Aplhanma Jesús actemaclha nintamjaycam actamila
Aptomjac alhta mocjam Jesús:
1 ‘Eltamilsojo quellhip. Elyiplovcasojo apquiltamjaycamcaclha altamila. Apquillhicmosquic sat ancoc mataa nipyesicsa enlhitaoc, melmecsejec sat acyanmongam Ingyapam apna netin. 2 Apmesquic sat ancoc lhip asoc aptomja ayaymomalhca asoc, nopayesam nasa amyaa nipyesicsa enlhit. Eycaso apquiltemaclha apancaoc enlhit apquilaycmascam congne apcaneyquiclhilha najan amay nipyesicsa tingma. Apquililtamjoc mataa colhic ayaco nipyesicsa enlhit. Actomjac coo silanya quellhip: Naso, colhejec sat ayaco napato Dios Ingyapam. Insovjalhcoc apquillhoca acyanmongam. 3 Apmesquic sat ancoc lhip asoc aptomja ayaymomalhca asoc, nongyane nasa eyasamcojo apmolhama. 4 Iyilhacpojo mataa emquesic asoc. Apvita inyicje Ingyapam netin actemaclha lhip apyilhamacpo apmescama poc. Emquesic sat acyanmongayclha —alhta aptomjac.
Aplhanma Jesús actemaclha ningilmalhnancama
(Lc 11.2-4)Aptomjac alhta mocjam Jesús:
5 ‘Apquililmalhnaquic sat ancoc quellhip, noelvajanamco nasa apquiltemaclha enlhit apquilaycmascam. Apquilyispaquic mataa apcanviyam congne apcaneyquiclhilha najan amay nipyesicsa tingma. Apquililtamjoc mataa colvitalhca actemaclha apquilmalhnancama. Actomjac coo silanya quellhip: Naso, colhejec sat ayaco napato Dios Ingyapam. Insovjalhcoc apquillhoca acyanmongam. 6 Apquiltamjoc sat ancoc elmalhnac lhip, italhningvoclha sat aplhapco congne tingma pac. Ingyapiclha sat atong. Ilmalhna sat Ingyapam aptomja aplhalhma congne tingma pac. Apvita inyicje Ingyapam netin aptemaclha lhip apyilhamacpo congne tingma pac. Emquesic sat acyanmongam.
7 ‘Apquililmalhnaquic sat ancoc quellhip. Noellhojo nasa apquiltemaclha enlhit lhalhma anco apquillhamasomap naysicsa apquililmalhnancama. Apquilanayquic as enlhitaoc ingyeylhojoc Dios Ingyapam actemaclha apquillhamasomap naysicsa apquililmalhnancama. 8 Noelvajanamco nasa quellhip apquiltemaclha maa. Apyasamcoc mataa Ingyapam asoc alaymomalhca, yicpintama yoyam elilmalhnac quellhip. 9 Eltime sat elilmalhnac actema nac jay:
Ingyapam nincoo apna netin.
Inponquinalhquic lhip apvisay.
10 Ingyane sat covac lhip apquilnancascama.
Ingyane sat cotnejic apmayjayoclha as nalhpop acno maa netin.
11 Jingmes nintom acmenmalhem acnim nac jay.
12 Imascos mongyascalhma. Ayinyemaclha ningasicjaclhec nincoo lha aptomja singinmelhaycam.
13 Nongyane nasa ongilyejiclhojo singyipconma. Jingmiyov nincoo naysicsa acvoya somquic quilyicjamo.
[Apvamlha pac lhip aptomja Apvisqui najan acma apmopvan najan mayayo cotmongvoycamlha nelha. Amén.]
14 ‘Apquilasicjaclhec sat ancoc quellhip enlhit apquillhanma apquilmapsomcaa, emascocsic sat najan Ingyapam netin melyascalhma quellhip. 15 Am sat ancoc elasicjaclhac quellhip enlhit apquillhanma apquilmapsomcaa, memascocsejec sat najan Ingyapam netin melyascalhma quellhip —alhta aptomjac.
Aplhanma Jesús actemaclha ningilmalhnancama mongmajay ontoc
Aptomjac alhta mocjam Jesús:
16 ‘Apquililmalhnaquic sat ancoc quellhip actemaclha melmajay eltovamcoc, noellhicmosacpojo apanco actemaclha malha acyitnocjayo apquilvalhoc. Eycaso apquiltemaclha apancaoc enlhit apquilaycmascam. Apquililtamjoc cotalhca apquiltemaclha apquililmalhnancama melmajay eltovamcoc. Actomjac coo silanya quellhip: Naso, colhejec sat ayaco napato Dios Ingyapam. Insovjalhcoc apquillhoca acyanmongam. 17 Apquilmalhnaquic sat ancoc lhip actemaclha memajay etovc, ilic siclho napaat yingmin, ilalhnas sat najan apcatic. 18 Nongyane nasa cotalhca lhip apquilmalhnancama actemaclha memajay etovc. Etac sat Ingyapam aptomja aplhalhma lhip aplhapco. Emquesic sat acyanmongam —alhta aptomjac.
Ningilnatam acnaycaoc netin
(Lc 12.33-34)19 ‘Noelyeycajasacpojo nasa apquilnatam as nalhpop. Avanquic cotvacsic mataa ascoc. Coltajapoc sat najan moc asoc. Elantalhningvac sat apquilminyilhma, yoyam elminyilhic moc asoc. 20 Elyeycajasacpojo sat apquilnatam maa netin. Covanquejec cotvacsic ascoc maa. Coltajapejec najan moc asoc maa. Melantalhningvomec apquilminyilhma, yoyam elminyilhic moc asoc. 21 Inlhenam mataa ingvalhoc acnaycamcolha ningilnatam.
Actemaclha ayitsasquiscama olhma ningyovoclhojo
(Lc 11.34-36)22 ‘Ingataoc actomja ayitsasquiscama olhma ningyovoclhojo. Intasic ancoc ingataoc, colsacsic sat olhma ningyovoclhojo. 23 Am sat ancoc coltamilac ingataoc, coyinaticsic sat olhma ningyovoclhojo. Yitnec nincoo ingvalhoc ayitsayolhma. Intomjaclhec sat ancoc yatescamalhma ingvalhoc, sat cotnejic yatescamalhma acyiviy.
Ningilancam Dios Ingyapam najan solyayem
(Lc 16.13)24 ‘Mongvanquejec ongilanam apcanit apquilviscaa. Apcasicjavoc sat ancoc lhama, etanovac sat poc. Apcacoc sat ancoc lhama, evinam sat poc. Najan quellhip lha, colapvanquejec ellanam Dios Ingyapam najan lha solyayem —alhta aptomjac.
Dios Ingyapam apquiltamilquiscama apquitquic
(Lc 12.22-31)Aptomjac alhta mocjam Jesús:
25 ‘Eycaso sicpayvam silanya quellhip: Nocollhen nasa apquilvalhoc, yoyam cotnejic mepqui aptoycaoc najan mepqui apyinaycaoc. Nocollhen nasa apquilvalhoc, yoyam eltimjic mepqui apava. Acmamnave anco ningyimnatem am colhnoc nintom. Acmamnave anco ningyovoclhojo, am elhnoc apava. 26 Quip elanojo quellhip, actemaclha nata aleyvam netin. Am cocnaycamcoc mataa actic. Am conaclheycamcoc mataa acyilhna. Am colhatmeycamcoc mataa acyilhna congne tingma. Apcamquic mataa actoycaoc Ingyapam netin. Apquilmamnave apanco quellhip, am elnoc quellhip nata. 27 Mongvanquic ongilvonquiclhac medio metro tap ayinyema allheneycam ingvalhoc.
28 ‘¿Soctomja allhenamcaa nac apquilvalhoc apava? Quip elanojo actemaclha ayimjaclha ilhnamoc. Am cotnajaycam najan am conilhpongamac. 29 Actomjac coo silanya quellhip: Actamila anco ilhnamoc, am elhnoc nic nat apvisqui Salomón apna apquilantalhnama aptamila. 30 Apquilanesquic Dios Ingyapam altamila ava paat ayimja yoclhilhma. Inquictinquic acnim nac jay. Secaseclha sat comyetic acyitnaclha talha. Apvanquic Dios Ingyapam jintimesquisic acma ningilantalhnama, am colhnoc paat ava. ¡Noelyasquim nasa quellhip! 31 Nocollhen nasa apquilvalhoc aclhamoclhojo asoc. Noeltime nasa quellhip: ¿Soc laa ontovamcoc qui? ¿Soc laa ongyinamcoc qui? ¿Soc laa ongilantalhniclhac qui? 32 Eycaso aptingyamquic mataa enlhitaoc lhalhma anco. Apyasamcoc Dios Ingyapam asoc alaymomalhca quellhip. 33 Eltingya amamyi anco Dios apquilnancascama najan actemaclha acpeyvomo, ellhovangvomoc sat asoc alaymomalhca. 34 Nocollhen nasa apquilvalhoc, yoyam cotnejic secaseclha sat. Acmenmalhem allheneycam ingvalhoc acnim nac jay. Yitnec moclhama acnim actemaclha allheneycam ingvalhoc —alhta aptomjac.
Aplhanma Jesús actemaclha nintamjaycam actamila
Aptomjac alhta mocjam Jesús:
1 ‘Eltamilsojo quellhip. Elyiplovcasojo apquiltamjaycamcaclha altamila. Apquillhicmosquic sat ancoc mataa nipyesicsa enlhitaoc, melmecsejec sat acyanmongam Ingyapam apna netin. 2 Apmesquic sat ancoc lhip asoc aptomja ayaymomalhca asoc, nopayesam nasa amyaa nipyesicsa enlhit. Eycaso apquiltemaclha apancaoc enlhit apquilaycmascam congne apcaneyquiclhilha najan amay nipyesicsa tingma. Apquililtamjoc mataa colhic ayaco nipyesicsa enlhit. Actomjac coo silanya quellhip: Naso, colhejec sat ayaco napato Dios Ingyapam. Insovjalhcoc apquillhoca acyanmongam. 3 Apmesquic sat ancoc lhip asoc aptomja ayaymomalhca asoc, nongyane nasa eyasamcojo apmolhama. 4 Iyilhacpojo mataa emquesic asoc. Apvita inyicje Ingyapam netin actemaclha lhip apyilhamacpo apmescama poc. Emquesic sat acyanmongayclha —alhta aptomjac.
Aplhanma Jesús actemaclha ningilmalhnancama
(Lc 11.2-4)Aptomjac alhta mocjam Jesús:
5 ‘Apquililmalhnaquic sat ancoc quellhip, noelvajanamco nasa apquiltemaclha enlhit apquilaycmascam. Apquilyispaquic mataa apcanviyam congne apcaneyquiclhilha najan amay nipyesicsa tingma. Apquililtamjoc mataa colvitalhca actemaclha apquilmalhnancama. Actomjac coo silanya quellhip: Naso, colhejec sat ayaco napato Dios Ingyapam. Insovjalhcoc apquillhoca acyanmongam. 6 Apquiltamjoc sat ancoc elmalhnac lhip, italhningvoclha sat aplhapco congne tingma pac. Ingyapiclha sat atong. Ilmalhna sat Ingyapam aptomja aplhalhma congne tingma pac. Apvita inyicje Ingyapam netin aptemaclha lhip apyilhamacpo congne tingma pac. Emquesic sat acyanmongam.
7 ‘Apquililmalhnaquic sat ancoc quellhip. Noellhojo nasa apquiltemaclha enlhit lhalhma anco apquillhamasomap naysicsa apquililmalhnancama. Apquilanayquic as enlhitaoc ingyeylhojoc Dios Ingyapam actemaclha apquillhamasomap naysicsa apquililmalhnancama. 8 Noelvajanamco nasa quellhip apquiltemaclha maa. Apyasamcoc mataa Ingyapam asoc alaymomalhca, yicpintama yoyam elilmalhnac quellhip. 9 Eltime sat elilmalhnac actema nac jay:
Ingyapam nincoo apna netin.
Inponquinalhquic lhip apvisay.
10 Ingyane sat covac lhip apquilnancascama.
Ingyane sat cotnejic apmayjayoclha as nalhpop acno maa netin.
11 Jingmes nintom acmenmalhem acnim nac jay.
12 Imascos mongyascalhma. Ayinyemaclha ningasicjaclhec nincoo lha aptomja singinmelhaycam.
13 Nongyane nasa ongilyejiclhojo singyipconma. Jingmiyov nincoo naysicsa acvoya somquic quilyicjamo.
[Apvamlha pac lhip aptomja Apvisqui najan acma apmopvan najan mayayo cotmongvoycamlha nelha. Amén.]
14 ‘Apquilasicjaclhec sat ancoc quellhip enlhit apquillhanma apquilmapsomcaa, emascocsic sat najan Ingyapam netin melyascalhma quellhip. 15 Am sat ancoc elasicjaclhac quellhip enlhit apquillhanma apquilmapsomcaa, memascocsejec sat najan Ingyapam netin melyascalhma quellhip —alhta aptomjac.
Aplhanma Jesús actemaclha ningilmalhnancama mongmajay ontoc
Aptomjac alhta mocjam Jesús:
16 ‘Apquililmalhnaquic sat ancoc quellhip actemaclha melmajay eltovamcoc, noellhicmosacpojo apanco actemaclha malha acyitnocjayo apquilvalhoc. Eycaso apquiltemaclha apancaoc enlhit apquilaycmascam. Apquililtamjoc cotalhca apquiltemaclha apquililmalhnancama melmajay eltovamcoc. Actomjac coo silanya quellhip: Naso, colhejec sat ayaco napato Dios Ingyapam. Insovjalhcoc apquillhoca acyanmongam. 17 Apquilmalhnaquic sat ancoc lhip actemaclha memajay etovc, ilic siclho napaat yingmin, ilalhnas sat najan apcatic. 18 Nongyane nasa cotalhca lhip apquilmalhnancama actemaclha memajay etovc. Etac sat Ingyapam aptomja aplhalhma lhip aplhapco. Emquesic sat acyanmongam —alhta aptomjac.
Ningilnatam acnaycaoc netin
(Lc 12.33-34)19 ‘Noelyeycajasacpojo nasa apquilnatam as nalhpop. Avanquic cotvacsic mataa ascoc. Coltajapoc sat najan moc asoc. Elantalhningvac sat apquilminyilhma, yoyam elminyilhic moc asoc. 20 Elyeycajasacpojo sat apquilnatam maa netin. Covanquejec cotvacsic ascoc maa. Coltajapejec najan moc asoc maa. Melantalhningvomec apquilminyilhma, yoyam elminyilhic moc asoc. 21 Inlhenam mataa ingvalhoc acnaycamcolha ningilnatam.
Actemaclha ayitsasquiscama olhma ningyovoclhojo
(Lc 11.34-36)22 ‘Ingataoc actomja ayitsasquiscama olhma ningyovoclhojo. Intasic ancoc ingataoc, colsacsic sat olhma ningyovoclhojo. 23 Am sat ancoc coltamilac ingataoc, coyinaticsic sat olhma ningyovoclhojo. Yitnec nincoo ingvalhoc ayitsayolhma. Intomjaclhec sat ancoc yatescamalhma ingvalhoc, sat cotnejic yatescamalhma acyiviy.
Ningilancam Dios Ingyapam najan solyayem
(Lc 16.13)24 ‘Mongvanquejec ongilanam apcanit apquilviscaa. Apcasicjavoc sat ancoc lhama, etanovac sat poc. Apcacoc sat ancoc lhama, evinam sat poc. Najan quellhip lha, colapvanquejec ellanam Dios Ingyapam najan lha solyayem —alhta aptomjac.
Dios Ingyapam apquiltamilquiscama apquitquic
(Lc 12.22-31)Aptomjac alhta mocjam Jesús:
25 ‘Eycaso sicpayvam silanya quellhip: Nocollhen nasa apquilvalhoc, yoyam cotnejic mepqui aptoycaoc najan mepqui apyinaycaoc. Nocollhen nasa apquilvalhoc, yoyam eltimjic mepqui apava. Acmamnave anco ningyimnatem am colhnoc nintom. Acmamnave anco ningyovoclhojo, am elhnoc apava. 26 Quip elanojo quellhip, actemaclha nata aleyvam netin. Am cocnaycamcoc mataa actic. Am conaclheycamcoc mataa acyilhna. Am colhatmeycamcoc mataa acyilhna congne tingma. Apcamquic mataa actoycaoc Ingyapam netin. Apquilmamnave apanco quellhip, am elnoc quellhip nata. 27 Mongvanquic ongilvonquiclhac medio metro tap ayinyema allheneycam ingvalhoc.
28 ‘¿Soctomja allhenamcaa nac apquilvalhoc apava? Quip elanojo actemaclha ayimjaclha ilhnamoc. Am cotnajaycam najan am conilhpongamac. 29 Actomjac coo silanya quellhip: Actamila anco ilhnamoc, am elhnoc nic nat apvisqui Salomón apna apquilantalhnama aptamila. 30 Apquilanesquic Dios Ingyapam altamila ava paat ayimja yoclhilhma. Inquictinquic acnim nac jay. Secaseclha sat comyetic acyitnaclha talha. Apvanquic Dios Ingyapam jintimesquisic acma ningilantalhnama, am colhnoc paat ava. ¡Noelyasquim nasa quellhip! 31 Nocollhen nasa apquilvalhoc aclhamoclhojo asoc. Noeltime nasa quellhip: ¿Soc laa ontovamcoc qui? ¿Soc laa ongyinamcoc qui? ¿Soc laa ongilantalhniclhac qui? 32 Eycaso aptingyamquic mataa enlhitaoc lhalhma anco. Apyasamcoc Dios Ingyapam asoc alaymomalhca quellhip. 33 Eltingya amamyi anco Dios apquilnancascama najan actemaclha acpeyvomo, ellhovangvomoc sat asoc alaymomalhca. 34 Nocollhen nasa apquilvalhoc, yoyam cotnejic secaseclha sat. Acmenmalhem allheneycam ingvalhoc acnim nac jay. Yitnec moclhama acnim actemaclha allheneycam ingvalhoc —alhta aptomjac.
