo enlhitaoc.
Colapvanquejec mataa elinmelham enlhit apquilmapsomcaa.
8 Quellhip enlhitaoc apyovoclhojo.
Eltime sat apquilayo Dios Visqui ingac.
Eltime sat apquilayo naysicsa apquilminaycmascama.
9 Aptomja apyimnatescama ingnenyic.
Sintamilquiscama naysicsa ningileyvam.
10 Dios Visqui ingac.
Lhip aptomja singyicpilquemo apyipcona ingilvalhoc.
Lhip aptomja singiltamescama.
Acno singiltimesquiscama ningiltamila.
11 Lhip alhta aptimesquiscama yoyam ongmalhca (quiljanma).
Lhip alhta singilpatimquiscama onlingamcojo acyimtalhnama.
12 Am alhta emyavac lhip jingilinmelham enlhitaoc.
Ninlingamcoc alhta singiltovascama talha najan yingmin acvanyam.
Ingilvomcasquic alhta tap.
Inmasquec alhta ninlingaycamco.
13 Osantimsic sat macmescama lhip netin acvatnamaclha tingma apponquinomap.
Osavojoc sat siclhanma mepqui sicyeycajascaoc.
14 Siclhanma alhta naysicsa siclingaycamco acyimtalhnama.
15 Olmecsic sat lhip sicnatoscama apquiltamila apanco, yoyam colhic alvatna.
Sicnatoscama nipquesic najan yataay najan vayqui inquinavo ayitcoc.
16 Elmiyama jilip quellhip apquiltomja apquilayo Dios Visqui ingac.
Elaylhojo quellhip siclingascama amyaa setnesquiscama Visqui ingac.
17 Ayevam alhta Visqui ingac acyiplomo siyayo naysicsa sicpamejitquiscama.
18 Am sat ancoc cotamila evalhoc mengyeylhojoc sat Visqui ingac.
19 Apjalhnoc alhta silmalhnancama.
Ayinyema alhta actamilaycam evalhoc.
20 Gracias a Dios.
Aptasi nac Dios Visqui ingac.
Am alhta etanovac silmalhnancama.
Am alhta emyavac aptemaclha seyasicjayo.
