Negmeneykmasso negmallanma
1 Wesse' egegkok,
payhekxeyk apwáxok
wesse' apwányam,
hakte xép
apmeyásak apyennaqte;
¡Payhékxók agko' apwáxok
hakte xép apmeyásak apmallanma!
2 Apméssek xép
ekmámenyého nak apwáxok;
memyágweykxak apmésa m'a
aqsok apkelmaxneyeykha.
3 Apkelanyexágkek yetlo
apkelmésso aqsok éltaqmalma,
apketchessessek han apqátek
ma'a apketchesso apqátek
sawo ekyátekto ekmomnáwa.
4 Apkelmaxnakkek axta
ekyennaqte apnények,
apméssek axta han:
cham'a ekwenaqte nak apha,
tén han meyke néxa.
5 Xép appasmo
keñamak ekyáya
m'a apmopwána;
apméssegkek
apcheymákpoho,
tén han apxénamap ektaqmela.
6 Megkamassegwomek sa'
apteméssesso apkeleñémo;
kapayhekxohok agko'
sa' chá'a apwáxok ma'a
apha enxoho xamo' xép.
7 Xép, wesse' apwányam,
megkóltaqhesha sa' chá'a exchep,
hakte mey'ásseykmok
chá'a m'a Wesse' egegkok;
¡hakte mey'ásseykmok chá'a
m'a segásekhayo nak
Meyke Ekhémo!
8 Elmok sa'
chá'a exchep
yetlo apmopwána
m'a apyókxoho
apkelenmexma nak;
elmok sa' ma'a
aptaqnagko nak
chá'a exchep;
9 emasséssók sa'
ektémól'a táxa axagkok,
cham'a apwa'a sa'
yaqwayam elyekpelkoho'.
Esawhohok sa' elwatnek
Wesse' egegkok
yetlo aplo yahak ma'a
táxa segaqhamól'a.
10 Emasséssók sa'
nélwanmeygkaxa,
tén han nepyeseksa
énxet'ák ma'a apketchek,
tén han aptawán'ák neptámen.
11 Emáwhok sa' eykhe
etnéssessamhok exma
ekmaso exchep,
elánekxak sa' eykhe
apkelpeywa yaqwánxa
etnéssesek yenmexek xép,
megkatyepek sa' eyke
yaqwánxa etnahagkok,
12 hakte xép sa'
emenxenek ma'a,
emátchesek sa'
yágke apagkok
ekpayhókxa nak
apchaqneykegkaxa'.
13 Wesse',
¡exnekxa néten
yetlo apmopwána!
¡Ólátsaha sa' yetlo
nélmeneykmasso
eñama apmallanma!
Acpayjayclha apvalhoc rey
1 Dios Visqui ingac.
Lhip alhta aptimesquiscama apyimnatem rey.
Avanjec anco acpayjayclha apvalhoc maa.
2 Appasmec mataa lhip aclhanma apvalhoc rey yavamlha etnejic.
Apjalhnoc mataa lhip apquilmalhnaycam asoc rey.
3 Apquilinyejemo alhta rey najan mayayo ayinyema lhip.
Lhip alhta aptimesquiscama apyimtalhnamo acyiplomo monquinatquiscama corona de oro.
4 Apjalhnoc mataa lhip apquilmalhnaycam macyimnatescama apnenyic.
Ajolhec mataa acyimnatem apnenyic rey.
5 Appasmec mataa lhip etnejic apyimtalhnamo rey.
Innec mataa ayaco ayinyema lhip.
6 Lhip ayinyema apvaticjapquiscama, appasmom naysicsa aptiyascam.
Aplhalhma mataa lhip, appayesayclha apvalhoc rey.
7 Lhip rey.
Melhnanmejec sat lhip ayinyema meyasquiyam Visqui ingac.
Meyasquiyam lhip Visqui ingac netin aptomja singasicjayo.
8 Etangvomoc sat lhip aplhamoclhojo cotnaja ingmoc, ayinyema apmopvan.
Ellingamcojoc sat acyimtalhnama apquiltomja apquilinmelhaycam.
9 Etacpoc sat lhip nalhit acnim apyicpilquemo.
Esovjacpoc sat apquilhamap talha acvanyam (congne malhic).
Visqui ingac aplom colhojoc sat talha alnapma enlhitaoc.
10 Emascoscomoc sat lhip as enlhitaoc apquileyvam lhalhma anco.
Emascoscomoc sat lhip apquitquic as enlhitaoc najan aptovana.
11 Apquiltomja apquilinmelhaycam lhip ayinyema acmasom alquitamsama apquilvalhoc.
Colapvanquejec elsavojo apquiltemaclha apancaoc.
12 Etnejic sat lhip apmaycam pilhpaalh yoyam eyjong.
Elinyajamcoc sat apyovoclhojo apquilinmelhaycam alhta.
13 Apyimnatem apanco lhip Visqui ingac.
Itasquis sat napatavo as enlhitaoc.
Colhic sat ayaco lhip ayinyema ningminaycmascama.
