Ektáhakxa siete wesse' apwányam Lemuel appeywa
1 Lemuel appeywa wesse' apwányam axta m'a Masá, ektémakxa axta élxekmósso egken:
2 Hatte,
seyásekhayo
ahagko' nak,
segkésso axta Dios
eñama sélmaxnagko,
¿yaqsa eyeyméxko
kaxwók atnehek
wának xép?
3 Nágyoho kasawhaksek
ektémakxa apyennaqte
m'a kelán'ák nak,
hakte cháxa
eknaqtawáseykencha'a
nak chá'a m'a
apkelwesse'e apkelwányam.
4 Lemuel, asagkek énagkok
apkelwesse'e apkelwányam
tén han apkeltaqmelchesso
nak apkelókxa m'a vino
keñe han ma'a
anmen ekyennaqte nak,
5 hakte kalwánaqtésegmak ma'a
ektémakxa nak segánamakxa'
melanagkehek ma'a ekpayhawo
nak kólteméssesek ma'a
énxet'ák apkelmopyóseka nak.
6 Yoho aqsa
énagkok vino
tén han anmen
ekyennaqte m'a
énxet'ák peya
nak eletsapok,
tén han ma'a
élyentaxnamo nak
chá'a apkelwáxok;
7 ¡énagkok sa'
apagkok ma'a,
kamaskok sa'
kalxének apkelwáxok
meyke aqsok apagkok,
tén han ektémakxa
apkellegeykegkoho!
8 Yátegmakkasák
amya'a m'a
megkalmopwána
nak elxének
ektémakxa apheykha;
¡elmeyow ma'a énxet'ák
meyke nak élmasma!
9 Énnaqtés
chá'a appeywa,
elánekxés chá'a
ektémakxa apheykha;
¡epásem chá'a
m'a meyke nak
aqsok apagkok,
tén han ma'a
apkelmopyóseka nak!
Entáwa' ektaqmalma nak ektémakxa
10 Askehek agwetak
entáwa' ektaqmalma
nak ektémakxa';
¡yeykhásseykmók ektémakxa
ekmomnáwa m'a meteymog
éltaqmalma nak!
11 Awanhek chá'a
katnehek apcháyo
atáwa' m'a kelán'a nak,
megkeymaxcheyk ma'a
xama aqsok enxoho.
12 Tásek chá'a
katnehek ekteméssesakxa
atáwa' yókxoho ekhem,
neyseksa ekha,
megkasagkehek chá'a.
13 Kaxog chá'a kategyek
nepkések apwa'
tén han yátépépe',
atsók agko' han chá'a
kótek kalának apáwa.
14 Makhawók chá'a
kaleñék kalsanták
ma'a nento,
ektémól'a yántakpayhe
élseykhal'a chá'a aqsok.
15 Amonye' élseye
chá'a kaxatakha',
keñe kalagkok
ektéyak ma'a étchek,
tén han kalxekmósek
chá'a yaqwánxa
kalanagkok ma'a
élásenneykha nak.
16 Kalanok chá'a
ektémakxa xapop
keñe kamok chá'a,
kaknekxak chá'a
anmen yámet
ekyánmaga m'a
ektamheykha nak.
17 Kayhek han émpehek,
yetlo ekwasqápeykekxoho
chá'a kalának ektamheykha.
18 Kalanagkohok chá'a
élyánmagkásamáxche
yaqwayam kataqmelek ekxega,
kammohok chá'a axta'a
eyseksók ektamheykha.
19 Eknexpagá agko'
chá'a katnehek,
eyótma agko' han
chá'a katnehek.
20 Kalmésagkok chá'a
aqsok ma'a meyke
nak aqsok apagkok,
kapasmok han chá'a
m'a ekha nak chá'a
eyeyméxchexa aqsok.
21 Megkatnéssesha
awáxok ekheykha
nak axagkok
apteyekmo enxoho yeyam,
hakte yetneyk
katnehek apyókxoho
apkelnaqta apkelyentaxno.
22 Élane agko' han
katnehek ma'a yát'apáwa,
kalántaxnekxak han
chá'a m'a élántaxno
apkeltaqmalma nak.
23 Kólya'asagkohok
han chá'a atáwa' m'a
apyawakxa nak tegma,
exek chá'a nepyeseksa
énxet'ák ekyawe agko'
nak chá'a kéláyo.
24 Kalának chá'a apáwa
tén han nentete nenxet,
keñe kakxák chá'a ekha
ekyánmaga kalmések
ma'a apkexeykekxa
nak chá'a aqsok.
25 Kayhek nahan
émpehek ma'a,
kéláyo han,
megkeytnakhaksók
han awáxok ma'a
yaqwánxa enxoho
katnehek amonye'.
26 Tásek chá'a
katnehek ekpeywa
ekxeyenma aqsok,
yetlo ektaqmeleykha
awáxok nahan chá'a
kalxekmósek námakkok.
27 Kataqmelchesek
chá'a axagkok,
megkaxek aqsa
chá'a m'a axagkok
katwok ekto,
katneykha chá'a.
28 Kaltaqmalmakha
chá'a apkelpeywa
exének étchek
tén han ma'a atáwa',
etnehek chá'a s'e:
29 “Xámok eykhe
kelán'a élmowancha'a
nak éltamheykha,
yeykhásseykmók eyke
exche' ekmowána
ektamheykha m'a
ekyókxoho kelán'ák nak.”
30 Awanchek
hẽlyexanchesha
m'a ektémakxa
nak ekma egwáxok
anlanok kelán'a,
megkawegqók eyke
m'a ektémakxa
nak ektaqmalma;
eyke payhawók
kataqmalmakha nempeywa
anxénmakha m'a
kelán'a eyáyo nak
Wesse' egegkok.
31 ¡Kataqmalmakha
kélpeywa kólxénmakha
nápaqta'awók ma'a
apyókxoho énxet'ák nak!
¡Kólxén ektáha naqsók
ma'a ekyókxoho
aqsok élane nak!
Aplhanmaclha Lemuel
1 Aplhanmaclha apvisqui Lemuel co Massa, actomja ilhnic nat altimnascama inquin:
2 Lhip sictamongvoyam, sictimquiscama alhta lhip, apjalhenmo Dios silmalhnancama. Ingyeylhojo sicpayvam:
3 Notne nasa apcayo quilvanaa naysicsa altemaclha ancaoc. Altomja alhta mataa quilvanaa alsilhnanoncama apquilviscaa.
4 Notingya nasa anmin, somcoc mataa apyinaycaoc apquilviscaa anmin najan uva ayingmenic.
5 Yitnec sat ancoc anmin ayajem, colvoncamoc sat singanamaclha Dios, colvoncamoc sat apquilpeyvescasquiclha enlhit mepqui apquilnatam.
6 Ingyane sat elyinamcoc anmin enlhit acyajapmo apquilvalhoc.
7 Elyinamcoc siclho, natamin colvoncamoc sat apquillingaycamco mepqui asoc, najan apquillingaycamco acyimtalhnama.
8 Iyimnaticsojo sat lhip appayvam, elmiyovacpoc sat enlhit melyimtalhnamo.
9 Iyimnaticsojo sat lhip appayvam, jingiltingyasquis actemaclha acpeyvomo. Elmiyovacpoc sat mepqui apquilnatam najan mepqui ayajamalhco apquilvalhoc — nic nat intomjac inquin.
Mayayoclha quilvana acvascapma
10 Silhtec mataa ningvitay quilvana mepqui actamongvaycmolhma. Actomja ningayo as quilvana acyitsomalhca asoc acmamnave.
11 Apyasamcoc atava actemaclha anco acpeyvomo. Colhic sat acmesa asoc alaymomalhca.
12 Actomja ayasicjayo atava najan ayimlaycmo aclhamoclhojo acnim.
13 Intingyac mataa nipquesic apva najan tamama collana asoc ningilmaycam.
14 Cat mataa amay aclhingam actingyey asoc alaymomalhca.
15 Alhtooc mataa aclhaticjay, cotyapma acnim. Intingyascasquic mataa actom ayitquic najan acmolhama altimesaycam.
16 Inyinyovquic alhta acyanmongam acmam amyip ningilcacjam. Inquinaclhec yamit ayitcoc solyatictama.
17 Ayimpejic innac as quilvana. Intamjam mataa mepqui acyampay.
18 Inlhamaseclhec mataa alnatam ayinyema actamjaycam. Ajolhec mataa actamjaycam alhtaa.
19 Avanquic acyipnatem apava najan acnilhpongam.
20 Actomja ayimlaycmo melyimnatem najan apquiljalhemap.
21 Apyitnec apava ningalamalhca, mongacyejec piyam matsamange.
22 Avanquic collana ningalamalhca manto. Apyitnec apava apquilhyevay.
23 Apnec mataa atava natingma nipyesicsa ningayo apquilpamejitsomap.
24 Inquillanac mataa ningilantalhnama najan ningyapmam cotac acyanmongam.
25 Ningayo actomja as quilvana. Cacyejec mataa asoc yoyam covac sat.
26 Acyascamco anco as quilvana. Avanquic coyascasingvomoc anaymacoc.
27 Acmovan innac colhingsic actamjaycam tingma ac, mepqui ayanjingvoyam.
28 Innec ayaco ayinyema atava najan ayitquic:
29 Tasoc anco lhiya, am colhno moc quilvana lhalhma anco — aptomjac mataa.
30 Comascoc sat actemaclha singayo ingmoc. Colhic sat mataa ayaco quilvana actamilaycam avalhoc.
31 Ellingas sat natingma actemaclha mayayo as quilvana. Ellingas sat actemaclha acmovan najan acvascapma as quilvana lhalhma anco.
