Apquilsilhnanomap apanco co Jerusalén
1 ¡Quellhip layi co Jerusalén, apquiltemaclha quellhip apquilinmelhaycam najan apquilyimtalhnesomacpo apanco, apquiltomja apquilmapsomcaa!
2 Am alhta eljalhnoc Dios appayvam, am alhta ellaniclhac mataa apquilvalhoc, apquilyascacmec mataa Dios Visqui ingac.
3 Apquilviscaa mayayo apquilyitsomacpo yamacmeyva actomja acpáyvam. Enlhit apquilyicpilquemo apquilyitsomacpo vavo aleyvam yoclhilhma actamopeycaoc. Inquilsovjoc mataa actoycaoc asoc ayitsepma, am colayacmoc alhquipcoc.
4 Profetas apancaoc apquilyitsomacpo apquilyinimquiscama apquillhamasomap. Sacerdotes apancaoc apquiltomja apnatovascama Dios tingma pac apponquinomap. Apnatovasquic mataa singanamaclha Dios.
5 Apnec tingma apvanyam Dios Visqui ingac, apquillanay asoc altamila, jave asoc acmasom. Aptemaclha mataa appeyvomo moclhama secaseclha. Enlhitaoc eyca mepqui mataa apquilmancactama.
6 Eycaso appayvam Dios Visqui ingac:
Ayapajasquic alhta yoyam eticyoc appintalhnama enlhitaoc, apnatovascama tingma nitno mataymong apjalhtam. Innatovasalhquic amay apvalhoc tingma, mepqui enlhit alhta intomjac. Am alhta ingyaymacpoc lhama.
7 Intomjac alhta evalhoc: Elavojoc sat co Jerusalén, elyiplovcasojo sicpayvam. Elmiyovacpoc sat, ayinyema siclho sicyanmongsayclha apquiltemaclha apancaoc. Am eyca elvatsamcoc mocjam apquiltemaclha apquilmapsomcaa.
8 Jelalh sat coo, ovotac sat yoyam ongvinmelham quellhip. Eycaso sicpayvam sicvisay Visqui apancaoc. Ongvansiclhac sat moclhama apquilmolhama enlhitaoc lhalhma anco, yoyam oyanmongsiclhac sat apquiltemaclha apancaoc, coo ayinyema siclom, acyivey anco siclom. ¡Cotvasalhcac sat as nalhpop ayinyema acyivey siclom coo!
9 Olanic sat enlhitaoc, yoyam elyanmongsic apquilvalhoc, ellhenic sat sicvisay coo, yoyam jeltimesam sat coo apquilpasmeyquiclha.
10 Enlhit ajancaoc apquileyvam tap vatsam Etiopía, elvotac sat jelsantimsic asoc selmescama coo.
11 Incovac sat acnim, comascoc sat apquilmancactama quellhip, ayinyema alhta selinmelhaycam quellhip. Omascoscomoc sat ayajamalhco apquilvalhoc najan apquilyimtalhnesomap apanco enlhit. Cotalhquejec sat mataa ayajamalhco apquilvalhoc enlhit apnaycam inquilhe acponquinomalhca.
12 Elaymacpoc sat natingma enlhit mepqui apquilyimtalhnamo, mepqui ayajamalhco apquilvalhoc, najan mepqui apquilyasquiyam sicvisay.
13 Apquiltemaclha mataa apquilaymomap co Israel, mepqui apquilmopvan amyaa, mepqui apquilyinimquiscama, najan mepqui apquillhamasomap. Elvitac sat aptoycaoc, ellovsic sat apquilyampay, mepqui mataa ayay apquilvalhoc — alhta aptomjac.
Acpayjaclha apquilvalhoc
14 ¡Elminaycmas quellhip co Sión! ¡Elitsovacsojo quellhip co Israel! ¡Elitsovacsojo quellhip co Jerusalén, copayjiclha sat apquilvalhoc quellhip!
15 Inmasquec apyanmongsayclha Dios apquiltemaclha quellhip. Apnatovasquic apyovoclhojo cotnaja ingmoc. Apnec nipyesicsa quellhip Dios apvisqui apancaoc Israel, elhnam sat mataa quellhip mepqui apquilay acmasom.
16 Cotnejic sat amyaa natingma: Noelavojo nasa acmasom quellhip co Sión, nocotyim nasa apquilvalhoc quellhip.
17 Apnec Dios Visqui ingac nipyesicsa quellhip, apmopvan innac najan aptomja singvomquiscama tap. Aptomja apcasicjayo najan apyimnatescama apnenyaoc quellhip. Apquitsovasoc maa
18 malha naysicsa fiesta — alhta aptomjac.
Aptomjac mocjam apquilanya Dios:
Omascoscomoc sat apquillingaycamco quellhip acmasom, omascoscomoc sat apquilmancactama quellhip.
19 Oyanmongsiclhac sat nalhit acnim apquiltemaclha cotnaja ingmoc apquilinmelhaycam quellhip. Ongvansiclhac sat apquilhpanyam mepqui apcaymomap lhama. Colhic sat ayaco apyovoclhojo lhalhma anco, comascoc sat macvennéycam maa.
20 Onalantac sat quellhip nalhit acnim, ongvansiclhac sat apyovoclhojo. Comascoc sat apquillingaycamco acmasom, colhic sat ayaco nipyesicsa enlhitaoc lhalhma anco. Vamlha sicpayvam sicvisay Dios — alhta aptomjac — nic nat aptomjac profeta.
Apquilsilhnanomap apanco co Jerusalén
1 ¡Quellhip layi co Jerusalén, apquiltemaclha quellhip apquilinmelhaycam najan apquilyimtalhnesomacpo apanco, apquiltomja apquilmapsomcaa!
2 Am alhta eljalhnoc Dios appayvam, am alhta ellaniclhac mataa apquilvalhoc, apquilyascacmec mataa Dios Visqui ingac.
3 Apquilviscaa mayayo apquilyitsomacpo yamacmeyva actomja acpáyvam. Enlhit apquilyicpilquemo apquilyitsomacpo vavo aleyvam yoclhilhma actamopeycaoc. Inquilsovjoc mataa actoycaoc asoc ayitsepma, am colayacmoc alhquipcoc.
4 Profetas apancaoc apquilyitsomacpo apquilyinimquiscama apquillhamasomap. Sacerdotes apancaoc apquiltomja apnatovascama Dios tingma pac apponquinomap. Apnatovasquic mataa singanamaclha Dios.
5 Apnec tingma apvanyam Dios Visqui ingac, apquillanay asoc altamila, jave asoc acmasom. Aptemaclha mataa appeyvomo moclhama secaseclha. Enlhitaoc eyca mepqui mataa apquilmancactama.
6 Eycaso appayvam Dios Visqui ingac:
Ayapajasquic alhta yoyam eticyoc appintalhnama enlhitaoc, apnatovascama tingma nitno mataymong apjalhtam. Innatovasalhquic amay apvalhoc tingma, mepqui enlhit alhta intomjac. Am alhta ingyaymacpoc lhama.
7 Intomjac alhta evalhoc: Elavojoc sat co Jerusalén, elyiplovcasojo sicpayvam. Elmiyovacpoc sat, ayinyema siclho sicyanmongsayclha apquiltemaclha apancaoc. Am eyca elvatsamcoc mocjam apquiltemaclha apquilmapsomcaa.
8 Jelalh sat coo, ovotac sat yoyam ongvinmelham quellhip. Eycaso sicpayvam sicvisay Visqui apancaoc. Ongvansiclhac sat moclhama apquilmolhama enlhitaoc lhalhma anco, yoyam oyanmongsiclhac sat apquiltemaclha apancaoc, coo ayinyema siclom, acyivey anco siclom. ¡Cotvasalhcac sat as nalhpop ayinyema acyivey siclom coo!
9 Olanic sat enlhitaoc, yoyam elyanmongsic apquilvalhoc, ellhenic sat sicvisay coo, yoyam jeltimesam sat coo apquilpasmeyquiclha.
10 Enlhit ajancaoc apquileyvam tap vatsam Etiopía, elvotac sat jelsantimsic asoc selmescama coo.
11 Incovac sat acnim, comascoc sat apquilmancactama quellhip, ayinyema alhta selinmelhaycam quellhip. Omascoscomoc sat ayajamalhco apquilvalhoc najan apquilyimtalhnesomap apanco enlhit. Cotalhquejec sat mataa ayajamalhco apquilvalhoc enlhit apnaycam inquilhe acponquinomalhca.
12 Elaymacpoc sat natingma enlhit mepqui apquilyimtalhnamo, mepqui ayajamalhco apquilvalhoc, najan mepqui apquilyasquiyam sicvisay.
13 Apquiltemaclha mataa apquilaymomap co Israel, mepqui apquilmopvan amyaa, mepqui apquilyinimquiscama, najan mepqui apquillhamasomap. Elvitac sat aptoycaoc, ellovsic sat apquilyampay, mepqui mataa ayay apquilvalhoc — alhta aptomjac.
Acpayjaclha apquilvalhoc
14 ¡Elminaycmas quellhip co Sión! ¡Elitsovacsojo quellhip co Israel! ¡Elitsovacsojo quellhip co Jerusalén, copayjiclha sat apquilvalhoc quellhip!
15 Inmasquec apyanmongsayclha Dios apquiltemaclha quellhip. Apnatovasquic apyovoclhojo cotnaja ingmoc. Apnec nipyesicsa quellhip Dios apvisqui apancaoc Israel, elhnam sat mataa quellhip mepqui apquilay acmasom.
16 Cotnejic sat amyaa natingma: Noelavojo nasa acmasom quellhip co Sión, nocotyim nasa apquilvalhoc quellhip.
17 Apnec Dios Visqui ingac nipyesicsa quellhip, apmopvan innac najan aptomja singvomquiscama tap. Aptomja apcasicjayo najan apyimnatescama apnenyaoc quellhip. Apquitsovasoc maa
18 malha naysicsa fiesta — alhta aptomjac.
Aptomjac mocjam apquilanya Dios:
Omascoscomoc sat apquillingaycamco quellhip acmasom, omascoscomoc sat apquilmancactama quellhip.
19 Oyanmongsiclhac sat nalhit acnim apquiltemaclha cotnaja ingmoc apquilinmelhaycam quellhip. Ongvansiclhac sat apquilhpanyam mepqui apcaymomap lhama. Colhic sat ayaco apyovoclhojo lhalhma anco, comascoc sat macvennéycam maa.
20 Onalantac sat quellhip nalhit acnim, ongvansiclhac sat apyovoclhojo. Comascoc sat apquillingaycamco acmasom, colhic sat ayaco nipyesicsa enlhitaoc lhalhma anco. Vamlha sicpayvam sicvisay Dios — alhta aptomjac — nic nat aptomjac profeta.
