Enlhit acyamay apmic
(Mt 12.9-14Lc 6.6-11)1 Aptalhningvoclhec alhta mocjam Jesús tingma apcaneyclhilha. Apnec alhta maa lhama enlhit actema acyamay apmic. 2 Innec alhta alano Jesús: Metamilquisquimec sat lhaja enlhit acnim ninnayclha —alhta intomjac apquilvalhoc. Apquililtamjoc alhta elantipsic apvisay. 3 Yejemoc alhta aptomja apcanya enlhit acyamay apmic:
—Itnimiclha netin, itningvojo jalip naysicsa —alhta aptomjac.
4 Aptomjac alhta apquilanya Jesús:
—¿Ningilanyalhqui ya ongilana acnim ninnayclha asoc actamila, inlhoyqui laa asoc acmasom? ¿Ningilanyalhqui ya ongilvomsic tap, inlhoyqui laa ongilajic? —alhta aptomjac.
Apquilvanmamquic alhta enlhit. 5 Lovquic alhta apvalhoc Jesús apquilano apnaycam nipyava. Yitnocjavoc alhta apvalhoc apvita apquiltemaclha alyimnatem apquilvalhoc. Aptomjac alhta apcanya:
—Ipeyvas apmic —alhta aptomjac.
Natamin appeyvesa apmic, actamilaclho apmic. 6 Yejemoc alhta apquilantepa fariseos. Apquilpamejitsacpec alhta Herodes apnaymacoc. Apquililtamjoc alhta elajic Jesús.
Enlhit appintalhnama nicja acyayengviyam
7 Apmiyaclhec alhta Jesús najan apquiltamsoycaoc nicja acyayengviyam. Apquilyiplaclhec alhta appintalhnama enlhit apquilinyema yoclhilhma Galilea. 8 Inlingalhquic alhta apvisay apmopvan aptamjaycam. Appintalhnama alhta enlhit apquilinyema yoclhilhma Judea, najan tingma Jerusalén, najan yoclhilhma Idumea, najan tap vatsam Jordán, najan yoclhilhma Tiro najan Sidón. 9 Aptomjac alhta Jesús apquilanya apquiltamsoycaoc:
—Elpenacsojo barco ayitcoc —alhta aptomjac.
Am eltamjoc eyjenacpojo nipyesicsa enlhitaoc. 10 Apquiltamilquiscacmec alhta aplhamoclhojo enlhit. Apquilaplhingacpec alhta enlhit tacjaplhit Jesús. Enlhit acmasca apyimpeoc apquililtamjoc elpatningvomoc. 11 Inquilvitac alhta ancoc somquic quilyicjamo alpolingvaa apnaclha Jesús. Inquilpalhamam alhta:
—Lhip nac Dios Apquitca —alhta aptomjac apcanyacpo.
12 Apmiyovquic alhta Jesús ellhenic apvisay apanco.
Jesús apquilyacyescama doce apquiltamsoycaoc
(Mt 10.1-4Lc 6.12-16)13 Apquinatvoclhec alhta Jesús netin inquilhe. Apquilevam alhta enlhit aptomja apquilyacyescama. Apquilyacmec alhta apnaclha Jesús. 14 Apquilyacyesquic alhta doce. Apquiltamjoc alhta eltimjic apquillhalhmaa. Apquiltamjoc alhta elapajacsic, yoyam eliltimnacsic tasic amyaa. 15 Apquilmesquic alhta apquilmopvan eltamilquiscomoc acmasca apyimpeoc najan elantipsic somquic quilyicjamo. 16 Eycaso alhta apquilvisay apquiltamsoycaoc: Simón, apquiltimec alhta apvisay Pedro. 17 Najan Jacobo najan apyalhing Juan, Zebedeo apquitquic. Apquiltimec alhta Jesús apquilvisay Boanerges, ningiltimem nincoo enlhit malha quilhtingyovayam. 18 Najan Andrés, najan Felipe, najan Bartolomé, najan Mateo, najan Tomás, najan Jacobo, Alfeo apquitca. Najan Tadeo najan Simón aptomja apnaymacoc co Canaán. 19 Najan Judas Iscariote, apcanem emacpoc Jesús.
Nintovascama apvisay Espíritu Santo
(Mt 12.22-32Lc 11.14-23Lc 12.10)Aptalhningvoclhec alhta lhama tingma. 20 Apquicjingvoclhec alhta appintalhnama enlhit. Apquilyasquic alhta ilhma, yoyam eltovamcoc Jesús najan apquiltamsoycaoc. 21 Apquilingangvocmec alhta amyaa apmolhama. Apquililtamjoc alhta elyantavoclha. Apcanyacpec alhta acyeyjalhma.
22 Apquilvoctac alhta apquilyascamco apquiltemaclha apquilinyema Jerusalén. Apquilpamejitsa alhta:
—Jesús acna apvalhoc Beelzebú, somquic quilyicjamo inyap. Apquilantipcasquic maa ayinyema somquic quilyicjamo inyap —alhta apquiltomjac.
23 Natamin apquilevamcaa alhta enlhit. Apquiltimnasamquic alhta actemaclha apyitquiscama:
—¿Avanqui ya Satanás cotipsic Satanás? —alhta aptomjac. 24 Apquilhpansacpec sat ancoc apquilviscaa, comascoc sat apcanem elhic tingma. 25 Apquilhpansacpec sat ancoc apmolhama, comascoc sat apna tingma. 26 Inquilnapalhquic sat ancoc Satanás, colhpanic sat innaymacoc. Comascoc sat actimem somquic quilyicjamo —alhta aptomjac Jesús.
27 “Mongvanquejec ongilantalhningvomoc tingma pac enlhit apyimnatem, yoyam ongilmoc apquilnatam. Ningilpilhtitquic sat ancoc siclho enlhit apyimnatem, natamin ingvanquic sat ongilmoc apquilnatam.”
28 “Actomjac coo siyanya quellhip: Naso, colmascosalhcac sat mongilyascalhma. Colmascosalhcac sat najan ningilantipquiscama apquilvisay. 29 Nintovascasquic sat ancoc apvisay Espíritu Santo, comascosalhquejec sat mataa. Comascosalhquejec sat mataa mongilyascalhma” —alhta aptomjac Jesús.
30 Eyca ayinyemaclha apquiltimnasa Jesús apcanyacpo colhnac somquic quilyicjamo.
Jesús inquin najan apquilyalhinga
(Mt 12.46-50Lc 8.19-21)31 Natamin alvactamo alhta inquin najan apquilyalhinga. Am alhta cotatescaclha apnaclha. Apquilanayquic alhta colhic altimnasa. 32 Apvocjac alhta Jesús aplhamoclhojo enlhit. Yejemoc alhta apquiltimnasa:
—Invaac lhac inquin najan apquilyalhinga. Lhip lhac inquilyocta —alhta intomjac amyaa.
33 Apcatingmavoc alhta Jesús:
—¿Soc lha meme yi? ¿Soc lha elyalhinga?
34 Apquilyajam alhta nipyava. Aptomjac alhta apquilanya:
—Quip elanojo, meme najan elyalhinga —alhta aptomjac. 35 Aplhamoclhojo enlhit apquiltomja apquilyajayquiclho apmayjayoclha Dios, eyca as enlhit najan quilvana actomja elyalhinga najan meme —alhta aptomjac.
Enlhit acyamay apmic
(Mt 12.9-14Lc 6.6-11)1 Aptalhningvoclhec alhta mocjam Jesús tingma apcaneyclhilha. Apnec alhta maa lhama enlhit actema acyamay apmic. 2 Innec alhta alano Jesús: Metamilquisquimec sat lhaja enlhit acnim ninnayclha —alhta intomjac apquilvalhoc. Apquililtamjoc alhta elantipsic apvisay. 3 Yejemoc alhta aptomja apcanya enlhit acyamay apmic:
—Itnimiclha netin, itningvojo jalip naysicsa —alhta aptomjac.
4 Aptomjac alhta apquilanya Jesús:
—¿Ningilanyalhqui ya ongilana acnim ninnayclha asoc actamila, inlhoyqui laa asoc acmasom? ¿Ningilanyalhqui ya ongilvomsic tap, inlhoyqui laa ongilajic? —alhta aptomjac.
Apquilvanmamquic alhta enlhit. 5 Lovquic alhta apvalhoc Jesús apquilano apnaycam nipyava. Yitnocjavoc alhta apvalhoc apvita apquiltemaclha alyimnatem apquilvalhoc. Aptomjac alhta apcanya:
—Ipeyvas apmic —alhta aptomjac.
Natamin appeyvesa apmic, actamilaclho apmic. 6 Yejemoc alhta apquilantepa fariseos. Apquilpamejitsacpec alhta Herodes apnaymacoc. Apquililtamjoc alhta elajic Jesús.
Enlhit appintalhnama nicja acyayengviyam
7 Apmiyaclhec alhta Jesús najan apquiltamsoycaoc nicja acyayengviyam. Apquilyiplaclhec alhta appintalhnama enlhit apquilinyema yoclhilhma Galilea. 8 Inlingalhquic alhta apvisay apmopvan aptamjaycam. Appintalhnama alhta enlhit apquilinyema yoclhilhma Judea, najan tingma Jerusalén, najan yoclhilhma Idumea, najan tap vatsam Jordán, najan yoclhilhma Tiro najan Sidón. 9 Aptomjac alhta Jesús apquilanya apquiltamsoycaoc:
—Elpenacsojo barco ayitcoc —alhta aptomjac.
Am eltamjoc eyjenacpojo nipyesicsa enlhitaoc. 10 Apquiltamilquiscacmec alhta aplhamoclhojo enlhit. Apquilaplhingacpec alhta enlhit tacjaplhit Jesús. Enlhit acmasca apyimpeoc apquililtamjoc elpatningvomoc. 11 Inquilvitac alhta ancoc somquic quilyicjamo alpolingvaa apnaclha Jesús. Inquilpalhamam alhta:
—Lhip nac Dios Apquitca —alhta aptomjac apcanyacpo.
12 Apmiyovquic alhta Jesús ellhenic apvisay apanco.
Jesús apquilyacyescama doce apquiltamsoycaoc
(Mt 10.1-4Lc 6.12-16)13 Apquinatvoclhec alhta Jesús netin inquilhe. Apquilevam alhta enlhit aptomja apquilyacyescama. Apquilyacmec alhta apnaclha Jesús. 14 Apquilyacyesquic alhta doce. Apquiltamjoc alhta eltimjic apquillhalhmaa. Apquiltamjoc alhta elapajacsic, yoyam eliltimnacsic tasic amyaa. 15 Apquilmesquic alhta apquilmopvan eltamilquiscomoc acmasca apyimpeoc najan elantipsic somquic quilyicjamo. 16 Eycaso alhta apquilvisay apquiltamsoycaoc: Simón, apquiltimec alhta apvisay Pedro. 17 Najan Jacobo najan apyalhing Juan, Zebedeo apquitquic. Apquiltimec alhta Jesús apquilvisay Boanerges, ningiltimem nincoo enlhit malha quilhtingyovayam. 18 Najan Andrés, najan Felipe, najan Bartolomé, najan Mateo, najan Tomás, najan Jacobo, Alfeo apquitca. Najan Tadeo najan Simón aptomja apnaymacoc co Canaán. 19 Najan Judas Iscariote, apcanem emacpoc Jesús.
Nintovascama apvisay Espíritu Santo
(Mt 12.22-32Lc 11.14-23Lc 12.10)Aptalhningvoclhec alhta lhama tingma. 20 Apquicjingvoclhec alhta appintalhnama enlhit. Apquilyasquic alhta ilhma, yoyam eltovamcoc Jesús najan apquiltamsoycaoc. 21 Apquilingangvocmec alhta amyaa apmolhama. Apquililtamjoc alhta elyantavoclha. Apcanyacpec alhta acyeyjalhma.
22 Apquilvoctac alhta apquilyascamco apquiltemaclha apquilinyema Jerusalén. Apquilpamejitsa alhta:
—Jesús acna apvalhoc Beelzebú, somquic quilyicjamo inyap. Apquilantipcasquic maa ayinyema somquic quilyicjamo inyap —alhta apquiltomjac.
23 Natamin apquilevamcaa alhta enlhit. Apquiltimnasamquic alhta actemaclha apyitquiscama:
—¿Avanqui ya Satanás cotipsic Satanás? —alhta aptomjac. 24 Apquilhpansacpec sat ancoc apquilviscaa, comascoc sat apcanem elhic tingma. 25 Apquilhpansacpec sat ancoc apmolhama, comascoc sat apna tingma. 26 Inquilnapalhquic sat ancoc Satanás, colhpanic sat innaymacoc. Comascoc sat actimem somquic quilyicjamo —alhta aptomjac Jesús.
27 “Mongvanquejec ongilantalhningvomoc tingma pac enlhit apyimnatem, yoyam ongilmoc apquilnatam. Ningilpilhtitquic sat ancoc siclho enlhit apyimnatem, natamin ingvanquic sat ongilmoc apquilnatam.”
28 “Actomjac coo siyanya quellhip: Naso, colmascosalhcac sat mongilyascalhma. Colmascosalhcac sat najan ningilantipquiscama apquilvisay. 29 Nintovascasquic sat ancoc apvisay Espíritu Santo, comascosalhquejec sat mataa. Comascosalhquejec sat mataa mongilyascalhma” —alhta aptomjac Jesús.
30 Eyca ayinyemaclha apquiltimnasa Jesús apcanyacpo colhnac somquic quilyicjamo.
Jesús inquin najan apquilyalhinga
(Mt 12.46-50Lc 8.19-21)31 Natamin alvactamo alhta inquin najan apquilyalhinga. Am alhta cotatescaclha apnaclha. Apquilanayquic alhta colhic altimnasa. 32 Apvocjac alhta Jesús aplhamoclhojo enlhit. Yejemoc alhta apquiltimnasa:
—Invaac lhac inquin najan apquilyalhinga. Lhip lhac inquilyocta —alhta intomjac amyaa.
33 Apcatingmavoc alhta Jesús:
—¿Soc lha meme yi? ¿Soc lha elyalhinga?
34 Apquilyajam alhta nipyava. Aptomjac alhta apquilanya:
—Quip elanojo, meme najan elyalhinga —alhta aptomjac. 35 Aplhamoclhojo enlhit apquiltomja apquilyajayquiclho apmayjayoclha Dios, eyca as enlhit najan quilvana actomja elyalhinga najan meme —alhta aptomjac.
