1 “Kélwet'ak sa' agkok chá'a kélxama kéxegke weyke aptósso ekxegányam ma'a kélókxa xamo' nak essenhan ma'a nepkések aptósso, nágkólteme aqsa chá'a hó magya'asagke', kólyentemekxés sa' chá'a m'a kélókxa xamo' nak. 2 Háwe sa' agkok apkeñama ketók aphakxa m'a ótep essenhan megkatnaha enxoho apweteykxa, éntemekxak sa' apxagkok ma'a aqsok kéltósso nak, eyáqkasek sa' nahan ma'a ekwokmoho apketama m'a apchókxa xamo' nak; keñe sa' egkeyásekxak makham. 3 Sa' etnéssesek nahan apwetákxo enxoho m'a yámelyeheykok, essenhan kélaqlamaxche, essenhan ma'a mók aqsok apagkok ekxegányam nak chá'a m'a xama énxet, tén han apwetákxo enxoho chá'a kélxama kéxegke. Nágkólteme chá'a hó magya'asagke' kélwet'a enxoho chá'a aqsok.
4 “Kélwet'ak sa' agkok chá'a kélxama kéxegke yámelyeheykok ekyaqnenma m'a ámay essenhan weyke aptósso m'a kélókxa xamo' nak, nágkólyeykha aqsa chá'a, kólpásem chá'a kólheyásekxak néten.
5 “Megkeymexchek chá'a kalmaha kelán'a m'a apkenna nak chá'a apkelnaqta, tén han énxet megkeyméxchek chá'a elmaha m'a kelán'a élnaqta nak, hakte megkalchek apwáxok Wesse' egegkok elanok ekteme nak chá'a xa ektéma nak.
6 “Apwet'ak sa' agkok chá'a kélxama ámay apagkok náta étkok axagkok néten ma'a yámet ekyawe essenhan ma'a náxop nak, yetlo enxoho m'a étkók essenhan ma'a appok, tén han élpathetéyak enxoho m'a yapmok, megkeyméxchek emok chá'a m'a yapmok nak tén han ma'a étkók nak; 7 kéméxcheyk elmok aqsa wánxa m'a étkók nak tén ma'a yapmok nak yohók aqsa kaxog. Keñe sa' tásek chá'a katnehek apha exchep, ahóxek sa' nahan katnehek apweynchámeykha.
8 “Apkelanak sa' agkok chá'a kélxama kéxegke xama apxagkok aphaxnagkok, kéméxcheyk enegkenagkok chá'a meteymog élámha nélmeykegkaxa nak chá'a m'a nekhaw'ék nak néten apxagkok; keñe sa' megkaphemmek chá'a amya'a aphawóxama eyaqhe ekyetna enxoho chá'a étsapma ektéyam ma'a néten apxagkok nak.
9 “Nágkólchenekxa aqsa chá'a neyseksa anmen yámet kélcheneykekxa m'a mók aqsok aktek nak, yaqwayam enxoho megkatwássesha chá'a kélmeykha m'a aqsok kélcheneykekxa nak chá'a, ekhawo nak han ma'a ekyókxoho kélnakxo nak chá'a m'a anmen yámet ekyexna.
10 “Nágkólpeynchem aqsa xapop namyep kélagkok ekyetlómo kéltéteykekxa xama weyke m'a xama yámelyeheykok.
11 “Nágkólántaxnekxa aqsa chá'a m'a apáwa kélótma kélpáxaqteyáseyak nak nepkések apwa' tén han ma'a apáwa apkeláxñél'a.
12 “Kólnegkenák sa' apkelmakheykha m'a cuatro napwe'ék nak ma'a kélaqlamaxche kéltaxneykekxa nak chá'a.
Segánamakxa ekxeyenma nak kelán'a meyke kélteméssesseykmohoxma
13 “Apmeyk agkok xama kelán'a énxet yaqwayam etnehek aptáwa', keñe appenchesa enxoho appathetéyak, etaqnawágwók, 14 exénmakha nanók kélteméssesseykmohoxma, etekkessesha ekwesey ekmaso etnehek exének se'e: ‘Ekmomchek axta ko'o yaqwayam atnehek etáwa' s'e kelán'a nak, keñe neyseksa sekpathetéyak sekweteya ko'o nanók kélteméssesseykmohóxma’. 15 Keñe sa' ma'a chána nak kelán'a étkok, kamok ma'a apáwa ektaháno nak kelán'a étkok eltexnémaxche m'a éma agkok, kasakxak ma'a sẽlyepelchémókxa apheykegkaxa nak apkelámha apmonye'e m'a tegma apwányam, 16 sa' etnehek yáp kelán'a étkok yának apkelámha apmonye'e s'e: ‘Ekméssegkek ko'o hatte yaqwayam etnehek aptáwa' s'e énxet nak, aptaqnawágwokmek eyke kaxwo', 17 apxénchek nanók éltámeye énxet, apxénáha hatte megkatnaha meyke kélteméssesseykmohoxma. Keso magkenatchesso ekteme ko'o hatte meyke kélteméssesseykmohoxma s'e seksánto nak.’ Keñe sa' epeykesek apáwa ektaháno apmonye'e m'a apkelámha apmonye'e nak, 18 keñe sa' apkelámha apmonye'e yának emakpok ma'a énxet nak, eñássesagkohok sa' nahan, 19 yának sa' eyánmagkasek cien sawók selyaqye élmope ekmomnáwa, yaqwayam sa' egkések ma'a yáp nak kelán'a étkok eñama aptekkessáseykha ekwesey ekmaso xama kelán'a étkok meyke kélteméssesseykmohóxma m'a Israel. Aptáwa' sa' nahan chá'a etnehek ma'a, mopwanchek sa' eyenyók neyseksók apha makham.
20 “Naqsók sa' agkok nanók kélteméssesseykmohóxma m'a kelán'a étkok nak, 21 kólchenegkesseták sa' ma'a átog nak ma'a yáp apxagkok, keñe sa' ma'a énxet'ák apheykha nak tegma apwányam elyetnak meteymog yaqhek, eñama élane xama aqsok ekmaso agko' ma'a kañe' Israel, tén han ekpathetéyak énxet neyseksa ekha makham ma'a yáp apxagkok. Keñe sa' kólmasséssók aqsok ekmaso ekteyapma kélnepyeseksa kéxegke.
22 “Apwetákpek sa' agkok nahan xama énxet appathetéyak xama kelán'a apha atáwa', kólának sa' nahan katekyewekxak xa ánet nak. Keñe sa' kólmasséssók kéxegke aqsok ekmaso ekteyapma m'a kañe' Israel.
23 “Yetneyk agkok nahan xama kelán'a étkok meyke kélteméssesseykmohóxma apha ekpagkanma xama énxet yaqwayam katnehek atáwa', keñe apwet'a enxoho pók énxet ma'a tegma apwányam nak, epathetagkok, 24 kólnaqlakxak sa' ánet ma'a sẽlyekpelchémókxa nak tegma apwányam, cham'a yaqwánxa sa' nahan kólnápekxak kólyetnak meteymog ma'a: eñama megkapayheykha átog kategyaha ekpasmo nepyeseksa tegma apwányam ma'a kelán'a étkok nak, keñe m'a énxet nak eñama appathetcháséyak ma'a pók appagkanma. Keñe sa' kólmasséssók aqsok ekmaso ekteyapma kélnepyeseksa kéxegke.
25 “Keñe sa' ma'a xama énxet apwetágwayam nak yókxexma xama kelán'a apha ekpagkanma m'a pók énxet, apyennaqtéssek sa' agkok apyempehek etnéssessamhóxma neyseksa megkalyeheykekxa', wánxa sa' aqsa nahan ematñekxak ma'a énxet ektáha nak apteméssesseykmohoxma m'a kelán'a nak. 26 Keñe sa' ma'a kelán'a étkok nak megkamatñekxeyk sa', hakte megkalanak xama enxoho m'a aqsok ekmaso ekpayhawo nak yaqwayam kamatñekxa'; hakte kaxhok sa' ma'a ektémakxal'a énxet apketámeyak la'a pók keñe yaqhek; 27 hakte axakkók apwetágwayam yókxexma kelán'a étkok ma'a énxet nak, wehéseyha axta kexa eykhe nahan ma'a, méko eyke xama enxoho yaqwayam kawagkasek teyp.
28 “Apwet'ak agkok nahan xama énxet kelán'a étkok meyke nak kélteméssesseykmohóxma tén han meyke nak makham ekmáheyo kategyaha atáwa', keñe énnaqtések apyempehek etnéssessamhóxma, tén ma'a kélwetágkoho enxoho, 29 keñe sa' ma'a énxet nak egkések sa' cincuenta sawók selyaqye élmope ekmomnáwa m'a yáp nak kelán'a étkok; emhohok sa' nahan etnehek aptáwa', eñama apteméssesseykmohoxma, mopwanchek sa' nahan chá'a eyenyók neyseksa apha enxoho makham.
30 “Méko sa' xama énxet enxoho apwanchek etnéssessamhóxma m'a apyáp aptáwa', hakte awanhek sa' katnehek apmegqasso apyáp aptáha enxoho xa ektáha nak.
1 Inlhinganacmec sat ancoc vayqui yamquilvana, najan maa nipquesic, aptomja aptoscama aptimem poc. Iyantemiclha sat apvitayclha apnaclha avtip. 2 Am sat ancoc etnajac eptimem poc enlhit, apma inlhojo mocjay tingma pac, iyantemiclha sat lhip tingma pac aptoscama aplhinganyam. Inlingalhquic sat ancoc amyaa enlhit apquitamsama aptoscama acyanca lhip tingma pac, nomyov nasa lhip, itajicsojo sat aptoscama apvitayclha. 3 Ilhnasojo sat lhip apvitayclha yamelyeyjaycoc aclhinganyam, najan apava apcalomap aptiyam, najan moc asoc actiyam. Nomyov nasa lhip, itajicsojo sat mataa actomja apanco najan aptomja avtip.
4 Intolhnac sat ancoc poc enlhit aptoscama, acyitnacmo nalhit amay, ipasingvoclha sat lhip, colhic sat acyantama mocjam aptoscama yamelyeyjaycoc najan vayqui yamquilvana.
5 Covanquejec mataa quilvana cotalhniclha apava aptalhnama enlhit. Copvanquejec mataa enlhit etalhniclha apava actalhnama quilvana, ayinyema aptanoncama Dios.
6 Apvitac sat ancoc lhip netin yamit acyitna nata alhancoc, najan inyapmoc altajana, najan ayitcavoc, najan apóc. 7 Imyov sat lhip ayitcavoc najan apóc, ipanimiclha sat lhip inyapmoc. Ilhnasojo sat lhip, apvita inlhojo nata alhancoc acyitna nalhpop. Emyovacpoc sat lhip napato Dios, etyisam sat aclhamoclhojo años.
8 Apquillanac sat ancoc lhip tingma apmaclha mepqui apyitsicsic, illana sat netin lhama apjalhtam nipyava tingma apquillanomap, metyemejec sat apna netin tingma. Esilhnanacpoc sat apanco lhip najan apquilmolhama, aptiyacmo najan apquitsepa inlhojo enlhit.
9 Nopalhaquis nasa lhip ecniclha moc asoc naysicsa ayimjaclha uva avjac. Colhic sat acmesa carpa apponquinomap macmescama Dios aclhamoclhojo acyilhna.
10 Noeltingya nasa vayqui yamquilvana acyinyovascamó lhama yamelyeyjaycoc, yoyam elcaoc sat amyip.
11 Noeltingya nasa apava apquilantalhnama apquilanomap nipquesic apva najan appalhcomap yatepepa.
12 Elyipitquis mataa flecos apquilnatanma nipvayc apquilalomap.
Quilvana ayitcoc mepqui acpatjetomalhca
13 Aptingyac sat ancoc enlhit etnejic aptava quilvana ayitcoc. Nalhit acnim ingyapajacsic quilhva aptava, ayinyema ayastingam. 14 Aptipcasquic acvisay as quilvana ayitcoc, aplingasa amyaa: Naysicsa sicyitnamó lhama as quilvana, sicvita altamay acpatjetomalhca — alhta aptomjac. 15 Incaymalhquic quilvana inyap elcoc siclho ayalomalhca apquitca, esaclhesic sat apnamcaclha singyicpilquemo apquilvanyam. 16 Etnejic sat ingyanic maa: Am alhta omyavac sictamongvoyam, etnejic aptava as enlhit. 17 Naysicsa ayastingam as enlhit aptipquisa acvisay, apcanem altamay acpatjetamalhca sictamongvoyam. Apmopvan amyaa as enlhit. Quip elanojo ayalomalhca sictamongvoyam, melquinatsejec sat quellhip, mepqui acpatjetamalhca siclho sictamongvoyam — sat etnejic inyap. Eppayecsic sat inyap napatavo apquilvanyam apava ayalomalhca quilvana, melquinatsejec sat apquilvita (ema ayitcoc), ayinyema appatjetaycaoc quilhva atava. 18 Elanic sat apquilvanyam elyicpilhquetacpoc enlhit quilhva alyimjapma. 19 Apcanyacpec eyinyoc acyanmongam multa acvaycmo cien monedas de plata, ayinyema aptipquiscama acvisay quilvana ayitcoc israelita, mepqui siclho acpatjetamalhca. Etnejic sat mocjam aptava as quilvana ayitcoc, meyinyovejec sat mataa naysicsa aptiyascam as nalhpop.
20 Nasoc sat ancoc altamay acpatjetamalhca as quilvana ayitcoc. 21 Incaymalhquic cotipsalhcac as quilvana inyap tingma pac, comatong sat maa tap tingma, apquilyicnay mataymong enlhitaoc. Elhenacpoc apmapsom quilvana inyap najan apyovoclhojo enlhitaoc Israel, ayinyema actemaclha anco as quilvana mepqui atava altamay acpatjetamalhca. Elmascos sat acmasom, acyitna inlhojo nipyesicsa quellhip.
22 Apvitacpec sat ancoc enlhit appatjetaycaoc quilvana cotnaja aptava, ematong sat enlhit, comatong sat quilvana, colitsapoc sat. Elmascos sat acmasom, acyitna inlhojo nipyesicsa quellhip.
23 Innec sat ancoc quilvana ayitcoc mepqui mocjam acpatjetamalhca, aptomja apponcanma apyimnanic. Pilapcasquic sat ancoc natingma epatjetamcoc poc enlhit. 24 Colhic sat acnalantama apnamcaclha apquilyicpilquemo apsilhnanomap apanco najan quilvana ayitcoc, coticyoc sat maa. Comatong sat quilvana ayitcoc, ayinyema mepqui acpalhamaycam, yoyam elpasingvota enlhit apquilmasma. Ematong sat enlhit apsilhnanomap apanco, ayinyema appatjetaycaoc quilvana cotnaja aptava. Elmascos sat acmasom, acyitna inlhojo nipyesicsa quellhip.
25 Innec sat ancoc amyip quilvana ayitcoc mepqui mocjam acpatjetamalhca, aptomja apponcanma apyimnanic. Pilapcasquic sat ancoc epatjetamcoc poc enlhit. Ematong sat apvamlha enlhit appatjetaycaoc, comatnejec sat quilvana ayitcoc. 26 Comyovalhcac sat quilvana ayitcoc, ayinyema mepqui acsilhnanomalhca anco. Enlhit appatjetaycaoc elhojoc sat ticyovam inyap aptemaclha apcajem poc. 27 Inlhapcoc alhta amyip quilvana ayitcoc, nasoc lhaja acpalhamaycam yoyam epasingvota enlhit apmasma.
28 Apvitac sat ancoc enlhit lhama quilvana ayitcoc mepqui mocjam acpatjetamalhca, najan mepqui apponcanma apyimnanic. Appatjetamquic sat ancoc as quilvana ayitcoc, inlingalhquic sat ancoc amyaa. 29 Incaymalhquic as enlhit eyinyoc acyanmongam cincuenta monedas de plata, elhcac sat quilvana inyap. Etnejic sat aptava as quilvana ayitcoc, copvanquejec mataa eyinyoc naysicsa aptiyascam as nalhpop.
30 Copvanquejec mataa enlhit (apyimnanic) epatjetamcoc apyap aptava, evennacpoc sat apyap.
