Santiago apketsapma keñe Pedro apmomap
1 Apcheynamók axta apnaqtawáseykegkoho wesse' apwányam Herodes nápakha Dios énxet'ák apagkok xa ekhem nak. 2 Apkeltémók axta kólyetxák sawo ekwenaqte kólaqhek ma'a Santiago, Juan axta apyáxeg. 3 Xama axta apweteya ekleklamo apkelwáxok judíos xa, apkeltémók axta nahan emakpok ma'a Pedro. Cháqhémók axta nahan ektéma kélessawássessamókxa axta chá'a aptámákpexa kelpasmaga meyke kempáseyak. 4 Apchaqxegkessegkek axta kañe' negmomaxchexa wesse' apwányam Herodes ma'a Pedro natámen axta apmomap, apkeláneykegkaxa axta chá'a cuatro apchaqneykekxa apkelxegexma'a apagko' ma'a sẽlpextétamo, cuatro sẽlpextétamo axta chá'a xama appasmeykekxa. Xeyenmeyk axta apwáxok etekkesek nápaqta'awók énxet'ák natámen kélessawássessamo ekhem melwagqayam axta chá'a judíos kéltéma nak Pascua. 5 Kayhek axta kélláneykha Pedro aphamakxa kañe' sẽlpextétamakxa, keñe axta m'a énxet'ák apkeleñama nak kélaqneykekxexa apkelenxáneykmoho apkelmaxnéssesso Dios ma'a Pedro meyke apkelwátesseyam.
Dios aptekkesso Pedro sẽlpextétamakxa
6 Apteyenmeyk axta nahan axta'a Pedro nepyeseksa apqánet sẽlpextétamo, yetlo kélpextete ánet cadenas, cham'a axta'a peya axta kalse' yaqwánxa etekkesek Herodes nápaqta'awók ma'a énxet'ák keñe axta nápakha sẽlpextétamo apchaqneyncha'a m'a átog nak. 7 Yetlómók axta nahan apwayam xama Dios apchásenneykha m'a, sawheykekxók axta élseyéxma m'a kañe' negmomaxchexa. Appaknegkesseykmók axta Dios apchásenneykha nápakha apxátekhassama m'a Pedro. Axta aptemék apkenagkama s'e: “¡Epekhésa exnekxak néten!” Yetlómók axta nahan élhaxyawásamáxche cadenas kélnaqtetchesso apmék ma'a Pedro. 8 Axta aptemék Dios apchásenneykha apkenagkama Pedro s'e: “Etaxnekxa aptaxno, elatchásekxa nahan apkeltéto apmagkok.” Aptemék axta nahan Pedro xa ektáha nak, tén axta Dios apchásenneykha aptéma makham apkenagkama s'e: “Yaqlakpekxa apchaqlamap, hétlógma'.”
9 Apxegamchek axta Pedro neptámen ma'a Dios apchásenneykha, meyke apya'áseyak, naqso' kexaha m'a apteméssessamakxa Dios apchásenneykha, essenhan háwe naqso'. Aqsok kékxekmóssamo axta apkenagkók. 10 Apyeykhayak axta Pedro yetlo apxegexma Dios apchásenneykha m'a apmonye' apchaqneykha axta sẽlpextétamo, keñe axta apyeykhaya makham ma'a mók apchaqneykegkaxa axta sẽlpextétamo. Xama axta apkelweykekxo m'a átog élánamáxche axta sawo, ekyephagweykekxa axta m'a ámay, mayheykekxeyk axta aqsa axakkók ma'a átog. Apkelánteyepmeyk axta, keñe axta apkelweykmo apkelxega m'a néxa ámay, apyenseykmek axta aqsa apxakkók Pedro m'a Dios apchásenneykha.
11 Keñe axta apya'ásegweykmo m'a Pedro, axta aptemék appaqmeyesma s'e: “Ekya'ásegwokmek kaxwók eyámnaqsoho apcháphasa Wesse' egegkok ma'a apchásenneykha yaqwayam hégketchásekxak ma'a Herodes tén han ma'a ekyókxoho yaqweykenxa nak eykhe hetnéssesek ma'a judíos.”
12 Xama axta apya'ásegweykmo Pedro xa, apmeyeykekxeyk axta María axagkok, Juan axta egken, apkeltamhomakpo axta nahan Marcos, cham'a apchaqneykekxexa axta nahan apxámokma énxet aptamheykegko nempeywa nélmaxnagko. 13 Aptekpogweykmek axta nahan átog appaqmésweykmo Pedro m'a nekha ámay, teyepmeyk axta nahan xama kelán'a étkok ekwesey axta Rode éltémo kótak yaqsa kexaha. 14 Xama axta ekyekpelchémo appeywa Pedro, taqhémok axta aqsa kañe' yetlo ekyawe ekpayheykekxa awáxok éltennagweykekxo apkenegwaya Pedro m'a teyp átog. Axta kameykessók sekxo'. 15 Axta entemék amya'a eyánémaxko s'e:
—¡Yéhayaxma'!
—Xeyenmeyk axta eyke ektáha naqsók ma'a kelán'a étkok nak.
Axta aptemék apkenagkama m'a énxet'ák nak:
—Háwe Pedro; apwanmagko ekyaqteyapwayam.
16 Apkelenxáneykmók axta eyke aptekpageykha Pedro m'a átog. Xama axta apmeykessama, apweteyak axta apkenmeykencha'a Pedro nekha átog, kelxegamók axta nahan apnénya'ák. 17 Apmek axta eyke nahan aptemék apkeltémo elwanmak xa énxet'ák nak, apkeltennáseykha axta ektémakxa aptekkessama Wesse' egegkok ma'a sẽlpextétamakxa. Axta aptemék nahan apkelanagkama s'e:
—¡Kóltennasha sa' nahan Santiago xa, tén han ma'a apkelyáxeg'a!
Tén axta apteyapma, apmeyeykekxo mók nekha.
18 Xama axta élsáya, yennamomchek axta exma nepyeseksa m'a sẽlpextétamo, hakte axta elya'áseykegkok ektémakxa m'a Pedro. 19 Apkeltémok axta ektamakpok ma'a Herodes, axta eyke kólweteykekxa', keñe élpeheweykekxo apkelsexnánémap ma'a sẽlpextétamo ektáha axta aptaqmelchesso, apkeltémók axta etekyewekxa'. Keñe axta natámen apteyapma Herodes ma'a Judea, apheykmek axta m'a Cesarea.
Herodes apketsapma
20 Apkeltaqnagkamchek axta Herodes ma'a énxet'ák apheykha nak Tiro tén han ma'a Sidón, axta keñamak aphéssamo mók apkelpaqmeyesma yaqwayam elmeyekxak ma'a aphakxa nak Herodes. Apkelweteyak axta nahan yaqwayam kataqmalmakha apwáxok elanok ma'a Blasto, apteme axta apkemha apmonye' apagkok ekyawe kéláyo m'a wesse' apwányam Herodes. Axta kélásenneykekxak kéltémo elmaxnak Herodes elwataksek apkeltaqnawéyak ma'a, hakte axta keñamak chá'a aptegyéyak aptéyak ma'a aphakxa nak wesse' apwányam. 21 Appekkenchessegkek axta nahan ekhem Herodes yaqwánxa elpaqhetchesek, aptaxneykekxeyk axta aptaxno aptaqmalma, apheykekxeyk axta néten aptaháno ektaqmalma, keñe axta apkelpaqhetchessama énxet'ák. 22 Yetlómók axta nahan apteme apkelyennaqtéssamo apkelpeywa énxet'ák se'e: “¡Háwe énxet xa appaqmeta nak, dios xa!” 23 Yetlómók axta nahan apmésso apháxamap Dios apchásenneykha m'a Herodes, eñama metne apcháyo m'a Dios. Askok axta nahan tók apketsapma.
24 Yágweykmók axta aqsa nahan ekpayheykekxa Dios appeywa, kéllegassegkek axta nahan ekyókxoho yókxexma.
25 Xama axta appencháseykegko apkeltamheykha Bernabé tén han Saulo m'a Jerusalén, apkeltaqhémok axta makham, apyentameykekxók axta nahan Juan, cham'a apkeltamhomakpo axta anhan Marcos.
Apmatnam Jacobo najan apmomap Pedro
1 Aplovquic alhta apvisqui Herodes. Yejemoc alhta apquilanya Herodes, yoyam elmacpoc napocja apquilpalhaviyam Jesucristo apmolhama, yoyam elascacsic apyimpeoc. 2 Apmatnec alhta Jacobo, Juan apipma. Sovo acvinatem alhta inyatemenalhcac apyispoc. 3 Lhama alhta apvita actemaclha apquilyisponcama judíos. Yejemoc alhta apcanya emacpoc najan lha Pedro. Caya alhta apquiltomjac aptoycamcolha quilpasmongam mepqui apquimpascaoc. 4 Apcanayquic alhta Herodes, yoyam colhic acnescacmo Pedro singilpilhtetomaclha. Cuatro alhta apquilanayc eltamilsic singilpilhtetemo. Cuatro alhta mataa apquilyanmongsaycaoc apquiltamilquiscama. Apquiltamjoc alhta Herodes eyantimiclha Pedro napatavo enlhitaoc natamin pascua, caya apquilyeycajaycaoc. 5 Apnec alhta Pedro singilpilhtetomaclha. Apquilinlhanacmec alhta apquililmalhnesquiscama Jesucristo apmolhama.
Dios Ingyapam aptipquiscama Pedro singilpilhtetomaclha
6 Apquiltamjoc alhta Herodes eyantamiclha Pedro secaseclha. Aptinquic alhta alhtaa Pedro nipyesicsa apcanit singilpilhtetemo. Cadena alhta malpilhquitma apmeoc. Apquilanam alhta poc singilpilhtetemo aptamilquiscama atong singilpilhtetomaclha. 7 Yejemoc alhta aptalhningvaa ángel apquinyema Visqui ingac. Inquilsasquic alhta olhma aptenaclha singilpilhtetomaclha. Appatningvocmo alhta ángel Dios apcasinancama Pedro aplhaticjasa. Aptomjac alhta apcanya:
—Ingyapajam ilhaticja —alhta aptomjac ángel Dios apcasinancama.
Yejemoc alhta aljalhyovasalhco apmeoc cadenas. 8 Aptomjac alhta apcanya ángel Dios apcasinancama:
—Ipilhteticlha niplhit. Ilteticlha tiyayipeoc apác —alhta aptomjac.
Apquilyajaclhoc alhta Pedro. Aptomjac alhta apcanya ángel Dios apcasinancama:
—Ingyalap apava, jeyiplaclha —alhta aptomjac.
9 Yejemoc alhta aptepa Pedro apyiplaclho ángel Dios apcasinancama. Am alhta eyasamcoc Pedro actomja nasoc anco aptomjaclha ángel Dios apcasinancama. Apvanmoncama alhta apcanayc. 10 Apquilyeycajangvocmec alhta singilpilhtetemo apquiltamilquiscama atong. Apquilyeycajangvocmec alhta mocjam poc singilpilhtetemo apquiltamilquiscama atong. Apquilvocmec alhta tava ápaoc atong ningyascamaclha tingma. Acmayjayclha anco alhta intomjac atong. Apquilantiyapvactamo alhta eyca. Yejemoc alhta apquilyiplova amay acpeyvomo acvocmo moc actajemoclha amay. Yejemoc alhta apvonquepa ángel Dios apcasinancama. 11 Apyasingvocmec alhta Pedro. Yejemoc alhta appametamcaa:
—Quilhvoc acyasingvocmec actomja nasoc anco aptomjaclha Visqui ingac. Apcapajasqui nac ángel apanco, yoyam jevomsic tap naysicsa yoyam jelajic apvisqui Herodes najan co Judea —alhta intomjac apvalhoc Pedro.
12 Lhama alhta aclhena apvalhoc Pedro. Apmiyaclhec alhta María tingma ac. Juan inquin alhta, moc apvisay Marcos. Aplhamoc alhta enlhit apcaneyclha, yoyam elilmalhnam Dios Ingyapam. 13 Lhama alhta apticpamcaa atong nicja amay (tingma apatong). Yejemoc alhta actiyapvactamo quilvana ayitcoc acvisay Rode, yoyam colanojo. 14 Inyicpilcoc alhta appayvam Pedro. Am alhta colcasac atong. Payjeclhec alhta avalhoc. Inquinincam alhta congne tingma altimnascaclho amyaa:
—Apvoctac lhac Pedro. Nicja atong lhac apquinmam —alhta intomjac. 15 Apquilatingmavoc alhta:
—¡Coyascalhma nac lhiya! —alhta intomjac amyaa ayanyalhco.
—Nasoc anco sicpayvam —alhta intomjac alanya. Apquilatingmavoc alhta:
—Jave lhaja Pedro. Angel Dios apcasinancama lhaja —alhta apquiltomjac.
16 Apticpam alhta mocjam atong Pedro. Lhama alhta apquillica atong. Pilapcasquic alhta apquilvita. Payjeclhec alhta apquilvalhoc. 17 Vamlha apmic alhta aplhicmosac, yoyam elvanma. Yejemoc alhta apquiltimnamcaa actemaclha aptipquiscama Visqui ingac singilpilhtetomaclha. Aptomjac alhta apcanya:
—Eliltimnas sat amyaa Jacobo najan ingilyalhinga —alhta aptomjac.
Yejemoc alhta aptepa apyasa poc tingma (moc yoclhilhma).
18 Lhama alhta ayitsaca. Intamjam alhta apquilvalhoc singilpilhtetemo. Am alhta elyasamcoc aptomjaclha Pedro. 19 Apcanayquic alhta apvisqui Herodes ectamacpoc Pedro. Am alhta etacpoc. Apquililmalhnaclho alhta singilpilhtetemo apquiltamilquiscama atong. Yejemoc alhta apquilanya eticyo singilpilhtetemo apquiltamilquiscama atong. Aplhinquic alhta apvisqui Herodes. Apyinyovquic alhta yoclhilhma Judea. Tingma Cesarea alhta apnacmoc.
Apquitsepma apvisqui Herodes
20 Apquiltanongvocmec alhta apvisqui Herodes enlhitaoc apnaycam tingma Tiro najan tingma Sidón. Yejemoc alhta apquilquilhyacmo as enlhitaoc. Apquilyoctamo alhta apnaclha Herodes apcasinancama apvisay Blasto. Apquilpamejitsacpec alhta. Apquiltamjoc eltimjic altamilaycam apquilvalhoc. Nintom alhta ayinyemaclha. Intingyalhquic alhta mataa nintom apvisqui apcaoclha. 21 Invocmec alhta acnim aplhanmaclha apvisqui Herodes. Yejemoc alhta apquilantalhneclho apava visqui apquilantalhnama. Apnacmec alhta nitno netin aptajanem. Apquiltimnam alhta napatavo enlhitaoc. 22 Yejemoc alhta apquilpalhamamcaa enlhitaoc:
¡Jave nac enlhit appayvam lha, Dios appayvam nac lha! —alhta apquiltomjac.
23 Yejemoc alhta aptimesquisa acmasca apyimpejic ángel Dios apcasinancama. Ayinyemaclha mengyac apvisqui Herodes Dios Ingyapam. Ascoc alhta intavac apvalhoc. Apquitsepquic alhta apvisqui Herodes.
24 Inpayjingvocmec alhta mataa Dios appayvam. Inlingalhquic alhta mataa lhalhma anco.
25 Lhama alhta apquilsovja apquiltamjaycam Bernabé najan Saulo. Aptajingvoclhec alhta tingma Jerusalén. Apmiyaclho alhta tingma Antioquía. Apquilyantamaclhec alhta najan Juan, moc apvisay Marcos.
