Wesse' egegkok apteme ko'o sélsássessóxma tén han sewagkasso teyp
1 Wesse' egegkok
apteme ko'o
sélsássessóxma,
tén han sewagkasso teyp,
¿yaqsa aqsok ko'o wé'?
Wesse' egegkok
apteme semasma,
¿yaqsa awanchek
ko'o hégwakkasek?
2 Apchaqnákxeyk
agkok yaqwayam
hektámegmak ma'a
élmasagcha'a nak
apkeltémakxa,
sélenmexma nak,
tén han apmako
enxoho hemasséssók,
elpelapmok sa' apagkok
elyaqnenagkok ma'a.
3 Hewakhak sa' eykhe m'a
sẽlpextétamo apxámokma,
megkakyek sa'
eyke ko'o ewáxok;
elánekxak sa'
eykhe aptamhágkaxa
yaqwayam hektámegma',
megkatneykha sa'
eyke ko'o ewáxok.
4 Xama aqsok akke
élmaxneyk Wesse' egegkok,
xama aqsok aqsa émenye':
axek chá'a Wesse' egegkok
tegma appagkanamap apagkok
ekyókxoho ekhem,
neyseksa sekha makham,
yaqwayam enxoho
alpeykeshok neyseksa
sekha m'a kañe'
tegma appagkanamap apagkok,
tén han alanok ma'a
ektémakxa nak aptaqmalma.
5 Wa'ak sa' agkok
ekhem ekmaso,
hekpósek sa'
Wesse' egegkok
ma'a kañe' nak tegma
appagkanamap apagkok,
hexnések sa'
hetaqmelchesek
ma'a kóneg nak.
¡Hewagkasek sa' teyp
hexnéssók ma'a netnók
agko' nak meteymog!
6 Keñe sa' ko'o
amallánek nepyeseksa
m'a sélenmexma;
keñe sa' ewanchek
alnáhakkasek aqsok
ma'a tegma
appagkanamap nak,
tén han awónchesha
kapayhekxak ewáxok,
tén han anneykmássesek
negmeneykmasso m'a
Wesse' egegkok.
7 Wesse',
ekwóneyha ko'o exchep:
heyeyxho.
Yepyósho hélano',
¡heyátegmowák!
8 Entáhak ko'o ekpaqméteykha ewáxok se'e:
“Ektam aphakxa Wesse' egegkok.”
Yetlókok han sétamso ko'o
exchep aphakxa Wesse'.
9 ¡Ná héxánegkes aqsa ko'o!
¡Ná hétnakhés aqsa hetaqnók!
¡Xép apwánxa apagko' sepasmo!
Ná heyenyow aqsa exakko',
ná hetnésses
meyke sekya'awánxa,
hakte xép apteme Dios ahagkok,
tén han sewagkasso teyp.
10 Heyenyók sa'
eykhe ko'o táta,
tén han méme,
xép sa' eyke etnehek
setaqmelchesso Wesse'.
11 Wesse',
hexekmós ko'o exchep
ámay apagkok,
héntemekxa m'a
ektaqmelakxa nak ámay,
hakte apxámok ko'o
sélenmexma;
12 nágyoho aqsa
hetnéssesek ma'a
apmakókxa enxoho
hetnéssesek,
hakte apkelmopwancha'a
amya'a aptamhágkok
sénmexa ko'o,
apkelyennaqteyáseyha
apyempe'ék sélana.
13 Ekya'ásegkók eyke
ko'o peya ótak ma'a
ektémakxa nak
ektaqmeleykha apwáxok
henlanok Wesse' egegkok,
neyseksa sekha
makham nepyeseksa
m'a énxet'ák apkelyenna
nak makham keso náxop.
14 ¡Nágkólya'ássem
Wesse' egegkok!
¡Kólwasqápekxoho,
nágkólyelqaxche'!
Naqso',
¡nágkólya'ássem
Wesse' egegkok!
Singvomquiscama tap
1 Visqui ingac aptomja seyitsasquiscamalhma najan sevomquiscama tap.
Mongvacyejec sat mataa coo.
Visqui ingac aptomja seyimnatescama.
Cotyemejec sat mataa evalhoc.
2 Jevocjac sat ancoc apquilmapsomcaa yoyam jelajic.
Apquilhyacmec sat ancoc selinmelhaycam najan cotnaja emoc.
Enatovasacpoc sat, malha apquiltolhnay sat cotnejic.
3 Cotyemejec sat evalhoc sicvita sat sevocjingvoy.
Coytic sat actamilaycam evalhoc sicvita sat seyimpocjay.
4 Yitnec coo lhama asoc yoyam olmalhnam mataa:
—Ingyane sat olhic mataa lhip tingma pac aclhamoclhojo acnim sictiyascam coo.
Altamjoc olanojoc mataa aptemaclha lhip singasicjayo, najan aptemaclha tingma apponquinomap.
5 Jecpocsic sat lhip tingma apponquinomap acvaa sat acnim acyimtalhnama.
Jetamilsic sat lhip congne tingma apponquinomap.
Jetnimsic sat netin mataymong.
6 Apyimnatasquic lhip evalhoc naysicsa sevocjingvoy cotnaja emoc.
Otnejic sat siyayo lhip, malha asoc macmescama congne tingma apponquinomap.
Otnejic sat siyayo lhip naysicsa sicminaycmascama najan sicpayvascama — intomjac mataa evalhoc coo.
7 Visqui ingac, ingyeylhojo actemaclha siyeveycam.
Jepasim coo, ingyeylhojo sicpayvam.
8 Inlhenquic evalhoc lhip aplhanma nano:
—Jelquitam coo — alhta aptomjac lhip.
Naso, ayitamquic coo mataa lhip.
9 Noyilhanim nasa lhip naysicsa siyitamsama.
Nojeyinyov nasa naysicsa aplom lhip.
Lhip alhta sepasmom.
Nojetvas nasa coo, nojeyinyov nasa.
Lhip Visqui, aptomja sevomquiscama tap.
10 Eyinyovquic tata coo najan meme.
Mejeyinyovejec mataa Visqui ingac, aptomjac semam tacja coo.
11 Visqui ingac, jelhicmos sat aptemaclha lhip, yoyam oyiplovcasojo amay.
Jeyantemiclha sat actemaclha acpeyvomo.
Elvitac sat cotnaja emoc.
12 Nongyane nasa jeltovacsic selinmelhaycam.
Elinmelham coo apquilmopvancaa amyaa.
Apquililtamjoc jeltovacsic coo.
13 Acyasamcoc coo, otac sat yoclhilhma alhnancoc, aptemaclha singasicjayo Visqui ingac.
14 Lhip emoc, iyiplovcasojo aptemaclha Visqui ingac.
Ivascap sat lhip.
Iyimnaticsojo sat apvalhoc.
Ilalh sat apvactamo Visqui ingac.
