Apkelmeneykmasso tén han apkelpáwasso
1 Keñe axta David tén han apkelámha apmonye'e nak levítas apkelmeyásegko chá'a apkeltamheykha nempeywa apkeláneyak ma'a Asaf apketchek, Hemán tén han Jedutún, apkeltenneykencha'a axta chá'a Dios appeywa yetlo apkelpáwasso arpa, yát'axpog tén han ma'a ekho nak sokpayhe étkók élyaqye. Keso apkelwesey ektáha axta apkelxawéyak yaqwayam etnahagkok xa ektáha nak.
2 Asaf axta apketchek se'e: Jacur, José, Netanías tén han Asarela. Asaf axta chá'a apxegkessesso, apyáp axta xa énxet'ák nak, apxeyenmo axta chá'a m'a amya'a eñama nak Dios, apkeltémo axta chá'a etnehek ma'a wesse' apwányam.
3 Seis axta apketchek ma'a Jedutún: Guedalías, Serí, Isaías, Simí, Hasabías tén han Matatías. Jedutún axta apxegkessesso chá'a, apyáp axta xa énxet'ák nak, apxeyenmo axta chá'a amya'a eñama nak Dios, yetlo kélpáwássesso m'a arpa yaqwayam egkések ekxeyenma apwáxok Dios tén han elpeykesho'.
4 Hemán axta apketchek se'e: Buquías, Matanías, Uziel, Sebuel, Jeremot, Hananías, Hananí, Eliatá, Guidalti, Romamti-ézer, Josbecasa, Malotí, Hotir tén han Mahaziot. 5 Hemán axta apketchek xa apyókxoho nak, apteme axta apwetayo chá'a aqsok apxekmósso Dios, apkeláneykha m'a wesse' apwányam, ekhawo m'a ektémakxa axta apkeltennassama Dios apxeyenmakxa etnéssesek egkések ekyawe agko' apmopwána; axta keñamak Dios apméssama catorce apketchek apkelennay'a m'a Hemán, keñe ántánxo m'a apketchek kelwán'ák. 6 Apyáp axta chá'a exegkessesek apkelmeneykmasa enxoho chá'a elanagkok nempeywa m'a tegma appagkanamap, cháxa apyókxoho nak, yetlo apkelpáwasso m'a ekho nak sokpayhe étkók élyaqye, yát'axpog tén han arpa.
Asaf, Jedutún tén han Hemán, axta chá'a apkelánéyak ma'a apkeltémókxa axta chá'a etnahagkok ma'a wesse' apwányam. 7 Doscientos ochenta y ocho axta apyókxoho m'a apmopwancha'a nak apkelmeneykmasso, ekweykekxoho apkelxegexma'a ektáha axta kélxekmowáseyak yaqwayam elmeneykmássesek ma'a Wesse' egegkok.
8 Xama aqsok axta chá'a katwasaxchek nepyeseksa yaqwayam enxoho kólya'asagkohok ekhem yaqwánxa chá'a elmeneykmaksek, cham'a apkelwányam nak, tén han ma'a apketkók nak, keñe han ma'a apkelxekmósso nak, tén han ma'a apkeltámeséyak nak.
9-31 Xama axta ekpenchásexko ektawásamáxche aqsok, axta táhak chá'a yaqwayam eltemeykha s'e, eyeynmo 1, ekweykmoho 24:
José
Guedalías
Zacur
Isrí
Netanías
Buquías
Jesarela
Isaías
Matanías
Simí
Azarel
Hasabías
Subael
Matatías
Jeremot
Hananías
Josbecasa
Hananí
Malotí
Eliatá
Hotir
Guidalti
Mahaziot
Romamti-ézer.
Doce axta apyókxoho xa énxet'ák nak.
Apquilminaycmascama najan apquilpayvascama
1 Apquilyacyesquic nic nat apvisqui David najan apquillhalhmaa apnaymacoc apyapmayc apquilmolhama: Asaf, najan Hemán, najan Jedutún, ellhingsic ningminaycmascama najan apquilpayvascama: arpas, najan salterios, najan platillos. Yitnec apquilvisay moclhama apquilminaycmascama najan apquilpayvascama.
2 Asaf apquitquic: Jacur, José, Netanías, najan Asarela. Aplhinquiscama ilhnic nat Asaf, aptomja ilhnic nat apquilyap. Aptingyascasquic nic nat apquilminaycmascama, acno ilhnic nat apcanama apvisqui David. 3 Seis nic nat apquitquic Jedutún: Gedalias, Zeri, Jesaías, Semei, Hasabías najan Matatías. Aplhinquiscama apquilminaycmascama ilhnic nat apquilyap Jedutún, apcanama elpayvacsic arpa actemaclha gracias najan apquilayo Dios Visqui ingac.
4 Hemán nic nat apquitquic: Buquías, Matanías, Uziel, Sebuel, Jeremot, Hananías, Hanani, Eliata, Gedalti, Romanti-ezer, Josbecaza, Maloti, Hotir najan Mahaziot. 5 Eycaso apquilvisay Hemán apquitquic, profeta apvitayo ilhnic nat apnaclha apvisqui. Aplhenacpec nic nat apyimtalhnamo ayinyema Dios. Aplhoy nic nat catorce apquitquic apquilinava najan tres quilvanaa, actomja ilhnic nat Dios apmescama. 6 Aplhinquiscama ilhnic nat apquilyap apquilminaycmascama najan apquilpayvascama congne tingma apponquinomap: apquilmaycam platillos najan salterios najan cítaras.
Apvisqui apquilasinancama ilhnic nat: Asaf, Jedutún najan Hemán. 7 Vocmec nic nat apquilpasmeyquiclha apquilminaycmascama doscientos ochenta y ocho apquilmolhama.
8 Apquilyacyesquic nic nat apquilmaycam sicas moclhama grupos, najan mayayo najan apsilhyavo, najan maestros najan apquiltamsoycaoc.
9-31 Apquilmaycam nic nat sicas moclhama grupos, ayenmo 1 hasta 24: José, Gedalías, Zacur, Izri, Netanías, Buquías, Jesarela, Jesahías, Matanías, Simei, Azareel, Hasabías, Subael, Matatías, Jeremot, Hananías, Josbecasa, Hanani, Maloti, Eliata, Hotir, Gidalti, Mahazieot, Romanti-ezer. Apyovoclhojo ilhnic nat, najan apquilyalhing, najan apquitquic: doce apquilmolhama.
