1 Egmenye nak la'a
negko'o elyeptek néten,
keñe eweywenták
kalpexyennók nápaqtók ma'a
meteymog élekhahéyak nak,
2 katnehek ma'a ektémól'a táxa
kalwatnek ma'a yámet aktegák apák
enxeykel'a nahan ma'a ektémól'a
katnetchásegmak ma'a yegmen.
Keñe elya'asagkohok apwesey m'a
apkelenmexma nak
elpexyennók nahan nápaqtók ma'a
pók aptémakxa nak chá'a énxet'ák.
3 Kelpexyennegkek axta exchep
nápaqtók meteymog élekhahéyak,
apweywento axta apkelana m'a aqsok
segyegwakkassamo nak agweta'
mólhaxanma axta katnehek.
4 Axta kañamaxchek
xama enxoho amya'a;
axta nahan kóteyamaxchek xama enxoho
mók aqsok kéláyókxa élane xa
ektéma nak aqsok,
élánésso m'a ektáha nak chá'a
apcháyo.
5 Emhohok xép takha' m'a
énxet
apkelane nak chá'a aqsok ektaqmela
yetlo ekpayheykekxa apwáxok,
megkalwagqayam nak chá'a
elának ma'a
apmopmenyého nak chá'a exchep.
Aplamchek axta exchep,
hakte nenláneykegkek axta
negko'o mólya'assáxma;
nanók agko' axta nenlókáséyak.
6 Neghémók negko'o
negyókxoho m'a énxet
ekmanyásal'a apyempe'ék,
máxa apáwa aphápak
apmanyásal'a m'a ekyókxoho aqsok
éltaqmalma nak chá'a nenlánéyak;
nempalleykmek negko'o negyókxoho,
ektémól'a m'a yámet áwa' élyamayél'a,
máxa éxchahayam entemék
sẽlchampassama m'a nentémakxa
élmasagcha'a agko' nak.
7 Méko eyke
ekwóneykencha'a exchep,
méko nahan
ekwasqápeykekxoho enxoho
yaqwayam keypetchegwakxak;
cháxa keñamak
senxegánegkessama nak
negko'o exchep
tén han segkexakhama
eñama m'a nentémakxa élmasagcha'a.
8 Wesse',
xép akke apteme
negko'o egyáp;
yelpa' negko'o,
keñe exchep ma'a
senlane nak chá'a;
¡negyókxoho negko'o nenteme
senlane apagko' xép!
9 Wesse',
ná elwoho apagko' aqsa,
nágkaxénwakxoho chá'a
apwáxok ma'a
nentémakxa élmasagcha'a nak.
¡Negko'o nenteme énxet'ák apagkok!
10 Yókxexma meykexa énxet
tamheykekxak ma'a
tegma apkelyawe
apkeltaqmalma apagkok nak,
apmopso aptamheykekxak ma'a
Jerusalén,
kélmassésseykmek nahan.
11 Massesseykmek táxa m'a
tegma appagkanamap egagkok
apcheymákpoho,
apkelpeykessamókxa axta chá'a
exchep ma'a ẽlyapmeyk nano'.
¡Kelesagchawók agko'
ekyókxoho m'a aqsok
negmámenyého egagko' nak chá'a
negko'o!
12 Wesse',
¿Melañeya sa' aqsok xép
apwet'a enxoho ektáha xa ektáha nak?
¿Ewanmaya sa' aqsa?
¿Eyánchessamhoya sa' aqsa
sẽllegassáseykegkoho?
1 Aptomjac nic nat mocjam profeta:
Imayes sat lhip netin, ivayventa sat nalhpop. Colpilhyinamoc sat inquilhe.
2 Cotnejic sat malha talha alvatna yamit actengaoc alyamay, malha talha acmelhanquiscama yingmin. Elyicpilcangvomoc sat cotnaja ingmoc lhip apvisay. Elpilhyinamcoc sat napato lhip enlhit lhalhma anco.
3 Apquillanac lhip nic nat simpilapquiscama mongvitay siclho. Inquilpilhyinimquic nic nat inquilhe apvayventama nat lhip.
4 Am nic nat ongvitayac, am nic nat onlingayac poc dios apyimtalhnamo. Apvamlha apanco lhip. Apmopvan ellanac aclhamoclhojo asoc, yoyam ongmiyovalhcac ningiltomja mepqui ningyasquiyam lhip.
5 Lhip aptomja singasicjayo, apvita inlhojo ningyiplovquiscama actemaclha actamila, najan ningyiplovquiscama singanamaclha.
Aplovqui inyicje lhip, apvita inlhojo ningilsilhnanomalhca inganco, ayinyema nintemaclha ningvennéycam lhip.
6 Ningilyitsomalhca nincoo enlhit comasis apyimpejic napato lhip. Acyitsomalhca nintemaclha nincoo apava apjápac apaysacmo. Ningyitsomalhca nincoo yamit ava acpaliyam, actomja ayimposcay alhcajayam, naysicsa nintemaclha inganco acmasom.
7 Mepqui lhama enlhit apquilmalhnaycam lhip, yoyam epasingvota. Apyilhanmec lhip aptemaclha singyamasma, ayinyema nintemaclha inganco acmasom.
8 Naso, lhip nac Dios nincoo. Ningilyitsomalhca nincoo yelpa. Lhip apyitsomacpo apquillanay valhva. Lhip singillanay nincoo, acno apquillanay valhva.
9 Dios Apyimtalhnamo, nolov nasa lhip, acyitnaycam inlhojo apatic nintemaclha ningilmasomcaa. Jingilanojo nincoo, ningiltomja lhip apnaymacoc.
10 Lhip tingma apancaoc apquilponquinomap apquiltomjayclho apquiltamopeycaoc. Tingma Jerusalén aptomjayclho aptovasomap mepqui enlhit.
11 Aptovasacpec alhta tingma apponquinomap aptamila apanco, talha ayinyema apmeta. Apquiltimec nat apquilayo ningilyeyjamcaa congne tingma apponquinomap. Intovasalhquic nat acyovoclhojo asoc altamila anco, ningyisponcama nincoo.
12 Lhip Dios Apyimtalhnamo. ¿Jalhco sat etnejic lhip? ¿Naso ya evanmac sat lhip? ¿Naso ya eyangviscomoc lhip ninlingaycamco acyimtalhnama? — nic nat aptomjac profeta.
