Aqsok apkelane nak Wesse' egegkok élpeykessamo
1 ¡Aleluya!
¡Kólpeykesho
Wesse' egegkok
kélheykha nak néten!
¡Kólpeykesho
Wesse' egegkok
kélheykha nak netnók agko'!
2 ¡Kólpeykesho
kéxegke kélyókxoho
kélteme nak apkelásenneykha!
¡Kólpeykesho kéxegke
kempakhakma yapmeyk
kélheykha nak néten!
3 ¡Ekhem, tén han pelten,
kólpeykesho Wesse' egegkok!
¡Kólpeykesho kéxegke yaw'a
kélápogwate nak chá'a!
4 ¡Néten, netno' agko' nak,
kólpeykesho Wesse' egegkok,
xe' han yegmen ekyetnama
nak néten ma'a yaphope!
5 Kólpeykesho
Wesse' egegkok,
hakte appeywa
axta apméssók
keñe élánamáxko
ekyókxoho aqsok;
6 apnegkenmeyk
axta ekyókxoho
meyke néxa',
appekkenmeyk
axta han xama
segánamakxa yaqwayam
kólyahakxohok chá'a.
7 ¡Kólpeykesho
Wesse' egegkok
kélheykha nak keso náxop,
yegmen askok élyawe,
tén han wátsam ekwányam
ekmattawóneg nak!
8 ¡Takha' apkelyenma,
tén han yegmen élyennaqte,
yeyam appok,
tén han téyáméten!
¡Éxchahayam ekyennaqte,
élyeheykekxoho nak chá'a
apchánamakxa katnehek!
9 ¡Egkexe netna'awo,
tén han ma'a náxap'awo nak!
¡Ekyókxoho yámet cedros,
tén han ma'a yenta'a
ekha nak ekyexna!
10 ¡Aqsok kélnaqtósso,
tén han ma'a
élmeymentakcha'a nak!
¡Náta, tén han ma'a
élpexyaweykegkoho
nak náxop kalxog!
11 ¡Kelwesse'e
apkelwányam nak
nélwanmeygkaxa,
tén han apyókxoho énxet'ák!
¡Apyókxoho
apkelámha apmonye'e,
tén han apkeltaqmelchesso
nak chá'a apkelókxa keso náxop!
12 ¡Apkelennay'a, kelwán'ák,
wokma'ák, kelán'a étkók,
apkelwányam tén han sakcha'a!
13 ¡Kólpeykesho kélyókxoho
Wesse' egegkok apwesey,
hakte wánxa ekteme meyke
ekhémo apwesey m'a!
¡Hakte cha'a apteme
ekyeykhágweykmoho
apcheymákpoho néten ma'a,
tén han keso náxop!
14 ¡Cha'a apkelyennaqtésso
énxet'ák apagkok ma'a!
¡Elpeykeshok sa'
apyókxoho m'a
melyenyaweykha
nak apkelyetleykha,
cham'a israelitas,
énxet'ák apagkok
apkelásekhayo nak!
¡Aleluya!
Innec ayaco Visqui ingac
1 Innec ayaco Visqui ingac.
Innec ayaco ayinyema netin.
Eltime sat apquilayo quellhip apnaycam netin.
2 Eltime sat apquilayo quellhip apquilvisay ángeles.
Eltime sat apquilayo quellhip aplhamoclhojo apnaycam netin.
3 Innec ayaco Visqui ingac ayinyema acnim najan piltin.
Innec ayaco Visqui ingac ayinyema aplhamoclhojo apyova.
4 Innec ayaco Visqui ingac ayinyema netin.
Innec ayaco Visqui ingac acyitnamaclha yingmin nitnoc anco.
5 Eltime sat apquilayo apvisay Visqui ingac.
Appayvam ayinyema apquilantipquiscama aclhamoclhojo asoc.
6 Comasquingvomejec sat mataa actomja apquilantipquiscama.
Covanquejec mataa coya'mongsic moc ayinyema apcanamaclha.
7 Eltime sat apquilayo Visqui ingac quellhip apnaycam as nalhpop.
Innec ayaco ayinyema yingmin acvanyam najan acyitnama nayingmin.
8 Innec ayaco ayinyema quilyinmayam najan yingmin alyayem (ajicjaoc).
Innec ayaco ayinyema piyam aptiyam najan ayinyema tiyam etin.
Innec ayaco ayinyema yatipiyam apcanyomap ingyilhcama.
9 Innec ayaco Visqui ingac ayinyema aclhamoclhojo inquilh'a.
Innec ayaco ayinyema aclhamoclhojo yamtaa.
10 Innec ayaco ayinyema ninatoscama najan ayinyema asoc navjac.
Innec ayaco ayinyema anata najan asoc alpilhyevaycam nalhpop.
11 Eltime sat apquilayo quellhip apquilviscaa najan aplhamoclhojo enlhitaoc.
Eltime sat apquilayo quellhip apquilimja apmamyi najan apquilyimtalhnamo.
12 Eltime sat apquilayo quellhip enlhitaoc najan quilvanaa, quilyimnanic najan apquilvanyam.
13 Eltime sat apquilayo quellhip aplhamoclhojo.
Apvamlha Visqui ingac aptomja apyimtalhnamo.
Paj poc maa netin najan as nalhpop aptomja apyimtalhnamo apanco.
14 Visqui ingac aptomja apmescama apquilmopvan enlhitaoc apancaoc.
Apquiltimec apquilayo aptomja apquilyacyescama.
Apquilvisay apnaymacoc enlhitaoc Israel.
Innec ayaco Visqui ingac.
