Dios megkamassegwayam segásekhayo
1 Kólmés ekxeyenma
kélwáxok Wesse' egegkok,
hakte tásek apwáxok ma'a,
megkamassegwomek
chá'a segásekhayo.
2 Kólmés ekxeyenma
kélwáxok Dios,
apteme nak Dios neyseksa
ekyókxoho aqsok kéláyókxa,
hakte megkamassegwomek
chá'a segásekhayo.
3 Kólmés ekxeyenma
kélwáxok Wesse' egegkok,
apteme nak Wesse'
nepyeseksa apyókxoho kelwesse'e,
hakte megkamassegwomek
chá'a segásekhayo.
4 Apteme nak chá'a
wánxa apkelane
élyawe aqsok
sempelakkasso nak agweta',
hakte megkamassegwomek
chá'a segásekhayo.
5 Apkelane nak néten,
yetlo apya'áseykegkoho,
hakte megkamassegwomek
chá'a segásekhayo.
6 Appekkenma axta
xapop néten yegmen,
hakte megkamassegwomek
chá'a segásekhayo.
7 Apkelane axta ekhem
tén han pelten,
hakte megkamassegwomek
chá'a segásekhayo,
8 ekhem yaqwayam
chá'a kalsaksek exma,
hakte megkamassegwomek
chá'a segásekhayo;
9 pelten tén han yaw'a,
yaqwayam elsaksek
chá'a exma axta'a,
hakte megkamassegwomek
chá'a segásekhayo.
10 Apkelnapma
axta kélketchek
apmonye' appalleyam
apyókxoho étchek
ma'a kelán'ák Egipto,
hakte megkamassegwomek
chá'a segásekhayo.
11 Apkelántekkessama
axta Egipto m'a israelitas,
hakte megkamassegwomek
chá'a segásekhayo;
12 apmeykencha'a
axta ekyawe agko'
apmopwána,
hakte megkamassegwomek
chá'a segásekhayo.
13 Apmeykáseykekxo
axta neyseksa m'a
Wátsam Ekwányam
Ekyexwase,
hakte megkamassegwomek
chá'a segásekhayo.
14 Apkelyeykháseykekxo
axta Israel ma'a neyseksa
wátsam ekwányam,
hakte megkamassegwomek
chá'a segásekhayo.
15 Apweykáseykegko
axta Wátsam Ekwányam
Ekyexwase m'a faraón,
yetlo sẽlpextétamo apagkok,
hakte megkamassegwomek
chá'a segásekhayo.
16 Apkelya'assama
axta énxet'ák apagkok
apkelpékessamo m'a
meykexa nak énxet,
hakte megkamassegwomek
chá'a segásekhayo.
17 Apkelnapma
axta m'a kelwesse'e
apkelwányam apkelyennaqte,
hakte megkamassegwomek
chá'a segásekhayo.
18 Apkelnapma
axta m'a kelwesse'e
apkelwányam
apkelwesey nátegma,
hakte megkamassegwomek
chá'a segásekhayo,
19 cham'a Sihón,
wesse' apwányam
apagkok axta amorreo,
hakte megkamassegwomek
chá'a segásekhayo;
20 tén han Og,
wesse' apwányam
axta m'a Basán,
hakte megkamassegwomek
chá'a segásekhayo.
21 Apmelásektama
axta xapop ma'a
énxet'ák apagkok,
apagkok axta m'a
kelwesse'e apkelwányam nak,
hakte megkamassegwomek
chá'a segásekhayo,
22 apméssama
axta yaqwayam
etnehek apagkok ma'a
apkeláneykha Israel,
hakte megkamassegwomek
chá'a segásekhayo.
23 Ekxénweykmo
axta apwáxok negko'o
negmenxenamaxko axta,
hakte megkamassegwomek
chá'a segásekhayo.
24 Sẽlwagkassama
axta teyp nepyeseksa
nélenmexma,
hakte megkamassegwomek
chá'a segásekhayo.
25 Apkeleykegkoho nak
chá'a aptéyak énxet'ák,
tén han aqsok kélnaqtósso,
hakte megkamassegwomek
chá'a segásekhayo.
26 ¡Kólmés ekxeyenma
kélwáxok Dios apha nak néten,
hakte megkamassegwomek
chá'a segásekhayo!
Actemaclha ningayo Visqui ingac
1 Aptasi nac Visqui ingac. Eltime gracias.
Comasquejec singasicjayo Visqui ingac.
2 Apyimtalhnamo Dios nipyesicsa dioses. Eltime gracias.
Comasquejec mataa singasicjayo Visqui ingac.
3 Apyimtalhnamo Visqui nipyesicsa apquilviscaa. Eltime gracias.
Comasquejec mataa singasicjayo Visqui ingac.
4 Apvamlha lhama apmopvan simpilapquiscama.
Comasquejec mataa singasicjayo Visqui ingac.
5 Apyascamco apquillanay nic nat netin.
Comasquejec mataa singasicjayo Visqui ingac.
6 Aptipquiscama nic nat lhopactic naysicsa yingmin.
Comasquejec mataa singasicjayo Visqui ingac.
7 Aptipquiscama nic nat acnim najan piltin.
Comasquejec mataa singasicjayo Visqui ingac.
8 Actomja acnim ayitsasquiscama olhma.
Comasquejec mataa singasicjayo Visqui ingac.
9 Piltin najan apyova apquilapongmatem alhtaa.
Comasquejec mataa singasicjayo Visqui ingac.
10 Apquilnapma nic nat aptiyam sicaa co Egipto.
Comasquejec mataa singasicjayo Visqui ingac.
11 Apquilyinyovquiscama nic nat yoclhilhma Egipto.
Comasquejec mataa singasicjayo Visqui ingac.
12 Apmopvan nic nat innac, apmiyasquiclho netin apectong.
Comasquejec mataa singasicjayo Visqui ingac.
13 Apquilhpanquiscama nic nat yingmin Acyilhvasem.
Comasquejec mataa singasicjayo Visqui ingac.
14 Apquilmilaneycaoc nic nat mepqui lha yingmin.
Comasquejec mataa singasicjayo Visqui ingac.
15 Yingmin nic nat inquilnapac faraón najan apquillhalhmaa.
Comasquejec mataa singasicjayo Visqui ingac.
16 Apnalaclhec nic nat enlhit yoclhilhma actamopeycaoc.
Comasquejec mataa singasicjayo Visqui ingac.
17 Apticyovquic nic nat apquilviscaa apquilyimtalhnamo.
Comasquejec mataa singasicjayo Visqui ingac.
18 Apticyovquic nic nat apquilviscaa apquilmopvancaa.
Comasquejec mataa singasicjayo Visqui ingac.
19 Apvisay Sehón, apvisqui nipyesicsa amorreos.
Comasquejec mataa singasicjayo Visqui ingac.
20 Apvisay Og, apvisqui nipyesicsa co Basán.
Comasquejec mataa singasicjayo Visqui ingac.
21 Apquilmilasquic nic nat yoclhilhma nipyesicsa apnaymacoc.
Comasquejec mataa singasicjayo Visqui ingac.
22 Apquillhocac nic nat yoclhilhma Israel apquilmolhama.
Comasquejec mataa singasicjayo Visqui ingac.
23 Am nic nat colvoncacmoc singvita ninlingaycamco.
Comasquejec mataa singasicjayo Visqui ingac.
24 Aptomja singvomquiscama tap napatavo cotnaja ingmoc.
Comasquejec mataa singasicjayo Visqui ingac.
25 Aptingyasquiscama aptoycaoc enlhit najan ninatoscama.
Comasquejec mataa singasicjayo Visqui ingac.
26 Eltime sat gracias Dios Visqui ingac apna netin.
Comasquejec mataa singasicjayo Visqui ingac.
