Dios apkellegassáseykegkoho énxet'ák Edom
1 Énxet'ák, kólyepetchegwatámho
yaqwayam kóleyxho';
kóltaqmelchesho sa' kélháxenmo
kélheykha nak ekyókxoho
keso náxop.
Xapop, keyxho
tén han ekyókxoho aqsok
ekhéyak nak ma'a awáxok,
tén han nélwanmégkaxa
ekyókxoho m'a aqsok
élántekkesso nak.
2 Apkeltaqnaweygkek
Wesse' egegkok
apyókxoho énxet'ák keso náxop
ekweykekxoho m'a apyókxoho
sẽlpextétamo apagkok nak,
apkeltamhók kólsawhohok
kólnápekxa'.
3 Kólchexák sa' aqsa m'a
apkeletsapma nak,
kampak sa' ekpaqneyam
ektahapma m'a kélhapák,
kasawhekxohok sa' éma m'a
néten meteymog élekhahéyak nak.
4 Kaxpaqnek sa' ma'a
ekyókxoho aqsok
élápogwátéyak nak néten,
máxa weykcha'áhak
kélyaqsáseykekxa sa' katnehek
kayaqsekxak ma'a néten,
elsapónak sa' apyókxoho m'a yaw'a;
máxa sa' etnehek ma'a
ektémól'a anmen yámet élyamaye,
ektéyam la'a m'a áwa' apák
tén han ma'a higo yámet.
5 Yephagwa'ak Wesse' egegkok
sókwenaqte apagkok ma'a néten,
katyamok sa' neyseksa m'a Edom,
apheykegkaxa nak énxet'ák
kéltémo etekyewekxa'.
6 Kaltexneyxchek sa' éma m'a
Wesse' egegkok
sókwenaqte apagkok
tén han pexmok,
ektémól'a etekyók nepkések
tén han yát'ay ma'a
kélméssól'a yaqwayam etekyók.
Elának sa' aqsok ektekyawa
Wesse' egegkok ma'a Bosrá,
nentekyawa ekyawe sa' elának ma'a
tegma apwányam Edom.
7 Máxa yágweyke sa' etnahagkok
eletsapok
tén han weyke étkók
tén han weyke kelennay'a;
kayássesek sa' éma m'a
xapop apagkok,
kamlaksek sa' nahan yagkamex ma'a
pexmok apagkok.
8 Katnehek sa' ekhem
apyaqmagkáseykekxexa mók ma'a
Wesse' egegkok,
apyeyam
apyaqmagkassáseykekxexa
mók kélteméssessamakxa m'a Sión.
9 Katnekxak sa' ekyókxoho
yegmen ényé Edom ma'a
ektémól'a aqsok agye'
eyéweykegkohol'a,
keñe sa' yagkamex agkok
katnekxak ma'a aqsok ánek ekyátekto
eyáléwomól'a;
máxa sa' katnehek
káléwha xapop ma'a
ektémól'a káléwha m'a aqsok agye'
eyéweykegkohol'a.
10 Megkaspónhek sa'
ekhem tén han axta'a;
kapaqnek sa' aqsa chá'a;
kataqmopagkohok agko' sa'
meyke néxa;
méko sa' kaxwók kapéwhok
ma'a ekpayhókxa nak.
11 Sepekhék sa' katnegwók
élyáqtamakxa m'a
tén han mahésso,
kalánegwók sa' axanák kágqag ma'a
tén han sawe apkelyawe.
Meyke xama aqsok
sa' etnessásekxak
Wesse' egegkok xa apchókxa nak,
tén han ekyamayéxma.
12 Mexnekxók sa' chá'a xama
wesse' apwányam apagkok
yaqwayam eltaqmelchesek;
elmassegwók sa' apyókxoho m'a
kelwesse'e apagkok.
13 Kalántépok sa' yámet
ekha nak am'ák ma'a
tegma apkelyawe
apkeltaqmalma apagkok nak,
keñe sa' yátape'
tén han kentem ma'a
tegma apkelyennaqte apagkok nak.
Katnehek sa' xama yókxexma
élleykegkaxa m'a
semheg nawha'ák éllo
tén han apkelyexanmomakxa
m'a xápen.
14 Keypetchekxak sa'
yágqamés ma'a
semheg nawha'ák éllo nak,
ewónmakha sa' chá'a
pók ma'a yát'ay.
Sa' kaxek nahan kélhagák ma'a
segyegwakkassamo nak axta'a,
sa' kótak ekhakxa
yaqwayam kallókasek ekyampe m'a.
15 Sa' kalanagkok
axanák sepekhék ma'a,
kapalchesagkok sa' appok,
kayétekpog sa' nahan,
kánchásekxak sa' nahan
yaqwayam kaltaqmelchesek.
Sa' kaqnekxak nahan náta
meyke ahekhek ma'a,
kennawo', xama kelwána sa' chá'a
katnehek.
16 Kóllano ekxeyenma
Wesse' egegkok
weykcha'áhak apagkok,
kólyetset nahan:
Megkeymaxcheyk sa' nahan
xama enxoho kólwetak xa
aqsok nawha'ák nak,
megkeymaxchek sa' xama m'a
kelwána nak,
hakte Wesse' egegkok apagko'
apnegkenma xa,
apkennama sa' nahan etnehek
yánchásekxa'.
17 Apmésso apagko' nahan chá'a
xama xama m'a
yaqwánxa kalyagqa',
appenteyhássessegkek chá'a
apxekmóssama m'a
xapop agkok nak,
katnehek sa' chá'a agkok
meyke néxa m'a;
kalyagqak sa' chá'a
yókxoho apyeyam.
Apyanmongsayclha Dios apquiltemaclha co Edom
1 ¡Quellhip enlhitaoc apnaycam lhalhma anco, ellhingma jilip yoyam elaylhojo! Incaymalhquic elaylhojoc apyovoclhojo enlhitaoc as nalhpop, najan acyovoclhojo asoc aleyvam as nalhpop.
2 Avanjec aplom pac Dios Visqui ingac, apvita apquiltemaclha apquilinmelhaycam cotnaja ingmoc lhalhma anco. Inlhenquic apvalhoc esavojoc sat apquilnapma.
3 Mepqui apquilatoynamap apticyovam cotnaja ingmoc, inticjancasquic acmasom ayinyema enlhitaoc apjapaoc. Malha ayinyem cotnejic sat ema apancaoc apticyovam payjoc inquilhe.
4 Elvonquepoc sat apyovoclhojo apyová netin. Malha ninpilhyamcameycaoc vaycajac (copilhyamcamcoc sat) cotnejic sat netin. Comascoc sat ningvitay apyová, epalamoc sat nalhpop, malha yamit ava acpaliyam, najan malha acyilhna ápac acpaliyam sat cotnejic.
5 Invitalhquic maa netin sovo acvinatem apanco, yoyam colnapoc enlhit. Pilapcasquic actiyacmo, yoyam colnapoc apyovoclhojo co Edom.
6 Invitalhquic acyivey ema najan aptipilhmoc, ayinyema sovo pac Visqui ingac. Acno apticyovam nipquesic najan yataay macmescama Dios. Aptomja apticyovamaclha Visqui ingac payjoc tingma Bosra, najan apticyovamaclha nipyesicsa co Edom.
7 Inticyovquic maa apnatoscama yamvayqui, najan vayqui najan vayqui inquilinava. Invitalhquic nalhpop ema najan aptipilhmoc actalhna congne lhopactic.
8 Acvisay acnim apyanmongsayclha Visqui ingac apquiltemaclha apancaoc cotnaja ingmoc apquilinmelhaycam enlhitaoc co Jerusalén.
9 Asoc acpasyam brea actomjayclho yingmin ayinyem yoclhilhma Edom. Lhopactic actomjayclho azufre acpayesayclha talha, colhic sat alvatna talha as nalhpop.
10 Am casponac mataa as talha acnim anco najan alhtaa, am comascac mataa etin acyivey acmiyayclha netin. Intomjaclhec yoclhilhma actamopeycaoc, mepqui mataa enlhit apquileyvam maa.
11 Inquilyancac maa sovaya najan nata navjac. Inquillanac alhanaoc cuervo mama apyayem najan lechuza nata navjac. Apquilyipsatquic Visqui ingac navayc yoclhilhma, cotniclhac sat actamopeycaoc mepqui enlhit.
12 Paj lhama enlhit etnejic apvisqui apancaoc, paj lhama enlhit mayayo.
13 Invitalhquic ayimjaclha amaoc congne tingma apquiltamila, najan ayimjaclha amaoc ortigas najan cardos congne tingma apquilyimnatem. Actomja aleyvomaclha (alyancaclha) chacales yamvavo, najan apquileyvomaclha lhapin.
14 Inquilpalhavocmec quilhcalhic alyancaclha yamvavo chacales. Apquilpayvec maa yataay apquilinava, malha quilyicjamo, najan moc actemaclha quilyicjamo alvitamalhca alhtaa, colovsic sat alyampay.
15 Yitnec maa aplhancoc sovaya quilyicjamo, colyetapongam apquitcavoc. Apquilpasmeclhec maa apyovoclhojo mama, apquilinava najan apquilvanaa— nic nat aptomjac.
16 Elyipsit sat quellhip vaycajac ayinyema Visqui ingac: Mepqui ayaymomalhca lhama nata navjac, najan asoc navjac, inquilpasmeclhec acyovoclhojo. Ayinyema siclho apcanama espíritu apanco Visqui ingac.
17 Apquilmilasquic Visqui ingac yoclhilhma maa actemaclha sicas apquilmaycam. Innec alyipsata acvamlha navayc yoclhilhma, yoyam eleyoc sat maa cotmongvoycamlha nelha — nic nat aptomjac profeta.
