Ezequiel apxeyenma yaqwayam kólnaqlakxak énxet'ák megkatnahakxa apkelókxa
1 Epaqhetchessek axta ko'o Wesse' egegkok, aptáhak axta seyáneya s'e: 2 “Aphegkek xeyep nepyeseksa m'a énxet'ák sénmexeykekxa nak chá'a ko'o. Yetneyk eykhe apaqta'ák yaqwayam elweta', melwetyehek eyke; yetneyk eykhe nahan apeyk'ák yaqwayam ellega', mellegyehek eyke, hakte énxet'ák élyennaqte apkelwáxok ma'a. 3 Elánekxa sa' eyeyméxchexa aqsok apagkok yaqwayam sa' etyapok emhagkok ma'a megkatnahakxa nak apchókxa, etyep sa' apxagkok ekhakxoho ekhem, nápaqta'awók ma'a apyókxoho énxet'ák; lapmaxcheyk sa' elya'ásegwók aptamhéyak énxet'ák élyennaqte apkelwáxok ma'a. 4 Elhaxyawés sa' aqsok apagkok ekhakxoho ekhem yaqwayam sa' exog emhagkok ma'a megkatnahakxa nak apchókxa nápaqta'awók ma'a apyókxoho énxet'ák; keñe sa' ma'a ektaxnakmo enxoho etyapok sa' nahan nápaqta'awók ma'a apyókxoho énxet'ák. Sa' etnehek etyapok ma'a aptémól'a énxet kóltekkesek apchókxa, kólyentemekxak ma'a megkatnahakxa nak apchókxa. 5 Eyagqaxqat sa' nahan meteymog kélhaxta nak nepyáwa tegma nápaqta'awók ma'a apyókxoho énxet'ák, etyep sa' nahan yetlo aqsok apagkok ma'a. 6 Yáqtéssek sa' agkok, elpátem sa' aqsok apagkok, etyapho sa' xamók nápaqta'awók apyókxoho énxet'ák xa aqsok apagkok nak. Yaqlés sa' nápat, yaqwayam sa' métyehek ma'a apchókxa. Éltamhók ko'o exchep etnehek xama magkenatchesso apkeltennasso yaqwánxa katnehek ma'a énxet'ák Israel.”
7 Élnaqtamáha axta ko'o, ekhawo m'a apkeltamhókxa axta atnehek ma'a Wesse' egegkok, ekhakxoho ekhem axta nahan ektépak yetlo m'a aqsok ahagkok, máxa axta ektáhak ma'a aptémól'a énxet kélyentameykekxal'a megkatnahakxa apchókxa. Keñe axta taxnám sekyagqaxqata m'a meteymog kélhaxta nak nepyáwa tegma, emék axta ektáhak, xama axta ekyáqtésa élpatmeykxeyk axta aqsok ahagkok nápaqta'awók ma'a apyókxoho énxet'ák. Ektekkek axta m'a.
8 Keñe axta mók ekhem sepaqhetchesa m'a Wesse' egegkok, aptáhak axta seyáneya s'e: 9 “Naqsók sa' elmaxneyha exchep israelitas, cham'a énxet'ák élyennaqte nak apkelwáxok, yaqsa aqsok apkelana. 10 Eltennés sa' ektáha ko'o seklegasso xama sekpeywa m'a wesse' apwányam nak Jerusalén tén han ma'a apyókxoho israelitas apheykha nak ma'a. 11 Eltennés sa' apteme exchep xama magkenatchesso apkeltennasso chá'a yaqwánxa katnehek ma'a énxet'ák nak, tén han yaqwayam elanagkok chá'a ekhawo m'a apkelanakxa enxoho chá'a exchep, hakte kólnaqlakxak sa' ma'a megkatnahakxa nak apkelókxa. 12 Elpatmok sa' aqsok apagkok ma'a wesse' apwányam apagkok nak, Yáqtéssek sa' agkok ma'a, etyapok sa' yetlo xa aqsok apagkok nak, cham'a kélyagqaxqatchesakxa enxoho m'a meteymog kélhaxta nak nepyáwa tegma. Exog sa' yetlo apchaqlasso nápat, yaqwayam enxoho métyehek xama énxet ma'a nápat nak tén han yaqwayam enxoho métyehek apchókxa xa wesse' nak. 13 Ayenyenták sa' eyke ko'o takhapxet yám'én ahagkok, keñe sa' kamok ma'a. Eyntemekxak sa' ma'a Babilonia, caldeos apchókxa nak, métyehek sa' eyke m'a xapop nak, sa' yetsapwók ma'a. 14 Waxpánchesek sa' ekyókxoho yókxexma m'a aptaqmelchesso nak chá'a, cham'a apwakhaya nak chá'a yaqwayam emyók, tén han ma'a apyókxoho sẽlpextétamo apagkok nak, amenxenek sa' yetlo sekmeykha sókwenaqte ahagkok. 15 Éxpánchessek sa' agkok, sélya'asa enxoho m'a mók apkelókxa nepyeseksa nak ma'a pók aptémakxa énxet'ák, elya'ásegwók sa' ko'o sektáha Wesse'. 16 Wohok sa' eyke nahan ko'o eleymakpok apqántawo' meletsapma neyseksa kempakhakma m'a, tén han meyk élnapma tén han ma'a negmasse ekmaso nak, yaqwayam sa' eltennasha chá'a pók aptémakxa énxet'ák ma'a ekyókxoho aqsok ekmaso apkelánéyak, cham'a apkelmahágkaxa enxoho chá'a, tén han elya'ásegwók ko'o sektáha Wesse'.”
Ekxénamaxche makham mók senlegassáseykegkoho
17 Epaqhetchásekxeyk axta ko'o makham Wesse' egegkok, aptáhak axta seyáneya s'e: 18 “Xép, énxet, elpexyennem sa' aptáwa' enxoho apto eñama apkeye, exekmós sa' ekyentaxna ektáhakxa apwáxok apyena enxoho m'a yegmen. 19 Etne sa' elának énxet'ák apheykha nak apkelókxa s'e tén han ma'a Jerusalén tén han ma'a apyókxoho énxet'ák Israel: ‘Keso aptáhakxa exchek appeywa Wesse' egegkok se'e: Kóltawagkok sa' kéltéyak yetlo ektamheykha agko' kélwáxok, kólyenagkok sa' nahan yegmen yetlo kélmenaye ekyawe agko'; kólmasséssók sa' ma'a apkelókxa, meyke xama aqsok sa' katnehek, eñama apnaqtawáseykegkoho apnámakkok ma'a énxet'ák apheykha nak ma'a kañe'. 20 Kólmasséssók sa' apyókxoho tegma apkelyawe apheykegkaxa nak chá'a énxet; meyke xama aqsok sa' katnekxak ma'a apchókxa. Keñe sa' kólya'ásegwók kéxegke sektáha ko'o Wesse'.’”
21 Epaqhetchessek axta ko'o Wesse' egegkok, aptáhak axta seyáneya s'e: 22 “¿Yaqsa ekxeyenma aptéma nak chá'a apkelpaqmeyesma israelitas ‘Wegkekkek ekhem, megkatneyk ma'a aqsok apwetayo nak Dios appeywa aplegasso’? 23 Etne sa' elának se'e: ‘Keso aptáhakxa exchek Wesse' egegkok se'e: Magwohók sa' ko'o kaxwo' katnehek élpaqmétamáxche kañe' Israel xa ektéma nak amya'a.’ Eltennés sa' nahan eyágketwokmo ekhem yaqwánxa katnehek ekyókxoho m'a aqsok apxeyenma, eñama m'a aqsok kélxekmóssamo nak. 24 Magwetekxók sa' chá'a kaxwók nepyeseksa israelitas ma'a aqsok sẽlxekmóssamo megkamámnaqsoho nak tén han ma'a ekxénamaxche nak yaqwánxa katnehek egmonye' ekmowána amya'a nak, 25 hakte apaqmétek sa' ko'o, sektáha nak Wesse', ekmanyehe agko' sa' nahan katnehek ma'a aqsok sekxeyenma. Kéxegke kélagko' sa' nahan kólweta', kélteme nak énxet'ák élyennaqte kélwáxok; apaqmétek sa' ko'o, tén sa' wának katnehek ma'a aqsok sekxeyenma. Éltennássek ko'o xa, sektáha nak Wesse'.”
26 Epaqhetchessek axta ko'o Wesse' egegkok, aptáhak axta seyáneya s'e: 27 “Apxéneykha chá'a exchep israelitas yehémek katnehek ma'a aqsok kélxekmóssamo nak aplegasso. 28 Etne sa' elának se'e: ‘Keso aptáhakxa exchek appeywa Wesse' egegkok se'e: Megkatnehek sa' ko'o megkatne m'a sekpeywa; sektáhakxa enxoho sekxeyenma, katnehek sa'. Ekméssek ko'o sekpeywa, sektáha nak Wesse'.’”
Aplingascama mocjam profeta
1 Aptomjac alhta seyanya Visqui ingac: 2 Lhip enlhit, aptiyascam nac lhip nipyesicsa apnaymacoc apquilmapsomcaa. Apataoc innac, apquiltomja eyca melvitayclho olhma. Apjaycaoc innac, apquiltomja eyca melingay olhma, ayinyema apquiltemaclha apancaoc apquilmapsomcaa. 3 Ilic sat lhip najapa apquitcoc, malha apquilsoycam mataa enlhit apquilmomap. Iyinyov sat lhip tingma pac napatavo apnaymacoc, ipeyvojo sat poc tingma. Elyasingvomoc sat lhaja apquiltemaclha apancaoc apnaymacoc. 4 Ilic sat anit apquilnatam, elhatmoc najapa, yoyam elvita apnaymacoc. Actalhnacmo isov sat najapa napatavo apnaymacoc, elanic sat aptomjac lhip apmomap, yoyam eyantamacpoc mocjay. 5 Ilana sat acyancalhem (malamong) tingma napocja (pared). Etacpoc sat lhip apyipjongvoyam malamong apsoycam apquilnatam. 6 Ipatmaoclha sat apquilnatam actalhnacmo napatavo apnaymacoc. Ingyalap sat lhip apcatic, metay yoclhilhma yoyam eyinyoc. Cotnejic sat asoc monquinatquiscama apquilyicpilquemo israelitas yavamlha cotnejic sat — alhta aptomjac.
7 Acpenasquic coo asoc ajanco, yoyam osovc. Acnim anco sicpiquena silnatam tap tingma ajac napatavo enaymacoc, malha sicmomalhca seyantamaycam mocjay, acno siclho seyanama Visqui ingac. Actalhnacmo silana malamong pared tingma ajac. Acpatmec silnatam napatavo enaymacoc, sicyinyova tingma ajac.
8 Secaseclha alhta intomjac. Aptomjac alhta Visqui ingac seyanya coo: 9 Nasoc lhaja elmalhnacpoc sat lhip nipyesicsa apnaymacoc aptemaclha aplhingam. 10 Itne sat lhip ingyanic: Ayinyema seyanama Dios Visqui ingac. Sictemaclha coo acyitsomalhca aptemaclha apvisqui co Jerusalén najan apnaymacoc natingma. 11 Iltimnas sat nipyesicsa apnaymacoc, aptomja lhip asoc monquinatquiscama yavamlha cotnejic, elmacpoc sat apyovoclhojo, enalacpoc sat cotnajaclha apquilaoclha mocjay. 12 Epatmiclhac sat apquilnatam apvisqui rey alhtaa, eyinyoc sat tingma apvanyam. Ingyalacsic sat napaat apvisqui meteclhejec sat apcaoclha apyamasma cotmongvoycamlha nelha. Ellanac sat malamong tingma napocja apnaymacoc, elanteypoc sat maa, eltimjic apquillhalhmaa. 13 Opquinic sat coo tava ápac quiljanma, emacpoc sat apvisqui, colhic sat acyantamaclho Babilonia apquileyvomaclha caldeos. Meteclhejec sat mocjam apcaoclha, ingyitsapoc sat maa cotnaja apcaoclha. 14 Ongvilhpansic sat apquillhalhmaa singilpilhtetemo guardia najan apnaymacoc, elminlhinacpoc sat acyiplomo sovo acvinatem. 15 Naysicsa apquilhpaneycam mocjay moc yoclhilhma, elyicpilcangvomoc sat sicvisay coo Visqui apancaoc. 16 Otnesquisic sat elinyajamcoc napocja, mepqui apticyovam, mepqui mayic alnapma, mepqui ningmasquem alnapma. Ellingacsic sat apquilvoycamlha amyaa apyanmongsayclha Dios Visqui apancaoc apquiltemaclha apquilmapsomcaa. Jelyicpilcangvomoc sat sicvisay coo Visqui apancaoc — alhta aptomjac.
Mocjam aplingascama profeta amyaa
17 Aptomjac alhta mocjam Visqui ingac seyanya coo: 18 Lhip enlhit, itov sat lhip, iyin sat lhip, naysicsa appilhyinamam ayinyema apcay. 19 Ilngas sat lhip amyaa nipyesicsa co Jerusalén najan apyovoclhojo israelitas apquilmomap: Eycaso appayvam ayinyema Dios Visqui ingac: Eltovamcoc sat quellhip naysicsa apquilay, elyinamcoc sat maa naysicsa apquilay, colhic sat actovasa apquileyvomaclha quellhip, ayinyema apquiltemaclha apancaoc apquilmapsomcaa. 20 Enatovasacpoc sat moclhama tingma apquilvanyam, etniclhac sat mepqui enlhit, yoclhilhma actamopeycaoc. Jelyicpilcangvomoc sat coo sicvisay Visqui apancaoc — alhta aptomjac.
21 Aptomjac alhta mocjam Visqui ingac seyanya coo: 22 ¿Soc amyaa yi nipyesicsa israelitas, apquillhanma mataa: Apyeycajasquic aplhanma Visqui ingac? — intomjac amyaa. 23 Itne sat lhip elanic maa: Eycaso appayvam ayinyema Visqui ingac: Osavojoc sat siclhanma mepqui sicyeycajascaoc apquillingascama mataa profetas, comascoc sat amyaa nipyesicsa quellhip apquiltemaclha sevenéycam coo. 24 Melvitacpejec sat mocjam nipyesicsa israelitas profetas apquilmopvancaa amyaa, mepqui mataa acvitay apquilvanmoncama movan amyaa. 25 Yitnec coo siclhanma mepqui sicyeycajascaoc, osavojoc sat mataa siclhanma mepqui sicyeycajascaoc. Elvitac sat quellhip sictemaclha coo, elvitac sat quellhip apquiltomja apquilmapsomcaa. Naso coo sicpayvam, sicvisay Visqui apancaoc — alhta aptomjac.
26 Aptomjac alhta Visqui ingac seyanya coo: 27 Aplhenacpoc lhip nipyesicsa apnaymacoc israelitas, apquilanem aplingascama lhip amyaa ayinyema Dios, jave amyaa aclhenamalhca as ningvamlha nac jay, eyca allhenamalhca asoc yoyam colvac nanoc sat — intomjac apquilvalhoc. 28 Itne sat lhip elanic apnaymacoc: Eycaso appayvam ayinyema Visqui ingac: Mepqui sicyeycajascaoc mataa siclhanma coo. Osavojoc sat siclhanma as ningvamlha nac jay. Naso coo sicpayvam sicvisay Visqui apancaoc — alhta aptomjac.
