Yamit aysicsic acyitnamaclha Dios appayvam
1 Apquilpamejitsacpec nic nat siclho apvisqui David apquilviscaa singilpilhtetemo najan enlhit mayayo. 2 Aptomjac nic nat apquilanya enlhitaoc Israel: Apquililtamjoc sat ancoc quellhip, apquiltamjoc sat ancoc Dios Visqui ingac. Ongilapajacsic sat amyaa nipyesicsa ingnaymacoc lhalhma anco apquileyvomaclha Israel, najan nipyesicsa sacerdotes najan levitas apnaycam tingma apquilvanyam najan amyipayc. Ongilanic sat yoyam elvotac jingilpasmoc ninganeyquiclha. 3 Ontingyac sat mocjam yamit aysicsic acyitnamaclha Dios appayvam. Malha singilvoncayam intomjac alhta yamitaysicsic acyitnamaclha Dios appayvam naysicsa apcanamaclha alhta apvisqui Saúl. 4 Inlicavoc nic nat apquilvalhoc apyovoclhojo enlhitaoc apvisqui David appayvam, yavamlha eltimjic.
Apquiltingyey yamit aysicsic
(2~S 6.1-11)5 Apcansaclhec nic nat apvisqui David apyovoclhojo enlhitaoc Israel, apquilinyema Sihor nicja yoclhilhma Egipto acvaycmo payjoc tingma Hamat. Apquilanyacpec nic nat eltingya apquilpasmeyquiclha yamit aysicsic acyitnamaclha Dios appayvam, acyitna ilhnic nat tingma Quiriat-jearim. 6 Apquillhalhmaa ilhnic nat apyovoclhojo israelitas. Apquilmiyaclhec nic nat tingma Quiriat-jearim, moc apvisay tingma Baala, yoclhilhma Judá. Apquililtamjoc nic nat elpatmenta yamit aysicsic acyitnamaclha Dios appayvam. Dios apanco ilhnic nat as yamit aysicsic. Apmaclha Dios Visqui ingac tacjaplhit ángeles querubines. 7 Apquilpatmec nic nat yamit aysicsic netin carro alhnancoc, payjoc Abinadab tingma pac. Aplhinquiscama carro ilhnic nat Uza najan Ahío. 8 Aplhingam apmamyi ilhnic nat apvisqui David najan apyovoclhojo enlhitaoc Israel. Apquilminaycmasquic nic nat apquilayo Dios. Acyiplomo apquiltaycam nic nat napato Dios. Apquilpayvasquic nic nat arpas, salterios, panderos, platillos najan trompetas. 9 Apquilvocmec nic nat acvisay Era de Quidón. Pilapcasquic nic nat apquilvita Uza apmaycam apmic nicja yamit aysicsic, yoyam coyanineje. Ayinyema ilhnic nat alinyem vayqui, coyaninic sat yamit aysicsic. 10 Aplovquic nic nat Dios Visqui ingac apvita apmaycam apmic yamit aysicsic Uza. Quilhvoc nic nat apquitsepa napato Dios.
11 Intiyacmec nic nat apvalhoc apvisqui David apvita Uza apquitsepma. Apquiltimec nic nat amyip acvisay Pérez-uza acvaycmo as ningvamlha nac jay. 12 Avanjec nic nat ayay apvalhoc apvisqui David napato Dios. Apyimnatasquic nic nat appayvam: Movanqueje coo opatmaoclha yamit aysicsic acyitnamaclha Dios appayvam — nic nat aptomjac. 13 Am nic nat elvocmoc tingma apvanyam apvisay David. Apquilpiquinquic nic nat yamit aysicsic Obed tingma pac, apquilmolhama ilhnic nat Gat. 14 Inyitnec nic nat maa tres piltin. Apvaticjapcasquic nic nat Dios apquilmolhama familia Obed-edom najan maa apquilnatam.
Yamit aysicsic acyitnamaclha Dios appayvam
1 Apquilpamejitsacpec nic nat siclho apvisqui David apquilviscaa singilpilhtetemo najan enlhit mayayo. 2 Aptomjac nic nat apquilanya enlhitaoc Israel: Apquililtamjoc sat ancoc quellhip, apquiltamjoc sat ancoc Dios Visqui ingac. Ongilapajacsic sat amyaa nipyesicsa ingnaymacoc lhalhma anco apquileyvomaclha Israel, najan nipyesicsa sacerdotes najan levitas apnaycam tingma apquilvanyam najan amyipayc. Ongilanic sat yoyam elvotac jingilpasmoc ninganeyquiclha. 3 Ontingyac sat mocjam yamit aysicsic acyitnamaclha Dios appayvam. Malha singilvoncayam intomjac alhta yamitaysicsic acyitnamaclha Dios appayvam naysicsa apcanamaclha alhta apvisqui Saúl. 4 Inlicavoc nic nat apquilvalhoc apyovoclhojo enlhitaoc apvisqui David appayvam, yavamlha eltimjic.
Apquiltingyey yamit aysicsic
(2~S 6.1-11)5 Apcansaclhec nic nat apvisqui David apyovoclhojo enlhitaoc Israel, apquilinyema Sihor nicja yoclhilhma Egipto acvaycmo payjoc tingma Hamat. Apquilanyacpec nic nat eltingya apquilpasmeyquiclha yamit aysicsic acyitnamaclha Dios appayvam, acyitna ilhnic nat tingma Quiriat-jearim. 6 Apquillhalhmaa ilhnic nat apyovoclhojo israelitas. Apquilmiyaclhec nic nat tingma Quiriat-jearim, moc apvisay tingma Baala, yoclhilhma Judá. Apquililtamjoc nic nat elpatmenta yamit aysicsic acyitnamaclha Dios appayvam. Dios apanco ilhnic nat as yamit aysicsic. Apmaclha Dios Visqui ingac tacjaplhit ángeles querubines. 7 Apquilpatmec nic nat yamit aysicsic netin carro alhnancoc, payjoc Abinadab tingma pac. Aplhinquiscama carro ilhnic nat Uza najan Ahío. 8 Aplhingam apmamyi ilhnic nat apvisqui David najan apyovoclhojo enlhitaoc Israel. Apquilminaycmasquic nic nat apquilayo Dios. Acyiplomo apquiltaycam nic nat napato Dios. Apquilpayvasquic nic nat arpas, salterios, panderos, platillos najan trompetas. 9 Apquilvocmec nic nat acvisay Era de Quidón. Pilapcasquic nic nat apquilvita Uza apmaycam apmic nicja yamit aysicsic, yoyam coyanineje. Ayinyema ilhnic nat alinyem vayqui, coyaninic sat yamit aysicsic. 10 Aplovquic nic nat Dios Visqui ingac apvita apmaycam apmic yamit aysicsic Uza. Quilhvoc nic nat apquitsepa napato Dios.
11 Intiyacmec nic nat apvalhoc apvisqui David apvita Uza apquitsepma. Apquiltimec nic nat amyip acvisay Pérez-uza acvaycmo as ningvamlha nac jay. 12 Avanjec nic nat ayay apvalhoc apvisqui David napato Dios. Apyimnatasquic nic nat appayvam: Movanqueje coo opatmaoclha yamit aysicsic acyitnamaclha Dios appayvam — nic nat aptomjac. 13 Am nic nat elvocmoc tingma apvanyam apvisay David. Apquilpiquinquic nic nat yamit aysicsic Obed tingma pac, apquilmolhama ilhnic nat Gat. 14 Inyitnec nic nat maa tres piltin. Apvaticjapcasquic nic nat Dios apquilmolhama familia Obed-edom najan maa apquilnatam.
