Magya'ásseyam agko' Wesse' egegkok
1 Wesse',
ekya'awekteyk ko'o exchep
séltamho hetaqmelchesek;
¡nágyoho ko'o amegqeyk
xama enxoho!
¡Hewagkas teyp,
hakte péwók xép aptémakxa!
2 Heyeyxho ko'o,
¡epekhésa,
hewagkasek teyp!
Etne exchep
semasma apyennaqte,
¡etne exchep tegma apyennaqte
sekyexanmomakxa,
tén han sewagkasso teyp!
3 ¡Xép apteme
semasma apyennaqte,
tén han tegma
apyennaqte ahagkok!
¡Héntamha chá'a ko'o,
hemyow nahan chá'a;
¡elána' eñama
apmasma apwesey!
4 ¡Nágyoho hemok
ma'a kelhanma
sélpekenchessama
nak emonye',
hakte xép apteme
setaqmelchesso!
5 Éltamhók ko'o
emok xép ehagák;
¡hemekxa Wesse',
Dios apteme
nak apmámnaqsoho!
6 Ataqnawhok ko'o m'a
apkelpeykessamo nak
kéleykmássesso mékoho.
May'ásseykmok ko'o
m'a Wesse' egegkok.
7 Kapayhekxak
chá'a ewáxok
eñama seyásekhayo,
wátsaha chá'a,
hakte apwetayak
xép ektémakxa nak
seklegeykegkoho,
apya'ásegkok ma'a
ektémakxa nak
ekyaqhápeykha ewáxok;
8 meltémók hemok ma'a
sélenmexma nak;
¡etnegkesseykmek ma'a
ekyawakxa nak exma'!
9 Wesse',
kapyósho ko'o hélano',
hakte ekheyk
ko'o eyesagkexa'.
Kelyélaqtéssegkek ko'o
ahaqta'ák seklegeykegkoho,
tén han émpehek,
¡ekweykmoho m'a
kañók agko' nak ewáxok!
10 ¡Esawhéssegkek
ko'o sekyennaqte m'a
seklegeykegkoho,
yaqwátéssegkek apyeyam
sekha sélapwayam!
Sawhomakyek sekyennaqte
m'a ekyaqhápeykha ewáxok;
¡yélaqtéssegkek émpehek!
11 Ellektegmaha chá'a ko'o
hélanok ma'a sélenmexma,
hey'ássók chá'a m'a
apheykha nak ketók exagkok,
heyeyk chá'a ko'o m'a
sélweteykxa nak.
¡Yenyahagkok chá'a
ektáha nak chá'a
sete m'a ámay nak!
12 Massegkek ko'o
ekxeyenma kélwáxok,
máxa temék ma'a
sétsapma enxoho.
Máxa ko'o m'a egheykok
kélpaxqáteykekxal'a,
élánamáxche nak yelpa'.
13 Añohok chá'a ko'o
elyexchesakpok énxet'ák
etnehek hexének se'e:
“Sawheykekxók élmeneymáxche
ekyókxoho yókxexma.”
Apyepetchákxeyk pók
apkelánégkokxo
yaqwánxa hetnéssesek;
¡apkelánégkokxeyk aptamhágkaxa
apmako heyaqhek!
14 Makke ay'ásseykmok
ko'o exchep Wesse';
atnehek chá'a sekpeywa s'e:
“¡Xép apteme Dios ahagkok!”
15 Xép apmeykha
sekyennaqte,
¡hewagkas teyp
nepyeseksa sélenmexma
señassáseykegkoho nak chá'a!
16 Hélano yetlo
ektaqmeleykha apwáxok,
ko'o sektáha nak
xép apkeláneykha,
hewagkas teyp
eñama seyásekhayo.
17 Wesse',
ekwóneyha ko'o exchep;
¡nágyoho ko'o
amegqáwhok ahagko'!
¡Eyke elmegqaksoho
apagko' ma'a
élmasagcha'a nak
apkeltémakxa;
elwanmeyásekxoho apagko'
elya'aksek ma'a takhaxpop nak!
18 Elwanmeyásekxa m'a
apkelmopwancha'a amya'a nak,
apkelasmésso nak chá'a
yetlo apkelwanyeykha m'a
énxet'ák meyke nak apkeltémakxa,
tén han apkeltaqnagko nak chá'a.
19 ¡Awanhek xép
ektaqmeleykha
apwáxok elanok ma'a ektáha
nak chá'a apcháyo exchep!
Apteméssessama nak
máxa aqsok ekmomnáwa
aptaqmelchessama
apkelmeyáseykegkoho
nak chá'a nápaqta'awók
énxet'ák ma'a aptáha nak
chá'a exchep mey'ásseyam.
20 Aphakxa chá'a
exnések megyohok
etnéssessamhok exma
m'a énxet'ák élmasagcha'a
nak apkeltémakxa;
kóneg aphakxa chá'a
exnések etaqmelchesek
yeksek apkelya'ásseyam
ma'a apkelenmexma nak.
21 Kólteméssesek sa'
chá'a apcheymákpoho
Wesse' egegkok,
hakte aqsok ektaqmela
axta éláneyásak
yetlo seyásekhayo
eyesagko axta setnahakxa',
sekwakhéxko axta.
22 Énagkamchek axta ko'o
héltekkessók ma'a aphakxa nak,
cham'a sélmenaka axta;
xama axta sélmaxneya
séltamho hepasmok,
apleg'awók axta
exchep sekwóneykha.
23 Kólásekhoho chá'a
Wesse' egegkok,
kélyókxoho megkólyenseyam
nak chá'a kélyetleykha.
Eltaqmelchesek chá'a
Wesse' egegkok ma'a
melya'ásseyam nak
chá'a ekmámnaqsoho,
eyeykhássamhok eyke chá'a
apkellegassáseykegkoho m'a
éleymáxkoho nak apkelwáxok.
24 Kólwasqápekxoho,
kólyennaqteyásekxoho
kélwáxok kélyókxoho
megkólya'ásseyam nak
Wesse' egegkok.
Actemaclha ninlingaycamco acyimtalhnama
1 Actimec coo siyayo lhip Visqui ingac.
Nongyane nasa colhic sevennamcaa coo.
Jevomquis tap ayinyema aptemaclha lhip appeyvomo.
2 Ingyeylhojo sicpayvam, ipecjacsojo jepasmoc.
Itne sat malha mataymong acyimnatem najan malha sicyilhanmom, yoyam jevomsic tap.
3 Lhip aptomja malha mataymong acyimnatem najan malha sicyilhanmom.
Lhip aptomja selhicmoscama, malha seyantamayclha amay.
Innec ayaco lhip apvisay.
4 Jeliquis tama apquiljanma, apquilpicanma alhta seyinmelhaycam.
Lhip aptomja setamilquiscama.
5 Ima sat sicvanmoncama, etamilsic sat lhip.
Lhip aptomja nasoc anco Visqui ingac.
Lhip aptomja sevomquiscama tap.
6 Actanovquic coo aptomja apquilpayescamo quilaycmasquiscama acyitsomalhca Dios.
Actimec coo siyayo lhip.
7 Impayjeclhec evalhoc, ayitsovasoc anco sicvita aptemaclha lhip seyasicjayo.
Apvitac alhta lhip actemaclha siclingaycamco acyimtalhnama.
Apyasamcoc lhip actemaclha aclingaycamco evalhoc coo.
8 Emyovquic alhta yoyam jelmoc cotnaja emoc.
Etnimcasquic alhta acyivey'lhma.
9 Lhip Visqui ingac, jepasim coo naysicsa siclingaycamco acyimtalhnamo.
Inmasquec sicvitay'lhma, inmasquec acyimnaa evalhoc, inmasquec najan sicyimnatem.
10 Inmasquec sictiyascam ayinyema aclingaycamco evalhoc.
Ayovsec evalhoc ayamquitvaa nelha sictiyascam.
Inmasquec sicyimnaa ayinyema sicsilhnanomalhca ajanco.
Inmasquec alyimnaa elhquipcoc.
11 Evennam coo aplhamoclhojo cotnaja emoc.
Elyinyovquic mataa sicnaycamo'lhama najan enaymacoc.
Apquinyajamquic mataa seltajanyaa amay.
12 Am colhenalhcac mataa sicvisay, malha siyitsepma actomjac.
Malha yatingvalhva aptipilcomap actomjac coo.
13 Aclingac coo mataa aplhamoclhojo aptipsaycam sicvisay.
Avanjec anco siyay sicvita neyava coo.
Apquilpamejitsacpec mataa actemaclha yoyam jelajic.
14 Actimec coo mataa siyayo lhip Visqui ingac.
Intomjac mataa evalhoc coo.
—Lhip Dios aptomja Visqui ingac — intomjac mataa evalhoc.
15 Lhip apyasamcoc yavamlha jetnejic ningvamlha nac jay.
Jevomquis tap naysicsa selyamascama cotnaja emoc.
16 Jelhicmos sat aptemaclha apyimtalhnamo lhip, malha gloria apcapongmatem.
Jemyov coo ayinyema lhip apvisay singasicjayo.
17 Ayevam lhac lhip Visqui ingac.
Nongyane nasa colhic sevennamcaa.
Ingyane sat colhic alvennamcaa enlhit apquilmapsomcaa.
Elyinyovacpoc sat alyascamaclha ingjangaoc.
Elvanmamcoc sat maa.
18 Elvanmamcoc sat apquilmopvancaa amyaa.
Cayjec alhta apquilpayvam selinmelhaycam sictomja sicpeyvomo.
Apquiltemaclha alhta apquilyimtalhnesomap apanco najan selvennéycam coo.
19 Avanjec anco aptemaclha lhip singasicjayo.
Apquilvitac mataa apquiltomja apquilayo.
Apquilasicjavoc lhip aplhamoclhojo apquiltomja apquilayo lhip.
20 Apmasma aptomjac lhip naysicsa apquilinmelhaycam enlhitaoc.
Malha apposcama aptomjac lhip congne paat.
Apmiyovquic lhip apquiltemaclha apquilatingmomap.
21 Innec ayaco lhip Visqui ingac.
Avanjec alhta sepasmom sicma tingma apvanyam.
22 Intomjac alhta siclhoc evalhoc:
—Sictanovmalhca mataa napato visqui ingac — alhta intomjac evalhoc.
Inyiplovcoc alhta silmalhnancama.
Apjalhnoc alhta lhip sicpayvam, malha silpalhamaycam actomjac coo.
23 Quellhip enlhitaoc apquilpeyvomo, elasicjojo mataa Visqui ingac.
Sintamilquiscama aptomjac Visqui ingac ningiltomja mongilvatseycaoc.
Eyanmongsiclhac sat nintemaclha ningyimtalhnesomalhco inganco.
24 Elvascap sat, elyimnaticsojo apquilvalhoc quellhip apquiltomja apquiljalhneycam Visqui ingac.
