Énxet'ák Israel apma m'a tegma apwányam Ai
1 Aptáhak axta Wesse' egegkok apcháneya m'a Josué: “Nágye aqsa, ná eyelqáp han. Yánchásekxa sa' apyókxoho sẽlpextétamo apagkok, keñe sa' exog yaqwayam elnapakpok ma'a énxet'ák apheykha nak tegma apwányam Ai. Ko'o sa' agkések xeyep yaqwayam emok ma'a wesse' nak yókxexma Ai, keñe han ma'a apyókxoho énxet'ák apagkok nak. Tén sa' ma'a tegma apwányam apagkok, kenhan ma'a xapop apagkok nak, xeyep sa' etnekxak apagkok. 2 Sa' etnéssesek xeyep yókxexma Ai tén han ma'a wesse' apagkok nak, ekhawo apteméssesakxa axta m'a wesse' apwányam nak Jericó, wánxa agkok ma'a aqsok apagkok tén han ma'a apnaqtósso nak, kélwanchek sa' kéxegke kaxwók kólmok. Kóllánekxa sa' kéltáhakxa yaqwayam kólpelakkasek kélchetámeyak ma'a ekpayhókxa nak teyp tegma apwányam.”
3 Apkelánekxeyk axta aptáhakxa Josué yetlo apyókxoho sẽlpextétamo apagkok yaqwayam elxog ektamagkok ma'a énxet'ák nak Ai. Apkelyesáha axta treinta mil kempakhakma yapmeyk yaqwayam yempakha', keñe axta apkeláphasa elxog axta'a. 4 Aptáhak axta apkeláneya s'e: “Kóltaqmelchesho kélháxenmo: kólmohók sa' ma'a ekpayhókxa nak teyp tegma apwányam, kólyexánegwom sa' ma'a keto' nak, kólpenchesho sa' han kéltáhakxa yaqwayam kólchetamagkok. 5 Keñe sa' xa énxet'ák sélxegexma'a nak ko'o, agágketchessamhok sa' ma'a tegma apwányam nak. Apkelántekkek sa' agkok énxet ma'a tegma apwányam nak yaqwayam hegmenxenek, ónyahagkok sa' negko'o apmonye'e xa, ekhawo m'a ektáhakxa axta sekxo'. 6 Hegmenxenek sa' negko'o m'a énxet'ák nak nényahágko enxoho tegma apwányam nak, tén sa' yának katnahákxak makham ma'a ektáhakxa axta segmenxena. 7 Keñe sa' kéxegke kólántépok ma'a kélyexánegwánxa enxoho, kólmok sa' ma'a tegma apwányam nak, hakte egkések sa' ma'a Dios Wesse' kélagkok. 8 Kélmeyk sa' agkok ma'a, kólwatnekxa sa', apkeltamhókxa axta kóltéhek ma'a Wesse' egegkok. Cháxa séltamhókxa ko'o kóltéhek xa.”
9 Tén axta Josué apkeltamho elxog, keñe axta apkelxega m'a énxet'ák. Axta apkelyexánegwokmok ma'a neyseksa nak yókxexma Betel kenhan ma'a yókxexma nak Ai, ekpayho nak ektaxnegwánxa ekhem teyp nak Ai. Keñe Josué aptena axta'a m'a apkelpakxenwánxa axta. 10 Mók ekhem axta entáhak, axto'ók agko' axta apxatakha'a Josué apteyánegwákxoho apkelyetsátekxo m'a sẽlpextétamo apagkok, tén axta apkenegwokmo m'a apmonye'e, yetlo apkelámha apmonye'e nak énxet'ák Israel. Apkelánegkokxeyk axta aptamhágkaxa yaqwayam ektamagkok ma'a énxet'ák Ai. 11 Apyókxoho énxet'ák axta apkelágketchessekmok ma'a tegma apwányam ekpayhókxa nak apmonye', keñe axta apkekhegwokmo m'a ekpayho nak nexcheyha. Teyp ekyapwate axta pehewákxak tegma apwányam aphágkaxa m'a énxet'ák nak Israel. 12 Tén axta Josué apkeltamho elyexánegwók cinco mil sẽlpextétamo m'a halep nak Betel, ekpayho nak ektaxnegwánxa ekhem teyp nak tegma apwányam. 13 Axta keñamak apkexpánchásekpo m'a sẽlpextétamo, nápakha axta apkelyexánegwokmok ma'a ekpayho nak ektaxnegwánxa ekhem teyp nak tegma apwányam, keñe han nápakha apkekhegwokmo m'a teyp ekpayho nak nexcheyha. Apmonye' axta apxegak Josué xa axta'a nak, aphakmo m'a neyseksa nak ekyapwate.
14 Xama axta apwet'a ektáhakxa m'a wesse' apwányam nak yókxexma Ai, yahamok axta appekheka, keñe apxega yetlo m'a apyókxoho sẽlpextétamo apagkok yaqwayam elnapakpok ma'a énxet'ák Israel ekpayho nak ekyapwate m'a Jordán. Axta ey'ásegkok apkelyexánegwa'a nápakha israelitas ma'a teyp nak tegma apwányam. 15 Keñe axta Josué tén han ma'a énxet'ák apagkok nak, hó ónyahagkok axta aptamhágkok. Apkenyahágkek axta apmonye'e m'a énxet'ák nak Ai. Axta apkelpéwók ma'a ámay ekmahéyak nak meykexa énxet. 16 Apkeláneyákpek axta emenxenek ma'a apyókxoho sẽlpextétamo nak Ai, apyenyókek axta aqsa tegma apwányam apyaqmasa m'a Josué. 17 Méko axta xama énxet apkeymomap ma'a tegma apwányam nak Ai, tén han ma'a Betel, apyókxoho axta apkelántépak apmenxena m'a énxet'ák Israel; apyenyókek axta aqsa meyke ekmasma m'a tegma apwányam nak. 18 Tén axta Wesse' egegkok aptáha apcháneya m'a Josué: “Ey'ásekxa neptámen ekpayhókxa nak tegma apwányam Ai xa sawhéwa apagkok nak, keñe sa' kólchetamagkok ma'a tegma apwányam nak, ko'o sa' eyke agkések.”
Yahamok axta apya'ásekxo neptámen Josué m'a sawhéwa apagkok apkeltamho kólchetamagkok, 19 keñe apkelántepa ekpekhe agko' apketámegko tegma apwányam ma'a ektáha axta apkelyexánegwayam ma'a, tén axta apma. Apwatnékxók axta han.
20 Xama axta apkelenmexákxoho neptámen ma'a énxet'ák Ai, apkelwet'ak axta ekmahágko néten éten ma'a tegma apwányam apagkok nak, mopwanchek axta apmako elmahagkok mók nekha peya elxeganmok, hakte apkeltaqhegwokmek axta m'a énxet'ák Israel apkelmahéyak axta apkenyehéyak ma'a meykexa nak énxet, keñe apketámegkokxo m'a ektáha axta apmenxenma. 21 Apwet'ak axta Josué tén han ma'a apyókxoho énxet'ák nak Israel, apma tegma apwányam ma'a ektáha axta apkelyexánegwayam tén han apwatnékxo, keñe axta apkeltaqhegwokmo apketámegkokxo apkelnápekpo m'a énxet'ák nak Ai. 22 Keñe axta apkelántépeykxo makham ma'a ektáha axta apma m'a tegma apwányam nak, keñe apwakha'a apkelma m'a énxet'ák Ai, tén axta kélchetámegkokxoho makham ma'a énxet'ák Ai, ekwokmoho apsawhékpoho aptekyawa. 23 Wánxa axta aqsa mematña m'a wesse' apwányam apagkok nak énxet'ák Ai, apmákpek axta kélyentamákxo m'a aphakxa axta Josué.
24 Apkeltaqháwok axta makham israelitas apkelmeyákxo m'a Ai, apkelnáhapweykxo m'a apkeleymomap axta tegma apwányam, natámen axta apsawhomo apkelnapma m'a ektáha axta apmenxenma. 25 Cháxa ekhem nak aptekyawakxa axta doce mil énxet'ák apheykha nak ma'a yókxexma Ai, apkelennay'a tén han ma'a kelán'ák. 26 Axta elwátéssekmok apya'asso néten sawhéwa apagkok ma'a Josué, apkeltamho kólchetamagkok ma'a tegma apwányam nak, ekwokmoho apsawhékpo m'a apyókxoho meyke apkeymomap xama. 27 Keñe axta énxet'ák Israel apkelmágko m'a apnaqtósso, tén han ma'a aqsok ekhéyak axta m'a tegma apwányam, apkeltamhókxa axta etnehek Wesse' egegkok ma'a Josué, 28 tén axta Josué apwatneykxo m'a tegma apwányam nak Ai, wánxa aqsa éleymomáxko m'a tegma apowhók, cham'a negwetayo nak makham. 29 Apkexneyk axta néten yámet Josué m'a wesse' apwányam nak yókxexma Ai ekwokmoho ektaxnakmo, keñe axta ektaxna ekhem apkeltamho kóllekwakxak makham, tén axta kélyensákxo aphápak ma'a nentaxnamakxa nak tegma apwányam, keñe axta kélahakkásekxo meteymog ma'a ekweykmoho néten. Cham'a meteymog kélahakkáseykekxa axta m'a, makhemek makham ma'a.
Josué apkelyetsetma segánamakxa m'a egkexe nak Ebal
30 Apkelanak axta Josué xama aqsok ekwatnamáxchexa m'a Wesse' egegkok nak apagkok, Dios apagkok nak Israel, axta payhok ma'a egkexe Ebal, 31 apkeltémókxa axta etnahágkok israelitas ma'a Moisés, apteme axta Wesse' egegkok apchásenneykha, ekhawo han ma'a ektémakxa nak eknaqtáxésamaxche weykcha'áhak Moisés segánamakxa apagkok: “Xama aqsok ekwatnamáxchexa meteymog élyókxoho meyke kélpaxqáteykekxa'.” Keñe axta énxet'ák Israel apnegkenágko aqsok apkelwatno m'a néten ekwatnamáxchexa nak aqsok, keñe han apkelsánto m'a aqsok nawha'ák apkelnapma segwetassamo nak sẽlásekheykekxoho. 32 Tén axta Josué aptáxésa m'a meteymog ekwatnamáxchexa nak aqsok, nápaqta'awók ma'a énxet'ák Israel, appekkena m'a segánamakxa Moisés axta appekkencháseykekxa. 33 Apyókxoho énxet'ák ektáha nak apkelókxa apancha'awók ma'a Israel, keñe han ma'a apkeleñama nak mók nekha, tén han ma'a apyókxoho apkelámha apmonye'e nak, sẽlpextétamo apkelwesse'e keñe han ma'a segyekpelchémo nak, apchaqnágwokmek axta m'a nekhaw'ék nak yántéseksek ekhémo mók nélpaqhetchásamáxkoho apagkok nak Wesse' egegkok, apchaqnágkaxa axta m'a levitas ektáha axta appatmeykha, aptamhéyak nak apkelmaxnéssesso Dios énxet'ák apagkok, yaqwayam enxoho kólmaxnéssesek epasmok Dios ma'a énxet'ák Israel. Nápakha énxet'ák axta apchaqnáha m'a ekpayhókxa nak egkexe Guerizim, keñe han nápakha énxet'ák ma'a ekpayhókxa nak egkexe Ebal, aptáhakxa axta apkeláneya Moisés ma'a sekxók axta, apteme axta Wesse' egegkok apchásenneykha.
34 Keñe axta Josué apkelyetsetchesa énxet'ák ekyókxoho ektáhakxa ekpeywa m'a weykcha'áhak segánamakxa, cham'a ekmowána nak hempasmok, tén han ekmowána nak henlegássesagkoho'. 35 Ekyókxoho axta apkelyetsetchásak énxet'ák ektáhakxa ekpeywa Josué m'a weykcha'áhak nak, Moisés axta appekkencháseykekxa, nápaqta'awók ma'a énxet'ák Israel, ekyókxoho m'a kelán'ák, sakcha'áletkók, keñe han ma'a apkeleñama nak mók nekha, apheykencha'a nak nepyeseksa m'a énxet'ák Israel.
Apquilimpocjay tingma Haí
1 Aptomjac nic nat Dios apcanya Josué: —Nongya nasa lhip. Iyimnaticsojo apvalhoc lhip. Ilapajas sat apyovoclhojo singilpilhtetemo, yoyam elimpocjac tingma Haí. Lhip sat etnejic apyimnatem apanco, am elhno apvisqui najan enlhitaoc tingma Haí. Lhip sat emoc tingma Haí najan yoclhilhma. 2 Itnesquis sat tingma Haí najan apvisqui maa, acno aptimesquiscama siclhoc alhta tingma Jericó najan apvisqui maa. Mepqui sicmasmaclha asoc as tingma. Eltime sat apancaoc asoc apquilvitay. Eltime sat apnatoscama apquilvitay maa. Illana sat quimpocjacme tap tingma. Cotlapsic sat apyovoclhojo.
3 Appenasquic nic nat Josué najan apyovoclhojo apnaymacoc, elpeyvojoc sat tingma Haí. Apquilyacyesquic nic nat treinta mil singilpilhtetemo, apquilapajasa alhtaa. 4 Aptomjac nic nat apquilanya: Quip elaylhojo. Elyas sat tap tingma Haí, elyilhacpojo maa. Elpenacsojo sat apquilimpocjay. 5 Poc singilpilhtetemo apquilaymomap, onaliclhac sat coo. Ongilvoclhac sat tingma. Elanteypoc sat cotnaja ingmoc, yoyam jingilnapoc. Nincoo eyca ongilinyejic sat napatavo, acno siclhoc alhta. 6 Jingilminlhinam sat naysicsa ningilinyem. Colhenic sat apquilvalhoc, colhojoc singminlhinaycam siclhoc alhta. 7 Natamin elimpocja sat quellhip tap tingma. Elmoc sat quellhip apyovoclhojo tingma, ayinyema singmescama Dios. 8 Elvit sat talha apyovoclhojo tingma, acno alhta apcanama Dios. Vamlha sicpayvam siyanama — nic nat aptomjac Josué.
9 Apquilapajasquic nic nat Josué naysicsa apquilhpanma. Apquilmiyaclhec nic nat maa. Apquilyilhacpoc nic nat tap tingma Haí, payjoc actalhningvamlha acnim, jilip tingma Betel. Apnaclhec nic nat mocjam Josué alhtaa nac jay nipyesicsa apnaymacoc. 10 Alhtooc nic nat aplhaticja Josué, elanojo apnaymacoc singilpilhtetemo. Apcaneclhec nic nat. Apmamyi ilhnic nat aplhinga Josué najan apquillhalhmaa mayayo apquilvanyam. Elimpocjac sat tingma Haí. 11 Apquilyipitcangvocmec nic nat apyovoclhojo enlhitaoc tingma napocja, payjoc nilhqueyja. Alvata ilhnic nat napocja tingma. Apquilnaclhec nic nat tap alvata. 12 Apquilapajasquic nic nat Josué cinco mil singilpilhtetemo. Apquilyilhacpoc nic nat tap tingma Haí, payjoc actalhningvamlha acnim, jilip tingma Betel. 13 Anit nic nat intomjac apquilhpanma singilpilhtetemo. Lhama ilhnic nat actalhningvamlha acnim, poc nic nat nilhqueyja tingma. Apmiyaclhec nic nat Josué alhtaa avalhoc alvata.
14 Pilapcasquic nic nat apvita apvisqui tingma Haí. Apquilpecjasquic nic nat singilpilhtetemo, elnapoc israelita avalhoc alvata. Am nic nat elyasamcoc singilpilhtetemo apquilyilhamacpo tap tingma. 15 Apquinyec nic nat siclho Josué. Apquinyajamquic nic nat apnaymacoc, apquilyiplayclha amay yoclhilhma actamopeycaoc. 16 Apquilanyacpec nic nat singilpilhtetemo Haí, elminlhinam israelitas. 17 Apsovjacpoc nic nat tingma Haí, najan tingma Betel, apquilminlhinamcaa israelitas. Apquilyinyovquic nic nat tingma apyovoclhojo enlhitaoc. 18 Aptomjac nic nat Dios apcanya Josué: Quilhvoc anco elimpocja quellhip. Coo sat opasmoc, elmoc sat quellhip tingma Haí — nic nat aptomjac.
Invitalhquic nic nat monquinatquiscama, ellana quimpocjacme, ayinyema Josué. 19 Apquilantipquic nic nat apquilyilhamap, elnapacpoc tingma. Apquilmec nic nat tingma. Yiplovcoc nic nat apquilvatnama talha aplhanaoc.
20 Apquilanoc nic nat niptamin enlhitaoc co Haí. Pilapcasquic nic nat apquilvita etin actiyapma tingma. Apquilvatsamquic nic nat apquilminlhinaycam. Apquilpaycacmec nic nat israelitas, apquilinyem siclho. Apquilnapacpec nic nat. 21 Apvitac nic nat Josué tingma apmomap, ayinyema apnaymacoc apquilyilhamap. Apvitac nic nat talha. Yiplovcoc nic nat apquilnapma co Haí. 22 Tingma apmeta ilhnic nat apquilantiyapma israelitas, yoyam elnapacpoc. Josué najan apnaymacoc apquilnapma ilhnic nat moc nicja. Apsovjacpoc nic nat apticyovam cotnaja ingmoc. 23 Am nic nat ematnac apvisqui co Haí. Apquilyantamaclhec nic nat apnaclha Josué.
24 Apsovjacpoc nic nat apticyovam amyip. Apsovjacpoc nic nat apticyovam apquilaymomap tingma Haí. 25 Apticyovquic nic nat as acnim doce mil enlhitaoc, alpalhquemalhca quilvanaa. 26 Eycaso ilhnic nat apcanama siclho Josué, yoyam esovjacpoc apticyovam tingma. 27 Apnalaclhec nic nat apnatoscama, apquilpatmaoclhec nic nat apquilnatam acmomalhca. Acno ilhnic nat apcanama Dios, apcanyacpo Josué. 28 Apmetquic nic nat tingma Haí. Ningvita inyicje tingma aptovasomap as ningvamlha nac jay. 29 Apquilasipcasquic nic nat tama apyispoc apvisqui apmomap, co Haí. Apquilhnesquic nic nat netin yamit. Aplicacpec nic nat apjápac actalhnam. Apyinyovacpec nic nat tingma apatong. Apquilicjesquic nic nat mataymong nitno. Ningvita inyicje mataymong as ningvamlha nac jay.
Apquilyipsatem singanamaclha Josué
30 Apquillanac nic nat Josué ningvatnamaclha netin inquilhe Ebal. Elhenacpoc sat apvisay Dios, Visqui ingac. 31 Acno ilhnic nat apcanama, yoyam elvajanamcoc israelitas. Acno ilhnic nat aclhanma actalhesamalhca singanamaclha Moisés: Ellana sat mataymong anco ningvatnamaclha, mayayo Dios — nic nat aptomjac. Apquilajac nic nat apnatoscama macmescama Dios acyanmongam melyascalhma. Najan moc nic nat macmescama Dios, actemaclha singasicjayclha. 32 Aptalhosquic nic nat Josué netin mataymong, napatavo enlhitaoc Israel, singanamaclha Moisés. 33 Apcaneclhec nic nat apyovoclhojo, najan israelitas najan metnaja israelitas. Apcanam nic nat nicja yamit aysicsic acyitnamaclha Dios appayvam, apyovoclhojo mayayo apquilvanyam, najan apquilviscaa, najan apquilyicpilquemo. Apcanam nic nat napato levitas apquilsoycam yamit aysicsic. Apcanam nic nat enlhitaoc lhama nicja ningvita inquilhe Gerizim. Poc nic nat apcanamcaa moc nicja ningvita inquilhe Ebal. Acno ilhnic nat apcanama Moisés, Dios apquilancam.
34 Yiplovcoc nic nat apquilyipsatem Josué vaycajac singanamaclha mepqui apyeycajascaoc. Inlhenalhquic actamila, yoyam colhic singaco. Inlhenalhquic acmasom, yoyam onlingamcojo acyanmongayclha nintemaclha. 35 Apquilyipsatquic nic nat Josué, mepqui apcayam lhama actalhesamalhca. Apquilyipsatquic nic nat napatavo apnaymacoc Israel, alpalhquemalhca quilvanaa najan sicaa. Najan apquilpalhcomap metnaja apquiltemolhama apnaycam nipyesicsa.
