Ektáhakxa ánet appeywa Elihú
1-2 Kéxegke kélya'áseykegkoho nak aqsok
tén han kélxekmowásamaxche nak,
kóleyxho sa' sekpeywa.
3 Egheykok ekteme
ekyekpelchémo amya'a,
ekhawo ektémakxa nak
ekyekpelchémo ekmátsa
m'a empaqpehek.
4 Anlanok hana
negko'óxa xa aqsok nak,
keñe sa' agya'asagkohok
ma'a ektaqmelakxa enxoho.
5 Axta aptemék chá'a Job se'e:
“Méko sektémakxa ko'o,
makke emáheyók
hélánekxések amya'a m'a Dios.
6 Sekmowána amya'a ko'o
atnehek sekxéna enxoho
sekteme seksexnánémaxche';
megkaltaqmelweykmok sélyense,
malaneyk eykhe m'a may'assáxma.”
7 ¡Méko xama énxet
aphawo m'a Job!
Ewanyaha chá'a Dios,
aptémól'a ének yegmen
xama énxet;
8 atsek epaxqaha m'a
élmasagcha'a nak apkeltémakxa,
elyetlawha chá'a m'a
énxet'ák melya'assáxma.
9 Exének chá'a énxet
méko kataksek
epeykessásekxak
apwáxok ma'a Dios.
10 Kéxegke
kélya'áseykegkoho nak aqsok,
kóleyxho sa' sekpeywa.
¡Nágkaxén kélwáxok
Dios ekha nak Apyennaqte,
apkeláneya chá'a
m'a aqsok ekmaso
tén han megkapayhémo
chá'a aptémakxa'!
11 Eyaqmagkásekxohok
eyke chá'a ektémakxa
aqsok apkelane
xama énxet ma'a;
etnéssesek chá'a
m'a ekpayhawo nak
chá'a etnéssesek.
12 Naqsók melanyek xama
aqsok ekmaso m'a Dios
ekha nak Apyennaqte,
tén han ma'a aqsok
megkapéwomo nak;
13 ¿Yaqsa ekmésso
apmopwána Dios
apkeláneykha keso náxop?
¿Yaqsa éltémo
elanha ekyókxoho
keso nélwanmégkaxa'?
14-15 Apkelyementamákxeyk
agkok apkelennama m'a énxet'ák
élméssama nak apkelyennaqte,
eletsapok apyókxoho,
xapop makham etnahagkokxa'.
16 Naqsók sa' agkok
apya'áseykegkoho aqsok,
heyeyxho sa';
etaqmelchesho sa'
apháxenmo sekpeywa.
17 Naqsók agkok
aptaqnagko Dios
ekpéwomo nentémakxa',
mopwanchek etnehek
apkeláneykha énxet'ák.
¡Mopwanchek xép
exének eyesagko
aptáhakxa m'a
ekpéwomo agko'
nak aptémakxa!
18 Aptamhágkek agkok chá'a
élmasagcha'a apkeltémakxa
m'a kelwesse'e apkelwányam
tén han ma'a ekha kéláyo nak,
yahamók chá'a
elxénchásekxohok
apkeltémakxa m'a Dios.
19 Mepasmekxeyk ma'a
apkeltaqmelchesso nak apchókxa,
metnéssesek apyeykhamap
pók elanok ma'a ekxámokma
nak aqsok apagkok
tén han ma'a meyke
nak aqsok apagkok,
hakte cha'a apkelane
apyókxoho m'a.
20 Katlakkasek chá'a
eletsapok ma'a énxet'ák,
axta'a eysekso';
elyegweyk chá'a énxet'ák
keñe emassegwók;
kólmasséssók chá'a m'a
énxet ekha nak kéláyo,
meyke kélásenneykxa m'a énxet.
21 Dios apkeláneykha chá'a
ektémakxa apxega énxet,
apya'ásegkok ekyókxoho
apmahágkaxa enxoho chá'a.
22 Méko ekyáqtésso
exma ekyentaxno
agko' awanchek
kakpósek ma'a
ekmaso nak aptémakxa'.
23 Mepekkenchessók Dios
ekhem énxet yaqwayam
emyekxak ma'a aphakxa nak
yaqwayam ékpelkoho'.
24 Metegyaha amya'a
yaqwayam elántekkesek
ma'a ekha nak kéláyo,
yaqwayam elyaqmagkasek pók.
25 Apya'ásegkok Dios
ma'a aqsok apkeláneyak,
yáqtéssek agkok,
elántekkesek chá'a
etnessásekxak mékoho.
26 Elyekpexchetagkok
chá'a ektémól'a
élmasagcha'a apkeltémakxa,
nápaqta'awók ma'a
apyókxoho énxet'ák,
27 hakte mopmenyeyk
elyahakxohok ma'a
apkeltémókxa nak
chá'a etnahagkok,
mopmenyeyk elmok takha'.
28 Apwagkassessegkek
élpayheykha apatña'ák
meyke nak aqsok apagkok
ma'a aphakxa nak Dios,
tén han ektémakxa
nak apnaqtawáseykegkoho,
aplegayak han ma'a Dios.
29 Apwanmakkek agkok ma'a Dios,
¡méko awanchek kaxének
megkapayhawo aptáhakxa'!
Agkok eltamhok éteyakpok,
¿yaqsa awanchek kóta'?
Cha'a apkeláneykha
chá'a apkelókxa m'a
tén han ma'a énxet'ák
30 yaqwayam enxoho
metnehek apkeláneykha
énxet'ák ma'a
ekmaso nak aptémakxa,
apkelyexancháseykha nak
chá'a apnámakkok.
31 Aptemegkeya exchep
apkenagkama Dios se'e:
“Eyhayók ko'o
sélyexancháseykencha'a;
malánekxók sa'
chá'a may'assáxma.
32 Hexekmós ko'o aqsok
magwaqhémo mataya nak.
Asagkek sa' agkok
ko'o aqsok sélane,
malánekxók sa' chá'a”.
33 ¿Egkéseya exchep
ekyánmaga Dios,
cham'a apkeltamhókxa
enxoho elána',
neyseksa aptaqnagko?
Xép sa' eyke
ey'asagkoho', háwe ko'o,
hẽltennés sa' ma'a
apya'ásegkaxa enxoho.
34 Sa' etnehek
ko'o heyának énxet'ák
apkelya'áseykegkoho nak aqsok,
keñe han apmopwancha'a aqsok,
apkelháxenmo nak sekpeywa:
35 “Appaqmeyesmeyk
aqsa mey'áseyak ma'a Job;
méko aqsok ekxeyenma m'a appeywa.
36 ¡Tásek sa' kóllanok
aptémakxa nak
appeywa m'a Job,
hakte énxet ekmaso
aptémakxa apchátegmowéyak
ma'a aptémakxa nak!
37 Háwe wánxa apteme
mey'assáxma m'a Job,
apkenmexeykekxeyk han ma'a Dios;
negaqta'awók han negko'o
apwanyémók ma'a Dios
tén han apkelátegmómakpo.”
Eliú apayvam segundo discurso
1-2 Aptomjac nic nat mocjam appayvam Eliú: Quellhip enlhit apquilyascamco, elaylhojo sicpayvam.
3 Ingjaycoc actomja acjalhenmo nimpayvam, acno ingalhcoc acyipconma nintom.
4 Ongilyipconic sat amyaa aclhenamalhca, yoyam colhic acpeyvescasquiclho.
5 Ninlingac lhac Job appayvam: Sicpeyvomo coo, apyascacme eyca Dios.
6 Dios aptomja seyinmelhaycam, apcanem sicsilhnanomalhca ajanco — lhac aptomjac.
7 Quellhip lhac apquilpayvam: Aptemaclha apanco Job, aptomja apquinmelhaycam Dios, malha apyam yingmin aptomjac.
8 Appalhavocmec mataa enlhit apquilmapsomcaa, evjanamcoc apquiltemaclha apancaoc.
9 Apcanem alhta, alhto inyicje nintemaclha ningayo Dios — lhac apquiltomjac quellhip.
10 Quip elaylhojo quellhip apquilyascamco: Copvanquejec mataa Dios apyimtalhnamo etnejic asoc acmasom, copvanquejec esilhnanacpoc apanco Dios.
11 Dios aptomja apyanmongsayclha apquiltemaclha apancaoc apquilmapsomcaa, moclhama aptomjaclha acmasom.
12 Naso, copvanquejec mataa Dios apyimtalhnamo etnejic asoc acmasom, copvanquejec esilhnanacpoc apanco Dios.
13 ¿Co laa ayinyema apmopvan apanco? Apvamlha pac lhama Visqui apyimtalhnamo as nalhpop.
14-15 Apmiyovquic sat ancoc acyimnatem ingnenyaoc, ongilitsapoc sat ningilanalhco, ongiltimiclhac sat mocjam lhopactic.
16 Lhip Job, ¿yitne ya lhquip acyascamco apvalhoc? Ingyeylhojo sat sicpayvam.
17 Copvanquejec Dios apyimtalhnamo etnejic mepeyvomo. ¿Apquinmelham ya lhquip Visqui ingac apyimtalhnamo?
18 Apvanquic Dios ingyanic, ellhenacpoc apquilmapsomcaa apquilviscaa najan mayayo.
19 Mepqui apmasma mataa apquilviscaa najan enlhit mayayo napatavo mepqui apquilnatam. Apyovoclhojo enlhitaoc apquillanomap, ayinyema Dios.
20 Pilapcasquic mataa apquilitsepa enlhit alhtaa. Elmasquingvomoc enlhit apquilimpocjay (apquilinmelhaycam), elvonquepoc sat apquilviscaa apquilyimnatem, mepqui apquilvascapma enlhit.
21 Apyasamcoc Dios yavamlha etnejic enlhit, apyasamcoc apquiltemaclha apancaoc.
22 Colapvanquejec elyilhanmoc apquilmapsomcaa naysicsa yatescamalhma, elvitac sat Dios (elvitacpoc sat maa).
23 Am elhenac Dios lhama acnim, yoyam elyipconacpoc enlhitaoc napato maa.
24 Coymalhquejec elyipconacpoc siclho apquilmopvancaa, elanyacpoc sat poc apquilya'monquiscama apquilantipsomap.
25 Apyasamcoc Dios apquiltemaclha apancaoc, enatovacsic sat mataa lhama alhtaa.
26 Elyicpilhquetacpoc sat apquilmapsomcaa napatavo apyovoclhojo enlhit.
27 Apquillingamcoc alhta inyicje, ayinyema mepqui apquilyiplovquiscama appayvam.
28 Eycaso ayinyema apquilpalhamaycam enlhit mepqui apquilnatam, apquiljalhnoc maa Dios.
29 Am sat ancoc ingyajalhnoc Dios, ¿soc enlhit yoyam ingyinmelham? Apyilhanmec sat ancoc Dios, ¿soc enlhit apmopvan eticlhac mocjam Dios? Colapvanquejec elinmelham enlhitaoc,
30 apquilvita inlhojo aptimesomap apvisqui apmapsom, ayinyema Dios.
31 Yitnec sat ancoc aplhanma enlhit: Dios Visqui ingac, alvatasquic coo sictemaclha ajanco sicmasom.
32 Jelhicmos sat aclhinganyam evalhoc coo, motingyejec sat mocjam moyascalhma coo — intomjac aplhanma.
33 Lhip Job, ¿apquiltamjo ya lhquip Dios eyicpilcojoc sat enlhit apyanmonquiscama apvalhoc, colhic acyanmongseclho aptemaclha siclho? Iyasamcojo sat lhip, jingiltimnas aclhanmaclha apvalhoc lhip.
34 Jeltimnacsic sat quellhip apquilyascamco najan apquiljalhenmo sicpayvam:
35 Mepqui apyascamco nac Job, acyitna appayvam ayinyema acyeyjamelhma apvalhoc.
36 Incaymalhquic ongilyipconic mocjam Job, ayinyema ninlinga appayvam, malha ayanem appayvam (acyeyjamelhma appayvam).
37 Meyascalhma nac Job, aptomja apquinmelhaycam Dios, najan apcatingmoctama Dios, naysicsa aptemaclha apveneycam Dios — sat jeltimnacsic quellhip — nic nat aptomjac Eliú.
