Gayo apxénamap ektaqmela aptamheykha
1 Ko'o sekteme nak sémha emonye', ektáxéssessek ko'o eyáxeg Gayo s'e weykcha'áhak nak, ektáha nak ekmámnaqsoho seyásekhayo.
2 Eyáxeg seyásekhayo, élmaxnakkek ko'o Dios séltamho kataqmelhok apha exchep, tén han étak ekyenneykha apyempehek, ekhawo ektémakxa nak chá'a ektaqmalma apwáxok xép nápaqtók Dios. 3 Awanhek axta ko'o ekpayheykekxa ewáxok, séltennássa'akto ẽlyáxeg'a meyenseykmo apkelane exchep ma'a nentémakxa ekmámnaqsoho nak, cham'a apkelenyékto axta m'a. 4 Awanhók agko' ko'o ekpayheykekxa ewáxok sekleg'a amya'a apkellenxanakmoho apkelánéyak amya'a ekmámnaqsoho m'a sektéma nak máxa étchek eñama sektémo xamo' may'ásseyam.
5 Eyáxeg seyásekhayo, tásek aptémakxa exchep meyenseykmo appasmo m'a ẽlyáxeg'a nentémo xamo' nak magya'ásseyam, ekyágwánxa agkok ma'a appasmoma nak chá'a énxet'ák apkelwayam nak apkeleñama mók nekha. 6 Apxénchek axta nápaqta'awók énxet'ák apchaqneykekxexa ektémakxa apkelásekhayo exchep xa énxet'ák nak. Epásem sa' xép xa énxet'ák nak, yaqwayam enxoho elenxanmohok apkelxega, cham'a ekleklamókxa nak apwáxok antéhek Dios. 7 Hakte apcheynamók apkelxega yaqwayam elanagkok apkeltamheykha eñama Jesucristo xa énxet'ák nak, axta anhan eltémók epasmok ma'a énxet'ák apkelya'ásseyam nak Dios. 8 Ékeso éñamakxa eyéméxko nak negko'o ampasmok xa énxet'ák nak, yaqwayam enxoho ampasmok ma'a ektémakxa nak apkeltenneykha amya'a ekmámnaqsoho.
Diótrefes tén han Demetrio megkaxnémo mók apkeltémakxa
9 Ektáxéssessek axta ko'o weykcha'áhak ma'a énxet'ák apchaqneykekxoho nak, melyahakxeyk eyke chá'a negko'o nentáhakxa nempeywa m'a Diótrefes, hakte apmenyeyk etnehek apkemha apmonye' nepyeseksa apnámakkok. 10 Ékeso éñamakxa peya nak altennásekxohok aptáhakxa sekwákxo sa' ma'a, hakte aptekkesseykmek aqsa chá'a amya'a senxeyenma negko'o xa énxet nak, keñe nahan aptéma apmopwána amya'a senxéna negko'o. Háwe eyke ekwánxa agkok aptéma xa, melmàk nahan chá'a takha' ẽlyáxeg'a ektáha nak chá'a apkelwayam ma'a, megyahayók nahan chá'a elmok takha' apnámakkok ma'a énxet'ák apmáheyo neykhe elmok takha' apnámakkok, apkelántekkessegkek chá'a kañe' kélaqneykekxexa.
11 Eyáxeg seyásekhayo, ná étlakxa aqsa ekmaso nentémakxa nak, akke étlakxa m'a nentémakxa ektaqmela nak. Negko'o ektáhakxa enxoho nenlane aqsok ektaqmela, nentemék negko'o Dios énxet'ák apagkok, keñe m'a énxet apkelane nak aqsok ekmaso, meteyk Dios ma'a.
12 Apyókxoho énxet'ák chá'a taqmalmak apxeyenma Demetrio, ekmámnaqsoho aptémakxa nahan keñamak ekwetamaxche apteme ektaqmela aptémakxa. Nenxénchek nahan chá'a negko'óxa apteme ektaqmela aptémakxa m'a Demetrio. Apya'ásegkók nahan xép ekmámnaqsoho chá'a nentémakxa negko'o nempeywa.
Ektemegwánxa néxa amya'a
13 Xámók eykhe amya'a yaqwayam altennaksek xép, akke amakók atáxéssesek weykcha'áhak, 14 hakte émenyeyk ko'o kanyehémhok ótekxak xép, tén han alpaqhetchesaxkoho'.
15 Émenyeyk ko'o keytek xép meyke ektáhakxa apwáxok. Apcháphássessek nahan ekxeyenma apkelwáxok ma'a apkelweteykxa nak xép. Eltennés sa' xépxa negáphássesa negko'óxa ekxeyenma egwáxok énxet'ák nélweteykxa nak.
Enlhit apvisay Gayo aplhenamap aptamila
1 Coo sictimem siyimja emamyi. Actalhoscasquic as vaycajac actemaclha aclhanma evalhoc lhip sictimem emoc Gayo. Actomja nasoc anco actemaclha siyasicjayo lhip.
2 Lhip sictimem emoc siyasicjayo. Inlhenquic mataa evalhoc naysicsa silmalhnancama yoyam coltamiljoc aptiyascam lhip. Altamjoc yoyam etnejic mataa apjalhnancoc najan coytic mataa actamilaycam apvalhoc. 3 Avanjec acpayjayclha evalhoc, ayinyemaclha apquilvactamo elyalhinga. Eltimnasquic alhta actemaclha aptamilcasomacpo apanco lhip najan actemaclha apyiplovquiscama actomja nasoc anco. 4 Aclingac sat ancoc apquiltemaclha elyalhinga malha eyitquic apquiltomja apquilyiplovquiscama actomja nasoc anco. Inyangvocmec mataa acpayjayclha evalhoc, am colhno moc acpayjayclha evalhoc.
5 Eyalhing siyasicjayo. Apyiplovcasquic lhip actemaclha actamila. Ayinyemaclha apquilmec tacja lhip ingilyalhinga apquilinyema mocjay. 6 Apquillhenquic alhta napatavo Jesucristo apmolhama aptemaclha lhip apquilasicjayo. Iltamilquis sat mocjam. Ilmes sat asoc ayaymomalhca nalhit amay. Iyiplovquis actemaclha actamila yoyam colhic ayaco Dios Ingyapam. 7 Apquillhingacmec alhta ingilyalhinga yoyam ellingacsic apvisay Jesucristo. Am alhta eliltamjoc elmoc asoc apquilmescama metnaja Jesucristo apmolhama. 8 Incaymalhquic ongilmoc mataa tacja ingilyalhinga actema nac lha yoyam ongilpasmoc naysicsa apquillingascama amyaa actomja nasoc anco.
Actemaclha apanco Diótrefes
9 Actalhoscasquic alhta vaycajac Jesucristo apmolhama. Am alhta jingilasicjac Diótrefes. Apquiltamjoc etnejic apquimja apmamyi yoyam eyimtalhnesacpoc apanco nipyesicsa quellhip. 10 Acvoclhec sat ancoc nipyesicsa quellhip, opamejitsic sat Diótrefes. Aptipcasquic mataa ningilvisay actemaclha apmopvan amyaa. Moc asoc najan: Am alhta elmac tacja ingilyalhinga apquilinyema mocjay. Aptomjac alhta Diótrefes apquilanya Jesucristo apmolhama: Noelma nasa tacja apquilinyema mocjay. Etipsacpoc sat moclhama ingilyalhing aptomja apmam tacja —alhta aptomjac.
11 Eyalhing siyasicjayo. Novjanaoc nasa aptemaclha apmapsom. Iyiplovquis sat actemaclha actamila. Ningyiplovcasquic sat ancoc actemaclha actamila, cotnatsalhquejec sat ningiltomja Dios apquitquic. Ningyiplovcasquic sat ancoc actemaclha acmasom, ontimjic sat malha mongyicpilquem Dios Ingyapam.
Actamila aptemaclha Demetrio
12 Aplhenacpec mataa aptamila apvisay Demetrio. Inlingalhquic mataa apvisay ayinyema apyiplovquiscama actomja nasoc anco. Nincoo eyca ningiltomja ningilvitayo. Apyasamcoc lhip ninlhanma actomja nasoc anco.
Actomjaclha nelha appayvam aptalhescama Juan
13 Yitne inyicje aclhamoclhojo yoyam otalhosquisic lhip. Am eyca oltamjoc otalhosquisic vaycajac. 14 Inlhenquic evalhoc ovotamojoc sat apnamcaclha yoyam ongilpamejitsalhcojo.
15 Itamilsojo sat lhip apvalhoc. Inquillhenquic apquilvalhoc lhip apnaymacoc apnaycam aso. Inlhenquic evalhoc enaymacoc maa. Iltimnas sat lhip sicvisay moclhama elyalhinga.
