Ekyentaxno apháxamap apkelmaxnagko
1 Wesse',
náhetaqnow aqsa
ko'o aplawa enxoho,
ná heñássesagkoho aqsa
ko'o setaqnawaya enxoho.
2 Wesse',
yepyósho ko'o hélano',
hakte ekyelqáxcheyk ko'o.
Wesse',
hegkeyásekxa sekyennaqte,
kelpexyennegkek ko'o
ekyókxoho émpehek.
3 ¡Pexyennegkek
ewáxok seyeye!
Wesse' ¿háxko sa'
ekwánxa hey'óta'?
4 Wesse', émpoho,
¡hewagkasseta ko'o teyp!,
¡hewagkas teyp
eñama seyásekhayo!
5 Mopwanchek xép
kaxének apwáxok
ma'a apketsapma nak;
¿Yaqsa kalpeykeshok
xép ma'a takhaxpop nak?
6 Eyélaqtéssek ko'o
m'a sélekxagweykha.
Yókxoho axta'a
sélekxagweykha,
yássessegkek ahaqta'ák
égmen'ák ma'a
sekteyáyam nak.
7 Kelhánaqtéssegkek
sélyeheykha m'a
seklegeykegkoho ekmáske;
¡kelhánaqtegkek ahaqta'ák
eñama m'a sélenmexma!
8 ¡Kólántép sekhakxa,
élmasagcha'a nak kéltémakxa,
apleg'ak Wesse' egegkok
ma'a ektémakxa
ekxegeykha egkenyek!
9 Apleg'ak
Wesse' egegkok
sekwóneykha,
¡apmeyk ko'o
takha' sélmaxnagko
Wesse' egegkok!
10 Elyegwáwhok apagko'
sa' ma'a sélenmexma nak,
elasmésakpok sa';
¡ekmanyehe agko'
sa' elxeganmok
eñama apkelmegqakto!
Actemaclha ningilmalhnancama
1 Visqui ajac.
Noyanmongsiclha sictemaclha naysicsa lhip aplom.
Nojetvas nasa naysicsa apvalhoc lhip.
2 Visqui ajac.
Jeyasicjiclhojo mocjam coo.
Mepqui sicyimnatem coo.
Avanjec acpilhyinamam evalhoc coo.
Jetamilquisquim coo.
3 Avanjec acpilhyinamam evalhoc coo (actiyam evalhoc).
Lhip Visqui ajac. ¿Jalhco acvamlha?
4 Visqui, ingyilhyim.
Jevomquis tap coo.
Jevomquis tap ayinyema singasicjayo lhip.
5 Colvoncamoc sat enlhit apquitsepma lhip apvisay.
Congne tacjalhop (alyascamaclha ingjangaoc) am coyitnac alayo lhip.
6 Acyampavoc coo ayinyema sicvinama.
Avanjec sicvinama aclhamoclhojo alhtaa.
Inyeysoc mataa sictiyanmeycaoc ayinyema ate'yingmenic acpaliyam.
7 Asquejec ajataoc, inquitlhincasquic motay olhma coo.
Inmasquec sicvitay olhma ayinyema apquiltemaclha cotnaja ingmoc.
8 Elinyajaoc (elyamyiclha) quellhip apquilmapsomcaa.
Aplingac Visqui ajac acyivey sicvinama (siliclhangveycam).
9 Aplingac Visqui ajac silmalhnaycam (naysicsa siyevoycam).
Apjalhnoc silmalhnancama Visqui ingac.
10 Elmancangvomoc sat cotnaja ingmoc ayinyema ayay apquilvalhoc.
Pilapcasquic apquilvitacpo apquinyajaycaoc naysicsa apquilmancactama.
